” എന്റെ വീട്ടില് നല്ല ടൈഗർ ബാം ഉണ്ട് അത് മതിയോ…? ”
” അതിന് ഇവിടെ ആർക്കാ ജലദോഷം..? ”
” നീയല്ലേ പറഞ്ഞത് നിനക്ക് വിക്സ് വേണമെന്ന്.. ”
” എന്റെ ഇച്ചായാ തലയിൽ പുരട്ടുന്ന വിക്സ് അല്ല… കുടിക്കുന്ന വിസ്ക്ക്.. ”
” വിക്സ് മരുന്ന് രൂപത്തിലും ഇറങ്ങിയോ..? ”
” 🥴 എന്റെ ഇച്ചായാ.. ഞാൻ കള്ളിന്റെ കാര്യമാ പറഞ്ഞത്…”
” ഓ… വിസ്ക്കി… ”
പെട്ടന്ന് പാപ്പിക്ക് കാര്യം പിടികിട്ടി.
” അഹ്.. അത് തന്നെ സാധനം… അതൊരെണ്ണം എനിക്ക് വാങ്ങിച്ചു തരണം… ”
” വല്ല പട്ട ചാരായം പോരെ… ”
” പോരാ… പറഞ്ഞ സാധനം തന്നെ കിട്ടണം..”
” അതൊന്നും ഇവിടെ കിട്ടില്ല… അങ്ങ് ടൗണിൽ പോണം… ”
പാപ്പി ഒഴിയാൻ ശ്രമിച്ചു.
” കാശ് തന്നാൽ മതി ഞാൻ പോയി വാങ്ങിച്ചോളാം… “
കുട്ടാപ്പി ഒഴിയുന്ന ലക്ഷണമില്ലെന്ന് പാപ്പിക്ക് മനസ്സിലായി. ഉടനെ പോക്കറ്റിൽ നിന്നും ഒരു 2000ത്തിന്റെ നോട്ട് അവന് നേരെ നീട്ടി. നോട്ട് കണ്ട് കുട്ടാപ്പിയുടെ കണ്ണ് മഞ്ഞളിച്ചു.
” മുഴുവൻ തീർക്കരുത്… ബാക്കി കൊണ്ട് തരണം.. ”
പാപ്പി മുന്നറിയിപ്പ് നൽകി.
” ഉവ്വ് ഉവ്വ്… ”
കുട്ടാപ്പി മറുപടി നൽകി.
രാത്രി 8 മണി. തീൻമേശയിൽ ഇരിക്കുകയാണ് പാപ്പിയും,അപ്പൻ മത്തായിയും. അടുക്കളയിൽ നിന്നും ചോറും കറിയുമായി ആനിയും, അമ്മച്ചി മറിയയും, അനിയത്തി മോളിക്കുട്ടിയും വന്നു. അവർ വിഭവങ്ങൾ മേശയിൽ നിരത്തി.
” ആനി.. നീ എവിടെ ഇരിക്ക് മോളെ… ”
പാപ്പിയുടെ അരികിലുള്ള കസേരയിൽ ചൂണ്ടികൊണ്ട് മത്തായി പറഞ്ഞു.
” വേണ്ട അപ്പച്ചാ… നിങ്ങള് കഴിച്ചോ… ഞാൻ കുറച്ചുകഴിഞ്ഞ് അമ്മച്ചിയുടെ കൂടെ കഴിച്ചോളാം ”
ആനി പുഞ്ചിരിച്ചുകൊണ്ട് പറഞ്ഞു.
” മോളേ… നീ പാപ്പിയുടെ അടുത്ത് ഇരിക്ക്, ഞാൻ വിളമ്പി തരാം..”
അമ്മച്ചി പറഞ്ഞു.
” വേണ്ട അമ്മച്ചി.. ഇവരിപ്പോ കഴിച്ചോട്ടെ, ഞാൻ അമ്മച്ചിയുടെ കൂടെ കഴിച്ചോളാം..”
ആനി അതേ സ്വരം ആവർത്തിച്ചു.
” എന്നാ പിന്നെ എല്ലാവരും ഇവിടെ ഇരിക്ക്.. നമുക്ക് ഒരുമിച്ച് കഴിക്കാം. ”
മത്തായി പരിഹാരം കണ്ടു.
” അതാ നല്ലത്.. ”
അമ്മച്ചിയും അതിനോട് യോജിച്ചു.
ശേഷം എല്ലാവരും മേശക്കു ചുറ്റും വട്ടത്തിൽ ഇരുന്നു. പതിവിൽ നിന്നും വിപരീതമായി ആരോടും ഒന്നും സംസാരിക്കാതെ ചോറുണ്ണുന്നതിൽ മാത്രം ശ്രദ്ധ കേന്ദ്രീകരിച്ചിരിക്കുന്ന യാണ് പാപ്പി.
