“…സ്മിതേ… നിന്റെ അമ്മയുടെ നമ്പർ ഒന്ന് തരുമോ? ഇന്ന് എന്റെ അമ്മ ചോദിച്ചിരുന്നു,” രാജേഷ് ചായക്കപ്പിൽ ചുണ്ടമർത്തിക്കൊണ്ട് ലാഘവത്തോടെ ചോദിച്ചു.
സ്മിത ഒന്ന് സംശയിച്ചു. “എന്തിനാ രാജേഷേ പെട്ടെന്ന് അമ്മയുടെ നമ്പർ?”
“അത്… ഞാൻ ഇന്ന് നമ്മുടെ കല്യാണകാര്യം അമ്മയോട് ഗൗരവത്തിൽ സംസാരിച്ചിരുന്നു. അമ്മയ്ക്ക് നിന്റെ അമ്മയോട് നേരിട്ട് ചില കാര്യങ്ങൾ സംസാരിക്കണമെന്ന് പറഞ്ഞു. അതുകൊണ്ട് ചോദിച്ചതാ,” രാജേഷ് ഒരു കള്ളച്ചിരിയോടെ മറുപടി നൽകി.
കല്യാണത്തിന്റെ കാര്യം കേട്ടതും സ്മിതയുടെ ഉള്ളിൽ ഒരു ലഡു പൊട്ടി. തന്റെ ചതികൾ രാജേഷ് അറിഞ്ഞില്ലെന്നും അവൻ തന്നെ പൂർണ്ണമായും വിശ്വസിക്കുന്നുവെന്നും ഉറപ്പിച്ച അവൾ ഉടൻ തന്നെ ഫോണെടുത്ത് ജയയുടെ നമ്പർ അവന് വാട്സാപ്പ് ചെയ്തു കൊടുത്തു.
“ദാ… അയച്ചിട്ടുണ്ട്. ,” സ്മിതയുടെ മുഖത്ത് സന്തോഷം കൊണ്ട് ഒരു തിളക്കം വിരിഞ്ഞു.
തന്റെ ഫോണിലേക്ക് വന്ന ആ നമ്പർ നോക്കി രാജേഷ് ഒരു വന്യമായ ചിരി ചിരിച്ചു. ‘ഇനി കളി തുടങ്ങാൻ പോകുന്നത് നിന്റെ തള്ളയോടാണ്’ എന്ന് അവന്റെ മനസ്സ് മന്ത്രിച്ചു.
( തുടരും )