കാര്യം കാണാൻ കഴുത കാലും പിടിക്കണം എന്നാണല്ലോ…
ഇനി അത് കഴുത… കാലും പിടിക്കണം എന്നാണോ ആവോ…”
“എന്താടി ഏതേലും ചെറുക്കൻ നിന്റെ ചൂണ്ടയിൽ കൊളുത്തിയോ…”
അവൻ വീണ്ടും എന്നോട് കളിയായി ചോദിച്ചു..
“ടാ..
തൊരപ്പ…
എന്നെകൊണ്ട് നിന്റെ ഇരട്ട പേര് വിളിപ്പിക്കണ്ടേൽ മര്യാദക്ക് ഉച്ചക്ക് ശേഷം ലീവെടുത്തു മാനാഞ്ചിറയിലേക്ക് വാ…”
അവനോട് രണ്ടു തെറി പറഞ്ഞില്ലേൽ ശരിയാകാത്തത് കൊണ്ട് തന്നെ ഞാൻ പറഞ്ഞു…
” എന്താടി ഇത്രക് സീരിയസ് കാര്യം…”
അവൻ വീണ്ടും എനിക്ക് മെസ്സേജ് വിട്ടു…
” അതൊക്കെ ഉണ്ട്…സീരിയസ് തന്നെയാണ്..
നീ ഹാഫ് ടെ ലീവ് എടുക്കുമോ ടാ…”
ഞാൻ അവനോട് ചോദിച്ചു..
” ഒരു മൂന്നര ആകുമ്പോൾ വന്നാൽ പോരെ എനിക്ക് ലാസ്റ്റ് പിരീഡ് ഇന്നില്ല…
അതാകുമ്പോൾ രണ്ടു പിരീഡ് കഴിയുകയും ചെയ്യും…”
അവൻ വീണ്ടും മെസ്സേജ് വിട്ടു..
” എടാ പൊട്ടാ…
എനിക്ക് അത്രക്ക് സീരിയസ് ആയതോണ്ട് ആണ് നിന്നോട് ഞാൻ ഹാഫ് ടെ ലീവ് എടുക്കാൻ പറഞ്ഞത്…
നിന്നെ ഇപ്പോൾ തന്നെ ഇങ്ങോട്ട് വരുത്താൻ എനിക്ക് അറിയാത്തതു കൊണ്ടല്ല..
മനസിലായോ…”
ഞാൻ അവനു ഭീക്ഷണി പോലെ മെസ്സേജ് വിട്ടു…
ഉടനെ മറുപടി വന്നു…
“എസ് ടീച്ചർ…
ഞാൻ ഒരു ഒന്നരക്ക് മാനാഞ്ചിറക്ക് വെളിയിൽ ഉണ്ടാവും പോരെ..”
“ഞാൻ അതിന് ലൈക് ഇമോജി വിട്ടു…
സമയം ആകുന്നതും കാത്തിരുന്നു…”
++++
“ഈ വിവാഹം നടന്നാൽ കുട്ടിയുടെ ഭർത്താവിന് അപമൃത്യുവാണ് പ്രശ്നത്തിൽ തെളിയുന്നത്…
അതും അവർ തമ്മിലുള്ള ദാമ്പത്യം രണ്ടു മാസത്തിൽ കൂടുതൽ പോകില്ല…
ഈ കുട്ടിയുടെ ജാതകം ഇതിന് മുമ്പ് നിങ്ങൾ നോക്കിയില്ലായിരുന്നോ…”
“രണ്ടു വർഷങ്ങൾക് മുമ്പ് എന്നെ വിവാഹം കഴിക്കാൻ താല്പര്യമുണ്ടെന്നും പറഞ്ഞു വന്ന വൈശാഖിനോട് കുടുംബ ജ്യോൽസ്യൻ പറഞ്ഞത് അവൻ എന്നോട് പറഞ്ഞതാണ് ഞാൻ നേരത്തെ എഴുതിയത്..”
“ആതിര…
എനിക്ക് നിന്നെ ഇഷ്ട്ടമാണ്…
ഈ ജാതകത്തിലൊന്നും എനിക്ക് വിശ്വാസവും ഇല്ല..
പക്ഷെ എന്റെ വീട്ടുകാർ…”
അവൻ എന്താണ് ഉദ്ദേശിക്കുന്നതെന്ന് എനിക്ക് ഉത്തമ ബോധ്യം ഉള്ളത് കൊണ്ട് തന്നെ ഞാൻ അവനോട് ഒന്ന് ചിരിച്ചു…
“ഇട്സ് ഒക്കെ വൈശാഖ്…
എനിക്ക് മനസിലാവും നിങ്ങളെ..
