“ അപ്പോൾ കുടിക്കാതെ ഇരിക്കാനൊക്കെ അറിയാം അല്ലെ.. “
പോകുന്ന വഴി ഒരു ചെറു ചിരിയോടെ എന്നോട് പറഞ്ഞു..
“ ഞാൻ അങ്ങനെ കാണാതെ കിടക്കുവൊന്നും അല്ല.. കണ്ടടത്തു എല്ലാം പോയി കുടിക്കാൻ.. “
ഞാൻ ദേഷ്യത്തിൽ മറുപടി കൊടുത്തു..പിന്നെ വീട് എത്തുന്നവരെ ഞങ്ങൾ സംസാരിച്ചതെ ഇല്ല..
വീട്ടിൽ തിരിച്ചു എത്തിയപോളേക്കും രാത്രി ആയിരുന്നു.. നല്ല ക്ഷീണവും.. ഞാൻ പോയി ഫ്രഷ് ആയി വന്നു. അമ്മ വിളിബി വെച്ചതും കഴിച്ചു.. അപ്പോളേക്കും അവളും ഫ്രഷ് ആയി വന്നു..
ഞാൻ റൂമിൽ ചെന്നു.. നല്ല തണുപ്പാണ് ഞാൻ ബാഗിൽ നിന്നും ഒരു ഷർട്ട്‌ കൂടെ എടുത്തു ഇട്ടു.. ഫോൺ നോക്കി ബെഡിൽ ഇരുന്നപ്പോളേക്കും അവളും വന്നു..
“ അമ്മ കിടന്നോ.. “
“മ്മ്..”
ഞാൻ എണീറ്റ് പോയി ഫോൺ ടേബിള്ൽ വെച്ചു.. ബാഗിൽ നിന്നും കുപ്പി എടുത്തു..
“ മോളെ…. “
അമ്മ വാതിലിൽ തട്ടി.. ഞാൻ കുപ്പി ബാഗിൽ വെച്ചു അവിടെ നിന്നു.. അവൾ പോയി വാതിലിൽ തുറന്നു.. അമ്മ അവളുടെ കൈയിൽ ഒരു ഗ്ലാസ്‌ പാൽ കൊടുത്തിട്ട് തിരിച്ചു പോയി…
അവൾ എന്റെ അടുത്ത് വന്നു ആ ഗ്ലാസ്‌ ടേബിളിൽ വെച്ചു…
“ ഇന്ന് ഒരു ദിവസം കുടിക്കാതെ ഇരുന്നൂടെ.. നാളെ രാവിലെ നമ്മൾ തിരിച്ചു പോകുവല്ലേ.. “
ഞാൻ ഒന്നും മിണ്ടാതെ നിന്നു..
“ പ്ലീസ്…”
“ ഞാൻ രാവിലെ പറഞ്ഞത് ഓർമ ഉണ്ടല്ലോ അല്ലെ.. “
ഞാൻ ബാഗിൽ നിന്നും കുപ്പി എടുത്തോണ്ട് പറഞ്ഞു..
അവളുടെ കണ്ണുകൾ നിറയുന്നത് ഞാൻ കണ്ടു.. ഇനിയും ഒരു സീൻ ഉണ്ടാക്കി ആ അമ്മയെ കൂടെ അറിയിക്കേണ്ട എന്ന് കരുതി…ആ കുപ്പി ഞാൻ തിരിച്ചു വെച്ചു..
അവളുടെ മുഖത്തു ഒരു പുഞ്ചിരി വിടർന്നു.. ഞാൻ പോയി ബെഡിൽ നിന്നും ഒരു ഷീറ്റ് എടുത്തു താഴെ വിരിച്ചു..
“ നല്ല തണുപ്പാ.. മുകളിൽ കിടക്കു.. “
“ നീ പറഞ്ഞ ഒരു കാര്യം ഞാൻ കേട്ടില്ലേ അത് പോരെ.. “
ഞാൻ ഇത്തിരി ദേഷ്യത്തിൽ പറഞ്ഞു.. ഷീറ്റ്വിരിച്ചു കിടന്നു.. ഐസ് കട്ടയിൽ കിടന്നതു പോലെ.. ഞാൻ തണുത്തു വിറച്ചു…പക്ഷെ അത് പുറത്ത് ഞാൻ പ്രേകടം ആക്കിയില്ല..
അവൾ ഒന്നും മിണ്ടാതെ ലൈറ്റ് ഓഫ്‌ ചെയ്തു വന്നു കിടന്നു.. എനിക്ക് താണിത്തിട്ട് ഒരു രക്ഷയും ഇല്ല..