” പാപ്പി.. നീയെന്താ ഒന്നും മിണ്ടാത്തെ..? ”
അമ്മച്ചി ചോദിച്ചു.
” കെട്ടു കഴിഞ്ഞാൽ പൊതുവെ പെണ്ണിനാണ് നാണം… ഇവന്റെ കാര്യത്തിൽ നേരെ തിരിച്ചാണല്ലോ കർത്താവേ 🤣🤣🤣 ”
പാപ്പിയെ ആക്കി പറഞ്ഞുകൊണ്ട് മത്തായി പൊട്ടിച്ചിരിച്ചു.
അപ്പച്ചന്റെ സംസാരം കേട്ട് പാപ്പിക്ക് ചൊറിഞ്ഞു വന്നു, പക്ഷേ അവനത് പുറത്തു കാണിച്ചില്ല.
” മോളെ ആനി.. എനിക്ക് മോളോട് ഒരു കാര്യം പറയാനുണ്ട്… ”
ആഹാരം കഴിച്ചുകൊണ്ട് മറിയ പറഞ്ഞു.
” എന്താണ് അമ്മച്ചി..? ”
ആനി ചോദിച്ചു.
” വേറെ ആരുടെയും അല്ല എന്റെ മോന്റെ കാര്യാ… ”
മറിയ പാപ്പിയെ നോക്കികൊണ്ട് പറഞ്ഞു.
” അമ്മച്ചി കാര്യം പറ.. ”
” ഇവനുണ്ടല്ലോ ഇവന്റെ അപ്പനെക്കാൾ വലിയ തരികിടയാ.. ഞാനോ മോളിക്കുട്ടിയോ പറയുന്നത് ഒരു വക അനുസരിക്കത്തില്ല… തോന്നിയ പോലെ അപ്പന്റെ കൂടെ കള്ളും കുടിച്ച് ലക്ക് കെട്ട് നടക്കും. മോളിവനെ വരച്ച വരയിൽ നിർത്തണം… മോളെകൊണ്ട് അതിന് പറ്റും. മോളെക്കൊണ്ടേ അതിന് പറ്റു… 😊 ”
” ഞാൻ നോക്കാം അമ്മച്ചി… ”
ആനി മറുപടി നൽകി.
രാത്രി 10:30
” സമയം ഇത്രേം ആയിട്ടും ആനിയെ കാണുന്നില്ലല്ലോ…? അവൾ അടുക്കളയിൽ എന്തെടുക്കുവാണാവോ..? ”
പാപ്പി മുറിയിലിരുന്ന് ചിന്തിച്ചു.
അടുത്ത നിമിഷം ആനി മുറിയിലേക്ക് കയറി വന്നു.
” എന്താ ആനി ഇത്രയും വൈകിയത്..? ”
പാപ്പി സൗമ്യമായി ചോദിച്ചു.
” അടുക്കളയിൽ പണിയുണ്ടായിരുന്നു.. ”
മുഖത്ത് നോക്കാതെ ആനി മറുപടി നൽകി.
” സഹായിക്കാൻ അമ്മച്ചി ഉണ്ടായിരുന്നില്ലേ..? ”
” ഇല്ല… ”
” മോളിക്കുട്ടിയോ…? ”
” രണ്ടാളോടും പോയി കിടന്നോളാൻ പറഞ്ഞു… ”
ആനി ഗൗരവത്തോടെ മറുപടി നൽകി.
” ആനിക്ക് ഈ വീട്ടില് ഒരു ബുദ്ധിമുട്ടും ഉണ്ടാവരുതെന്ന് അമ്മച്ചിയോട് ഞാൻ പ്രത്യേകം പറഞ്ഞതാ… എന്നിട്ട് അമ്മച്ചി എന്നാ പണിയാ കാണിച്ചത്…? ”
ആനിയെ സപ്പോർട്ട് ചെയ്തു കൊണ്ട് പറഞ്ഞു.
” നിങ്ങൾക്കെന്താ ചെവി കേൾക്കില്ലേ.. 😠 ”
ആനി ദേഷ്യത്തോടെ ചോദിച്ചു.
” എന്റെ ചെവിക്ക് ഒരു പ്രശ്നവുമില്ല.. ”
പാപ്പി ചെവിയിൽ തട്ടിക്കൊണ്ടു പറഞ്ഞു.
