” അവൾ നിന്നെ തല്ലിയത് ചേച്ചിക്കും ഒട്ടും ഇഷ്ടപ്പെട്ടിട്ടില്ല… അതിനവൾക്ക് ഒരു മറുപടി കൊടുക്കാനുള്ള അവസരവുമായിട്ടാണ് അവൾ തന്നെ വന്നിരിക്കുന്നത്… ”
ഞാൻ മുഖമുയർത്തി ചേച്ചിയെ നോക്കി…
” നീ ഇങ്ങ് വാ.. അവൾ തന്നെ പറയും നിന്നോട്… ”
അതും പറഞ്ഞു ചേച്ചി എന്റെ കൈ പിടിച്ച് വീടിനകത്തേക്ക് കൊണ്ട് വന്നു. അകത്ത് ബെഡ്റൂമിൽ ഒരു ചെയറിൽ കാലിന്മേൽ കാൽ കയറ്റി ഇരിക്കുകയായിരുന്നു അവൾ. എന്നെ കണ്ടതും അവൾ മുഖം തിരിച്ചു…
ഞാൻ ആ മുറിയുടെ വാതിലിൽ വെറുതെ ചാരി നിന്ന് താഴേക്ക് നോക്കി.
” ഇന്ദു.. ഞങ്ങൾ ചെയ്തത് തെറ്റാണ്.. പറ്റിപ്പോയി.. പക്ഷെ അതിനിയും ചെയ്യില്ല എന്നുറപ്പ് തരാനൊന്നും പറ്റില്ല.. നിനക്കെന്താ പറയാൻ ഉള്ളതെന്ന് വെച്ചാൽ പറഞ്ഞോ… ”
” എനിക്കൊന്നും പറയാനില്ല.. നിങ്ങളെന്താണെന്ന് വെച്ചാ ആയിക്കോ.. ഇനി ഇപ്പോ ഇവന്റെ മാമനോട് വിളിച്ച് ഇവൻ തന്നെ കാര്യം പറഞ്ഞോട്ടെ… ”
ഞാൻ രണ്ട് പേരുടെയും മുഖത്തേക്ക് പരസ്പരം നോക്കി. ഇന്ദുവേച്ചി തന്റെ ബാഗിൽ നിന്ന് മൊബൈൽ എടുത്ത് അതിൽ ഏതോ നമ്പർ ഞെക്കി കൃഷ്ണേച്ചിയുടെ കയ്യിൽ കൊടുത്തു. കൃഷ്ണേച്ചി അത് എന്റെ കയ്യിൽ തന്നു..
ഞാൻ മൊബൈൽ വേടിച്ച് അതിലെ ഡിസ്പ്ലേയിലേക്ക് നോക്കിയപ്പോൾ കാൾ പോകുന്നത് രാജൻ മാമനാണ്…
രണ്ട് സെക്കന്റ് കഴിഞ്ഞപ്പോൾ മാമൻ കാൾ എടുത്തു..
” ഹലോ…. ”
” ആ..ഹലോ…മാമ.. ഞാനാണ് പ്രവീൺ”
” ആ.. മോനെ എന്തെല്ലാം… സുഖം തന്നെയല്ലേ…. ”
” സുഖം തന്നെ മാമാ… എന്താ വിശേഷിച്ച് മാമാ… ”
” വേറൊന്നുമില്ല മോനെ.. നിന്റെ ഇന്ദുവേച്ചിക്ക് ബാംഗ്ലൂരിൽ ഒരു വർഷത്തെ എന്തോ കമ്പ്യൂട്ടർ കോഴ്സ് പഠിക്കാൻ പോണമെന്നു പറഞ്ഞു… അവളെ അങ്ങോട്ട് ഒറ്റയ്ക്ക് പറഞ്ഞു വിടൽ ബുദ്ധിമുട്ടാണ്.. നിനക്ക് വിരോധമില്ലെങ്കിൽ ചേച്ചിയുടെ കൂടെ അവിടെ കൂട്ട് നിക്കാൻ പറ്റുമോ… അച്ഛനോടും അമ്മയോടും ഞാൻ സംസാരിച്ചോളാം… ”
ഞാൻ ഒരു നിമിഷം ഒന്നും മിണ്ടിയില്ല..
