💞ആയിരം കണ്ണുമായി – 3 7

 

അപ്പോഴാണ് അഖിൽ അങ്ങോട്ടേക്ക് എത്തിയത് നിലത്തിരുന്ന് സ്റ്റിക്ക്‌ ഒട്ടിക്കാൻ ശ്രമിക്കുന്ന ശ്രുതിയെ അവൻ ഒന്ന് നോക്കി

 

അഖിൽ : ബെസ്റ്റ്.. വേറെ ഒരെണ്ണം വാങ്ങാൻ നോക്ക്.. ടെപ്പിലൊന്നും അത് നിക്കത്തില്ല

 

ഇത് കേട്ട ശ്രുതി ദേഷ്യത്തോടെ അഖിലിനെ നോക്കി

 

അഖിൽ : എന്താടി നോക്കുന്നെ.. ഞാൻ ഉള്ളതല്ലേ പറഞ്ഞെ അവിടുന്ന് മാറ് എനിക്ക് പോണം😡

 

ശ്രുതി : നീ കാരണമാ ഇങ്ങനെ ഉണ്ടയത്… പുതിയ സ്റ്റിക്ക് ആയിരുന്നു…

 

അഖിൽ : ഞാനോ… എടി നീ…

 

ശ്രുതി : നീ ചവിട്ടിയപ്പോൾ ഒടിഞ്ഞതാ…. ഒരുവിധം ഒട്ടിച്ചു വച്ചതായിരുന്നു അതും പോയി… എന്നും എനിക്ക് കഷ്‌ടകാലമാണല്ലോ ദൈവമേ…

 

ഇത്രയും പറഞ്ഞുകൊണ്ട് എഴുനേറ്റ ശ്രുതി പതിയെ മുന്നോട്ട് നടക്കുവാൻ തുടങ്ങി

 

അഖിൽ : എടി ദോ വരുന്ന പിള്ളേരോട് വല്ലതും കൊണ്ടാക്കിതരാൻ പറ

 

ശ്രുതി : എനിക്ക് അവരെയൊന്നും പരിചയമില്ല

 

അഖിൽ : എന്നാൽ പിന്നെ നീ എന്തോ ചെയ്യ്

 

ഇത്രയും പറഞ്ഞു അഖിൽ മുന്നോട്ട് നടന്നു അല്പദൂരം ചെന്നശേഷം അഖിൽ പതിയെ പിന്നിലേക്ക് നോക്കി അപ്പോൾ വളരെ പിന്നിലായി പതിയെ പതിയെ വരുന്ന ശ്രുതിയെയാണ്‌ അവൻ കണ്ടത്

 

അഖിൽ : ഇവള്…. ( ശ്രദ്ധിക്കാതെ പോ അഖിലെ മൈര് എന്തോ ക്കൊണ്ടാടട്ടെ )

 

പോകാൻ ഒരുങ്ങിയ അഖിൽ വീണ്ടും എന്തോ ഓർത്ത ശേഷം ശ്രുതിയുടെ അടുത്തേക്ക് തിരിഞ്ഞു നടന്നു

 

വേഗം തന്നെ അവൻ അവളുടെ അടുത്തേക്ക് എത്തി

 

അഖിൽ : നീ ഇങ്ങനെ ഇഴഞ്ഞിഴഞ്ഞ് അവിടെ എത്തുമ്പോഴേക്കും ഗേറ്റ് ക്ലോസ് ചെയ്യും വാ ഞാൻ കൊണ്ടുപോകാം

 

ശ്രുതി : വേണോന്നില്ല… ഞാൻ ഇഴഞ്ഞോ കുഴഞ്ഞോ വന്നോളാം

 

അഖിൽ : നേരെ നടക്കാൻ വയ്യെങ്കിലും ഡയലോഗിന് ഒരു കുറവും ഇല്ല ഇങ്ങോട്ട് വാടി…

 

ഇത്രയും പറഞ്ഞു അഖിൽ ശ്രുതിയെ പിടിച്ചുകൊണ്ട് പതിയെ നടക്കാൻ തുടങ്ങി…

 

ശ്രുതി : നീ വിട്ടേ

 