” നിങ്ങളോട് ഞാൻ നേരത്തെ ഒരുവട്ടം പറഞ്ഞതല്ലേ അമ്മച്ചിയോടും മോളിക്കുട്ടിയോടും പോയി കിടന്നോളാൻ പറഞ്ഞത് ഞാനാണെന്ന്. ” അവൾ കടുപ്പത്തിൽ പറഞ്ഞു.
” നീ ഇങ്ങനെ ചെറിയ കാര്യത്തിന് ചൂടാവല്ലേ ആനി.. ”
” ഞാൻ ചൂടായതല്ല, കാര്യം പറഞ്ഞതാ..”
ആനി വീണ്ടും ഗൗരവത്തിൽ പറഞ്ഞു.
” സോറി.. ”
പാപ്പി പറഞ്ഞു.
” എന്തിന്..? ”
ആനി സംശയത്തോടെ ചോദിച്ചു.
” സമ്മതമില്ലാതെ രാവിലെ ആനിയെ കയറിപ്പിടിച്ചത് ”
പാപ്പി തന്റെ തെറ്റ് സ്വയം ഏറ്റു പറഞ്ഞു.
അതിന് അവൾ മറുപടി ഒന്നും പറഞ്ഞില്ല.
” എന്തായാലും കഴിഞ്ഞതൊക്കെ കഴിഞ്ഞു… ഇനി എന്റെ ഭാഗത്തുനിന്നും ഒരു തെറ്റും ഉണ്ടാവില്ല… നമ്മുടെ മുടങ്ങിയ ആദ്യരാത്രി ഇന്ന് നടത്താം 😁 ” പാപ്പി ചെറു നാണത്തോടെ പറഞ്ഞു.
താല്പര്യമില്ല എന്ന് ഭാവത്തിൽ അവൾ മുഖം തിരിച്ചു.
” എന്താ ആനി ഒരു ഇഷ്ടക്കേട്..? ”
” ഒന്നുമില്ല ”
” എന്താ ആനി നിന്റെ പ്രശ്നം ? കെട്ട് കഴിഞ്ഞിട്ട് ദിവസം ഒന്നു കഴിഞ്ഞു. ഇതുവരെ സ്നേഹത്തോടെ ഒരു വാക്ക് പോലും നീ എന്നോട് പറഞ്ഞിട്ടില്ല… ”
ആനി മറുപടിയൊന്നും പറയാതെ മൗനം തുടർന്നു.
” ആനി… നീ ഇങ്ങനെ മിണ്ടാതിരിക്കാതെ എന്തെങ്കിലുമൊക്കെ പറയ് ”
ആനി എന്തോ പറയാൻ ശ്രമിച്ചു.
” കാര്യം എന്തായാലും ഒരു മടിയും കൂടാതെ തുറന്നു പറയൂ.. ഞാൻ നിന്റെ ഭർത്താവാണ്.. ”
പാപ്പി നിർബന്ധിച്ചു.
ആനി കാര്യം പറയാൻ തയ്യാറെടുത്തു. പാപ്പി അവൾക്ക് പ്രോത്സാഹനം നൽകി.
” നമ്മുടെ കെട്ട് കഴിഞ്ഞു എന്നുള്ളത് ശരിയാണ് പക്ഷേ… ഇച്ചായനുമായി physical relation തുടങ്ങാൻ mentally ഞാൻ തയ്യാറല്ല… എനിക്ക് കുറച്ചുകൂടി സമയം വേണം… ”
ആനി സാവധാനം പറഞ്ഞു.
” ഒന്നോ രണ്ടോ ദിവസം മതിയോ..? ”
പാപ്പി ചോദിച്ചു.
” അറിയില്ല… ”
അവൾ തറയിൽ നോക്കി മറുപടി നൽകി.
ദേഷ്യം കൊണ്ട് പാപ്പിയുടെ മുഖം വീർത്തു. പരമാവധി അത് കടിച്ചമർത്തി.
” ശെരി… ആനി ആവശ്യത്തിനു സമയം എടുത്തോളൂ.. ”
” അതുവരെ ഇച്ചായൻ ബെഡിലും, ഞാൻ നിലത്തും കിടന്നോളാം ”
” അതുവേണ്ട.. ഞാൻ നിലത്ത് കിടന്നോളാം.. ”
മനസ്സിലെ നിരാശ കടിച്ചുപിടിച്ചുകൊണ്ട് അവൻ പറഞ്ഞു.
” ശരി ഇച്ചായാ.. എന്നാ ഞാൻ കിടക്കട്ടെ സമയം ഒത്തിരി വൈകി… ”
അവൾ ധൃതിയിൽ കിടക്കാൻ തയ്യാറെടുത്തു.
” good night 😟 “
നിരാശയോടെ പാപ്പി നിലത്ത് പായ വിരിച്ചു കിടന്നു.