ബട്ട് വൈശാഖ് ഞാൻ അറിഞ്ഞിരുന്നില്ലായിരുന്നു എന്റെ ജാതകത്തിൽ എന്റെ തലവര മാറ്റുവാൻ മാത്രമുള്ളത് എഴുതി വെച്ചിട്ടുണ്ടെന്ന്…
നിങ്ങളുടെ ജീവനിൽ ബന്ധുക്കൾക്ക് ഉൽഖഡ ഉണ്ടാവുന്നതിൽ നമുക്ക് അവരെ കുറ്റം പറയാൻ പറ്റില്ലല്ലോ…
ലീവിറ്റ്…
ഇട്സ് ഒക്കെ…
ഗുഡ് ബൈ വൈശാഖ്…”
“മനസ് നീറുന്ന വേദനയോടെ…അവനെ ഞാൻ യാത്രയാക്കി…”
“എന്നെ കെട്ടിയാൽ രണ്ടു മാസം കൊണ്ട് ജീവൻ പോകുമല്ലേ എന്ന് പേടിച്ചു കൊണ്ട് എന്നെ ഒഴുവാക്കുവാനായി അവൻ വീട്ടുകാരെ കുറ്റപ്പെടുത്തി പറഞ്ഞത് ആണെങ്കിലും എന്റെ മനസിൽ വേദന നിറഞ്ഞെങ്കിലും എനിക്കതിൽ ഒരു വിഷമവും ഉണ്ടായിരുന്നില്ല..
ആകെ ഒരേ ഒരു വിഷമം മാത്രം…
എന്റെ ജാതകം ആ സമയത്ത് തന്നെ വരാൻ കാരണക്കാരായ എന്റെ മാതാപിതാക്കളോടുള്ള ദേഷ്യമായി മാറാൻ ഒരുപാട് സമയമൊന്നും വേണ്ടി വന്നില്ല…”
“അന്നിറങ്ങിയതാണ് ഞാൻ എന്റെ വീട്ടിൽ നിന്നും…
ഒരിക്കലും അവിടേക്കു ഇനിയൊരു മടക്കം ഞാൻ ആഗ്രഹിക്കാത്ത തരത്തിൽ ഞാൻ എന്റെ മാതാപിതാക്കളെ വെറുത്തു പോയിരുന്നു…”
“ഒരിക്കലും അവർ പോലും അറിയാത്ത അവരുടേതല്ലാത്ത കുറ്റം ആയിരുന്നെങ്കിലും എന്റെ മനസിനെ സമാധാനപെടുത്താൻ എനിക്കതാവശ്യമായിരുന്നു…”
++++
“ടി ഞാൻ ഇവിടെ എത്തി നീ എവിടെ…”
“രണ്ടു സെക്കൻഡ് ഞാൻ കമ്മീഷണർ ഓഫീസിന്റെ മുന്നിലുണ്ട്…ഈ റോടൊന്ന് മുറിച്ചു കടക്കട്ടെ…”
മാനാഞ്ചിറ മൈതാനിക്ക് പുറത്ത് ഉണ്ടെന്ന് പറഞ്ഞു മുബാറക് വിളിച്ചപ്പോൾ ഞാൻ അവനോട് പറഞ്ഞു..
“എന്നെ ദൂരെ നിന്നെ കണ്ട ഉടനെ അവൻ കൈ പൊക്കി കാണിച്ചു..
ഞാൻ നേരെ അവനടുത്തേക് നടന്നടുത്തു.. രണ്ടു പേരും മാനാഞ്ചിറ മൈതാനിയിലേക് കയറി..
ഉള്ളിലെ പാർക്കിലേക് നടന്നു…
നട്ടുച്ച നേരമായത് കൊണ്ട് തന്നെ വലിയ തിരക്കൊന്നും ഇല്ലെങ്കിലും ആളുകൾ ശ്രദ്ധിക്കാത്ത സ്ഥലങ്ങളിൽ പ്രണയ സല്ലാപത്തിൽ ഏർപ്പെട്ടിരിക്കുന്ന കുറേ ഏറെ യുവമിഥുനങ്ങളെ കാണാൻ കഴിഞ്ഞു..
എല്ലാവരുടെ കയ്യിലും ഓരോ കുടകൾ ഉണ്ടായിരുന്നു…
എന്തിനാണാവോ ഈ വെയിൽ ഇല്ലാത്ത മരചുവട്ടിലും കുട ക്ക് കീഴിൽ ഇരിക്കുന്നതെന്ന് ഓർത്തെങ്കിലും ഒന്ന് രണ്ടു യുവമിഥുനങ്ങളുടെ കര ചലനങ്ങൾ കണ്ടപ്പോൾ പിന്നെ ആ വഴിയേ ഞാൻ നോക്കുവാൻ പോയില്ല…”
“ടി അവിടെ ഇരിക്കാം…”
“പാർക്കിനുള്ളിലെ ഓപ്പൺ സ്റ്റെജിൽ വലിയ വെയിലൊന്നും കൊള്ളാത്ത ഏരിയ നോക്കി അവൻ പറഞ്ഞാപ്പോൾ ഞാനും അവന്റെ കൂടേ അങ്ങോട്ട് നടന്നു..”
