ഹരി ഫോൺ വാങ്ങി നോക്കി… ഹരിയുടെ മുഖത്ത് ഒരു പുഞ്ചിരി വിടർന്നു… ആ റിപ്പോർട്ടിൽ ഉണ്ടായിരുന്നു ഹരിക്ക് വേണ്ടത്…
അഞ്ചു അങ്ങോട്ട് പോയതും ബെന്നി ചിരിച്ചു കൊണ്ട് പറഞ്ഞു : നിനക്ക് എന്നെ വിശ്വാസം ഇല്ല അല്ലെടാ…
ഹരി: നിങ്ങളോട് ഉള്ള ഇഷ്ടം കൊണ്ടല്ലേ മനുഷ്യാ…..
ബെന്നി : അറിയാടാ…… സിനി എന്നെ ഹെൽപ് ചെയ്തിട്ടേ ഉളളൂ ഇതുവരെയും… എന്റെ എല്ലാ കാര്യങ്ങളും നോക്കുന്നത് അവളാടാ…
ബെന്നി സിനിയെ ഒന്ന് നോക്കി… സിനി തിരിച്ചും… ഹരിക്കും അഞ്ചുവിനും മനസ്സിലാകാത്ത രീതിയിൽ ഒരു മൗന സംഭാഷണം നടന്നു അവിടെ……
അതിന് ശേഷം ബെന്നി പറഞ്ഞു : നിന്നെ… അല്ല നിങ്ങളെ രണ്ടു പേരെയും നേരിൽ കണ്ടേ പറയൂ എന്ന് വിചാരിച്ച് ഇരിക്കുകയായിരുന്നു….
ഹരിയും അഞ്ജുവും ആകാംക്ഷയോടെ ബെന്നിയുടെ മുഖത്ത് തന്നേ നോക്കി…
ബെന്നി വിക്കി വിക്കി : അത്… ഞാൻ….. സിനി…. ഞങ്ങൾ കെട്ടിയാലോ എന്നൊരു ആലോചന……..
” ങ്ങേ…………………………………………………”.. അഞ്ജുവും ഹരിയും ഒരേ സമയം വാ പൊളിച്ചു കൊണ്ട് ഞെട്ടി എഴുന്നേറ്റു. ബെന്നിയെയും ചെറിയ ചിരിയോടെ നിൽക്കുന്ന സിനിയെയും മാറി മാറി നോക്കി ഇരുവരും….
ബെന്നി ഇളിച്ചു കൊണ്ട് തുടർന്നു : എനിക്ക് സിസ്റ്റർ കഴിഞ്ഞാൽ, നീയല്ലേ ഉളളൂ…. സിനിക്ക് ആകെ പറയാൻ അല്ലെങ്കിൽ ചോദിക്കാൻ ഉള്ളത് പാർവതിയോടും… അല്ല അഞ്ജുവിനോടും..
ഹരിയും അഞ്ജുവും കണ്ണ് തുറിച്ചു കൊണ്ട് പരസ്പരം നോക്കി….
ബെന്നി : എന്നാൽ നിങ്ങൾ പറ… എന്താ അഭിപ്രായം….. 11 വയസ്സ് വ്യത്യാസം ഉണ്ട് ഞങ്ങൾ തമ്മിൽ… അത് മാത്രം ആണ്…….. സിനിക്ക് മതം ഇല്ല… അതുകൊണ്ട് എന്റെ മതവും അവൾക്ക് പ്രശ്നവും ഇല്ല… ഒരു കൂട്ട് ഇല്ലെങ്കിൽ ഞാൻ ചിലപ്പോൾ… വീണ്ടും…..
അശ്ചര്യം വിടർന്ന മുഖവുമായി ഹരി മുന്നോട്ട് അടികൾ വച്ച് സോഫയിൽ ഇരിക്കുന്ന ബെന്നിയുടെ ദേഹത്തോട്ട് മറിഞ്ഞു കൊണ്ട് കെട്ടിപിടിച്ചു…….
മറുവശത്ത് ” എടീ……………. “… എന്ന് നീട്ടി വിളിച്ചു കൊണ്ട് അഞ്ചു സിനിയേയും കെട്ടി പിടിച്ചു……………
ഹരി : സിസ്റ്ററോഡ് പറഞ്ഞോ?..
