വീട്ടിലെ കാര്യങ്ങൾ…
ഉപ്പയുടെ ബിസിനസ്സ്…
എന്റെ പുതിയ ബിസിനസ്സ്…
സംസാരത്തിനിടയിൽ സമയം പോയത് അറിഞ്ഞില്ല.
“ഇനി ഈ റോഡിലൂടെ പോയാൽ മതി.”
ഞാൻ വണ്ടി പതുക്കെ ഓടിച്ചു.
അവസാനം ഒരു പഴയ വീടിന്റെ മുന്നിൽ വണ്ടി നിർത്തി.
“ഇതാണ് എന്റെ വീട്.”
സൈറ വണ്ടിയിൽ നിന്ന് ഇറങ്ങി.
“നീ ഇവിടെ ഇരിക്ക്. ഞാൻ അകത്തേക്ക് പോയിട്ട് വരാം.”
“ശരി.”
സൈറ വീടിന്റെ മുൻവശത്തെ വാതിലിലൂടെ അകത്തേക്ക് കയറി.
ഞാൻ വണ്ടിയിൽ തന്നെ കുറച്ചു സമയം ഇരുന്നു.
കുറച്ചു സമയം പോസ്റ്റ് അടിച്ചു ഇരിന്നു
പിന്നെ ഒരു സിഗരറ്റ് വലിക്കാൻ പുറത്തേക്ക് ഇറങ്ങി.
വീടിന്റെ മുൻവശത്ത് ആരെയും കാണാനില്ല.
അപ്പോഴാണ് വീടിന്റെ പിന്നാമ്പുറത്തുനിന്ന് വളരെ പതിഞ്ഞ സംസാരശബ്ദം കേട്ടത്.
ഞാൻ കൗതുകത്തോടെ ആ ഭാഗത്തേക്ക് നടന്നു.
വീടിന്റെ വശത്തുള്ള മതിലിനരികിൽ എത്തിയപ്പോൾ ഞാൻ പെട്ടെന്ന് നിന്നു.
വീടിന്റെ പുറകിൽ …
സൈറ.
അവളുടെ മുന്നിൽ ഒരു യുവാവും.
ഞാൻ ഉടൻ മതിലിന്റെ മറവിലേക്ക് മാറി.
അവർ എന്നെ കണ്ടിരുന്നില്ല.
അവരുടെ സംസാരമൊന്നും വ്യക്തമായി കേൾക്കാനായില്ല.
പക്ഷേ അവരുടെ പെരുമാറ്റം മാത്രം മതി.
അത് ഒരു സാധാരണ പരിചയക്കാരുടെ കൂടിക്കാഴ്ചയായിരുന്നില്ല.
യുവാവ് സൈറയുടെ വളരെ അടുത്ത് നിന്നിരുന്നു.
സൈറ അവനെ നോക്കി പുഞ്ചിരിച്ചു.
അവൻ അവളുടെ കൈ പിടിച്ചു.
സൈറ ചുറ്റും നോക്കിയ ശേഷം അവന്റെ അടുത്തേക്ക് കൂടുതൽ ചേർന്നു.
അവരുടെ മുഖങ്ങളിൽ വർഷങ്ങളായി പരിചയമുള്ള രണ്ടു മനുഷ്യരുടെ അടുപ്പം വ്യക്തമായിരുന്നു.
പിന്നെ അവർ പരസ്പരം ചേർത്ത് പിടിച്ചു.
ഞാൻ അനങ്ങാതെ നിന്നു.
എന്റെ ഉള്ളിലൂടെ ഒരു തണുപ്പ് പാഞ്ഞുപോയി.
സൈറയ്ക്ക് ഒരു പ്രണയബന്ധമുണ്ടോ?
അവരുടെ അടുത്ത നിമിഷത്തെ പെരുമാറ്റം എന്റെ സംശയത്തിന് മറുപടി നൽകി.
അവർ പരസ്പരം സ്നേഹത്തോടെ ചേർന്നു നിന്നു.
ഒരുപാട് നാളുകൾക്ക് ശേഷം കാണുന്ന പ്രണയികൾ തമ്മിലുള്ള ആ സ്വാഭാവികമായ അടുപ്പം.
ഞാൻ ഇനി അവിടെ നിൽക്കേണ്ടെന്ന് തീരുമാനിച്ചു.
