ആഹ് ശരി ടീച്ചറെ വന്നതിൽ ഒരുപാടു സന്തോഷം …….
എന്ന ശരിയാന്റി …..അവനും യാത്ര പറഞ്ഞു
ചാരു …അപ്പൊ ഇനിയെന്നെങ്കിലും കാണും ഓൾ ദി ബെസ്ററ് ….
താങ്ക്സ് …..അവൻ കയ്യ് വീശി നടന്നകന്നു …
പാർട്ടിയുടെ ക്ഷീണം മാറ്റാൻ അവൾ കുളിച്ചു ഫ്രഷ് ആയി
ചേട്ടന്റെ കൂടെ അവൾ കിടനില്ല
അവളുടെ മുറിയിൽ കിടന്നു …..
കിടക്കുമ്പോളേക്കും ഉറങ്ങുന്ന അവളോടിന്നു നിദ്രാദേവിക്ക് പിണക്കം
കണ്ണെത്ര പൂട്ടിയടച്ചിട്ടും അവൾക്കു ഉറങ്ങാൻ സാധിച്ചില്ല
ശ്രീകാന്ത് …..ശ്രീക്കുട്ടൻ ….ശ്രീ ….ശ്രീയേട്ടൻ ……
താനെന്തിനാ ..ഇങ്ങനെ ഒക്കെ ആലോചിക്കണേ
തനിക്കിതെന്തു പറ്റി …
ഇതാവുമോ പ്രേമം …ഇഷ്ട്ടം എന്നൊക്കെ പറയുന്നത് …
കൂട്ടുകാരികൾ പലർക്കും പ്രേമമുണ്ടായിരുന്നു …
തനിക്കു മാത്രം അങ്ങനൊന്നും ഇതുവരെ ആരോടും തോന്നിയിട്ടില്ല
ഇതിപ്പോ എന്താ ഇങ്ങനെ ….
താനും അനുരാഗത്തിനു പിടികൊടുത്തോ ….
ഏയ് ഇതൊന്നും പ്രേമമല്ല ….
പിന്നെ ഒരുപ്രാവശ്യം കണ്ടാലുടൻ പ്രേമമുണ്ടാവോ ?
ഇല്ല എനിക്ക് പ്രേമമില്ല ….
മനസ്സ് കലുഷിതമായിരുന്നു …..
എന്തെക്കെയോ പിന്നെയുമവൾ ആലോചിച്ചു കൂട്ടി
അതിലധികവും ശ്രീയെ കുറിച്ചായിരുന്നു …
എന്താ ശ്രീയേട്ടൻ അമ്മയെ വിളിച്ചത് ആന്റിന് …
ഞാനോ ടീച്ചറെന്ന് ….
ശോ എനിക്കും ആന്റിന് വിളിച്ചമതിയായിരുന്നു
അതെങ്ങനാ അപ്പോ ഇങ്ങനൊക്കെ ആവുന്നു വിചാരിച്ചോ ……
അതിനിപ്പോ എന്തുണ്ടായി …..
ദൈവമേ എന്തൊക്കെയാ സംഭവിക്കണേ ……
അവളിൽ സങ്കടം നിറഞ്ഞു ….ഞാൻ ചീത്ത ആവുകയാണോ
അല്ല ചീത്ത ആവുന്നതെങ്ങനെ …..
ലോകത്തു പ്രേമിക്കുന്നവർ ഒക്കെ ചീത്തയാണോ …?
അങ്ങനാണെങ്കിൽ അഭിയേട്ടൻ ചീത്ത അവന്ടെ ..
എത്ര നല്ലവൻ ആണ് അഭിയേട്ടൻ ..
അല്ല പ്രേമം ചീത്തയല്ല ഒരാളെ ഇഷ്ടപ്പെടുന്നത് അത്ര വല്യ കുറ്റമൊന്നുമല്ല …
അവൾ അവളെ സ്വയം പറഞ്ഞു മനസിലാക്കുകയായിരുന്നു …
പിണക്കം മാറി നിദ്രദേവി അവൾക്കു കൂട്ട് വന്നു
എപ്പോഴോ അവളുറങ്ങി …..
രാവിലെ ഉണർന്നു പല്ലുതേച്ചു …..അവൾ അടുക്കളയിൽ എത്തി
ഇതെന്ത് അത്ഭുതം നീയെന്താ ഇവിടെ …..വഴിതെറ്റി വന്നതാണോ ..?
