🫦🫦സ്വർണചിറകുള്ള മാലാഖ🫦🫦അടിപൊളി  

അത് പോലെ ഞാൻ ജീവിതത്തിൽ കണ്ടിട്ടുള്ളതിൽ ഏറ്റവും ധൈര്യശാലിയും ബോർഡും ആയ സ്ത്രീ മമ്മി തന്നെയാണ്. അത് ഒരു പാട് കഥകൾ ഉണ്ട്. അതെല്ലാം ഉടനെ പറയാം. . .

. . . . . . . . . . . . . . . . . . . . . . . . . . . . . . . . . . . . . .

ഇനിയും കാത്തിരിക്കുന്നതിൽ അർത്ഥം ഇല്ല, സമയം ഇപ്പോ 10.30 കഴിഞ്ഞിട്ടുണ്ട്. ഉച്ചക്ക് എപ്പോഴോ അല്പം ഭക്ഷണം കഴിച്ചതാണ്. ഇപ്പോ വിശന്നു വയർ കത്തുന്നു. ഇത്രേം തല്ലിയതല്ലേ, ആ രാക്ഷസിക് ഒന്നു വന്ന്‌ വിളിച്ചൂടെ അല്ലെങ്കിൽ ഇത്തിരി ഫുഡ് കൊണ്ടുതന്നൂടെ. കണ്ണ് ചോരയില്ലാത്ത ദുഷ്ട. അടുക്കളയിൽ പോയി വല്ലതും തിന്നാലോ, വേണ്ടാ വീണ്ടും അവളുടെ മുന്നിൽ പോയിപെട്ടെ പൊടിപോലും കിട്ടില്ലാ. . .
ഡെസ്കിൽ ഇരുന്ന വെള്ളം എടുത്ത് കുടിച്ച് വയറ്റിലെ തീ കെടുത്തി. ഇപ്പൊ ഒരൽപ്പം ആശ്വാസം. എന്നിട്ടും കിടന്നിട്ട് ഉറക്കം മാത്രം വരുന്നില്ലാ. തിരിഞ്ഞും മറിഞ്ഞും കുറെ സമയം കിടന്നു ഇടക് എപ്പോഴോ ഉറക്കത്തിലേക്ക് വഴുതിവീണു. . .

രാവിലെ ഉറക്കത്തിൽ നിന്നും ഞെട്ടി എഴുന്നേറ്റു സമയം നോക്കി. ഓഹ് ഗോഡ്, 10 മണി കഴിഞ്ഞു. കഠിനമായ ഉറക്കത്തിൽ പറന്നുപോയ കിളികൾ ഓരോന്നായി തലയിലേക് തിരിച് ചേക്കേറി. ഇന്നത്തേക് ഉള്ളതായിട്ടുണ്ട്. ക്ലാസ്സിൽ പോകാത്തതിനായിരിക്കും ഇന്നത്തെ യുദ്ധം. . .

ഇന്നലെ വന്നുകിടന്ന യൂണിഫോം പോലും മാറ്റിയിട്ടില്ല. ഉടനെ തന്നെ അടിയിലെ ഫ്ലോറിലേക് നടന്നു. ഒച്ചയും അനക്കവും ഒന്നും കേൾക്കുന്നില്ല. ഹാവൂ രക്ഷപ്പെട്ടു. ഇനി വൈകുന്നേരം വരെ ശല്യം ഇല്ല. . .

വീണ്ടും മുകളിൽ കയറി കണ്ണാടിയിൽ നോക്കി. ഇന്നലെയുണ്ടായ ചുവന്ന കൈപ്പത്തി രേഖ മാറി കറുപ്പ്‌ കളറിൽ കരുവാളിച്ചു കിടപ്പുണ്ട്. എനിക് നല്ല വെളുത്ത നിറം ആയതുകൊണ്ട് തന്നെ നല്ല വ്യക്തമായി തെളിഞ്ഞുതന്നെ കാണാം. അപ്പൊ കാരണം ആയി സ്കൂളിൽ പോകാത്തിന്റെ. . . .

വേഗം തന്നെ പല്ലുതേച്ചു ഒന്നു ഫ്രഷ് ആയി, യൂണിഫോം എല്ലാം മാറ്റി ഒരു ഷോർട്സും ബനിയനും എടുത്തിട്ടു. നേരെ അടുക്കള ലക്ഷ്യം വെച്ച് നടന്നു. ഇനിയും വൈകിയാൽ തലകറങ്ങി വീഴും. അടുക്കളയിൽ കയറി തലങ്ങും വിലങ്ങും നോക്കി. എങ്ങും ഒഴിഞ്ഞ പാത്രങ്ങൾ മാത്രം. ദേഷ്യം കൊണ്ട് കണ്ണുകൾ നിറഞ്ഞു. പിശാചിന് എന്തെങ്കിലും ഉണ്ടാക്കി വച്ചിട്ട് പൊക്കൂടെ, ഞാൻ സ്വയം മനസ്സിൽ പറഞ്ഞു. . .

