അവള് തുടര്ന്നു.
“..ആ നിങ്ങള് ഈ കോണ്ഫറന്സ് ഹാളിലേക്ക് കടന്നുവന്നപ്പോള് ഭയപ്പെട്ടത് എന്തിനാണ്?”
ഇത്തവണ ജെയിംസ് ഒരു നിമിഷം ശരിക്കും പതറി.
അത് ഭയമായിരുന്നില്ല മാഡം, അവന് അവളുടെ കണ്ണുകളില് നിന്നും നോട്ടം മാറ്റാതെ പറഞ്ഞു. കിന്നരി വീണതന്ത്രികള് മീട്ടി പ്രണയ സംഗീതം മീട്ടുന്ന ഒരു പെണ്ണിനെയാണ് ഞാനിവിടെ കണ്ടത്. എന്റെ മേലുദ്യോഗസ്ഥയെയല്ല. അങ്ങനെ കാണുന്നത് തെറ്റാണ്ങ്കിലും.
ഇത്രമേല് വാചാലമായ മിഴികള് ഞാന് മുമ്പ് ഒരു പെണ്ണിലും കണ്ടിട്ടില്ല. പൂക്കള് അവയുടെ മുഴുവന് നിറങ്ങളും കുയിലുകള് അവയുടെ സംഗീതവും കുളിരോളം പോലെ ഇളകിയുലയുകയാണ് മാഡം നിങ്ങളുടെ കണ്ണുകളില്. എന്റെ നെഞ്ച് അപ്പോള് പിടഞ്ഞു. കണ്ണുകള് തുടിച്ചു. അറിയാതെ എന്റെ ഞരമ്പുകള് മുഴുവനും മയില്പ്പീലികളെപ്പോലെ മൃദുനൃത്തം ചെയ്തു….
“ഞാന് അത് പേടിച്ചു നോക്കിയതല്ല മാഡം…”
പറഞ്ഞു കഴിഞ്ഞാണ് വേണ്ടിയിരുന്നില്ല എന്ന് അവന് തോന്നിയത്. പിന്നെ അത് എന്ത് നോട്ടമായിരുന്നെന്ന് മാഡമിനി ചോദിക്കും. അപ്പോള് എന്ത് പറയും?
അപ്പോള് സമീറ അവനെ തറച്ചു നോക്കി.
“എനിക്ക് റിസള്ട്ട് വേണം…”
അവള് പറഞ്ഞു.
“ഏല്പ്പിച്ച ഒരു കേസും ഭംഗിയായി അവസാനിപ്പിച്ചിട്ടേയുള്ളൂ ഞാന്…ആദ്യമായാണ് ഒരു ടീമിന്റെ ഹെല്പ്പ് ഞാന് തേടുന്നത്…അതീ കേസിന്റെ ഹൊറര് അത്ര വലുതാണ് എന്നത് കൊണ്ടാണ്… ജെയിംസില് നിന്ന് മുഴുവന് ബ്രില്ലിയന്സും ഞാന് പ്രതീക്ഷിക്കുന്നു…മര്ഡര് അടുത്ത വിക്റ്റിമിനെ തൊടുന്നതിനു മുമ്പ് നമുക്ക് ഇത് പാക്കപ്പ് ചെയ്യണം. വേണ്ടേ?”
“വേണം! വേണം മാഡം!”
അവന് ദൃഡസ്വരത്തില് പറഞ്ഞു.
“എങ്കില് മുഴുവന് മനസ്സും എഫര്ട്ടും ഇതില് മാത്രം കോണ്സെന്ട്രേറ്റ് ചെയ്യുക…മനസ്സിലായോ?”
അവന്റെ കണ്ണുകളിലേക്ക് തറച്ച് നോക്കിക്കൊണ്ട് അവള് നിര്ത്തി.
“ഷുവര്, മാഡം!”
അവന് പറഞ്ഞു.
പിന്നെ അവളോടൊപ്പം പുറത്തേക്ക് നടന്നു.
സമീറ കുളികഴിഞ്ഞു വന്നപ്പോള് ശിവന് കഴിക്കാനുള്ളത് എടുത്ത് വെച്ചിരുന്നു.
