“എന്നിട്ട്”
“എന്നിട്ടെന്താ ബാക്കി ഒക്കെ അങ്ങേര് പറഞ്ഞ പോലെ തന്നെ.മുന്നിൽ വേറെ വഴിയൊന്നും ഇല്ലാതെ അവർ അതിനു സമ്മതിച്ചു. അതിനു ശേഷം ആണ് അമ്മയും സുനിത അമ്മയും നല്ല കൂട്ടയത്.സുനിതഅമ്മയെ നിർബന്ധിച്ചു കമ്പനിയില്ലേക്ക് വിളിച്ചു ചേർക്കുക ആയിരുന്നു എന്റെ അമ്മ”
“ഓ… അപ്പൊ അതാണ് നിന്റെ അമ്മ അവകാശത്തിന്റെ കാര്യം പറഞ്ഞതല്ലേ”
“അവകാശമോ?”
“എടി അന്ന് നിന്റെ അമ്മയുടെ ഓഫിസിൽ വച്ചു പറഞ്ഞത് ഓർമയില്ലേ എനിക്ക് അവരെ അമ്മേ എന്ന് വിളിക്കാനുള്ള അവകാശം ഒക്കെ ഉണ്ടെന്നു”
“ആ ആവും”
പിന്നെ അങ്ങനെ ഞങ്ങൾ കുറച്ചു നേരം കൂടി സംസാരിച്ചിരുന്നു.അതിനു ഇടയിൽ അവൾ ഒരു കാര്യം കൂടി ചോതിച്ചു.
“നീ അവളെ കുറിച്ച് വല്ലതും അറിഞ്ഞോ?”
“ആരെ കുറിച്ച്”
“എടാ മറ്റവൾ ഇല്ലേ നിന്റെ രണ്ടാമത്തെ ഭാര്യ”
“കോപ്പാണ്… ഞാൻ ഒന്നും ചോദിക്കാൻ പോയിട്ടില്ല”
“അതെന്താ”
“എന്തിനാ ഇപ്പൊ അവളെ കുറിച്ച് അറിഞ്ഞിട്ട്. ഞാൻ എന്തായാലും അവളെ എന്റെ ഭാര്യ ആയൊന്നും കാണാൻ പോകുന്നില്ല.”
“അപ്പൊ എന്നയോ”
അത് കേട്ടതും ഞാൻ ഒഞ്ഞു സ്റ്റേക്ക് ആയി
“എടി അത് നമ്മൾ തമ്മിൽ നല്ല പരിജയം ഇല്ലേ പിന്നെ നമുക്ക് രണ്ടു പേർക്കും ഇഷ്ടവും ആണ് അത് പോലെ ആണോ ഇത്”എന്റെ മറുപടി കേട്ട് കുറച്ച് നേരം അവൾ മിണ്ടാതിരുന്നു എന്നിട്ട്
“എടാ ഞാൻ ഒന്ന് ചോതിക്കട്ടെ… അവളുടെ ഭാഗത്തു ഞാൻ ആണെങ്കിലോ?”
അവളുടെ മറുടിയുടെ അർത്ഥം എനിക്ക് മനസ്സിലായില്ല
“നീ എന്താ പറഞ്ഞു വരുന്നേ”
“എടാ നീ ഒന്ന് ആലോചിച്ചു നോക്ക് നമ്മൾ തമ്മിൽ അന്ന് അങ്ങനെ ഒന്നും നടന്നിരുന്നില്ല എങ്കിൽ നീ എന്നെയും reject ചെയ്യുമായിരുന്നോ”
ആ ചോദ്യത്തിന് എനിക്ക് മറുപടി ഒന്നും ഇല്ലായിരുന്നു.
“എനിക്കറിയാം നീ എന്നെ എത്ര മാത്രം സ്നേഹിക്കുന്നുണ്ട് എന്ന് എനിക്കും നീ എന്ന് വച്ചാൽ ഇപ്പോൾ ജീവനാണ്. നിന്നെ മറ്റൊരാളുമായി കൈമാറാൻ എനിക്കും ഒട്ടും താല്പര്യം ഇല്ല.എങ്കിലും നമ്മുടെ അവസ്ഥ ഇതൊക്കെ ആയതു കൊണ്ട് അവളുടെ ഭാഗം കൂടി കേൾക്കാം എന്നൊരു തോന്നൽ.ഒന്നും ഇല്ലങ്കിലും അവളും ഇതിൽ പെട്ടുപോയതല്ലേ”അവൾ അത്രയും പറഞ്ഞു നിർത്തി
“മ്മ്”എനിക്ക് അപ്പൊ അതെല്ലാം ശെരിവച്ചു കൊടുക്കാൻ മാത്രമാണ് തോന്നിയത്.
