“ന്താടാ വല്ലാതെ ഇരിക്കുന്നെ.. എന്തേലും പ്രശ്നം ഉണ്ടോ ” ഞാൻ പെട്ടന്ന് ഒരു ചിരി വരുത്തി..
“എന്ത് പ്രശ്നം.. അമ്മക്ക് തോന്നിയതാകും ” ഞാൻ പറഞ്ഞൊപ്പിച്ചു.
“ഹ്മ്മ് ” അമ്മ ഒന്ന് മൂളിയിട്ട് ടീവിയിലേക്ക് നോട്ടം മാറ്റി…
ഞാൻ നേരെ റൂമിലേക്ക് പോയി ഡ്രസ്സ്‌ മാറി… ബെഡിലേക്ക് കിടന്നു… പുറത്തു വീണ്ടും മഴ തുടങ്ങി… ഞാൻ റൂമിലെ വിൻഡോ തുറന്നു പുറത്തെ മഴ ബെഡിൽ കിടന്ന് തന്നെ ആസ്വദിച്ചു… മഴയുടെ തണുപ്പും വിഷമവും ഒന്നിച്ചുള്ളത് കൊണ്ട് ഉറക്കം തനിയെ വന്നു വിളിച്ചുകൊണ്ടു പോയി…
ഉറക്കം ഉണർന്നു പുറത്തേക്ക് നോക്കുമ്പോ ആഘാശം ഒക്കെ ഇരുണ്ട് നിൽക്കുന്നു അടുത്തിരുന്ന ഫോൺ എടുത്ത് നോക്കി സമയം 8 കഴിഞ്ഞിരിക്കുന്നു… ഞാൻ മുഖം കഴുകി ഹാളിലേക്ക് ചെന്നു… അമ്മ അവിടെ ഇരുന്നു സീരിയൽ കാണുന്നുണ്ട് ഞാൻ അമ്മയുടെ അടുത്തേക്ക് ചെന്നു മടിയിൽ തലവെച്ചു കിടന്നു… അമ്മ എന്നെ ഒന്ന് നോക്കിയിട്ട് തലയിൽ തടകികൊണ്ട് ഇരുന്നു…
എന്തൊക്കെയോ പറയണം എന്ന ഉണ്ട് പക്ഷെ അത് വായിലൂടെ പുറത്തേക്ക് വരുന്നുണ്ടായിരുന്നില്ല…
“ഇനി എന്താ അടുത്ത പരുപാടി.. കോഴ്സ് ഒക്കെ കഴിഞ്ഞു നിക്കുവല്ലെ.. ഒരു ജോലി ഒക്കെ നോക്കണ്ടേ ” അമ്മ തലയിൽ തടകികൊണ്ട് ടീവിൽ നോക്കികൊണ്ട് തന്നെ ചോദിച്ചു…
“നോക്കണം ” ഞാൻ പറഞ്ഞു..
“കഴിക്കാൻ എടുക്കട്ടെ ” അമ്മ ചോദിച്ചു…
“ഇപ്പോഴേ വേണ്ട “…..
ഞാൻ അങ്ങനെ തന്നെ കുറെ നേരം കിടന്നു… കുറച്ചു കഴിഞ്ഞു അമ്മ എഴുനേറ്റു പോയി..
“ടാ ഞാൻ ഫുഡ് എടുത്ത് വെച്ചിട്ടുണ്ട് എടുത്ത് കഴിക്ക്..” ഞാൻ കുറച്ചു നേരം അങ്ങനെ ഇരുന്നിട്ട് പോയി കഴിച്ചിട്ട് കിടന്നു…
CA പഠിച്ചിറങ്ങിയ ഞാൻ അക്കൗണ്ടന്റ് നുള്ള ജോലികൾ നോക്കാൻ തുടങ്ങി… അങ്ങനെ ഒരുപാട് ഇന്റർവ്യൂവിൽ പങ്കെടുത്തു.. ആദ്യമൊക്കെ നിരാശ ആയിരുന്നു..അങ്ങനെ ഇരിക്കെ ബാംഗ്ലൂരിൽ പ്രവർത്തിക്കുന്ന ഒരു കമ്പനിയുടെ ഒരു ഇന്റർവ്യൂവിൽ പങ്കെടുത്തു തിരികെ വന്നു… അമ്മയുടെ പ്രാത്ഥന കൊണ്ട് ആയിരിക്കാം എനിക്ക് ആ ജോലി ശെരിയായി…15 ദിവസത്തിനുള്ളിൽ ജോയിൻ ചെയ്യണം..