“ മുകളിൽ കയറി കിടന്നാലോ.. അയ്യേ വേണ്ട നാണക്കേട് ആവും.. “
എന്റെ അഭിമാനം അതിനു സമ്മതിച്ചില്ല.. ഞാൻ ചുരുണ്ടു കുടി പുതച്ചു കിടന്നു.. സ്ഥിരം ആയി കുടിച്ചിട്ട് ഉറങ്ങുന്ന കൊണ്ട് ആവും.. നിദ്ര ദേവി എന്നെ തിരിഞ്ഞു നോക്കിയില്ല.. എന്റെ കൈകൾ വിറക്കാൻ തുടങ്ങി..
“ എണീറ്റ് രണ്ടണ്ണം അടിച്ചാലോ..”
ഞാൻ മനസ്സിൽ വിചാരിച്ചു എണിറ്റു.. അവൾ ഉറങ്ങിട്ടില്ല..
“ അവൾ കണ്ടാൽ എന്നാ.. എന്റെ കാര്യം തീരുമാനിക്കുന്നത് ഞാൻ അല്ല.. “ ഞാൻ മനസ്സിൽ വിചാരിച്ചു.. “ ശേ അവൾ വിചാരിച്ചാലോ ഞാൻ ഒരു കണ്ട്രോൾ ഇല്ലാത്തവൻ ആണ് എന്ന്.. ഓ പിന്നെ വിചാരിച്ചാൽ എനിക്ക് എന്താ..“ എന്റെ മനസ്സിൽ പല ചിന്തകളും വന്നു..
എന്റെ എണീറ്റ് ടേബിൾനു അടത്തേക്ക് നടന്നു.. ഞാൻ തിരിഞ്ഞു നോക്കിയപ്പോൾ അവൾ എന്നെ തന്നെ നോക്കി കിടക്കുന്ന ഒരു നിസ്സഹായതയോടെ..ആ നോട്ടം കണ്ടപ്പോൾ എനിക്ക് എന്റെ ആമിയെ ഓർമ വന്നു..
ഞാൻ കുടിക്കുന്നില്ല എന്ന് തീരുമാനിച്ചു ജനലിനു അടുത്ത് പോയി ആ വാതിലിൽ തുറന്നു പുറത്തേക്ക് നോക്കി നിന്നു..
“ എന്താടാ നിനക്ക് പറ്റിയെ.. നീ ഇങ്ങനെ ഒന്നും അല്ലാരുന്നല്ലോ…” ഞാൻ എന്നോട് തന്നെ ചോദിച്ചു.. പുറത്തെ തണുപ്പും സഹിക്കാൻ പറ്റുന്നില്ല.. ഞാൻ വാതിലിൽ അടച്ചു.. അവൾ കൊണ്ട് വെച്ച പാൽ അവിടെ ഇരുപ്പുണ്ടാരുന്നു..
“ഇത് കുടിക്കുന്നെന്നു ആർക്കും പ്രശനം ഇല്ലല്ലോ.. “
ഞാൻ മനസ്സിൽ പറഞ്ഞു അത് എടുത്തു കുടിച്ചു…
എല്ലാം ഒരു കൗതുകത്തോടെ നോക്കി കിടക്കുന്നു…
“ എന്തു പറ്റി…”
അവൾ പതിഞ്ഞ ശബ്‌ദത്തിൽ ചോദിച്ചു..
“ ഏയ്‌ ഒന്നും ഇല്ല.. “
അവൾ ബെഡിൽ നിന്നും എണിറ്റു..
“ ഞാൻ പറഞ്ഞതല്ലേ തണുപ്പാണ് എന്ന്…ഇവിടെ വന്നു കിടക്കു ”
അഭിമാനം അതിനു സമ്മതിച്ചില്ലേലും.. എന്റെ ശരീരത്തിന് അത് പൂർണ സമ്മതം ആരുന്നു..
ഞാൻ രണ്ടാമത് ഒന്ന് ആലോചിക്കാതെ ആ ബെഡിൽ കേറി കിടന്നു പുതപ്പ് എടുത്തു പുതച്ചു.. അവൾ വന്നു എന്റെ അടുത്ത് കിടന്നു..
എന്റെ കൈകളുടെ വിറവൽ കൂടി വന്നു.. ഉറങ്ങാനും പറ്റുന്നില്ല.. മദ്യം എന്റെ ശരീരത്തെ എത്രമാത്രം നശിപ്പിച്ചന്ന് എനിക്ക് ഈ കുറച്ചു നിമിഷങ്ങൾ കൊണ്ട് മനസ്സിലായി..
ശരീരം തളരുന്നത് ഞാൻ അറിഞ്ഞു…വാ തുറക്കുമ്പോൾ പല്ലുകൾ തമ്മിൽ കൂട്ടി ഉടക്കാൻ തുടങ്ങി..അതിന്റെ ശബ്ദം കേട്ടിട്ട് ആവണം അവൾ തിരിഞ്ഞു എന്നെ നോക്കി..
