🫦🫦സ്വർണചിറകുള്ള മാലാഖ🫦🫦 2അടിപൊളി  

” വേഗം വന്ന് കിട്ടേണ്ടത് വാങ്ങിക്കോ, വൈകിയാൽ ഞാൻ എന്താചെയ്യാ എന്ന് എനിക് പോലും അറിയില്ലാ. . . ! ! ! ”

വീണ്ടും ഫോൺ കാട്ടായി. ഇനിയും വൈകുന്നത് കൂടുതൽ അപകടം വരുത്തും. ഞാൻ വീട്ടിലേക് നടന്നു. ശബ്ദം ഉണ്ടാകാതെ വാതിൽ തുറന്നു. അകത്ത് ആരെയും കാണുന്നില്ല. ഞാൻ ഒട്ടും ശബ്ദം ഉണ്ടാകാതെ മുകളിലുള്ള റൂമിലേക് പോകാനൊരുങ്ങി, കോണി പടിയിലേക് നടന്നു. . .

പെട്ടെന്ന് വലതുവശത്തിൽ നിന്നും എന്തോ ആക്രമിക്കാൻ വരുന്നത് ഞാൻ കണ്ടു. മമ്മി തന്നെയാണ്. കുതിച്ചുവന്ന് ഒരെണ്ണം മുതുകിൽ കിട്ടി. അപ്പോഴേക്കും ഞാൻ ഓടി ഡൈനിങ്ങ് ടേബിളിന്റെ പുറകിൽ അഭയം പ്രാപിച്ചു. മമ്മി ഒരു കൊലയാളിയെ കീഴ്പ്പെടുത്തുന്ന ആസക്തിയോടെ അലറി . . .

” മര്യാദക് വന്നോ, ഇല്ലെകിൽ കൊല്ലും നിന്നെ ഞാൻ ”

ഞാൻ ഇല്ലായെന്നു തലയാട്ടി. ടേബിളിൽ ഇരുന്ന സെറാമിക് പ്ലേറ്റിൽ ഒന്ന് എന്റെ നേർക്ക് എടുത്ത് എറിഞ്ഞു. വേറെ വഴിക്ക് പോയി ഭിത്തിയിൽ ഇടിച്ചു ചിതറി. വീണ്ടും ഒരെണ്ണം അതും മേത്തുകൊള്ളാതെ പോയി. അടുത്തതായി കയ്യിൽ എടുത്തത് ചില്ലുഗ്ലാസ് ആണ്. അതുകണ്ടതും ഞാൻ രണ്ടുകൈകളും നേരെ പിടിച്ചു നിർത്താൻ പറഞ്ഞു.. .

” ഒകെ ഒക്കെ, ഞാൻ കീഴടങ്ങി ”

ഞാൻ മമ്മിയുടെ അടുക്കലേക്ക് ചെന്നു. മമ്മി ഗ്ലാസ് തിരിച്ചുവച്ചു. എന്നെ കൊല്ലാനുള്ള ദേഷ്യം ആ മുഖത്തുകാണാം. ഞാൻ അടുത്തെത്തിയതും എന്റെ കോളറിൽ കുത്തിപിടിച്ചു. ഞാൻ അടികൊള്ളാനായി കണ്ണുകൾ അടച്ചുപിടിച്ചു. . .

അടിവരുന്നില്ല. ഞാൻ കണ്ണുകൾ ചിമ്മി തുറന്നു നോക്കി. മമ്മി രണ്ടുകൈകളും കൊണ്ട്‌ നെഞ്ചിൽ തളളി എന്നെ നിലത്തേക്കിട്ടു. ഇതെന്ത് അത്ഭുതം . ഞാൻ ആ വീണപോലെ നിലത്തിരുന്നു. . .
” നിന്നെ തല്ലിയിട്ട് ഒരു കാര്യവുമില്ല, നീ നശിഞ്ഞുപോയി. നീ നിന്റെ ഇഷ്ടത്തിനനുസരിച്ച് ജീവിച്ചോ, ഞാനിനി നിന്റെ ഒരു കാര്യത്തിലും ഇടപെടുന്നില്ല ”

ആദ്യമായി ചെറുതായി കരഞ്ഞുകൊണ്ടാണ് മമ്മി അത് പറഞ്ഞത്. അതുപറഞ്ഞതും മമ്മി റൂമിലേക് കടന്നുപോയി വാതിൽ ഉച്ചത്തിൽ അടച്ചു. ഞാൻ ഒന്നും മനസ്സിലാവാതെ കുറച്ചു നേരം ഇരുന്നു. എന്റെ ജീവിതത്തിൽ ഇത് വരെ മമ്മി ഇങ്ങനെ പ്രതികരിച്ചിട്ടില്ല. എന്തായാലും തല്ലുകൊള്ളാതെ രക്ഷപ്പെട്ടു. ഞാൻ എഴുനേറ്റ് റൂമിലേക് പോയി. . .