ഞാൻ ബാംഗ്ലൂർ പോകുന്നതിൽ അമ്മക്ക് നല്ല വിഷമം ഉണ്ടായിരുന്നു… അപ്പൊ അമ്മ പറഞ്ഞു നമ്മക്ക് കുറച്ചു ദിവസത്തേക്ക് അമ്മയുടെ വീട്ടിൽ പോയി നിക്കാമെന്ന്… ഞാനും അതിനു ശെരിവെച്ചു…
അങ്ങനെ ഞങ്ങൾ രണ്ടുപേരും കൂടെ അടുത്ത ദിവസം തന്നെ അങ്ങോട്ട് പോയി… അമ്മാവനും അമ്മായിയും ഞങ്ങൾ വരുന്നതറിഞ്ഞു പുറത്തു തന്നെ നിൽപ്പിനാടായിരുന്നു…
“എവിടയാട അഭി ഇങ്ങോട്ടുള്ള വഴി ഒക്കെ നീ മറന്നു അല്ലെ.. നീ ഇങ്ങോട്ട് ഒക്കെ വന്നിട്ട് എത്രകാലം ആയെന്നു വല്ല ഓർമയും ഉണ്ടോ.” അമ്മായി പരിഭവം പറഞ്ഞു…
”എന്താ സുധേ നീ അവരെ അകത്തേക്ക് വിളിച്ചുകൊണ്ടു പോയി പരിഭവം പറ പുറത്തു നിർത്തി ആണോ സംസാരിക്കുന്നെ ” അമ്മാവൻ ചോദിച്ചു…
“അയ്യോ ഞാൻ അത് മറന്നു… വാ കേറിവാ ” അമ്മായി ഞങ്ങളെയും കൊണ്ട് അകത്തേക്ക് പോയി ഞാനും അമ്മാവനും ഹാളിൽ തന്നെ ഇരുന്നു… അമ്മയും അമ്മായിയും കിച്ചനിലേക്ക് പോയി…
“പിന്നെ പറ… എന്നാ പോകുന്നെ ബാംഗ്ലൂരിലേക്ക്…” അമ്മാവൻ ചോദിച്ചു…
“ഈ വരുന്ന 25 നു ജോയിൻ ചെയ്യണം എന്നാ പറഞ്ഞേക്കുന്നെ… അതിനു മുൻപ് കുറെ കാര്യങ്ങൾ ചെയ്ത് തീർക്കാൻ ഉണ്ട് ”
“ആരതി എന്നാ വരുന്നേ ” ഞാൻ ചോദിച്ചു…
“അവൾക്ക് രണ്ട് ദിവസം കൂടെ കഴിഞ്ഞാൽ എക്സാം തീരും മറ്റന്നാൾ ഇങ് എത്തും…” അമ്മാവൻ പറഞ്ഞു…
അപ്പൊ രണ്ട് ദിവസം ഇവിടെ പോസ്റ്റ്‌ ആയിരിക്കും… ഞാൻ മനസ്സിൽ ആലോചിച്ചു… അപ്പോഴേക്കും വെള്ളവുമായി അമ്മയും അമ്മായിയും എത്തി…ഒരു ഗ്ലാസ്‌ എനിക്കും ഒരു ഗ്ലാസ്‌ അമ്മാവനും കൊടുത്തിട്ട് അവർ അവിടെ ഇരുന്നു… ഓരോ കാര്യങ്ങൾ സംസാരിച്ചുകൊണ്ട് ഇരുന്നു… ഉച്ചക്കുള്ള ഫുഡ് കഴിഞ്ഞു ചെറുതായി ഒന്ന് മയങ്ങി.. ഉറക്കം എഴുനേറ്റ് കഴിഞ്ഞു വീടിന്റെ ബാക്കിൽ ഒരു കുളം ഉണ്ട്.. അതിൽ വിസ്താരിചൊന്നു നീന്തി… രണ്ട് ദിവസം എങ്ങനെ ഒക്കെയോ തള്ളി നീക്കി…
(രണ്ട് ദിവസത്തിന് ശേഷം )
രാവിലെ ഉറക്കം എഴുനെറ്റ് പല്ലൊക്കെ തേച്ചു… ഹാളിലേക്ക് വന്നപ്പോൾ…
“മോനെ അവളെ ഒന്ന് വിളിച്ചുകൊണ്ട് വരാമോ ” അമ്മാവൻ എന്നോട് ചോദിച്ചു…
അവളോട് സംസാരിക്കാൻ പറ്റിയ അവസരം ആണെന്ന് എനിക്കു മനസിലായി…
“ആ ഞാൻ വിളിച്ചുകൊണ്ടാ വരാം..” ഞാൻ പറഞ്ഞു…
“എന്നാ പെട്ടന്ന് കഴിക്ക്… കാർ എടുത്തിട്ട് പോയിട്ട് വാ ” ഞാൻ വേഗം കഴിച്ചു.. ഡ്രസ്സ്‌ ചേഞ്ച്‌ ചെയ്ത് പെട്ടന്ന് തന്നെ ഇറങ്ങി… Polo GT ആണ് കാർ.. കാർ മുൻപോട്ട് നീങ്ങി തുടങ്ങി… മനസ്സിൽ ഒരു ചെറിയ സന്ദോഷം ഒക്കെ ഉണ്ട്… മുൻപ് പല തവണയും ഇവളെ വിളിക്കാൻ പോയിട്ടുള്ളത്കൊണ്ട് എനിക്കു വഴി അറിയാമായിരുന്നു… വണ്ടി സ്മൂത്ത് ആയി മുൻപോട്ട് പോക്കൊണ്ടിരുന്ന..ഒന്നര മണിക്കൂർ യാത്രയുണ്ട് അവളുടെ ഹോസ്റ്റലിലേക്ക്… അങ്ങനെ ഞാൻ അവളുടെ ഹോസ്റ്റലിൽ എത്തി… എത്തി എന്ന അറിയിക്കാൻ ആയി ഞാൻ അവളെ വിളിച്ചു..