ഇന്നലെ വൈകീട്ട് ഓഫ്‌ ആയിപോയ ഫോണിന്റെ കാര്യം അപ്പോഴാ ഓർത്തത്. നേരെ പോയി അത് ചാർജിൽ ഇട്ട് നിമിഷങ്ങൾക്കകം ഓണാക്കി, ചറ പറ notification, missed calls. കൂട്ടത്തിൽ അതാ 27 missed calls by അച്ചു. . .

അതേ പ്രണയം, ഒരുപാട് കഷ്ടപ്പെട്ട് സെറ്റാക്കിയതാ. പേര് ആവണി മനോജ്. എന്റെപുറകെ നടന്ന ഒരുപാട് പേരെ വേണ്ടെന്ന് വച്ചു ഞാൻ ആകെ ഇഷ്ടപ്പെട്ട ഏക ഒരുത്തി. ഞാൻ science batchum അവൾ കോമേഴ്സ് batchum, അടുക്കാൻ ഒരുപാട് സമയം വേണ്ടിവന്നു. ഞങ്ങൾ തമ്മിൽ അടുപ്പത്തിൽ ആയിട്ട് 3 മാസമേ ആകെ ആയിട്ടുള്ളൂ. എന്നിരുന്നാലും ഒരു ആയുഷ്കാലം മുഴുവൻ ചങ്ങലയിൽ ബന്ധിക്കപെട്ടെ അവസ്ഥയിൽ ആയിരുന്നു ഇപ്പോഴേ ഞങ്ങൾ. ഒരു ദിവസം എന്റെ ശബ്ദം കേൾക്കാതെ ഉറങ്ങാൻ പറ്റാത്തവൾ. നാളെ ക്ലാസ്സിൽ ചെന്നിട്ട് അവളുടെ വായിൽ ഇരിക്കുന്നതും കേൾക്കണം . . .
അപ്പോഴേക്കും കയ്യിൽ ഇരുന്ന ഫോൺ റിങ്‌ ചെയ്തു. ഓഹ് മൈ ഗോഡ് മമ്മി. മടിച്ചു മടിച്ചു ഫോൺ എടുത്തു. ഇനി എന്തായിരിക്കും ദൈവമേ . . .

” മോനു ”

അപ്പുറത്തുനിന്നും സ്നേഹത്തോടെയുള്ള മധുര ശബ്ദം. മോനു എന്നു മമ്മി നോർമൽ മോഡിൽ ഉള്ളപ്പോൾ വിളിക്കുന്നതാണ്. ഭാഗ്യം രക്ഷപ്പെട്ടു, എന്നിരുന്നാലും ഞാൻ അല്പം ജാഡ കാണിച്ചു. . .

“എന്ത് വേണം, ചത്തൊന്നറിയാനാണോ ??”

” നീ ഇന്ന് ക്ലാസിൽ പോയില്ലേ ???”

” ഇല്ല പോയില്ല, ഇന്നലെ എന്തൊരടിയാ അടിച്ചത്, മുഖത്തെ പാട് പോലും പോയിട്ടില്ല . . . “”

” തോന്നിവാസം കാണിച്ചിട്ടല്ലേ, ഇന്നലെ നിന്നെ കൊല്ലാതെ വിട്ടത് നിന്റെ ഭാഗ്യമായി കണ്ടാമതി . . . ”

” ഓ ശെരി മാഡം . . .”

” നീ വല്ലതും കഴിച്ചോടാ . . . ??

“പിന്നെ ഇവിടെ ഒരുപാട് സാധനങ്ങൾ ഉണ്ടാക്കിനിരത്തി വച്ചിട്ടുണ്ടല്ലോ. . .”

” അത് പിന്നെ ഇന്നൊരു ആർജൻറ് കേസ് ഉണ്ടായിരുന്നു. അതുകൊണ്ട് നേരത്തെ ഇങ് പോന്നു . . . ”

” ഓഹ് വളരെ ഉപകാരം ”

” ഒരു കാര്യം ചെയ്യ്, ആ ഫ്രിഡ്ജിന്റെ മുകളിൽ കാശ് വച്ചിട്ടുണ്ട്, അത് എടുത്തോ പുറത്തുനിന്നും വല്ലതും വാങ്ങികഴിക് ഇന്ന്, പിന്നെ ഉച്ചയ്ക്ക് ഉള്ളതും വാങ്ങിച്ചോ ”

” ആഹ്, പിന്നെ കാർ ഞാൻ എടുക്കും പുറത്തുപോകാൻ “”

” സൂക്ഷിച്ചു പോ, വെറുതേ ഇരിക്കാതെ എന്തെങ്കിലും പഠിക്കാൻ നോക്ക്. .”

