സ : ആണോ , ബോർ ആണോടാ, എന്റെ കൈയിൽ ഇതുപോലെ ഓഫീസിൽ വെയേഴ്സ് മാത്രമേ ഉള്ളു അല്ലാതെ വേറെ ഒന്നും ഇല്ല , അത് കൊണ്ടാ.
ര : നമുക്ക് സെറ്റ് ആക്കം മാഷെ ഡോണ്ട് വറി, അപ്പൊ ഞാൻ പോട്ടെ
സ : പോയിട്ട് മെസ്സേജ് ചെയ്യുമോടാ
ര : ആഹ് ആലോചിക്കാം, അപ്പൊ ശെരി ബൈ
സ : ബൈ
അല്ല ഇപ്പൊ എന്താ നടന്നേ, എന്റെ ടീം മീറ്റിംഗ് പോലും ഇതിലും നന്നാവുമല്ലോ, എനിക്ക് ആകെ സങ്കടം ആയി, ഞാൻ അവൾ പോകുന്നത് നോക്കി അവിടെ ഇരുന്നു.
ഒരു നാല് അഞ്ച് സ്റ്റെപ് വെച്ചിട്ട് അവൾ പെട്ടെന്ന് തിരിഞ്ഞു നോക്കി മനോഹരമായി ഒന്ന് ചിരിച്ചു, ഒരു പക്ഷെ ഞാൻ ജീവിതത്തിൽ ഇത് വരെ കണ്ടതിൽ വെച്ച് എറ്റവും മനോഹരമായ ഒരു ചിരി..
യാ മോനെ ആ ചിരി കണ്ടതോടെ അത്രേം നേരം പോയ എന്റെ മൂഡ് എല്ലാം ജെറ്റ് പിടിച്ചു തിരിച്ചു വന്നു.
ആ നിമിഷം എനിക്ക് മനസിലായി ഇനി അങ്ങോട്ട് നമ്മുടെ ലൈഫ് എങ്ങനെ ആവും എന്നത് . ആ ചിരിയിൽ ഉണ്ടായിരുന്നു ഇനി അങ്ങോട്ട് വരാനുള്ളത് നല്ല നിറമുള്ള ദിനങ്ങൾ ആയിരിക്കും എന്നത്.
അങ്ങനെ ഞങ്ങൾ മുന്നത്തെക്കാൾ നന്നായി ചാറ്റിങ് പുനരാരംഭിച്ചു.
ഏകേദശം ഒരു 2 മാസത്തോളം ആയി ഞങ്ങൾ അന്ന് കണ്ടിട്ട്, ഇപ്പൊ ഞങ്ങടെ ആ ബന്ധം ഒന്നുടെ കൂടി. പ്രേമം ആണോ എന്ന് ചോദിച്ചാൽ അല്ല എന്നാൽ സംസാരിക്കാത്തെ ഇരിക്കാനോ അകന്ന് ഇരിക്കാനോ ഒന്നും പറ്റാത്ത ഒരു ആത്മബന്ധം ഞങ്ങളിൽ ഉണ്ടായിരുന്നു.
എന്നിരുന്നാലും അവൾ ഇടയ്ക്ക് ഇടയ്ക്ക് എന്റെ പ്രായത്തെ കളിയാക്കുകയും അമ്മാവാ എന്നൊക്കെ വിളിക്കാരും ഉണ്ടായിരുന്നു . പക്ഷെ അവൾ എന്തൊക്കെ ചെയ്താലും അവളോട് എനിക്ക് ദേഷ്യം വരാറെ ഇല്ല, എന്നാൽ ഇഷ്ടം കൂടുകയും ചെയ്യും…
അങ്ങനെ ഒക്കെ ആണേലും രാത്രി 10 മണിക്ക് ശേഷം അവൾ ചാറ്റ് ചെയ്യാറില്ല, അവൾ ഉറങ്ങാൻ പോകുന്ന സമയം ഒക്കെ വളരെ നന്നായി നോക്കുന്ന ആളായത് കൊണ്ട് തന്നെ 10 മണിക്ക് കൃത്യം ഉറങ്ങാൻ കിടക്കും ഫോൺ നെറ്റ് ഒക്കെ ഓഫ് ആക്കി വെക്കും, അത് കൊണ്ട് തന്നെ നൈറ്റ് ചാറ്റ് ഒക്കെ വളരെ കുറവായിരുന്നു.
