💞ആയിരം കണ്ണുമായി – 3 7

 

കുറച്ച് സമയത്തിനുള്ളിൽ ബസ് സ്റ്റാൻഡിൽ എത്തിയ അഖിൽ കാണുന്നത് കുറച്ച് മുന്നിലായി നിർത്തിയ ബസിനടുത്തേക്ക് ഒറ്റക്ക് പോകുവാൻ ശരമിക്കുന്ന ശ്രുതിയെയാണ് ബസ് സ്റ്റാർട്ട് ആക്കിയത് കണ്ട അവൾ അല്പം വേഗത്തിൽ പോകുവാൻ ശ്രമിച്ചു… പെട്ടെന്നാണ് അവൾ പിന്നിലേക്ക് തെന്നി വീണത് എന്നാൽ പുറകിലൂടെ എത്തിയ അഖിൽ അവളെ പിടിച്ചു നിർത്തി

 

അഖിൽ : എന്താടി ഈ കാണിക്കുന്നെ ഒറ്റക്ക് പറ്റില്ലെങ്കിൽ ആരോടെങ്കിലും പറയണം അല്ലാതെ… സഹായം ചോദിച്ചാൽ നിനക്ക് എന്തായി പോകും.. 😡

 

ശ്രുതി വേഗം തന്നെ അഖിലിന്റെ അടുത്തു നിന്നും മാറി

 

ശ്രുതി : ചോദിച്ചാൽ ആരെങ്കിലും സഹായിക്കണ്ടേ എല്ലാവരും ബസിൽ കയറുവാനുള്ള തിരക്കിലാ… അതിനിടയിൽ എന്നെ നോക്കിയാൽ അവരുടെ ബസ് പോകും സീറ്റും കിട്ടില്ല ബസ് അപ്പുറത്താ കൊണ്ട് നിർത്തുന്നെ ഇരുന്ന് മടുത്തപ്പോഴാ ഒന്ന് പോയി കയറാൻ നോക്കിയെ… സ്റ്റിക്ക്‌ ഉണ്ടായിരുന്നെങ്കിൽ എങ്ങനെയെങ്കിലും കയറാമായിരുന്നു

 

ഇത് കേട്ട അഖിൽ അവൾക്ക് നേരെ കൂടെ കൊണ്ടുവന്ന സ്റ്റിക്ക് നീട്ടി

 

അഖിൽ : പിടിക്ക്… ഞാൻ ഓടിച്ചതിന്റെ കടം ഇതോടെ തീർന്നു

 

ശ്രുതി : ഇത്… എനിക്ക്…

 

 

 

അഖിൽ : വേണ്ട എന്ന് പറയാൻ പോകുവായിരിക്കും… വേണ്ടെങ്കിൽ റോഡിലേക്ക് എറിഞ്ഞേക്ക് എനിക്ക് ഒരു പ്രശ്നവുമില്ല ഞാൻ ഒന്ന് ഓടിച്ചു അത് തിരികെ വാങ്ങിതന്നു ഇനി നീ എന്താന്ന് വച്ചാൽ ചെയ്തോ

 

ഇത്രയും പറഞ്ഞു അഖിൽ സ്റ്റിക്ക് അവളുടെ കയ്യിൽ നൽകി

 

പെട്ടെന്നാണ് ഒരു ബസ് അവിടെ നിർത്തിയത്

 

ശ്രുതി : ഞാൻ ഇതിൽ പോകുവാ…

 

അഖിലിനെ ഒന്ന് കൂടി നോക്കിയ ശേഷം ശ്രുതി ബസിലേക്ക് കയറി….

