ആൺകുട്ടികൾ ആൺകുട്ടികൾ തമ്മിലും, പെൺകുട്ടികൾ അവർ തമ്മിലും സൗകര്യമുള്ള സ്ഥലങ്ങളിലിരുന്ന് കമ്പയിൻ സ്റ്റഡി ചെയ്യാൻ.
ഇതു കേട്ടതും മേരി പറഞ്ഞു,
അതിനെന്താ അതു നല്ലൊരു ഏർപ്പാടു തന്നെ, ഞാൻ പഠിക്കുന്ന കാലത്തും ഞങ്ങൾ എക്സാം ടൈമിൽ കമ്പയിൻ സ്റ്റഡി ചെയ്യാറുണ്ടായിരുന്നു.
പക്ഷേ ഒരു പ്രശ്നമുണ്ട് മമ്മീ …..,
എന്താ, എന്താ പ്രശ്നം ?
ടീച്ചർ എനിക്ക് പെയർ തന്നിരിക്കുന്നത് ലിയാനെയാ.
ഇതു കേട്ടതും മേരിയൊന്ന് ഞെട്ടി.
വേണ്ട, വേണ്ടാ ഞാൻ നാളെ തന്നെ ടീച്ചറെ വിളിച്ചു പറയാം, അല്ലങ്കിൽ ഞാൻ സ്കൂളിലേയ്ക്കു വരാം.
മമ്മീ …. മുഴുവൻ കുട്ടികൾക്കും പെയർ ടീച്ചർ തന്നെ തിരഞ്ഞെടുത്തു കഴിഞ്ഞു,
ഇനി മമ്മി വന്ന് ടീച്ചറോട് പറഞ്ഞ് ലിയാനെ മാറ്റിയാൽ അവനത് വലിയ വിഷമം ആവില്ലേ ?
ഏതായാലും ഞാൻ പപ്പയോടു കൂടി ചോദിച്ചിട്ട് നമുക്ക് നാളെ തീരുമാനിക്കാം,
തൽക്കാലം സമയം കളയാതെ മോൻ പോയിരുന്ന് പഠിക്കാൻ നോക്കൂ.
അന്നു രാത്രി തന്നെ മേരി കഥകളൊക്കെ റോയിയോട് പറഞ്ഞു, അവസാനം ബോബി മോൻ പറഞ്ഞ കാര്യവും മേരി പറഞ്ഞു.
ഇതൊക്കെ കേട്ട് കുറേ നേരം ആലോചിച്ചിരുന്നിട്ട് റോയ് പറഞ്ഞു,
ബോബി മോൻ പറഞ്ഞതാ ശരി,
ഇനി നീ സ്കൂളിൽ ചെന്ന് ടീച്ചറെ കണ്ട് ലിയാനെ മാറ്റിയാൽ അതു ചിലപ്പോൾ അവൻ്റെ പരീക്ഷയെ പോലും ബാധിക്കും ,
നമ്മളായിട്ട് എന്തിനാ ഒരു കുട്ടിയുടെ ഭാവി കളയുന്നത് ?.
എന്നാൽ ബോബി മോനെ ലിയാൻ്റ വീട്ടിലേയ്ക്കൊന്നും വിടാൻ പറ്റില്ലാ,
ഒന്നുകിൽ സ്കൂളിലിരുന്നു പഠിക്കട്ടെ,
അല്ലാത്ത ദിവസം ഇവിടെ വന്നിരുന്ന് പഠിക്കണം,
ഈ ഉറപ്പ് ഞാൻ ടീച്ചറെ വിളിച്ചു വാങ്ങിക്കും, അതിൽ കുഴപ്പമില്ലല്ലോ റോയ് ?
റോയ് അതിന് സമ്മതം പറഞ്ഞു.
പിറ്റേന്ന് രാവിലെ തന്നെ ഈ വിവരമൊക്കെ മേരി ബോബി മോനോടും പറഞ്ഞു,
മമ്മി ഇതു സംസാരിക്കാൻ വേണ്ടി ടീച്ചറെ വിളിക്കണമെന്നില്ല,
ഞാനിന്ന് സംസാരിച്ചോളാം എന്നു പറഞ്ഞ് ബോബി മോൻ സ്കൂളിലേയ്ക്കു പോയി.
