സൂപ്പ് കുടിച്ചു തീർന്നതും ഉണ്ണി പതുക്കെ എഴുന്നേറ്റു. അവന്റെ മുഖത്ത് ഒരുതരം അസ്വസ്ഥത അപ്പോഴും വിട്ടുമാറുന്നുണ്ടായിരുന്നില്ല. കിച്ചണിൽ നടന്ന കാര്യങ്ങൾ അവന്റെ ഉള്ളിൽ വലിയൊരു മുറിവാണ് ഉണ്ടാക്കിയത്. “ബ്രോ … രേവതി… ഞാൻ എന്നാൽ ഇറങ്ങുകയാണ്,” ഉണ്ണി പതുക്കെ പറഞ്ഞു.
സുരേഷും രേവതിയും ഒരേപോലെ അവനെ നോക്കി. “എന്താടാ? എന്താ പറ്റിയത്? നേരം ഇത്രയുമായില്ലേ, പുറത്ത് ഇപ്പോഴും നല്ല മഴയുണ്ട്. നീ എങ്ങോട്ട് പോകാനാണ്?” സുരേഷ് വല്ലാത്തൊരു ആശ്ചര്യത്തോടെ ചോദിച്ചു.
രേവതിയും ഉണ്ണിയെ നോക്കി. “അതെ ഉണ്ണീ… നീ ഈ രാത്രിയിൽ ഇനി എന്തിനാ പോകുന്നത്? ബെഡ് ഒക്കെ റെഡിയാണല്ലോ.”
ഉണ്ണി പതുക്കെ തന്റെ മൊബൈൽ പോക്കറ്റിലേക്ക് ഇട്ടു. “അതല്ല… എന്റെ അപ്പാർട്ട്മെന്റിലെ വിൻഡോസ് ഒക്കെ ഞാൻ തുറന്നിട്ടാണോ വന്നതെന്ന് എനിക്കൊരു സംശയമുണ്ട്. മഴ വല്ലാതെ ഉള്ളതുകൊണ്ട് വെള്ളം അകത്തേക്ക് കയറാൻ ചാൻസുണ്ട്. പിന്നെ എന്റെ ലാപ്ടോപ്പും ചില ഇലക്ട്രോണിക് ഐറ്റംസും ഒക്കെ ആ വിൻഡോയുടെ അടുത്താണ് ഇരിക്കുന്നത്. അവിടെ കാർപെറ്റും ഉണ്ട്. പോയി ഒന്ന് ചെക്ക് ചെയ്തില്ലെങ്കിൽ എനിക്ക് സമാധാനം കിട്ടില്ല. ഇപ്പോഴും ചെറിയൊരു ചാറ്റൽ മഴയുള്ളതുകൊണ്ട് ഇനിയും വെയിറ്റ് ചെയ്യുന്നത് റിസ്കാണ്.”
രേവതിക്ക് ഉണ്ണിയുടെ ആ കള്ളം നിമിഷനേരം കൊണ്ട് മനസ്സിലായി. തന്റെ ശരീരം ഇന്നാണ് മൊത്തമായി സ്വന്തം ആകീയത് എങ്കിലും, കൂടെ നടക്കാന് തുടങ്ങിയിട്ട് കുറച്ചായില്ലേ, അവന് കള്ളം പറയുന്നത് എല്ലാം അവളക്ക് മനസിലാകും. അവൻ വെറുതെ ഒരു കഥ ഉണ്ടാക്കുകയാണെന്ന് അവൾക്ക് ഉറപ്പായിരുന്നു. കിച്ചണിൽ സുരേഷിനൊപ്പം കണ്ട ആ രംഗങ്ങൾ അവനെ വല്ലാതെ അസ്വസ്ഥനാക്കിയിട്ടുണ്ട്. അവൻ സുരേഷിനെ കാണുന്നത് വെറുമൊരു ശത്രുവിനെപ്പോലെയാണ്. രേവതി മനസ്സിൽ ചിന്തിച്ചു, “ഇവൻ എന്തിനാണ് ഇങ്ങനെ ചിന്തിക്കുന്നത്? സുരേട്ടൻ എന്റെ ഭർത്താവാണ്. എന്നെ സ്പർശിക്കാനും എന്നെ സ്നേഹിക്കാനും പുള്ളിക്ക് എല്ലാ അവകാശവുമുണ്ട് മറ്റാരേക്കാളും. മറ്റാരേക്കാളും അല്ല, അദ്ദേശത്തിന് മാത്രം. എന്നിട്ടും താന് ഉണ്ണിയെ അനുവദിച്ചില്ലേ. അത്പോലെ സുരേട്ടനെ എനിക്ക് തിരിച്ച് സ്നേഹിക്കാനും അവകാശമുണ്ട്. ഇവന്റെ ഈ അനാവശ്യമായ അസൂയയ്ക്ക് ഒരു കാരണവുമില്ല.”