” ഹലോ… എന്താ മോനെ.. എന്ത് പറ്റി… ഞാൻ പറഞ്ഞത് കേൾക്കുന്നില്ലേ … ”
” ഉണ്ട്…ഞാൻ ഒന്ന് ആലോചിച്ച് പറയാം മാമാ… ”
” ആഹ്… ഓക്കേ.. ”
” ഓക്കേ…. ”
അത് പറഞ്ഞു ഞാൻ ഫോൺ വേച്ചു…
ഈ സമയം ഇന്ദുവേച്ചി ചെയറിൽ നിന്ന് എഴുന്നേറ്റ് എന്റെ അടുക്കൽ വന്ന് അവളുടെ ഫോൺ എന്റെ കയ്യിൽ നിന്ന് വലിച്ച് വേടിച്ചു… എന്നിട്ട് എന്നെ മറികടന്നു പുറത്തിറങ്ങിയതും പെട്ടെന്ന് വെട്ടിതിരിഞ്ഞ് തിരികെ വന്ന് എന്റെ കവിളിൽ കുത്തി പിടിച്ചു കൊണ്ട് പറഞ്ഞു..
” വരാൻ പറ്റില്ല എന്ന് മാത്രമാകണം നിന്റെ വായിൽ നിന്നുള്ള മറുപടി… മറിച്ചായാലുണ്ടല്ലോ…ഹും.. ”
ഇത് കണ്ട കൃഷ്ണേച്ചി ഇന്ദുവേച്ചിയുടെ കൈ തട്ടി മാറ്റി പറഞ്ഞു…
” നീ.. പോവാൻ നോക്ക് ഇന്ദു… ”
അവൾ ഒന്ന് കൂടി എന്നെ ഒന്ന് നോക്കി ചവിട്ടി കുലുക്കി ഇറങ്ങി പോയി…
ഞാൻ കൃഷ്ണേച്ചിയെ ഒന്ന് നോക്കി എന്റെ മുറിയിലേക്ക് കയറി വാതിൽ കുറ്റിയിട്ട് ബെഡിൽ തലവെച്ചു കിടന്നു…
ആ കിടത്തം എത്ര നേരം കിടന്നു എന്ന് അറിയില്ല അറിയാതെ അവിടെ കിടന്ന് മയങ്ങി പോയി…
നേരം സന്ധ്യ ആയിരുന്നു… കുട്ടികൾ സ്കൂൾ വിട്ട് വന്നിട്ടുണ്ട്. ബാലേട്ടൻ എത്തിയിട്ടില്ല. അവർ രണ്ടാളും ചേച്ചിയുടെ റൂമിൽ പഠിക്കാൻ ഇരിക്കുകയായിരുന്നു..
അല്പം കഴിഞ്ഞു ചേച്ചി അങ്ങോട്ട് വന്ന് എന്റെ വാതിലിൽ മുട്ടി. ഞാൻ വാതിൽ തുറന്ന് വീണ്ടും ബെഡിൽ വന്നിരുന്നു…
ചേച്ചി ഉള്ളിലേക്ക് വന്ന് എന്റെ കാൽ ഭാഗത്തായി ബെഡിലിരുന്നു..
” നീ… എന്ത് തീരുമാനിച്ചു…. ”
” ഞാൻ പോകുന്നില്ല ചേച്ചി.. ഇന്ദുവേച്ചിയുമായി ഒത്തു പോവാൻ എനിക്ക് കഴിയില്ല…. ”
” ആര് പറഞ്ഞു നീ അവളുമായി ഒത്തു പോകാൻ… നിനക്ക് കിട്ടിയ ഒരവസരം ആണിതെന്നെ ഞാൻ പറയു… നിന്നെ തല്ലിയതിനും മറ്റും അവൾക്ക് ചുട്ട മറുപടി കൊടുക്കാൻ പറ്റിയ അവസരം… നീ പോണമെന്നേ ഞാൻ പറയൂ…”
” എന്നാലും ചേച്ചി…”
” ഒരെന്നാലും ഇല്ല… നീ പോകുന്നത് എനിക്ക് സങ്കടം ഉണ്ടാക്കും… പക്ഷെ നമ്മുടെ രണ്ടാളുടെയും ജീവിതം അവളുടെ കയ്യിലാണ്.. അവൾ നമ്മുടെ കയ്പ്പിടിയിൽ ആവും വരെയെങ്കിലും നീ അവളുടെ കൂടെ നിക്കണം … ”