” ഓഫ്‌കോഴ്സ് മാഡം ”

” ശെരി എന്ന ഞാൻ കുറച്ച് തിരക്കിലാണ്, വൈകുന്നേരം കാണാം ബയ് . . . ”

ഇതുകൊണ്ടാണ് എനിക് മമ്മിയോട് അധികം ദേഷ്യം തോന്നാത്തത്, ഇടക് കലിപ്പത്തി ആക്കോങ്കിലും ഉള്ളു നിറച്ച് സ്നേഹമാ. പിന്നെ ഒട്ടും കാത്തുനിൽക്കാതെ വേഗം വീടുപൂട്ടി ഇറങ്ങി. ഞങ്ങൾ താമസിക്കുന്നത് കൊച്ചി സിറ്റിയിൽ തന്നെയാണ്, കുറച് അകത്തേക്കു കയറിയാണെങ്കിലും നല്ല സൗകര്യം ഉള്ള ഒരു വീട്‌ തന്നെയാണ് വാടകയ്ക്ക് എടുത്തിരിക്കുന്നത്. ഞങ്ങൾക്ക് ഇത് വരെ സ്വന്തമായി ഒരു വീട് വച്ചിട്ടില്ല. അത്കൊണ്ട് തന്നെ ഒരുപാട് ആസ്തി ഞങ്ങൾക്കുണ്ട്. മമ്മിയുടെ സ്വന്തം വീട് കോട്ടയത്താണ്. ഒളിച്ചോട്ടം കഴിഞ്ഞു ഉടക്കിൽ ആയിരുന്നെങ്കിലും ഇപ്പൊ അവരുമായി വലിയ പ്രേശ്നങ്ങൾ ഒന്നും തന്നെയില്ല. അമ്മുമ്മ മരിച്ചുപോയി. മമ്മി ഒറ്റമകൾ അതായത് കൊണ്ട് പ്രായമായ അപ്പൂപ്പൻ ഒറ്റക്കാണ് താമസം. ഞങ്ങൾ ഇടക് വേക്കെഷൻ സമയത്തൊക്കെ അവിടെപോയി നില്കാറുണ്ട്. അപ്പൂപ്പനെ ഇവിടെ ഞങ്ങളുടെ ഒപ്പം നിൽക്കാൻ പറഞ്ഞാലും പുള്ളി സമ്മതിക്കില്ല, പുള്ളിക് ആ കാടും റബ്ബറും വിട്ട് എങ്ങോട്ടും വരാൻ പോണില്ല. . .
ഞാൻകാറെടുത് വേഗത്തിൽ വച്ചുപിടിച്ചു. എനിക് ഏറ്റവും ഹരം ഉള്ള ഏർപ്പാട് ആണ് ഡ്രൈവിങ്. മാരുതി സ്വിഫ്റ്റ് ആണ് വീട്ടിലെ വണ്ടി, ലൈസൻസ് കിടീട്ട് കുറച്ചേ ആയിട്ടുള്ളു എങ്കിലും ഞാൻ ഒരു experiance ഡ്രൈവർ ആയി മാറി. പക്ഷെ മമ്മി എപ്പോഴും എനിക് വണ്ടിയോടിക്കാൻ ഒന്നും തരില്ല. . .

ഉച്ചസമയം ആയിട്ടും നല്ലരീതിയിൽ ട്രാഫിക് ഉണ്ട്. ഒരു ഹോട്ടൽ പാർക്കിൽ വണ്ടികയറ്റി, നേരെ അകത്തുകയറി ഒരു മട്ടൻ ബിരിയാണി തന്നെ പറഞ്ഞു. ഉളുക്കിനും ചതവിനും മട്ടൻ കറക്ടാണ്. പിന്നെ അതുമായി വീട്ടിലേക് വച്ചുപിടിച്ചു, നല്ലവിശപ്പുള്ളത് കൊണ്ട് വച്ച്അലക്കി വിട്ടു.

വീട്ടിൽ എത്തി tv ഓണാക്കി ഫുഡ് പ്ലേറ്റിൽ ഇട്ടുകൊണ്ട് കഴിപ്പുതുടങ്ങി. ഇന്ത്യ vs പാകിസ്ഥാൻ ടെസ്റ്റ് ലൈവ് നടക്കുന്നുണ്ട്. ക്രിക്കറ്റ് കാണാൻ വലിയ താല്പര്യമൊന്നും ഇല്ലെങ്കിലും അതും കണ്ടിരുന്നു. എനിക് കൂടുതൽ ഇഷ്ട്ടം ഫുട്ബോൾ ആണ്. . .

+92

-5