“ഇന്നെന്താ, മട്ടന് ആണോ? ആഹാ! ആരാ ഉണ്ടാക്കിയെ? ദേവകിയാണോ?”
ഡൈനിങ്ങ് ടേബിളിനെ സമീപിച്ച് ആഹ്ലാദത്തോടെ അവള് ചോദിച്ചു.
“ദേവകി രണ്ടു ദിവസം ലീവാ സമീറ…”
അവളുടെ കൈ പിടിച്ച് സമീപത്ത് ഇരുത്തി ശിവന് പറഞ്ഞു.
“അപ്പോള് ഇത് ശിവനുണ്ടാക്കിയതാണോ? വൌ!!”
കറിയില് വിരല് മുക്കിയീമ്പിക്കൊണ്ട് അവള് പറഞ്ഞു.
“കേസും കൂട്ടവുമൊക്കെയായി പെണ്ണിന്റെ ഷേപ്പ് ആകെ നാശമായി…”
അവളോടോപ്പമിരുന്നു കഴിച്ചുകൊണ്ട് ശിവന് പറഞ്ഞു.
“തിന്നാതേം കുടിക്കാതെം ഒന്നും വേണ്ട ഒരു അന്വേഷണവും. മനസ്സിലായോ?”
ചപ്പാത്തിയെടുത്ത് കറിയില് മുക്കി അവളുടെ വായില് വെച്ചുകൊടുത്ത് ശിവന് പറഞ്ഞു.
“ഒന്ന് പോ ശിവാ!”
അവള് പുഞ്ചിരിച്ചു.
“കഴിപ്പും കുടിയും ഒക്കെ ഓണ് ടൈമില് തന്നെയുണ്ട്…ആ ഇപ്പഴാ ഓര്ത്തെ…നമുക്ക് ഒരു ഡ്രിങ്ക് ആയാലോ?”
“വൌ! വൈ നോട്ട്!”
ശിവന് എഴുന്നേറ്റു.
“വേണ്ട!”
സമീറ അവനെ വിലക്കി.
“ശിവനിരിക്ക്. ഞാന് ഡ്രിങ്ക്സ് പ്രിപ്പയര് ചെയ്യാം…”
സമീറ എഴുന്നേറ്റു. ഫ്രിഡ്ജിന് സമീപമിരുന്ന ക്യാബിന് തുറന്ന് സ്മിര്നോഫ് നോര്ത്തിന്റെ ഒരു ബോട്ടില് എടുത്തു. കബോഡ് തുറന്ന് വലിയ ഒരു ജാറില് പിനാ കൊളാഡ ഒരു ടംബ്ലെറിലേക്ക് എടുത്തു. ചില് ചെയ്ത ഡായ്ക്വിസും മാര്ഗരീറ്റയും ശരിക്കും സ്റ്റിര് ചെയ്ത് ബ്ലെന്ഡറിലേക്ക് ഒഴിച്ചു. ആപ്പിള് കഷണങ്ങളും സ്ട്രോബെറിയും നന്നായി മിക്സിയില് അടിച്ച് ഫില്ട്രേറ്റ് ചെയ്ത് പിനാ കൊളാഡേയില് ഒഴിച്ച് ഷേക്ക് ചെയ്ത് അവസാനം സ്മിര്നോഫില് മിക്സ് ചെയ്തു. പിന്നെ രണ്ടു ഗ്ലാസ്സുകള് അവ പകര്ന്ന് ഐസ് ക്യൂബുകളിട്ട് ശിവന്റെ അടുത്തേക്ക് വന്നു.
“കോക്ക്ടെയില് ഈസ് ഫോര് യൂ, മൈ ലവ്!”
ഗ്ലാസ്സുകള് ഡൈനിങ്ങ് ടേബിളില് വെച്ച് അവന്റെ അധരത്തില് ചുംബിച്ചുകൊണ്ട് അവള് പറഞ്ഞു.
രണ്ടാമത്തെ സിപ്പ് കഴിഞ്ഞപ്പോള് സമീറ അവനെ ചുണ്ടുകള് അമര്ത്തിക്കടിച്ച് ഒന്ന് നോക്കി.