റിങ് ചെയ്യുന്നുണ്ട്… രണ്ട് റിങ് ആയപ്പോഴേക്ക് കാൾ അവൾ കട്ട്‌ ചെയ്തു…
ഞാൻ ഒന്നുകൂടെ ട്രൈ ചെയ്തു അപ്പോൾ അവൾ ബിസി ആയിരുന്നു…
കുറച്ചു കഴിഞ്ഞപ്പോൾ അമ്മയുടെ കാൾ ഇങ്ങോട്ട് വന്നു…
” മോനെ നീ എവിടെയായി.. എത്താറായോ ” അമ്മ ചോദിച്ചു…
“ഞാൻ ഇവിടെ എത്തിയിട്ട് ഒരു 15 മിനിറ്റ് ആയി…അവളെ വിളിച്ചിട്ട് കിട്ടുന്നില്ല… നിങ്ങൾ ആരെങ്കിലും ഒന്ന് വിളിച്ചു നോക്ക് ” ഞാൻ കുറച്ചു ദേഷ്യത്തിൽ ആണ് പറഞ്ഞത്…
“ഇനി അവളെ വിളിക്കണ്ട… അവൾ ബസ് കേറിയെന്ന്… നീ തിരിച്ചു വാ” അമ്മ ദയനീയമായി പറഞ്ഞു…
“അവളോട് ഞാൻ വരുമെന്ന് പറഞ്ഞിരുന്നില്ലേ… അവളോട് എവിടെയെങ്കിലും ഇറങ്ങാൻ പറയ് ” ഞാൻ പറഞ്ഞു…
“അതൊക്കെ പറഞ്ഞു നോക്കി അവളുടെ ഏതോ ഒരു കൂട്ടുകാരിയും ഉണ്ട് അവളുടെ കൂടെ അതുകൊണ്ടാ ഇറങ്ങാൻ പറ്റില്ലാന്ന്… നീ എന്തായാലും തിരികെ വാ ” അമ്മ പറഞ്ഞു…
“ആ.. ഞാൻ തിരിക്കുവാ ” എന്ന പറഞ്ഞു കാൾ കട്ട്‌ ചെയ്തു… അവൾ എന്നെ അവോയ്ഡ് ചെയ്യുവായിരിക്കും എന്ന മനസ്സിൽ ഒരു തോന്നൽ… ഞാൻ ഇങ്ങോട്ട് വന്നതിനേക്കാൾ പതുക്കെ ആണ് തിരികെ പോയത്…
ഞാൻ പോലും അറിയാത്ത ഞാൻ ചെയ്ത തെറ്റ് കൊണ്ട് ആണ് ഞാൻ ഇപ്പൊ ഇങ്ങനെ വിഷമിക്കുന്നത് എന്ന ഞാൻ ഓർത്തു… ഞാൻ തിരികെ വീട്ടിലെക്ക് ചെന്നു.. മുഖത്ത് ചിരി വരുത്തികൊണ്ട് ആണ് ഞാൻ അകത്തേക്ക് ചെന്നത്… വണ്ടിയുടെ ശബ്ദം കേട്ടപ്പോൾ തന്നെ അമ്മാവൻ പുറത്തേക്ക് വന്നു…
“ആ മോൻ എത്തിയോ… അവൾ ഇങ്ങനെ കാണിക്കുന്നതല്ലായിരുന്ന.. എന്ത് പറ്റിയോ എന്തോ.. മോനു പ്രശ്നം ഒന്നും ഇല്ലാലോ ” അമ്മാവൻ ചോദിച്ചു…
“ഏഹ് പ്രശ്നം ഒന്നും ഇല്ല..! ഞാൻ അകത്തേക്ക് പോകട്ടെ ” എന്ന ചോദിച്ചു ഇനിയുള്ള ചോദ്യങ്ങളിൽ നിന്ന് ഒഴിഞ്ഞു…ഞാൻ നേരെ റൂമിലേക്ക് പോയി… അവിടെ കയറി കിടന്നു… പതിയെ കണ്ണുകൾ അടഞ്ഞു തുടങ്ങി… പെട്ടന്ന് തന്നെ താഴെ നിന്ന് അവളുടെ സൗണ്ട് കേട്ട് ഞാൻ ഞെട്ടി കണ്ണ് തുറന്നു…
