” അല്ലാ എനിക്ക് മനസ്സിലാകാത്ത കാര്യം ഇതാണ്. മാതാ,പിതാ,ഗുരു,ദൈവം ടീച്ചർ മാരെ വായിനോക്കരുത്, അവരെ കുറിച്ച് അനാവശ്യം പറയരുതെന്ന് ഞങ്ങളെ ഉദേശിച്ച നീ ഇപ്പോ ആനിടീച്ചറെ വല്ലവനും കെട്ടി കൊണ്ട് പോകുന്നതും ഓർത്ത് വിഷമിക്കുന്നു കഷ്ടം.”
മനു പരിഹസിച്ച് കൊണ്ട് പറഞ്ഞു.
” ഇത് അതു കൊണ്ടുള്ള വിഷമം അല്ല..”
വിധു പറഞ്ഞു.
” പിന്നെ ? ”
ഇരുവരും ഒരേ സ്വരത്തിൽ ചോദിച്ചു.
” ആനി ടീച്ചർക്ക് അയാളെ ഇഷ്ടല്ല…”
” ആരെ ? പാപ്പിച്ചായനെയൊ ? ”
” അതെ ”
” അത് നിനക്കെങ്ങനെ അറിയാം ? ”
” ട്യുഷൻ എടുക്കുമ്പോൾ എന്നോട് പറഞ്ഞു. ”
” ആനി ടീച്ചറ് നിന്നോട് അങ്ങനെ പറഞ്ഞോ…?”
മനു ചോദിച്ചു.
” പറഞ്ഞു. ”
” പിന്നെന്തിനാ ടീച്ചറിപ്പോ കല്യാണത്തിന് സമ്മതം മൂളിയത്..? ”
ആൽഫി ചോദിച്ചു.
” മരിക്കുന്നതിന് മുൻപ് ആനി ടീച്ചറുടെ അച്ഛൻ ഒരുപാട് കടങ്ങളൊക്കെ വരുത്തി വച്ചിരുന്ന്. ചിലപ്പോ അത് വീട്ടാൻ വേറെ മാർഗ്ഗം ഇല്ലാത്തത് കൊണ്ട് സമ്മതിച്ചതായിരിക്കും.”
” ശെരിയാ… അങ്ങനെയാകാനെ വഴിയുള്ളു. അല്ലാതെ ആനി ടീച്ചർ ഒരിക്കലും ആ പോങ്ങന് കഴുത്ത് നീട്ടി കൊടുക്കില്ല.”
മനുവും അതേ നിഗമനത്തോട് യോജിച്ചു.
പിന്നീടുള്ള ദിവസങ്ങളിൽ കല്യാണ ഒരുക്കണങ്ങൾ ഭംഗിയായി നടന്നുപോയി. വിധുവിന് ആനി ടീച്ചറെ കണ്ട് മനസ്സ് ഉരുകി മാപ്പ് പറയണമെന്ന് ഉണ്ടായിരുന്നു. പക്ഷെ ആനി അവന് സംസാരിക്കാൻ ഒരു അവസരം കൊടുത്തില്ല. വിധു അടുത്തേയ്ക്ക് വരുമ്പോഴൊക്കെയും അവൾ ഒഴിഞ്ഞുമാറി കൊണ്ടിരിക്കുന്നു.
കല്യാണ തലേന്ന് സോഫി ടീച്ചർ ആനിയുടെ വീട്ടിൽ ചെന്നു. ആനിക്ക് അവരോട് നല്ല ദേഷ്യമുണ്ടെങ്കിലും അവൾ അത് പുറത്ത് കാണിച്ചില്ല.
” കല്യാണം ഉറപ്പിച്ച ശേഷം ആനി എന്നെ ഒന്ന് വിളിച്ചത് പോലുമില്ലല്ലോ…? ”
സോഫി പരിഭവം പറഞ്ഞു.
” ഇവിടെ ഭയങ്കരം തിരക്കായിരുന്നു… ”
ആനി കള്ളം തട്ടി വിട്ടു.
” എത്ര തിരക്കാണെങ്കിലും എന്നെ ഒരു പ്രാവിശ്യമെങ്കിലും വിളിക്കാമായിരുന്നു. ”
” പോട്ടെ.. ടീച്ചറെ അത് വിട്ട് കള… ”
” ശെരി.. ശെരി ഞാൻ വിട്ടു… നല്ലൊരു ദിവസമായിട്ട് പരിഭവം പറഞ്ഞ് ഞാൻ നിന്നെ വെറുപ്പിക്കുന്നില്ല. ”
” സോഫി ടീച്ചർ ഇരിക്ക്, ഞാൻ ചായയെടുക്കാം.. ”
ആനി അടുക്കളയിലേക്ക് പോകാൻ ഒരുങ്ങി.
