ഠപ്പേ… 💥
പാപ്പിയുടെ കാരണം പൊളിഞ്ഞു. ആനിയുടെ കൈവിരലുകളിലെ ചുവന്ന പാടുകളായി അവന്റെ മുഖത്ത് പതിഞ്ഞു.
ഓർക്കാപ്പുറത്ത് കിട്ടിയ അടിയായത് കൊണ്ട് അവന്റെ കണ്ണിൽനിന്നും പൊന്നീച്ച പാറി.
” എന്താ ആനി… എന്തിനാ എന്നെ അടിച്ചോ.. 🥺 ”
കലങ്ങിയ കണ്ണുകളോടെ മുഖം തടവികൊണ്ട് ചോദിച്ചു.
” എന്റെ സമ്മതമില്ലാതെ എന്റെ ദേഹത്ത് തൊടുന്നത് എനിക്ക് ഇഷ്ടല്ല…”
അവൾ ദേഷ്യത്തോടെ പറഞ്ഞു.
” ഞാൻ നിന്റെ ഭർത്താവല്ലേ…? ”
അതിന് മറുപടി പറയാൻ നിൽക്കാതെ ആനി മുറിവിട്ട് പുറത്ത് പോയി.
പുറത്ത് ജീപ്പും ചാരി നിൽക്കുകയാണ് കുട്ടാപ്പി. പാപ്പി പരുങ്ങിക്കൊണ്ട് അവന്റെ അടുത്തേയ്ക്ക് ചെന്ന്.
അവൻ നോക്കിയപ്പോൾ പാപ്പിയുടെ മുഖത്തെ ചുവന്ന പാടുകൾ ശ്രദ്ധയിൽ പെട്ടു.
” മുഖത്തിനിത് എന്നാ പറ്റി പാപ്പിച്ചായാ..?”
കുട്ടാപ്പി സംശയത്തോടെ ചോദിച്ചു.
” ഒന്നും പറ്റിയില്ല… ”
” പിന്നെ എന്താ അവിടെ കല്ലിച്ച് നിക്കുന്നെ..? ”
” ഒ… അ.. അതോ.. അത്… വാതിലിന് ഇടിച്ചതാ… ”
പാപ്പി വായിൽ തോന്നിയ കള്ളം തട്ടിവിട്ടു.
അവൻ പാപ്പിയുടെ മുഖത്തേയ്ക്ക് തന്നെ സൂക്ഷിച്ചു നോക്കി. അവന്റെ നോട്ടം കണ്ട് പാപ്പി ചെറുതായി പരുങ്ങി.
” ഇത് കണ്ടിട്ട് അങ്ങനെ തോന്നുന്നില്ലല്ലോ… 🤔”
കുട്ടാപ്പിക്ക് വീണ്ടും സംശയം.
” സത്യം… ഇത് വാതിലിന് ഇടിച്ചതാ.. എന്റെ അമ്മച്ചിയാണ് സത്യം… എന്റെ അപ്പച്ചനാണ് സത്യം… ഇത് വാതിലിന് തട്ടി വന്ന പാടാ… അല്ലാതെ ആരും അടിച്ചപ്പോ ഉണ്ടായതൊന്നും അല്ല.. “
പാപ്പി തല ചൊറിഞ്ഞുകൊണ്ട് പറഞ്ഞു.
” മതി.. മതി ഞാൻ വിശ്വസിച്ചു.. ”
കുട്ടാപ്പി വിശ്വാസം വന്നു എന്നർത്ഥത്തിൽ തൊഴുതുകൊണ്ട് പറഞ്ഞു.
” നീ വാ നമുക്ക് കണി കണ്ടിട്ട് വരാം.. ”
പാപ്പി വേഗം ജീപ്പിലേക്ക് കയറി.
” കണിയല്ലേ വീട്ടിലിരിക്കുന്നെ… ഇച്ചായന്റെ പിരി വെട്ടിയാ..”
” ഒ.. ഞാൻ അത് മറന്നു… ”
പാപ്പി എന്തോ ഓർത്തെടുത്ത പോലെ പറഞ്ഞു.
” എന്റെ കർത്താവെ.. ഫസ്റ്റ് നൈറ്റ് കഴിഞ്ഞപ്പോ ഇങ്ങേരുടെ മൊത്തം ഫ്യൂസും പോയോ… 🙄 ”
കുട്ടാപ്പി അന്താളിച്ചു കൊണ്ട് ചോദിച്ചു.
” എന്റെ ഫ്യൂസിനൊന്നും ഒരു കുഴപ്പവുമില്ല.. നീ വേഗം വണ്ടിയെടുക്ക് ”
പാപ്പി പറഞ്ഞു.