അന്നു വൈകുന്നേരം ബോബി മോൻ തിരികെ വന്നപ്പോൾ കൂടെ അതേ യൂണിഫോമിൽ ഒരു കുട്ടി കൂടി ഉണ്ടായിരുന്നു.
മേരിയെ കണ്ടതും ബോബി മോൻ പറഞ്ഞു, മമ്മീ ….. ഇതാണ് എൻ്റെ കൂട്ടുകാരൻ ലിയാൻ.
ഇതു കേട്ടതും മേരി അവനെ അടിമുടി ഒന്നു നോക്കി.,
കൊള്ളാം നല്ല പയ്യനൊക്കെ തന്നെയാ, മുഖത്തൊരു നിഷ്കളങ്കതയൊക്കെ ഉണ്ട്,
ബോബി മോനെക്കാളും കുറച്ചു കൂടി പൊക്കമുണ്ട്,
എന്നാൽ തടി ഏകദേശം സെയിം തന്നെ,
പിന്നെ അമേരിക്കയിൽ വളർന്നതു കൊണ്ടാവാം നല്ല വെളുത്ത കളറാ,
മേരി ഒറ്റ നോട്ടത്തിൽ ഇത്രയൊക്കെ വിലയിരുത്തി.
മോൻ എവിടെയാ താമസം ?
മേരി ചോദിച്ചു .
ഇവിടന്ന് രണ്ടു കിലോമീറ്റർ അകലെ ഗ്രാൻ്റ് ഫാദറിൻ്റ കൂടെയാ,
ലിയാൻ ഉത്തരം പറഞ്ഞു.
ഇന്നിനി മോൻ എങ്ങനെയാ വീട്ടിൽ പോകുന്നത് ?,
സ്റ്റഡി കഴിഞ്ഞ ശേഷം ഒരു ഓട്ടോ പിടിച്ച് പൊയ്ക്കോളാം,
ഇതു കേട്ടപ്പോൾ മേരിയ്ക്കവനോട് കുറച്ചു സഹതാപം തോന്നി.
നോക്കട്ടെ ബോബി മോൻ്റെ പപ്പ എത്തിയാൽ മോനെ പപ്പ കാറിൽ വീട്ടിൽ കൊണ്ടാക്കി തരും,
ഇപ്പോ രണ്ടാളും പോയിരുന്ന് പഠിക്കാൻ നോക്കൂ.
ബോബി മോൻ്റെ സ്റ്റഡീ റൂമിലിരുന്ന് പഠിത്തം തുടങ്ങിയ ബോബിയ്ക്കും,
ലിയാനും മേരി ജ്യൂസ് ഉണ്ടാക്കി കൊണ്ട് കൊടുത്തു,
തിരിച്ച് വാതിക്കൽ വന്നിട്ട് വീണ്ടും മേരി തിരിഞ്ഞ് ലിയാനെ സൂക്ഷിച്ചു നോക്കി,
ഇപ്പോ ഈ ലിയാൻ പാവമൊക്കെ തന്നെയാ, പക്ഷേ മുമ്പ് ഇവൻ സ്കൂളിൽ കാണിച്ച അതിക്രമങ്ങളൊക്കെ ഓർത്തപ്പോൾ അത് ഇവൻ തന്നെയാണോ കാണിച്ചതെന്ന് അതിശയം തോന്നിപ്പോകും,
വെറും തേർഡ്റൈറ്റ് കുട്ടികളെ പോലെ പെൺകുട്ടികൾക്കു മുന്നിൽ നഗ്നത പ്രദർശിപ്പിക്കുക എന്നൊക്കെ പറയുമ്പോൾ, ഇവൻ തന്നെ ആയിരിക്കുമോ അതെന്ന് മേരി ചിന്തിച്ചു പോയി.
രാത്രി ഒരു 7 മണിയോടെ സ്റ്റഡി കഴിഞ്ഞ് ലിയാൻ പോകാനിറങ്ങി,
എന്നാൽ അപ്പോഴും ബോബി മോൻ്റെ പപ്പ എത്തിയില്ല,
എന്താ ചെയ്യേണ്ടത് എന്ന് മേരി ലിയാനോട് ചോദിച്ചു ?,
അത് സാരമില്ലാ ആൻ്റീ ഞാൻ ഒരു ഓട്ടോ പിടിച്ച് പൊയ്ക്കോളാം.