സുമംഗല ദേവി അവളെ കളിയാക്കി …
അതെന്താ എനിക്ക് അടുക്കളയിൽ വന്നൂടെ ദേവിയെ …..
അല്ല വിളിച്ചപോലും വരാത്ത നീ വിളിക്കാതെ വന്നപ്പോൾ ചോദിച്ചതാണേ …
തമ്പുരാട്ടി ക്ഷെമിക്കണം …..
ഹമ് …ക്ഷമിച്ചിരിക്കുണു …..
അവളും അതെ നാണയത്തിൽ തിരിച്ചടിച്ചു ….
അല്ലടോ …ന്ത ഇന്ദുചൂഢന്റെ ഫ്യൂച്ചർ പ്ലാൻ ……..
ന്ത് ‘അമ്മ …….അവൾക്കു മനസിലായില്ല …
ന്തു പഠിക്കാനാ താല്പര്യം …..
മെഡിസിൻ ….എഞ്ചിനീയറിംഗ് …അങ്ങനെ …..
ഏതാ ?
ഓഹ് മെഡിസിനും എഞ്ചിനീറിംഗും മാത്രേ ഈ ലോകത്തുള്ളൂ …
പിന്നെന്താ ….അല്ലേൽ നീ ശ്രീകുട്ടനെപോലായിക്കോ ..
ശ്രീക്കുട്ടൻ …ആ പേര് കേട്ടപ്പോൾ തന്നെ അവളുടെ മനസ്സിൽ മിന്നല്പിണരുകൾ പാഞ്ഞു
സത്യത്തിൽ അമ്മയിൽ നിന്നും ശ്രീയേട്ടനെ പറ്റി എന്തേലും ഒക്കെ അറിയാനാ
അവൾ രാവിലെതന്നെ അടുക്കളയിൽ എത്തിയത് ….
ശ്രീകുട്ടാണോ …അവൾ അറിയാത്ത ഭാവത്തിൽ ചോദിച്ചു …
അതെന്റെ വാവേ …ഇന്നലെ പാർട്ടിക്ക് വന്നില്ലേ സുലോചന ടീച്ചറുടെ മോൻ ….
ആ ശ്രീകാന്ത് …..അല്ലേ ..ആ പയ്യൻ ന്ത ചെയ്യണേ …
പയ്യനോ നിന്നെക്കാൾ 4 വയസിനു മൂത്തതാ ..അവൻ
അമ്മക്ക് ശ്രീയേട്ടനെ കുറിച്ച് നല്ല മതിപ്പാണ് അപ്പൊ ആള് നല്ലതാണ്
അല്ലെങ്കിൽ ഇത്ര ക്കും അങ്ങട് പോക്കില്ല …
ന്ത അമ്മെ ആ ചേട്ടൻ ചെയ്യണേ …..
അവൻ +2 കഴിഞ്ഞു ….നല്ല മാർക്കുണ്ടായിരുന്നു
അവന്റമ്മക് അവനെ എഞ്ചിനീയർ ആക്കാൻ വല്യ താല്പര്യ മായിരുന്നു
പക്ഷെ അവൻ ചിന്ദിച്ചത് പ്രയോഗികമായായിരുന്നു …അവൻ ttc ക്ക് ചേർന്നു
അദ്ധ്യാപനം അവനു ഇഷ്ട്ടമാണ് അതിനേക്കാൾ ഉപരി സുലോചന ടീച്ചർ
ഈ വര്ഷം റിട്ടയർ ആകും …
ആ ഒഴിവിലേക്ക് നേരത്തെതന്നെ അവൻ അവന്റെ സീറ്റ് ഉറപ്പാക്കി ….
അവന്റെ അച്ഛൻ റ്റ്മരിച്ചപ്പോൾ ലഭിച്ച വലിയ ഒരു തുകയുണ്ട് ബാങ്കിൽ
അതിൽ നിന്നും കുറച് മാനേജ്മെിന്റിനു കൊടുക്കണം ….അത്രതന്നെ
ഇപ്പൊ വയസ് 21 ആകുന്നതേ ഉള്ളു 22 ഇൽ അവൻ സർക്കാർ ശമ്പളം കയ്യിൽ വാങ്ങും ….