” എങ്ങോട്ടേക്ക്..? ”
” മനുഷ്യന് സമാധാനം കിട്ടുന്ന എങ്ങോട്ടെങ്കിലും പോടാ… ”
” എന്നാ ഷോപ്പിലേക്ക് പോകാം.. ”
” നീ എങ്ങോട്ടെങ്കിലും പോ.. ”
പാപ്പി ദേഷ്യത്തോടെ പറഞ്ഞു.
ഉടനെതന്നെ കുട്ടാപ്പി അടുത്തുള്ള കള്ളുഷാപ്പിലേക്ക് വണ്ടി വിട്ടു.
ഷാപ്പ്കാരൻ കുട്ടപ്പൻ പാപ്പിയെ അത്ഭുതത്തോടെ നോക്കി.
” എന്താടാ കണ്ണ് മിഴിച്ചു നോക്കുന്നേ.. നീ ഇതിനുമുമ്പ് എന്നെ കണ്ടിട്ടില്ലേ..? ”
പാപ്പി ചോദിച്ചു.
” പാപ്പിച്ചായൻ രാവിലെ ഷാപ്പിലേക്കുള്ള വരവ് പതിവില്ലാത്തതാണല്ലോ അതുകൊണ്ട് നോക്കിയതാ… ”
” നിന്ന് വാചകമടിക്കാതെ രണ്ടു കുപ്പിയും, പന്നിയിറച്ചിയും എടുക്ക്.. ”
പാപ്പി ഉറക്കെ പറഞ്ഞു.
” പാപ്പിച്ചായൻ ഇരുന്നാട്ടെ… ഞാൻ ഇപ്പോ എടുക്കാം.. ”
അതും പറഞ്ഞ് അയാൾ അടുക്കളയിലേക്ക് ചെന്നു.
അധികം വൈകാതെ പന്നി ഇറച്ചിയും, കള്ളും പാപ്പിയുടെ മുൻപിൽ നിരത്തി. നിമിഷനേരംകൊണ്ട് ഒരു കുപ്പി അടിച്ചു തീർത്തു. ഇത് കണ്ട് ആശ്ചര്യപ്പെട്ടു നിൽക്കുകയാണ് കുട്ടാപ്പി.
” പാപ്പിച്ചായാ… ശരിക്കും നിങ്ങൾക്ക് എന്താ പറ്റിയത്..? ”
” ഇറച്ചിക്ക് എരിവില്ല… ”
ഇറച്ചി തൊട്ട് നക്കിക്കൊണ്ട് പാപ്പി പറഞ്ഞു.
” പാപ്പിച്ചായാ ഇങ്ങോട്ട് നോക്ക്..”
കുട്ടാപ്പി പാപ്പിയുടെ മുഖം പിടിച്ചു തിരിച്ചു.
” എന്നാടാ..? ”
പാപ്പി ദേഷ്യത്തോടെ ചോദിച്ചു.
” നിങ്ങക്ക് ശരിക്കും എന്നാ പറ്റിയത്..? രാവിലെ മുതൽ ഞാൻ ശ്രദ്ധിക്കുവാ.. പതിവില്ലാത്ത ഓരോ ശീലങ്ങള്.. “
കുട്ടാപ്പി പറഞ്ഞത് മൈൻഡ് ചെയ്യാതെ ഒരു കുപ്പിക്ക് കൂടി പറഞ്ഞു.
” കുടിച്ചത് മതി എഴുന്നേറ്റെ… ”
കുട്ടാപ്പി പാപ്പിയെ നിർബന്ധിച്ച് എഴുന്നേൽപ്പിച്ച് പുറത്തേയ്ക്ക് നടന്നു.
” എന്റെ കയ്യീന്ന് വിടടാ… ”
പാപ്പി അവനെ പിടിച്ചു മാറ്റാൻ നോക്കി. പക്ഷെ കുട്ടാപ്പി പിടിച്ചു വലിച്ച് വണ്ടിയിൽ കയറ്റി. വണ്ടിയെടുത്ത് പുഴക്കരയിൽ കൊണ്ടു നിർത്തി.
” നീ എന്തിനാടാ ഇവിടെ വണ്ടി നിർത്തിയേ..? ”
പാപ്പി ചോദിച്ചു.
” ഇച്ചായാ… നിങ്ങള് ആദ്യം ഒന്ന് റിലാക്സാവ്… ”
” റിലാക്സ് ആയി.. ”
ദീർഘശ്വാസം എടുത്തശേഷം പാപ്പി പറഞ്ഞു.
