അനിയത്തി V/S കാമുകി – 1 578അടിപൊളി  

 

അപ്പുവിന്റെ മുഖം വളരെ അപ്സെറ്റ് ആയിരുന്നു. അമ്മു പെട്ടെന്ന് വല്ലാതായിപ്പോയി. എന്തിനും ഏട്ടന്റെ കൂടെ ഉണ്ടാകും എന്ന വിശ്വാസം അവൾ തകർത്തു.

 

അത്‌ ഞാൻ…. എനിക്ക് അപ്പോ പെട്ടെന്ന്

 

വാക്കുകൾ മുഴുമിക്കാനാവാതെ അവളുടെ തൊണ്ട ഇടറി.

 

പൂജ എന്നെ പറഞ്ഞതിനേക്കാളും അവിടെ അത്രയും പേരുടെ മുന്നിൽ ഞാൻ നാണം കേട്ടതിനേക്കാൾ ഒക്കെ എനിക്ക് ഫീൽ ആയത് നീ അറിയാത്ത ഭാവത്തിൽ നടന്ന് നീങ്ങിയപ്പോൾ ആണ്. So എനിക്ക് നിന്നോട് അതാ ചോദിക്കാൻ ഉള്ളേ…

 

ഇത്രയും കേട്ടപ്പോൾ തന്നെ അമ്മു ആകെ തളർന്ന് പോയി. അവളുടെ കണ്ണുകൾ നിറഞ്ഞു.

 

മോൾക്ക് ഏട്ടനോട് എന്തെങ്കിലും വെറുപ്പ് ഉണ്ടോ?

 

നോ!!!!!! ഏട്ടാ പ്ലീസ് അങ്ങനൊന്നും പറയല്ലേ…

 

അമ്മു പൊട്ടിക്കരഞ്ഞു. ലോകത്ത് അവൾക്ക് ഒരിക്കലും സാധിക്കാത്ത കാര്യമാണ് അപ്പു ചോദിച്ചത്. അത്രക്ക് അവൾ അപ്പുവിനെ സ്നേഹിക്കുന്നുണ്ട്. പൂജയുടെ കൂടെ അപ്പുവേട്ടനെ കാണുമ്പോൾ എല്ലാം ചങ്ക് തകരുമെങ്കിലും ആ ബന്ധം അപ്പുവിന് നല്ലതാണ് എന്ന കാരണതലാണ് അമ്മു യാതൊന്നും പറയാതെ, പ്രതികരിക്കാതെ വേദന സഹിക്കുന്നത്. തങ്ങളെ വേർതിരിക്കാൻ പൂജ ശ്രമം തുടങ്ങിയപ്പോൾ ഇന്നാദ്യമായാണ് അമ്മു പ്രതികരിച്ചത്. അതും അവസാനം അവളിൽ അപ്പുവിനുള്ള വിശ്വാസം കളഞ്ഞു പുളിച്ച അവസ്ഥയിൽ എത്തിയിരിക്കുന്നു. ഒന്നും വേണ്ടിയിരുന്നില്ല എന്ന് അമ്മുവിന് തോന്നി.

 

അയ്യേ…അപ്പോഴേക്കും കരഞ്ഞോ…ശേ കരയാൻ മാത്രം ഏട്ടൻ ഒന്നും പറഞ്ഞില്ലാലോ. ഏട്ടൻ ഒരു ക്ലാരിഫിക്കേഷന് വേണ്ടി ചോദിച്ചതാണ്. ഞാൻ അറിയാതെ ചെയ്ത എന്തെങ്കിലും എന്റെ മോൾക്ക്‌ വിഷമം ആയിട്ടുണ്ടോ അറിയാൻ.

 

ഏട്ടനോട് പറഞ്ഞാലോ താൻ കാരണം ആണ് പ്രശ്നം ഉണ്ടായതെന്ന്. പറഞ്ഞില്ലെങ്കിൽ എന്നും ഏട്ടന്റെ ഉള്ളിൽ ഇത് ഇങ്ങനെ കിടക്കും. ഇനി അറിഞ്ഞാൽ എന്നെ വെറുക്കുമോ? എന്നോട് മിണ്ടാതാവുമോ? പറയണോ വേണ്ടയോ എന്നറിയാതെ അമ്മു കുഴഞ്ഞു.

