“” ഇവിടെ മിണ്ടാതെ നിന്നോണം… ഞാൻ കുറച്ച് കഴിഞ്ഞ് അടുക്കളയുടെ വാതിൽ തുറന്ന് നിന്നെ അകത്തേക്ക് കയറ്റാം…””..
സേതൂന് ഒന്നും പറയാനുണ്ടായിരുന്നില്ല..
ശോഭ ചായ്പ്പിൽ നിന്നിറങ്ങി വീടിനെ ചുറ്റി മുൻവശത്തേക്ക് വന്നു.. പിന്നെ ഒരു കൂസലുമില്ലാതെ ഗേറ്റ് കടന്ന് തന്റെ വണ്ടിയെടുത്തു.. ഓടിച്ച് പോർച്ചിൽ കൊണ്ട് ചെന്ന് നിർത്തി അവളിറങ്ങിവന്ന് ഗേറ്റടച്ച് കുറ്റിയിട്ടു..
കോളിംഗ് ബെല്ലടിച്ചതും അമ്മ വന്ന് വാതിൽ തുറന്നു..
“”നിനക്ക് വിളിക്കാനൊരുങ്ങിയതാ മോളേ… അപ്പഴേക്കും എത്തിയല്ലോ… അവൾക്കെങ്ങിനെയുണ്ട് മോളേ…?”..
ശോഭ അകത്തേക്ക് കയറിയതും അമ്മ ചോദിച്ചു..
“” കുഴപ്പമില്ലമ്മേ… അവളുടെ ചേട്ടൻ വന്നപ്പോ ഞാനിങ്ങ് പോന്നു…””..
അമ്മയുടെ മുഖത്ത് നോക്കി പച്ചക്കള്ളം പറയാൻ അവൾക്ക് യാതൊരു മടിയുമുണ്ടായില്ല..
“”ഞങ്ങള് കഴിച്ചു മോളേ… അച്ചന് ഗുളിക കഴിക്കാനുള്ളതല്ലേ… നീ ഇരിക്ക്… ഞാൻ വിളമ്പിത്തരാം…””..
“” അയ്യോ… വേണ്ടമ്മേ… ഞാനെടുത്ത് കഴിച്ചോളാം… അഛൻ കിടന്നില്ലേ… അമ്മയും കിടന്നോ… “..
ശോഭ തന്ത്രപൂർവ്വം പറഞ്ഞു.. കാര്യങ്ങൾ വിചാരിച്ചതിനേക്കാൾ എളുപ്പമായി എന്നവൾക്ക് തോന്നി..
“” മോള് കഴിക്ക്… എല്ലാം കഴുകി വെച്ചിട്ട് ഞാൻ കിടന്നോളാം..””..
“” വേണ്ടമ്മേ… ഒക്കെ ഞാൻ ചെയ്തോളാം… അമ്മ കിടന്നോ…””..
ശോഭ അമ്മയെ പിടിച്ച് അവരുടെ റൂമിലേക്ക് കൊണ്ടുപോയി..
“” ഗുളിക കഴിച്ചോ അഛാ…?”..
കട്ടിലിൽ കിടക്കുന്ന അഛനോട് ശോഭ തിരക്കി..
“” കഴിച്ചെടീ മോളേ… ഗുളിക കഴിച്ചപ്പോ ഭയങ്കര ക്ഷീണം..അതാ അഛൻ നേരത്തേ കിടന്നത്… “..
“ അതൊന്നും സാരമില്ലച്ചാ… ഒന്നുറങ്ങി എണീറ്റാ ക്ഷീണമൊക്കെയങ്ങ് മാറും…അഛൻ കിടന്നോ… അമ്മേ, ഈ വാതിലടച്ചേക്ക്…””
ശോഭ മുറിയിൽ നിന്ന് പുറത്തിറങ്ങി..അമ്മ അകത്ത് നിന്ന് വാതിലടച്ച് കുറ്റിയിട്ടതും തിരിഞ്ഞ് നോക്കാതെ ശോഭ അടുക്കളയിലേക്ക് നടന്നു..അടുക്കളയിൽ നിന്നും പുറത്തേക്കുള്ള വാതിൽ തുറന്ന് അവൾ പതിയെ സേതൂനെ വിളിച്ചു… രണ്ട് കയ്യിലും കവറുകളുമായി സേതു വാതിലിനടുത്തേക്ക് വന്നു…
“” ഇങ്ങോട് കയറി വാടാ കള്ളാ…””..
അവന്റെ കയ്യിൽ നിന്നും കവർ വാങ്ങി ശോഭ അവനെ അകത്തേക്ക് കയറ്റി..
ഹാളിലെത്തിയ ശോഭ അവിടെയുള്ള ലൈറ്റെല്ലാം കെടുത്തി സേതൂന്റെ കയ്യിൽ പിടിച്ചു..പിന്നെ അരണ്ട വെളിച്ചത്തിൽ മുകളിലേക്കുള്ള സ്റ്റപ്പുകൾ കയറി.. ഒന്നും മിണ്ടാതെ രണ്ടാളും മുകളിലെത്തി.. സേതൂനേയും കൊണ്ട് ശോഭ അവളുടെ മുറിയിലേക്ക് കയറി.. ഉളളിൽ നിന്നും വാതിലടച്ച് കുറ്റിയിട്ട് അവൾ മുറിയിലെ ലൈറ്റിട്ടു.. കയ്യിലുള്ള കവറുകളെല്ലാം മേശപ്പുറത്ത് വെച്ച് അവൾ ആശ്വാസത്തോടെയൊന്ന് നിശ്വസിച്ചു..പിന്നെ സേതൂനെ നോക്കി ചിരിച്ചു..
“”ഇപ്പോ എങ്ങിനെയുണ്ട്… ഒരാളുമറിയാതെ നിന്നെ ഞാൻ എന്റെ മുറിയിൽ കയറ്റിയില്ലേ…””..
“” സമ്മതിച്ചുമോളേ… നിന്റെ ധൈര്യം അപാരം തന്നെ… “..
സേതു അവളെ പുകഴ്ത്തി..
“” കുറച്ച് ദിവസമായി ഒരു ഗുണ്ടയുടെ കൂടെയാ എന്റെ സഹവാസം… അപ്പോ കുറച്ച് ധൈര്യമൊക്കെ വേണ്ടേ… നീ ഇരിക്ക് സേതൂ… നിനക്കിപ്പോ കുളിക്കണോ… അതോ കഴിച്ചിട്ട് കുളിച്ചാ മതിയോ..?”..
“” ഞാൻ ഹോസ്പിറ്റലീന്ന് ഇറങ്ങും മുൻപ് കുളിച്ചതാടീ…””..
“” എന്നാ ആദ്യം നമുക്ക് കഴിക്കാം…””..
“” ഉം… കഴിക്കാം… ഇപ്പോ നീയിങ്ങോട്ടിരിക്ക്… ചോദിക്കട്ടെ…””..
ബെഡിലേക്കിരുന്ന സേതു, ശോഭയെ വലിച്ച് അടുത്തിരുത്തി… ശോഭയവനെ ചേർന്നിരുന്നു…
“” അച്ചനും അമ്മയും ഇത്ര നേരത്തേ കിടക്കോടീ… ഒൻപത് മണിയല്ലേ ആയിട്ടുള്ളൂ… ?”..