അടുത്ത ദിവസം മമ്മി എന്നെ കണ്ടിട്ട് മൈൻഡ് പോലും ചെയ്യുന്നില്ല. കണ്ടഭാവം കാണിക്കാതെ എന്റെ മുന്നിലൂടെ ജോലിക്ക് പോയി. വൈകീട്ടും അതേ അവസ്ഥ. അടുത്ത ദിവസവും ഒന്നും മിണ്ടുന്നില്ല. ഞാനും പിന്നെ അധികം മൈൻഡ് ചെയാൻ പോയില്ല.

മൂന്നാം ദിവസം ഒരു ഞായറാഴ്ച ആയിരുന്നു. അന്ന് ഞങ്ങൾ രണ്ടുപേരും വീട്ടിൽ തന്നെയാണ്. ഇനിയും നീട്ടികൊണ്ടുപോകുന്നത് ഒട്ടും ബുദ്ധിയല്ല. ഞാൻ തന്നെ പോയി സംസാരിച്ചു. കുറെ സോറിയൊക്കെ പറഞ്ഞു കാലിൽ വീണു. പിന്നെ മമ്മിയും ഒക്കെആയി. എന്നാലും പഴേ ഒരു മൂഡിലേക് എത്തുന്നില്ല. ഓരോ ദിവസങ്ങൾ കടന്നു പോയി. ഇപ്പൊ മമ്മി വീണ്ടും പഴയപോലെ ആയി സംസാരിച്ചു തുടങ്ങി . . .

ഒരുദിവസം വൈകുന്നം ക്ലാസ് കഴിഞ്ഞുവരുകയായിരുന്നു. ബസ്സിൽ ആണ്, ഞാൻ ഗോകുൽ പിന്നെ അബി ഞങ്ങൾ സീറ്റ് കിട്ടാതെ നിൽക്കുകയാണ് അങ്ങനെ ഓരോ തമാശയൊക്കെ പറഞ്ഞ്. ബസ്സിൽ അത്യാവശ്യം തിരക്കൊക്കെയാണ്. മുന്നിൽ നിന്ന് ഒരു ബഹളം, ഒരു പെണ്കുട്ടിയുടെ ഉറക്കെയുള്ള ശബ്ദം കേൾക്കാം ഒപ്പം വേറെ ഒരു ആളും സംസാരിക്കുന്നുണ്ട്. ആരും ഇടപെടുന്നില്ല എന്നുകണ്ടപ്പോ ഞങ്ങൾ മുന്നിലേക് കയറി കാര്യം മനസ്സിലായി, ക്ലാസ്സിൽ ഉള്ളകുട്ടിയാണ്. . .

” എന്താ അഭിരാമി എന്താ പ്രശ്നം ”

ഞാൻ തന്നെ കേറി ചോദിച്ചു. . .

” ദേ ഇയാൾ കുറെ നേരമായി തുടങ്ങിയിട്ട്, തൊണ്ടലും മാന്തലും ശല്യം ” . . .
45 വയസിനു മുകളിലുള്ള ഒരാളാണ് അപ്പുറം, അവൾ പറഞ്ഞു തീർന്നതും, ഗോകുൽ ചാടിക്കയറി ഒന്നു പൊട്ടിച്ചു. പിന്നെ ഞാനും ഇടപെട്ടു. രണ്ടുമൂന്നു മിനുട്ട് പടക്കം പൊട്ടുന്നപോലെ കൊടുത്തു. അയാൾ തല്ല് നിന്നുവാങ്ങി തിരിച് ഒന്നും ചെയ്തില്ല. അവസാനം ആയാളെ വലിച്ച് ബസ്സിന്റെ പുറത്തേക്കിട്ടു, വീണ്ടും ബസ്സ് നീങ്ങിത്തുടങ്ങി. അവൾ അതിന് ഒരുപാട് നന്ദിയൊക്കെ പറഞ്ഞു. . .