“അവളുടെ പേരോ അഡ്രസ്സൊ വല്ലതും കിട്ടിയോ”അവൾ ഒന്ന് നിർത്തി ചോദിച്ചു
“ഞാൻ ഒന്നും ചോദിക്കാൻ പോയിട്ടില്ല”
“ആ ഞാൻ അമ്മയോടൊന്ന് ചോതിച്ചു നോക്കട്ടെ”
“എന്തിനു”
” അവളെ കാണാൻ പോവാൻ”
“നിനക്കെന്താ വയ്യേ നമ്മൾ എന്തിനാ അവളെ കാണാൻ പോവുന്നെ ”
“ഇത്ര നേരം ഞാൻ നിന്നോട് എന്താ പറഞ്ഞുകൊണ്ടിരുന്നേ ”
“എടി ഇതൊക്കെ വേണോ”
“വേണം”അവൾ വാശി പിടിച്ചു
“എന്തേലും കാണിക്ക്”
പിന്നെ കുറച്ചു നേരം കൂടി ഞങ്ങൾ സംസാരിച്ചിരുന്നു.അങ്ങനെ അവൾ എനിക്ക് ഒരു ഉമ്മയും തന്നു ഗുഡ് നൈറ്റും ഒക്കെ പറഞ്ഞു ഫോൺ കട്ട് ചെയ്തു. ഞാനും ഉറങ്ങാൻ കിടന്നു പക്ഷേ ഉറക്കം മാത്രം വരുന്നില്ലായിരുന്നു.
മനസ്സ് മുഴുവൻ ഞാൻ ഇന്നേ വരെ കാണാത്ത എന്റെ ഭാര്യയെ കുറിച്ചായിരുന്നു.എനിക്ക് വേണ്ടത് ഒരു സിമ്പിൾ ലൈഫ് ആണ് അതിൽ ഞാനും ദിവ്യയും മാത്രം മതി അതിനിടയിൽ രണ്ടാമതൊരു ഭാര്യ അതൊന്നും ശെരിയാവില്ല ഞാൻ എന്റെ മനസ്സിനെ തന്നെ പറഞ്ഞു പഠിപ്പിച്ചു.എന്നാലും ആരായിരിക്കും അവൾ,കാണാൻ എങ്ങനെ ഉണ്ടാവും ഉത്തരം കിട്ടാത്ത നൂറു ചോദ്യങ്ങൾ വീണ്ടും ഉയർന്നു വന്നു കൊണ്ടേ ഇരുന്നു എപ്പോഴോ ഞാൻ ഉറക്കത്തിലേക്കു വഴുതി വീണു.
.
.
.
അന്നേ ദിവസ്സം തന്നെ മറ്റൊരു വീട്ടിൽ.
വിശാലമായ ഒരു മുറി. ആകാശത്തു തിളങ്ങി നിൽക്കുന്ന ചന്ദ്രന്റെ പ്രകാശം ജനാല കളിലൂടെ ആ മുറി മുഴുവൻ നിറഞ്ഞുനിന്നിരുന്നു.അവിടെ നിറ കണ്ണുകളുമായി കിടക്കയിൽ ചുരുണ്ടു കൂടി കിടക്കുന്ന അവൾ.ജീവിതത്തിൽ താൻ അത്രെ ഏറെ ഇഷ്ട്ടപെടുന്ന ഒരാളെ എന്നെന്നേക്കുമായി നഷ്ട്ടമായതിന്റെ വേദന അത് അവളുടെ ഹൃദയത്തെ കീറി മുറിക്കുന്നുണ്ടായിരുന്നു.ആ മുറിയിലെ ഏകാന്തതയിൽ നിന്നും രക്ഷപെടാൻ എന്നോണം അവൾ അടുത്ത് കിടന്നിരുന്ന തലയണ വലിച്ചു ശരീരത്തിലേക്ക് അമർത്തി കെട്ടിപിടിച്ചു.കണ്ണുകൾ അടക്കുമ്പോൾ അവൾക്ക് ആ ശബ്ദം വീണ്ടും കേൾക്കാമായിരുന്നു. സ്നേഹം തുളുമ്പുന്ന ആ ശബ്ദം.