പിന്നേം അവളെ കാണണം എന്ന ആഗ്രഹം എനിക്ക് ഉണ്ടായിത്തുടങ്ങി, ഞാൻ പതുക്കെ നയത്തിൽ അവളോട് ചോദിയ്ക്കാൻ തുടങ്ങി, ആദ്യം ഒക്കെ എതിർത്തു പറഞ്ഞെങ്കിലും അൾക്കും ആഗ്രഹം ഉണ്ട് എന്ന് എനിക്ക് മനസ്സിലായി പക്ഷെ കൂട്ടുകാരെ ഒഴിവാക്കി എങ്ങനെ വരാനാ അതും പാടാ.
അങ്ങനെ ഞങ്ങൾ ഒരു അവസരം നോക്കി ഇരിപ്പായി.
അങ്ങനെ ഒരു വെള്ളിയാഴ്ച വൈകിട്ട് ….
ര : ഹലോ മാഷെ എവിടെയാ റൂമിൽ എത്തിയോ ..
സ : ഹൈ ഡാ, എപ്പോ വന്നതേ ഉള്ളു, ഫ്രഷ് ആവുകായിരുന്നു, പറഞ്ഞോ
ര : നാളെ സർ നു എന്താ പരിപാടി
സ : അങ്ങനെ പരിപാടി ഒന്നും ഇല്ല , എന്താ എന്തേലും പരിപാടി വേണോ
ര : വേണോ എന്ന് ചോദിച്ചാൽ വേണേൽ തരാം, എന്താ മോന് വേണോ
സ : പോടാ ശെരിക്കും
ര : അതെ രോഷ്നിയുടെ അമ്മുമ്മ കുറച്ച് സീരിയസ് ആയി ഹോസ്പിറ്റൽ അഡ്മിറ്റ് ആയി. അമ്മുമ്മയ്ക്ക് ചെറുമോളെ കാണണം എന്ന ആഗ്രഹം പറഞ്ഞപ്പോൾ അവളുടെ പപ്പാ അവളെ പെട്ടെന്ന് നാട്ടിൽ വരൻ പറഞ്ഞു വിളിച്ചു. അവൾ ഇന്ന് രാവിലെ പോയി ഇനി തിങ്കളാഴ്ച രാവിലെയേ എത്തു.
സ : ആഹാ സൂപ്പർ അപ്പോ രണ്ടു ദിവസം കാണുമോ
ര : ഹലോ എങ്ങോട്ടാ ഈ കേറി പോകുന്നെ, 2 ദിവസം അല്ല ഒരു ദിവസം, സൂര്യ ഇവിടെ തന്നെ ഉണ്ട്. നാളെ അവളുടെ ടീമിലെ ഒരു ആൾ റിസൈന് ചെയ്യുക അതിന്റെ സെന്റ് ഓഫ് പാർട്ടി ഉണ്ട്. അത് കൊണ്ട് നാളെ ഒന്ന് കാണാൻ പറ്റും, അത്രേ ഉള്ളു മോനേ.
സ : ഹാ അതെങ്കിൽ അത് ഒന്ന് കണ്ണ് നിറയെ കാണാലോ അത് മതി.
ര : ഹമ് ഹ്മ്മ് , മോന്റെ പോക്ക് അത്ര നല്ല വഴിക്ക് അല്ല കേട്ടോ ..
സ : ഹി ഹി പോടാ അവിടുന്ന് , എടാ പിന്നെ അങ്ങനെ ആണേൽ രാവിലെ ഇറങ്ങുമോ വൈകിട്ട് പോയാൽ പോരെ, പ്ളീസ് ഡാ.
ര : ഹ്മ്മ് നോക്കട്ടെ അവൾ പോയാലെ ഇറങ്ങാൻ പറ്റൂ, ഞാൻ രാവിലെ പറയാം.
സ : ഓക്കേ ഡാ ശ്രമിക്കു അവൾ വരുന്നതിനു മുൻപ് തിരിച്ചെത്തിയാൽ മതിയല്ലോ
ര : ഹാ നോക്കാം , പിന്നെ ഒരു കാര്യം അന്ന് വന്നത് പോലെ ഓഫീസിൽ മീറ്റിംഗ് നു വരുന്ന പോലെ വന്നാൽ ഞാൻ അപ്പോൾ തന്നെ തിരിച്ചു പോകും കേട്ടോ, ഒരു മാതിരി അമ്മാവന്മാരുടെ ഡ്രസിങ് പോലെ.