എന്നാൽ അഖിൽ ഒന്നും മിണ്ടാതെ നടത്തം തുടർന്നു

 

അല്പദൂരത്തിനു ശേഷം

 

ശ്രുതി : മറ്റുള്ളവരെ വേദനിപ്പിക്കുന്നത് വലിയ ഇഷ്ടമാണല്ലേ… ഓരോന്ന് പറയുമ്പോൾ മറ്റുള്ളവർക്ക് വേദനിക്കും എന്ന് ഓർക്കാത്തതെന്താ

 

അഖിൽ : മറ്റുള്ളവരുടെ വേദന ഞാൻ എന്തിനാ നോക്കുന്നെ… ഞാൻ ഇങ്ങനെയാ മാറാൻ ഒട്ട് ഉദ്ദേശിക്കുന്നുമില്ല

 

അവർ പതിയെ കോളേജ് ഗേറ്റിന് മുന്നിൽ എത്തി

 

അഖിൽ : എങ്ങനെയാ പോകുന്നെ

 

ശ്രുതി : ബസിൽ

 

അഖിൽ : വാ ബസ്സ്റ്റോപ്പിൽ ആക്കാം

 

അഖിൽ അവളെ അടുത്തുള്ള ബസ് സ്റ്റോപ്പിൽ കൊണ്ടാക്കി

 

അഖിൽ : സ്റ്റിക്ക് ഇല്ലാതെ എങ്ങനെ ബസിൽ കയറും

 

ശ്രുതി : ആരോടെങ്കിലും കയറ്റാൻ പറഞ്ഞോളാം

 

അഖിൽ : ശെരി ഞാൻ പോകുവാ കോളേജിൽ നിന്ന് ബൈക്ക് എടുക്കണം

 

ഇത്രയും പറഞ്ഞു അഖിൽ കോളേജിലേക്ക് വീണ്ടും നടന്നു അല്പസമയത്തിനുള്ളിൽ അവൻ ബൈക്കുമായി പുറത്തേക്ക് എത്തി ശ്രുതി അപ്പോഴും ബസ് സ്റ്റോപ്പിൽ ഇരിപ്പുണ്ടായിരുന്നു

 

അഖിൽ : ഇവൾ ഇതുവരെ പോയില്ലേ….

 

അഖിൽ ബൈക്ക് മുന്നോട്ട് എടുത്തു അല്പം ചെന്നപ്പോഴാണ് വലിയൊരു മെഡിക്കൽ ഷോപ്പ് അവന്റെ ശ്രദ്ധിയിൽ പെട്ടത് അഖിൽ പതിയെ ബൈക്ക് നിർത്തി അതിനുള്ളിലേക്ക് കയറി

 

“എന്താ സാർ വേണ്ടേ ”

 

അഖിൽ : ഇവിടെ ഈ കാല് വയ്യാത്തവർക്കുള്ള സ്റ്റിക്ക് ഉണ്ടാകുമോ

 

“ഉണ്ടല്ലോ എന്ത് ടൈപ്പാ വേണ്ടത് ”

 

അഖിൽ : ടൈപ്പ് എന്ന് പറയുമ്പോൾ… ഈ കയ്യൊക്കെ ഉള്ളിൽ കൂടി ഇടാൻ പറ്റിയത്

 

“ഓഹ് എൽബോ സപ്പോർട്ട് ഉള്ളത് ”

 

അഖിൽ : അത് തന്നെ

 

” എത്ര രൂപയ്ക്ക് ഉള്ളത് വേണം സാർ 600 മുതൽ ഒരു 4000 വരെ വിലയുള്ളത് ഉണ്ട് ”

 

അഖിൽ : 4000 ത്തിന്റെ ഒന്നും വേണ്ട… അത്ര മോശമല്ലാത്ത ഒന്ന് എടുത്തൊ

 

“അപ്പോൾ 2700 ന്റെ ഒന്ന് ഉണ്ട് നല്ല ബ്രാണ്ടാ”

 

അഖിൽ : ശെരി എടുത്തൊ.. ജി പേ ചെയ്യാം

 

അഖിൽ സ്റ്റിക്കുമായി പുറത്തേക്ക് എത്തി ശേഷം ബൈക്ക് മുന്നോട്ട് എടുത്തു