ബെന്നി ഇളിച്ചു കൊണ്ട് : ഇല്ല…. പറയണം…… ആദ്യം നിങ്ങൾ……
ഹരി സിനിയെ ഒന്ന് ഇടം കണ്ണിട്ട് നോക്കി…. പിന്നെ….പതിയെ എഴുന്നേറ്റ് സിനിയുടെ മുന്നിൽ എത്തി… അഞ്ചു കുറച്ചു പിന്നിലോട്ട് മാറി നിന്നു………
അൽപം മുഖം കുനിച്ചു കൊണ്ട് ഹരി പതിയെ പറഞ്ഞു : താങ്ക്സ്…….
സിനി ഗൗരവത്തിൽ : എന്തോന്ന്?..
ഹരി മുഖം ഉയർത്തി…. അവന്റെ കണ്ണുകൾ നിറഞ്ഞിരുന്നു… എന്തിനാണ് എന്ന് അവന് പോലും അറിയില്ലാത്ത.. സന്തോഷ കണ്ണു നീർ…..
ഹരി വാക്കുകൾക്ക് ആയി പരതി…. തന്റെ ചുണ്ട് ഒന്ന് കടിച്ച ശേഷം ഹരി പറഞ്ഞു : താങ്ക്സ്…. എന്റെ ചേട്ടനെ നോക്കിയതിന്…. കൂടെ നിന്നതിന്… പിന്നെ…….. ഫൈസലിന്റെ ചതിയിൽ വീഴാതെയും അല്ലാതെയും ഇവളെ സംരക്ഷിച്ചതിന്……..
സിനി : താങ്ക്സ് മാത്രം മതിയോ… ഒരു കെട്ടിപ്പിടുത്തം കൂടെ ആയാലോ…………
ഹരി കൈ വിടർത്തേണ്ടി വന്നില്ല, സിനി ഹരിയെ തന്റെ കൈക്കുള്ളിൽ ആക്കി കെട്ടിപിടിച്ചു കൊണ്ട് പറഞ്ഞു : സോറി……. ഞാൻ കാരണം ആണ് അഞ്ചു എല്ലാം ഹരിയിൽ നിന്ന് മറച്ചു പിടിച്ചത്……. സത്യമായും…… സോറി……
ഹരിയുടെ കൈകൾ സിനിയെ പുണർന്നു കഴിഞ്ഞിരുന്നു……….
ഹരി ഫോണിൽ ഡോക്ടറോട് സംസാരിച്ച് വച്ച ശേഷം സിനിയോട് പറഞ്ഞു : സിനി…. ഇന്നൊരു ദിവസം, രണ്ടോ മൂന്നോ… അതിൽ കൂടുതൽ കൊടുക്കാതെ ഞാൻ നോക്കി കൊണ്ട്…. നാളെ മുതൽ, സിനിക്ക് കൺട്രോളിൽ വക്കാൻ പറ്റുമോ ബെന്നിയേട്ടനെ….
സിനി ചിരിച്ചു കൊണ്ട് : ഓ… നോ പ്രോബ്ലം……….
നാല് ഗ്ലാസുകൾ മുട്ടി ചീയെര്സ് പറഞ്ഞു……….
കല്യാണ കാര്യങ്ങളെ കുറിച്ചുള്ള സംസാരമായിരുന്നു പിന്നങ്ങോട്ട്… എവടെ വച്ച്, എത്ര ആളുകൾ.. ഇടയിൽ റോമിൽ ഉള്ള സിസ്റ്ററോഡ് ഹരി ആണ് കാര്യം ഫോണിൽ അവതരിപ്പിച്ചത്….
തന്റെ ബെന്നിക്ക് ഒരു കൂട്ട്…….ആ ശബ്ദത്തിൽ ഉണ്ടായിരുന്നു, എത്ര ഹാപ്പി ആണ് സിസ്റ്റർ എന്നുള്ളത് ഹരിക്ക് മനസ്സിലാക്കാൻ ………
ഓരോ പെഗിന് ശേഷവും ബെന്നിയുടെ അടുത്ത് ഇരുന്ന്, ” ഓകെ അല്ലെ ബെന്നിയേട്ടാ “… എന്ന് സ്നേഹ പൂർവ്വം ചോദിക്കുകയും, ഇടക്ക് ഇടക്ക് ബെന്നിയുടെ വയറിൽ, കരളിന്റെ ഭാഗത്തു കൈ വച്ച് അമർത്തി വേദന ഒന്നും ഇല്ലല്ലോ എന്ന് ഉറപ്പാക്കുന്ന ഹരിയെ……… കണ്ണിമ വെട്ടാതെ നോക്കി ഇരുന്ന്, സിൻഷ പുഞ്ചിരിച്ചു……..