” ചായയൊക്കെ അവിടെ നിൽക്കട്ടെ… നിന്നോട് എനിക്കൊരു കാര്യം ചോദിക്കാനുണ്ട്.. ”
സോഫി പറഞ്ഞു.
” എന്ത് കാര്യം..? ”
ആനി സംശയത്തോടെ ചോദിച്ചു.
” വേറൊന്നും അല്ലാ… എപ്പോഴും വെറുപ്പാണെന്ന് പറഞ്ഞു നടന്ന പാപ്പിച്ചായനുമായുള്ള വിവാഹത്തിന് നീ എങ്ങനെ സമ്മതിച്ചു..? ”
” അതൊക്കെ കഴിഞ്ഞ കാര്യങ്ങളല്ലേ ടീച്ചറെ… അമ്മ നിർബന്ധിച്ചപ്പോൾ എനിക്ക് എതിര് പറയാൻ തോന്നിയില്ല. ”
” അപ്പൊ അമ്മയുടെ നിർബന്ധ പ്രകാരമാണോ നീ ഈ കല്യാണത്തിന് സമ്മതിച്ചത്..? ”
” അത് മാത്രമല്ല… എന്നെ ഇത്രയേറെ ഇഷ്ടപെടുന്ന ഒരാള് ഈ നാട്ടില് വേറെ ഉണ്ടാവില്ല… ”
എല്ലാവരോടും പറഞ്ഞ കള്ളം തന്നെ ആനി ഇവിടെയും ആവർത്തിച്ചു.
” എന്തായാലും നിന്റെ തീരുമാനം എനിക്ക് ഇഷ്ടപ്പെട്ടു… പാപ്പിച്ചായൻ വലിയൊരു പ്രമാണിയാ… നിന്റെ സാമ്പത്തിക പ്രശ്നങ്ങളൊക്കെ ഇതോടെ തീർന്നുകിട്ടും. ”
അങ്ങനെ കല്യാണ ദിവസം വന്നെത്തി. ആഭാരണങ്ങളൊക്കെ അണിയിച്ച് സുന്ദരി പെണ്ണായി ആനി പള്ളിയിൽ എത്തി. ആനിയെ നോക്കി വാണം വിടുന്നവർക്കൊക്കെ ഇന്ന് വേദനയുടെ ദിവസമാണ്. ഉള്ളിലെ വിഷമം അടക്കി പിടിച്ചുകൊണ്ട് ആനി കല്യാണത്തിന് ഒരുങ്ങി. ഈ കാഴ്ച്ച കണ്ടുനിൽക്കാനാകാതെ വിധു പള്ളി വിട്ട് പുറത്തു പോയി.
വൈകാതെ ആനിയുടെ കെട്ട് കഴിഞ്ഞു. ആളുകളൊക്കെ കൂട്ടത്തോടെ ഓഡിറ്റോറിയത്തിലേക്ക് പോകാൻ തുടങ്ങി. നാട് ഇതുവരെ കാണാത്ത അത്രയും തരത്തിലുള്ള വിഭവസമൃദ്ധമായ ആഹാരങ്ങളാണ് ഒരുക്കിവച്ചിട്ടുണ്ടായത്. പാപ്പിയെ ഇഷ്ടമല്ലാത്ത വിരളം ചിലരെ ഒഴികെ ബാക്കി എല്ലാവരെയും വിവാഹത്തിന് ക്ഷണിച്ചിരുന്നു. കല്യാണമാണോ..? അതോ ഉത്സവമാണോയെന്ന് തിരിച്ചറിയാൻ സാധിക്കാത്ത തരത്തിലുള്ള അത്രയും ആളുകളുണ്ടായിരുന്നു അവിടെ.
കല്യാണാഘോഷങ്ങളൊക്കെ കഴിഞ്ഞ് രാത്രി കടത്തിണ്ണയിൽ കൂടി ഇരിക്കുകയാണ് നാട്ടിലെ സദാചാര വാണങ്ങളായ കിളവന്മാരുടെ ഗ്യാങ്.