“ ചേട്ടാ…”
നീതു പുറകിൽ നിന്നും വിളിച്ചു…
“ മ്മ്.. “
ആലോചനയിൽ നിന്നും ഞെട്ടി ഞാൻ തിരിഞ്ഞ് നോക്കി..
“ ഇന്ന് ഞങ്ങളുടെ ബന്ധുവിന്റെ ഹൌസ് വാർമിംഗ് ഉണ്ട് അമ്മ ചോദിച്ചു നമ്മളോട് പോകുമോ എന്ന്.. “
ഇവൾ അമ്മയുടെ പേരിൽ എന്നെ മുതൽ ഇരിക്കുവാണോ.. ഞാൻ മനസ്സിൽ ഓർത്തു..
“ ചേട്ടാ.. “
എന്നിൽ നിന്നും മറുപടി ഒന്നും ഉണ്ടാവാതെ ഇരുന്നപ്പോൾ എന്നെ വിളിച്ചു.ഞാൻ അവളെ നോക്കിയില്ല
“പോകാം..”
എന്തായാലും ഇവിടെ ചുമ്മാ ഇരിക്കുവല്ലേ. പോയേക്കാം എന്ന് ഞാൻ വിചാരിച്ചു.. അവൾ അകത്തേക്ക് നടക്കുന്ന ശബ്ദം കേട്ടു.. ഞാൻ കോടമഞ്ഞു ഒഴുകുന്ന ഭംഗി ആസ്വദിച്ചു ഇരുന്നു..
അപ്പോളേക്കും ചേട്ടൻ രാവിലെ പല്ല് തേച്ചോണ്ട് വീടിന്റെ മുറ്റത്തേക്ക് വന്നു.. ഞാനും നടന്നു പുള്ളിയുടെ അടുത്തേക്ക് ചെന്നു…
“ ഇന്നലെ നല്ലത് പോലെ ഓവർ ആയി പോയി.. “
ഞാൻ ഒരു ചമ്മലോടെ പുള്ളിയോട് പറഞ്ഞു..
“ അതെ അതെ …ഇന്നലെ ആ കൊച്ചു എന്നെ പറയാത്തത് ഒന്നും ഇല്ല.. “
“ആര്..?”
ഞാൻ ഒരു അത്ഭുതത്തോടെ ചോദിച്ചു…
“ വേറെ ആര്.. നിന്റെ ഭാര്യ.. “
“ഓഹ്.. “
ഇതിന്റെ ഇടക്ക് ഇങ്ങനെ ഒക്കെ നടന്നോ.. ഞാൻ മനസ്സിൽ വിചാരിച്ചു..
“ ബാലൻചേട്ടോ..എന്താ രാവിലെ ഒരു ഡിസ്കഷൻ…”
നീതു ഞങ്ങളുടെ അടുത്തേക്ക് നടന്നു വന്നു ചേട്ടനോട് ചോദിച്ചു..
“ ഒന്നും ഇല്ല മോളെ.. ഞങ്ങൾ ചുമ്മാ ഇന്നലത്തെ കാര്യങ്ങൾ സംസാരിക്കുവാരുന്നു.. “
ഞാൻ ചെറിയ ദേഷ്യത്തോടെ അവളെ നോക്കി…
“ഇന്ന് കലാപരിപാടി ഒന്നും ഇല്ലേ…”
അതിനു മറുപടി ആയി ചേട്ടൻ ഒന്ന് ചിരിക്കുക മാത്രം ആണ് ചെയ്തത്…
“ അയ്യോ.. സമയം പോയത് അറിഞ്ഞില്ല.. പിന്നെ വരാം.. “
കൂടുതൽ അവിടെ നിൽക്കുന്നത് പന്തി അല്ല എന്ന തോന്നിട്ട് ആവണം ചേട്ടൻ അവിടുന്ന് സ്ഥലം വിട്ടു..
“വാ അമ്മ വിളിക്കുന്നു…”
വലിയ താല്പര്യം ഇല്ലാതെ അവൾ വിളിച്ചു…
ഞാൻ മറുപടി ഒന്നും പറയാതെ അവളുടെ പുറകെ അകത്തേക്ക് നടന്നു..