സുരേഷ് വീണ്ടും അവനെ നിർബന്ധിച്ചു. “എടാ… അത് പോട്ടെ. ഈ രാത്രിയിൽ നീ ഇനി റിസ്ക് എടുക്കണ്ട. നാളെ രാവിലെ പോയാൽ പോരേ?”
സുരേഷിന്റെ ആ നിർബന്ധം കണ്ടപ്പോൾ അവന്റെ ഉള്ളിൽ മറ്റൊരു ചോദ്യം കൂടി പുകയുകയായിരുന്നു. ‘ഇവർ തമ്മിൽ ഇത്രയും അടുത്ത ബന്ധമുണ്ടായിട്ടും, താൻ ഇല്ലാത്തപ്പോൾ ഇവിടെ ഇത്രയൊക്കെ നടന്നിട്ടും, രാത്രി കൂടെ നിൽക്കാൻ കിട്ടിയ അവസരം അവൾ എന്തിനാണ് കളഞ്ഞത്? തന്റെ കൈകളിൽ ഇരിക്കുന്നതിനേക്കാൾ അവൾക്ക് സുഖം ഉണ്ണിയുടെ കൂടെ ഇരിക്കുന്നതല്ലേ? എന്നിട്ടും എന്തിനാ പോകാന് വാശി പിടിക്കുന്നത്.
സുരേഷിന്റെ ആലോചനകൾക്കിടയിൽ രേവതി പറഞ്ഞു, “സുരേട്ടാ… അത് സാരമില്ല. ഉണ്ണിക്ക് അത് വല്ലാത്തൊരു ടെൻഷൻ നൽകുന്ന കാര്യമാണെങ്കിൽ അവൻ പോകുന്നതാണ് നല്ലത്. വാടക വീടല്ലേ, എന്തെങ്കിലും പറ്റി കഴിഞ്ഞാൽ അത് വലിയൊരു പ്രശ്നമാകും. അവൻ അവിടെ പോയി കാര്യങ്ങൾ ഒന്ന് ചെക്ക് ചെയ്തില്ലെങ്കിൽ ഉറക്കം കിട്ടില്ല. പോയിട്ട് വരട്ടെ.” അവൾ ഉണ്ണിയുടെ കണ്ണുകളിലേക്ക് നേരിട്ട് നോക്കി, സുരേഷിന്റെ ഇടുപ്പിലൂടെ കൈകള് ചുറ്റി കൊണ്ട് അവന്റെ തോളില് ചാരി നിന്നു പറഞ്ഞു. അവള് അവനെ മനപ്പൂർവം വെറുപ്പിക്കാന് തന്നെ തീരുമാനിച്ചു, അത്രയ്ക്ക് അഹങ്കാരം പാടില്ല എന്ന രീതിയില്.
രേവതിയുടെ ആ മറുപടി കേട്ടപ്പോൾ ഉണ്ണി ശരിക്കും ഷോക്കായിപ്പോയി! അവൾ തന്നെ ഒന്ന് തടഞ്ഞു നിർത്തുമെന്ന് അവൻ പ്രതീക്ഷിച്ചിരുന്നു. അവൾ സുരേഷിനോട് ചേർന്ന് നിന്ന് തന്നെ പോകാൻ പ്രേരിപ്പിക്കുന്നത് അവനെ വല്ലാതെ വേദനിപ്പിച്ചു. അവൾക്ക് തന്റെ സാമീപ്യത്തേക്കാൾ സുരേഷിന്റെ സാമീപ്യമാണ് ഇപ്പോൾ വലുതെന്ന് അവന് തോന്നി.