” എനി പറ എന്താ ഇച്ചായന്റെ പ്രശ്നം…? ”
” ഒരു പ്രശ്നവും ഇല്ല… ”
” കള്ളം പറയല്ലേ പാപ്പിച്ചാ… കാലം കുറേയായി നിങ്ങടെ ഓസിന് ഞാൻ ജീവിക്കാൻ തുടങ്ങിയിട്ട്… ആ എനിക്ക് നിങ്ങള് കള്ളം പറഞ്ഞാൽ മനസ്സിലാകാതിരിക്കോ…? ”
” എടാ… ഒന്നുമില്ലെന്ന് പറഞ്ഞില്ലേ… ”
” ഇല്ല… ഞാൻ വിശ്വസിക്കില്ല… പറ പച്ചപ്പാ… ”
” എന്ത്…? ”
” സോറി… പറ പാപ്പിച്ചാ… പറ.. എന്താ നിങ്ങടെ പ്രശ്നം…? ”
കുട്ടാപ്പി ചോദിച്ചു.
പാപ്പി ഒരു നിമിഷം ആലോചനയിലായി.
” എന്താ പാപ്പിച്ചാ ഇങ്ങനെ ആലോചിക്കുന്നേ..? ”
” എനിക്കൊരു സംശയം… ”
പാപ്പി ചിന്തിച്ചുകൊണ്ട് പറഞ്ഞു.
” എന്ത് സംശയം…? ”
” സ്വന്തം ഭാര്യയുടെ ശരീരത്തിൽ ഭർത്താവ് തൊടുന്നത് തെറ്റാണോ..? ”
” ഒരു തെറ്റുമില്ല… ”
” ഭാര്യയുടെ സമ്മതമില്ലാതെ തൊടുന്നത് തെറ്റാണോ..? ”
” അത് തെറ്റാണ്… ”
കുട്ടാപ്പി പറഞ്ഞു.
” അതെങ്ങനെ തെറ്റാകും താലികെട്ടിയ സ്വന്തം ഭാര്യയെ അല്ലേ ഭർത്താവ് തൊടുന്നത്… ”
” എന്റെ ഇച്ചായാ… നിങ്ങൾക്ക് അറിയാൻ മേലാഞ്ഞിട്ടാ… അനുവാദമില്ലാതെ ഭാര്യയുടേതെന്നല്ല ഒരു സ്ത്രിയുടെയും ശരീരത്തിൽ തൊടാൻ പാടില്ല… ”
” തൊട്ടാലോ… 😏 ”
” പെണ്ണിന് ഇഷ്ടപ്പെട്ടില്ലേൽ കോടതി കേറ്റും… ”
കുട്ടാപ്പി പറഞ്ഞു.
” ശോ… ഇത് വല്ലാത്ത നിയമം ആയിപോയി… 😒 “
പാപ്പി മുഖം തിരിച്ചുകൊണ്ട് പറഞ്ഞു.
” എന്തെ… ഇച്ചായൻ സമ്മതമില്ലാതെ ആനി ടീച്ചറെ കേറി പിടിച്ചാ..? ”
കുട്ടാപ്പി സംശയരൂപേണെ ചോദിച്ചു.
” ഏയ്… ഞാൻ അത്തരക്കാരനല്ല… ഒരു സംശയം… അത് ചോദിചൂന്നെ ഉള്ളു.. ”
പാപ്പി അവന്റെ മുഖത്ത് നോക്കാതെ പറഞ്ഞു.
” പിന്നെന്തിനാ ഇച്ചായൻ രാവിലെ തന്നെ തലക്ക് വെളിവില്ലാത്ത ആളെ പോലെ പെരുമാറിയത്… ”
കുട്ടാപ്പിയുടെ സംശയം മാറിയില്ല.
” അതൊന്നുമില്ലെടാ… ”
” ഫസ്റ്റ് നൈറ്റ് ശെരിക്കും നടക്കാത്തതിന്റെ ഫ്രസ്ട്രേഷൻ ആണോ..? ”
” നിന്നോട് ആര് പറഞ്ഞു എന്റെ ഫാസ്റ്റ് നൈറ്റ് ശെരിക്കും നടന്നില്ലാന്ന്..? ”
പാപ്പി കള്ള ഭവത്തോടെ ചോദിച്ചു.
” പിന്നെന്താ നിങ്ങൾക്ക് ഒരു സന്തോഷം ഇല്ലത്തെ… 🤔”
” എന്റെ ഉള്ളില് നല്ലോണം സന്തോഷം ഉണ്ട്… അതൊക്കെ ഇങ്ങനെ പുറത്ത് കാണിച്ചു നടക്കാൻ പറ്റോ..? ആളുകൾ എന്ത് വിചാരിക്കും.. ”
” അത് ശെരിയാ… പാപ്പിച്ചായൻ നല്ല സന്തോഷത്തിലാണെന്നല്ലേ പറഞ്ഞത്.. ”
” അതെ.. ”
” എന്നാ എനിക്കൊരു വിസ്ക്ക് വാങ്ങിച്ചു തരോ..? ”