“ മോനെ നിങ്ങൾ രണ്ടു പേരും കൂടെ പോയിട്ട് വാ.. “
ഞാൻ തലയാട്ടി…
“ എന്നാൽ വാ കഴിച്ചിട്ട് ഒരുങ്ങാൻ നോക്ക്…”
കഴിച്ചിട്ട് റൂമിൽ പോയി കുളിച്ചു ഷർട്ട് ഇടുമ്പോളേക്കും അവൾ വാതിലിൽ തട്ടി.. ഞാൻ പോയി തുറന്നു.. അവൾ അകത്തു കയറിയപ്പോൾ ഞാൻ വാതിലിൽ അടച്ചു..
“ എന്താ നിന്റെ ഉദ്ദേശം.. എന്റെ കാര്യത്തിൽ നീ എന്തിനാ ഇടപെടുന്നേ…”
ഞാൻ ദേഷ്യത്തിൽ അവളോട് ചോദിച്ചു..
“ ആ അമ്മക്ക് വിഷമം ആവേണ്ട എന്ന് വിചാരിച്ചു.. ഒന്നും മിണ്ടാതെ നിന്നു തരുമ്പോൾ നീ അത് മുതലാക്കുവാണോ.. “
അവൾ ഒരു ഞെട്ടലോടെ എന്നെ നോക്കി….
“ഞാൻ..ഞാൻ എന്ത് ചെയ്തു..“
അവൾ പേടിച്ചു പേടിച്ചു ചോദിച്ചു..
“ഞാൻ കള്ള് കുടിച്ചാൽ നിനക്ക് എന്നാ…നീ എന്തിനാ ആ ചേട്ടനോട് ദേഷ്യപ്പെട്ടെ..ആ ചേട്ടൻ എന്ത് ചെയ്തു.. പുള്ളി നിർബന്ധിച്ചു എന്നെ കുടിപ്പിച്ചത് അല്ലാലോ.. എന്റെ സമ്മതത്തോടെ അല്ലെ..പിന്നെ നിനക്ക് എന്താ..“
ഞാൻ ദേഷ്യത്തോടെ പറഞ്ഞു.. അവളുടെ കണ്ണുകൾ മെല്ലെ നിറഞ്ഞു..
“ മേലാൽ എന്റെ കാര്യത്തിൽ ഇടപെടരുത്.. “
ഞാൻ അവളുടെ മുഖത്തു കൈ ചുണ്ടി താക്കിത് കൊടുത്തു.. വാതിൽ തുറന്ന് പുറത്ത് ഇറങ്ങി.
പുറത്ത് പോയി കുറച്ചു നേരം തണുപ്പ് കൊണ്ടപ്പോൾ.. എന്തോ എന്റെ മനസ്സ് ഒന്ന് തണുത്തു…
അപ്പോളേക്കും അവൾ ഒരുങ്ങി വന്നു..മുഖത്തു വലിയ തെളിച്ചം ഒന്നും ഇല്ല.. ആ മുഖം കണ്ടപ്പോൾ ഒന്നും പറയണ്ടാരുന്നു എന്ന് തോന്നി പോയി..
ഞങ്ങൾ വണ്ടിയിൽ കയറി… അമ്മ യാത്രയായിച്ചു…പോകുന്ന വഴി അവളുടെ മുഖത്തേക്ക് നോക്കി.. കണ്ണുൽ നിറഞ്ഞു ചുവന്ന ഇരിക്കുന്നു..
“ എവിടെയാ പോകണ്ടേ വഴി പറഞ്ഞു താ…”
“ അമ്മ പറഞ്ഞു അവിടെ കൊടുക്കാൻ എന്തേലും ഗിഫ്റ്റ് വാങ്ങണം എന്ന്…ആദ്യം ടൌൺ വരെ പോകാം.. “
അവൾ പേടിച്ചു പറഞ്ഞു…
“മ്മ്.. “
ഞാൻ ഒന്ന് മൂളുക മാത്രേ ചെയ്തോളു…ഞാൻ വണ്ടി ടൗണിലോട്ടു വിട്ടു…ടൗണിൽ ഒരു ഷോപ്പിന് മുന്നിൽ നിർത്തി..
“ ഇറങ്ങു…”
അവളോട് പറഞ്ഞിട്ട് ഞാൻ ഷോപ്പിലേക് കയറി.. അവളും ഇറങ്ങി വന്നു..
“ എന്താ വാങ്ങണ്ടേ എന്ന് വെച്ചാൽ മേടിക്ക്.. “”