 

ഞാൻ വിചാരിച്ചത് ഏട്ടന്റെ അമ്മുക്കുട്ടി കുറച്ചുകൂടി ബോൾഡ് ആണെന്നാ

 

“ഏട്ടന്റെ അമ്മുക്കുട്ടി” ഈ രണ്ട് വാക്ക് കേട്ടതും അമ്മുവിന്റെ ഹൃദയമിടിപ്പ് കൂടി അടിവയറ്റിൽ മഞ്ഞുപെയ്യാൻ തുടങ്ങി. അവൾ കാര്യം പറയാൻ തന്നെ തീരുമാനിച്ചു. കേൾക്കുമ്പോൾ ദേഷ്യപ്പെട്ടാലും അമ്മുവിനെ വെറുക്കാനോ അവളോട് മിണ്ടാതിരിക്കാനോ അവന് സാധിക്കില്ലെന്ന് മനസ്സിൽ ഉറപ്പിച്ചു.

 

ഏട്ടാ ഞാൻ ഒരു കാര്യം പറഞ്ഞാൽ ദേഷ്യപ്പെടുമോ???

 

അത്‌ കാര്യം കേൾക്കാതെ എങ്ങനെ പറയും???

 

ദേഷ്യപ്പെടില്ല എന്ന് പറ. എന്നാലേ ഞാൻ പറയു. അമ്മു കണ്ണീര് തുടച്ചുകൊണ്ട് പറഞ്ഞു.

 

ഉറപ്പൊന്നും പറയാൻ പറ്റില്ല. നീ കാര്യം പറ.

 

ഇല്ല. ഏട്ടൻ ദേഷ്യപ്പെടും. ഞാൻ പറയില്ല.

 

ശെരി ഇനി ദേഷ്യപ്പെട്ടാലും ഞാൻ ഒന്നും മനസ്സിൽ വെക്കില്ല. ഈ കാറിൽ നിന്ന് ഇറങ്ങിയാൽ ഞാൻ അത് വിടും. പോരെ.

 

വക്കാണേ…

 

ആടി സത്യം.

 

അപ്പു അവളുടെ കയ്യിലടിച്ച് സത്യം ചെയ്തു.

 

ശെരി എന്നാ ഞാൻ പറയാം.

 

അപ്പു ആകാംഷയോടെ അമ്മുവിനെ നോക്കി ഇരുന്നു. കുറച്ച് പേടിയോടെ ആണെങ്കിലും അമ്മു കാര്യം അവതരിപ്പിച്ചു.

 

ഏട്ടാ…അത്‌…ഞാൻ കാരണം ആണ് നിങ്ങൾ…

 

നീ കാരണം എന്ത്???

 

ഞാനാ നിങ്ങളെ കുടുക്കിയത്. അമ്മു ഒരു വിളറിയ ചിരിയോടെ പറഞ്ഞു. ഇത് കേട്ടതും അപ്പുവിന്റെ മുഖം മാറി. അവൻ പുരികം ചുളിച് മനസിലായില്ല എന്ന ഭാവത്തിൽ അവനവവളെ നോക്കി.

 

നീ അവടേം ഇവടേം തൊടാതെ കാര്യം വെക്തമായി പറ. കുറച്ചു ഗൗരവത്തിൽ അപ്പു പറഞ്ഞു.

 

അമ്മു അവസാനം അവരുടെ വീഡിയോ എടുത്തത് ഒഴികെയുള്ള ബാക്കിയെല്ലാം അപ്പുവിനോട് പറഞ്ഞു. എല്ലാം കേട്ടു കഴിഞ്ഞ് അപ്പുവിന്റെ കിളി പോയി. അവൻ കണ്ണടച്ച് തലയ്ക്കു കയ്യും കൊടുത്തിരുന്നു. അമ്മുവിന് അവളുടെ ഏട്ടന്റെ ഇരുത്തം കണ്ട് ചിരി വന്നെങ്കിലും ഉള്ളിൽ പേടി ഉണ്ടായിരുന്നു. അവൻ എങ്ങനെ റിയാക്ട് ചെയ്യുമെന്ന്. കുറച്ചു നേരം നോക്കി നിന്ന് അമ്മു പതിയെ അപ്പുവിനെ വിളിച്ചു. അവൻ മുഖമുയർത്തി രൂക്ഷമായി അമ്മുവിനെ നോക്കി. അപ്പുവിന്റെ ഉള്ളിൽ ചിരി വന്നെങ്കിലും അത്‌ പുറത്ത് കാണിക്കാതിരിക്കാൻ പരമാവധി ശ്രെമിച്ചു. ഇമ്മാതിരി കുരുത്തക്കേടിനു ചിരിച്ചു കൊടുത്താൽ നാളെ ഇതിലും വലുത് കാണിക്കുമെന്ന് അവനറിയാം. എന്നാലും ഏട്ടന്റെ ചുണ്ടിലെ ചെറുച്ചിരി അമ്മുവിന് മനസിലായി. ഭാഗ്യം ഏട്ടൻ സീരിയസ് ആയി എടുത്തില്ല. അമ്മു മനസ്സിൽ പറഞ്ഞു.