ശബ്ദമുണ്ടാക്കാതെ പതുക്കെ പിന്നോട്ട് മാറി.
എന്നെ കണ്ടതായി അവർക്ക് യാതൊരു സംശയവും ഉണ്ടാകരുത്.
ഞാൻ തിരിച്ച് വണ്ടിയുടെ അടുത്തെത്തി.
കുറച്ചു മിനിറ്റുകൾക്ക് ശേഷം സൈറ സാധാരണ ഭാവത്തിൽ പുറത്തേക്ക് വന്നു.
അവൾ വണ്ടിയുടെ അടുത്തെത്തി.
“ഡാ , പോകാം.”
ഞാൻ അവരെ നോക്കി.
എന്റെ മുഖത്ത് യാതൊരു മാറ്റവും വരുത്തിയില്ല.
“ആ… പോകാം.”
സൈറ വണ്ടിയിൽ കയറി.
ഞാനും ഡ്രൈവിംഗ് സീറ്റിൽ ഇരുന്നു.
വണ്ടി മുന്നോട്ട് നീങ്ങി.
അവർ ഒന്നും അറിഞ്ഞിരുന്നില്ല.
ഞാൻ ഒന്നും ചോദിച്ചുമില്ല.
പക്ഷേ എന്റെ മനസ്സിൽ ഇപ്പോൾ ഒരു വലിയ രഹസ്യം ഉണ്ടായിരുന്നു.
സൈറയുടെ രഹസ്യ പ്രണയം…
വീട്ടിൽ നിന്ന് തിരിച്ച് ഇറങ്ങിയപ്പോൾ വൈകുന്നേരം പതുക്കെ ഇരുട്ടിലേക്ക് മാറിത്തുടങ്ങിയിരുന്നു.
റോഡിന്റെ ഇരുവശത്തും കടകളിലെ ലൈറ്റുകൾ തെളിഞ്ഞു.
സൈറ ഗ്ലാസ്സിലൂടെ പുറത്തേക്ക് നോക്കി നിശ്ശബ്ദമായി ഇരുന്നു.
ഞാനും ഒന്നും സംസാരിച്ചില്ല.
എന്റെ മനസ്സിൽ കുറച്ചു മണിക്കൂർ മുമ്പ് കണ്ട കാഴ്ച ഇപ്പോഴും ഉണ്ടായിരുന്നു.
പക്ഷേ അതൊന്നും മുഖത്ത് കാണിച്ചില്ല.
കുറച്ചു ദൂരം പോയപ്പോൾ സൈറ പതുക്കെ പറഞ്ഞു.
“സാം…”
“ഉം?”
“ഡാ ചായ കുടിച്ചാലോ ?”
ഞാൻ അവരെ നോക്കി.
“കുടിക്കലോ…”
അവർ ഒന്ന് ചിരിച്ചു
റോഡരികിലെ ചെറിയൊരു ചായക്കട കണ്ടപ്പോൾ ഞാൻ വണ്ടി ഒതുക്കി.
“ഇവിടെ മതിയോ?”
“മതി.”
ഞങ്ങൾ രണ്ടുപേരും വണ്ടിയിൽ നിന്ന് ഇറങ്ങി.
കടയുടെ പുറത്ത് ഒരു ചെറിയ ബെഞ്ചിൽ ഇരുന്നു.
“രണ്ട് ചായ.”
ചായ വന്നപ്പോൾ സൈറ കപ്പ് കൈയിലെടുത്തു.
കുറച്ചു നേരം ഞങ്ങൾ രണ്ടുപേരും ഒന്നും സംസാരിച്ചില്ല.
പിന്നെ സൈറ ചിരിച്ചുകൊണ്ട് ചോദിച്ചു.
“ഡാ യാത്ര ബുദ്ധിമുട്ട് ആയോ ?”
“ഇല്ലല്ലോ, കുറച്ചു ബോർ അടിച്ചു .”
“സിഗരറ്റ് വലി കുറയ്ക്കണംട്ടോ ?”
“കണ്ടുല്ലേ…”
“കാണാതെ ഇരിക്കുവോ…?”
അവർ ഒരു ചിരിയോടെ ചോദിച്ചു.. ഒരു കള്ള ചിരി
ഞാനും ചിരിച്ചു .
കുറച്ചു നിമിഷം വീണ്ടും നിശ്ശബ്ദത.
പിന്നെ സൈറ പതുക്കെ ചോദിച്ചു.