 

****************

ഒരു മണിക്കൂറിന് ശേഷം ശ്രുതി ബീച്ചിലെ കടക്ക്‌ മുന്നിൽ

 

അച്ഛൻ : നീ ഇന്ന് താമസ്സിച്ചോ

 

ശ്രുതി : ഇന്ന് സ്പെഷ്യൽ ക്ലാസ്സ്‌ ഉണ്ടായിരുന്നു പിന്നെ ബസും കിട്ടാൻ വൈകി അച്ഛൻ പൊക്കൊ ഞാൻ ഇരുന്നോളാം

 

അച്ഛൻ : എനിക്കിപ്പോൾ ഒരു കുഴപ്പവുമില്ല ചുമ്മാ കിടന്നാലാ ഓരോന്ന് വരുന്നെ

 

ശ്രുതി : ബീച്ചിൽ ആള് കുറവാ അല്ലേ

 

അച്ഛൻ : ഉം… ഇപ്പോൾ പണ്ടത്തെ പോലെ വലിയ ആളൊന്നും ഇല്ല… എല്ലാവരും മാളിലൊക്കെയല്ലേ പോകുന്നെ വേറെ എന്തെങ്കിലും തുടങ്ങിയാലോ എന്നാ ഞാൻ ആലോചിക്കുന്നെ

 

പെട്ടെന്നാണ് അയാൾ ശ്രുതിയുടെ കയ്യിലെ സ്റ്റിക്ക് ശ്രദ്ധിച്ചത്

 

അച്ഛൻ : ഈ സ്റ്റിക്ക് ഏതാ മോളെ… ഇത് നിന്റേത് അല്ലല്ലോ

 

ശ്രുതി : അത്… അത് പിന്നെ… കോളേജിൽ നിന്ന് കിട്ടിയതാ..ഒരു ചാരിറ്റി ഗ്രൂപ്പ് വഴി…

 

അച്ഛൻ : അതെന്തായാലും നന്നായി നിന്റെ സ്റ്റിക്ക് പൊട്ടിയിരിക്കുവായിരുന്നില്ലേ… എന്തായാലും കാണാനൊക്കെ കൊള്ളാം

 

***********

പിറ്റേന്ന് ശ്രുതി ക്ലാസ്സിൽ

 

ലക്ഷ്മി : ഇന്ന് നേരത്തെയാണല്ലോ

 

ശ്രുതി : ബസ് കറക്ഡ് ടൈമിൽ വന്നു

 

ഇത്രയും പറഞ്ഞു ശ്രുതി സീറ്റിലേക്ക് ഇരുന്നു അപ്പോഴാണ് ലക്ഷ്മി ശ്രുതിയുടെ പുതിയ സ്റ്റിക്ക് കണ്ടത്

 

ലക്ഷ്മി : എടി നീ പുതിയ സ്റ്റിക്ക് വാങ്ങിയോ… മുൻപത്തെകാളും കൊള്ളാം കേട്ടോ എത്ര രൂപയായി

 

ശ്രുതി : വിലയൊന്നും അറിയില്ല

 

ലക്ഷ്മി : അറിയില്ലേ…

 

ശ്രുതി : ഇത് ഞാൻ അല്ല വാങ്ങിയെ

 

ലക്ഷ്മി : അതെനിക്ക് അറിയാം അച്ഛൻ വാങ്ങിയതായിരിക്കും അല്ലേ… വിലയൊന്നും പറഞ്ഞില്ലേ

ശ്രുതി : അച്ഛനും അല്ലെടി… അവൻ തന്നതാ

 

ലക്ഷ്മി : ഏവൻ നീ തെളിച്ചു പറ

 

ശ്രുതി : അഖില് അവൻ തന്നതാ 🙄

 

ലക്ഷ്മി : ഏത് ദോ ആ പുറകിൽ ഇരിക്കുന്ന അഖിലോ

 

ശ്രുതി : ഉം..

 

ലക്ഷ്മി : അവൻ നിനക്ക് സ്റ്റിക്ക് വാങ്ങി തന്നോ 😳

 

ശ്രുതി : എന്തിനാ ഇങ്ങനെ അത്ഭുതപ്പെടുന്നെ എന്റെ സ്റ്റിക്ക് അവനല്ലേ ഓടിച്ചേ അതിന് പകരം വാങ്ങി തന്നതാ… ഇന്നലെ അസാപ്പിൽ വച്ച് അവൻ കാരണമാ സ്റ്റിക്ക് ഒടിഞ്ഞത് എന്ന് ഞാൻ പറഞ്ഞു അപ്പോൾ വാങ്ങി തന്നതാ