“എന്തു പറ്റി..”
“ അറിയില്ല.. വിറച്ചു വിറച്ചു മറുപടി പറഞ്ഞു… ”
അവൾ അവളുടെ കൈ എടുത്തു എന്റെ നെറ്റിയിൽ തൊട്ടു നോക്കി.
“ പനി ഒന്നും ഇല്ലല്ലോ…”
“ എനിക്ക് ആ ബാഗിൽ നിന്നും കുപ്പി ഒന്ന് എടുത്തു തരുമോ.. ഉറങ്ങാൻ പറ്റുന്നില്ല.. “
അവൾ എന്നെ ദേഷ്യത്തോടെ നോക്കി.. അതുടെ കണ്ടപ്പോൾ എന്റെ മാനസിക നില തെറ്റുന്നപോലെ തോന്നി. ഞാൻ ചാടി എണിറ്റു എടുക്കാനായി ഒരുങ്ങി..
അവൾ എന്നെ മുറുക്കെ പിടിച്ചു..
“വേണ്ട.. ഞാൻ എടുത്തു തരാം.. “
അവൾ ബെഡിൽ നിന്നും ഇറങ്ങി ബാഗിൽ നിന്നും കുപ്പി എടുത്ത് തന്നു.. ഞാൻ ആർത്തിയോടെ അത് വാങ്ങി കുടിച്ചു..രണ്ടു സിപ് എടുത്തപ്പോളേക്കും അവൾ അത് പിടിച്ചു വാങ്ങി..
“ മതി.. “
“എടി…”
ഞാൻ ദേഷ്യത്തോടെ അവൾക്ക് നേരെ കൈഓങ്ങി.. കൈ ആഞ്ഞു വീശി…അവൾ പുറകിലേക്ക് വലിഞ്ഞേങ്കിലും അവളുടെ തോളിൽ ആണ് എന്റെ കൈകൾ പതിച്ചത്
കൈ വീശി കഴിഞ്ഞാണ് ഞാൻ എന്തൊക്കെയാ കാണിക്കുന്നേ എന്നെ എനിക്ക് ബോദ്യം വന്നത്. ഞാൻ കുറച്ചു നേരം തലക്ക് കൈ കൊടുത്ത് അങ്ങാതെ ഇരുന്നു….
കുറച്ചു നേരത്തെ നിശബ്ദതക്ക ശേഷം അവൾ കുപ്പി കൊണ്ട് വെച്ചിട്ട് എന്റെ അടുത്ത് വന്നു ഇരുന്നു..
ആദ്യമായി എന്നിൽ ഉണ്ടാക്കിയ ഈ മാറ്റം എനിക്ക് ഉൾക്കൊള്ളാൻ ആയില്ല.. എന്റെ കണ്ണുകൾ നിറഞ്ഞു..
അവളുടെ ഭാഗത്തു നിന്നും ഒരു ദേഷ്യം ആണ് പ്രേതിഷിച്ചതെങ്കിലും…അവൾ എന്റെ തോളിൽ കൈ വെച്ചു എന്നെ നോക്കി..
“ സാരമില്ല…” എന്ന് ആശ്വസിപ്പിക്കുക ആണ് ചെയ്തത്..
അത് എന്നെ കൂടുതൽ സങ്കടത്തിൽ ആക്കി..എന്റെ ഈ ഭ്രാന്ത് കണ്ടു അവൾക്ക് സഹതാപം തോന്നിട്ടുണ്ടാവും..
“ ഇപ്പോൾ മനസ്സിലായില്ലേ നിങ്ങളെ എത്ര മാത്രം ഈ മദ്യം നശിപ്പിച്ചു എന്ന്… ഇനിയും ഇത് തുടർന്നാൽ…”
അവൾ എനിക്ക് ഒരു അപകട സുചന നൽകി …ഞാൻ ചെയ്തതിൽ കുറ്റബോധം തോന്നിയിട്ടാവും എനിക്ക് ഒന്നും പറയാൻ കഴിഞ്ഞില്ല…
“വാ കിടക്കു..”
അവൾ എന്റെ തോളിൽ പിടിച്ചു ബെഡിൽ കിടത്തി..ഞാൻ ഒരു കുഞ്ഞു അനുസരിക്കുന്നത് പോലെ അനുസരിച്ചു.. എന്റെ മനസ്സ് മരവിച്ചു.. അറിയാതെ ആണേലും അവളെ അടിച്ച കുറ്റബോധം ആരുന്നു മനസ്സ് മുഴുവൻ…