“ഇനി പറ എന്താ നിനക്ക് എന്നോട് സീരിയസ് ആയി പറയാൻ ഉള്ളത്…
എന്നെ പ്രണയിക്കുന്നു എന്നോ മറ്റോ ആണേൽ മോളെ…
തല്ല് കൊണ്ട് ചവാൻ ഞാൻ ഒരുക്കമല്ല…
ആദ്യമേ വിട്ടു കളഞ്ഞോ.. ”
“അവന് എത്ര സീരിയസ് വിഷയം ആണെകിലും അതെല്ലാം തമാശ പോലെയേ കാണൂ..
അതവന്റെ ജീവിതം തന്നെ ആണെങ്കിലും ശരി…”
ഞാൻ അവന്റെ കയ്യിൽ ഒരു നുള്ള് കൊടുത്തു..
“ആ…”
അവൻ നുള്ള് കിട്ടിയ വേദനയിൽ അടുത്ത് ആളുണ്ടോ എന്നൊന്നും ഓർക്കതെ കരഞ്ഞു..
“എന്ത് നുള്ളാടി ഇത്..
നീ ഈ നഖം ഇത് വരെ വെട്ടിയില്ലേ.. ഈ നഖം കൊണ്ട് കുട്ടികളെ നുള്ളിയാൽ മോളെ ആരെങ്കിലും പരാതി കൊടുത്താൽ നിന്നെ എന്ന് പോലീസ് കൊണ്ട് പോയി എന്ന് നോക്കിയാൽ മതി..
ഹൗ…
അവൻ നുള്ള് കിട്ടിയ ഭാഗം തടവി കൊണ്ട് പറഞ്ഞു…”
“എടാ…
ഞാൻ ഒരു സീരിയസ് കാര്യം പറയാൻ വന്നതാണ്…നിന്നോട് പറഞ്ഞാൽ എനിക്ക് അതിൽ നിന്നും പുറത്ത് കടക്കാൻ ഒരു വഴി കിട്ടുമെന്ന് ഉറപ്പുണ്ട്..
നീ ഒന്ന് സീരിയസ് ആകുമോ..’
“നീ പറ…
നിന്റെ എന്ത് വിഷയം ആണെങ്കിലും ഒരു കൂട്ടുകാരൻ എന്ന നിലക് ഈ മുബാറക് തീർത്ത് തരും..
നീ ധൈര്യത്തിൽ പറഞ്ഞോ..”
അവൻ എന്റെ കൈകളിൽ കൈ ചേർത്തു വെച്ച് കൊണ്ട് പറഞ്ഞു…
“എടാ..
നീ ഇന്ന് രാവിലെ എന്റെ കൂടേ ഒരു ചെറുക്കനെ കണ്ടില്ലേ…”
ഞാൻ അവനോട് ചോദിച്ചു…
“ആ ഒരു പത്തിരുപതു വയസ് തോന്നിക്കുന്ന ക്യൂട്ട് ബോയ്..
പക്ഷെ ആള് ക്യൂട്ട് ആണെകിലും ബോഡി ജിം ആണ് ട്ടോ…
ഒരു ജിമ്മൻ… എന്നെ പോലെ ഒന്നുമല്ല…”
അവൻ വിവേകിനെ രാവിലെ കണ്ട ഓർമ്മയിൽ പറഞ്ഞു..
“ടാ അത് വിട് ഞാൻ കാര്യം പറയട്ടെ…
അവന് എന്നെ ഇഷ്ട്ടമാണെന്ന്..
വിവാഹം കഴിക്കാൻ താല്പര്യം ഉണ്ടെന്ന്…”
ഞാൻ മുബാറക്കിനോട് പറഞ്ഞു അവനെ നോക്കിയപ്പോൾ…
പൊട്ടൻ എന്തോ കണ്ട പോലെ അവൻ എന്നെ തന്നെ നോക്കി നിൽക്കുകയാണ്…
“ടാ..
വായ അടക്ക്… വല്ല ആനയും കയറും വായിൽ…
നീ ഇതിൽ നിന്നും രക്ഷപെടാൻ ഉള്ള വഴി പറഞ്ഞു താ…”
ഞാൻ അവനോട് പറഞ്ഞു…
“ടി അവൻ സീരിയസ് ആണോ…???”
“ആ എനിക്കറിയില്ല…
എന്നോട് ആദ്യമായിട്ടാണ് അവൻ സംസാരിക്കുന്നത് തന്നെ…
ഇനി സീരിയസ് ആണേലും നടക്കില്ലല്ലോ…