Related Posts
ഈ കഥയ്ക്ക് മരിച്ചവരും, ജീവിച്ചിരിക്കുന്നവരുമായി യാതൊരു ബന്ധവുമില്ല. അങ്ങനെ തോന്നിയാൽ തികച്ചും യാദൃശ്ചികം മാത്രം.
വളരെ പേടിയോടെയാണ് സൈറ്റിൽ രജിസ്റ്റർ നമ്പർ കൊടുത്തത്. വിറക്കുന്ന കൈകൾ കൊണ്ട് എന്റർ ബട്ടൺ ക്ലിക്ക് ചെയ്തു റിസൾട്ട് വന്നു. കെമിസ്ട്രിയിൽ വീണ്ടും പൊട്ടി. വയസ്സ് 19 ആയി ഇപ്രാവശ്യവും +2 പാസ്സായില്ല. അമ്മയോടെനി എന്ത് പറയും..?
ഓരോന്ന് ചിന്തിച്ച് വിധു ആകെ വിഷമത്തിലായി.
” ടാ വിധു… നിന്റെ പരീക്ഷേടെ റിസൾട്ട് വന്നോ…? ”
അമ്മ വനജ മുറിയിലേക്ക് വന്നുകൊണ്ട് ചോദിച്ചു.
അവൻ മറുതോന്നും മിണ്ടിയില്ല.
” എടാ നിന്നിടാ ചോദിച്ചത്… റിസൾട്ട് വന്നൊന്ന്…?”
അമ്മ ഉറക്കെ ചോദിച്ചു.
അവൻ വിറയലോടെ : പ്… പ.. പൊട്ടി…
അത് കേട്ടതും വനജക്ക് ദേഷ്യം വന്നു. അവന്റെ നടുപ്പുറത്ത് നോക്കി ഒരെണ്ണം പൊട്ടിച്ചു.
ഠപ്പേ…. ശബ്ദം മുറി നിറഞ്ഞു. വർഷങ്ങൾക്ക് ശേഷം അമ്മയുടെ കൈമുദ്ര തന്റെ ദേഹത്ത് പതിഞ്ഞു. അവന് നല്ല വേദനയും, വിഷമവും തോന്നി. കാരണം ഇത്തവണ പാസാകുമെന്ന് അമ്മയോട് വീരവാദം മുഴക്കിയതാ.
” പഠിക്കേണ്ട സമയത്ത് മൊബൈൽ ഗെയിമും കളിച്ച് നടന്നാൽ എങ്ങനെയാ പരീക്ഷയ്ക്ക് പാസ്സാവുക…? അച്ഛൻ വിളിക്കട്ടെ നിന്റെ മൊബൈലെ കളി ഞാൻ ഇന്നത്തോടെ തീർക്കും… ”
ദേഷ്യത്തോടെ അമ്മ ഏതാണ്ടൊക്കെയോ പറഞ്ഞിട്ട് പോയി.
അവന് വിഷമം താങ്ങാനായില്ല അടുത്ത നിമിഷം തന്നെ ഫോണിലെ PUBG യും PES ഉം ഡിലീറ്റ് ചെയ്ത് കളഞ്ഞ് വിഷാദ രോഗിയെ പോലെ കിടക്കയിൽ വീണു. അച്ഛന്റെയും, ബന്ധുക്കളുടെയും മുൻപിൽ താൻ വീണ്ടും നാണംകെടാൻ പോകുന്നു. വേദനിപ്പിക്കുന്ന ചിന്തകൾ മനസ്സിൽ മിന്നി മറഞ്ഞുകൊണ്ടിരുന്നു. പതിയെ അവൻ മയക്കത്തിലേക്ക് വീണു.
സമയം രാത്രി 9 മണിയായി.
അമ്മ വിദേശത്തുള്ള അച്ഛനുമായി ഫോണിൽ സംസാരിക്കുകയാണ്. അച്ഛന്റെ പേര് രാജൻ.
” നിങ്ങടെ പുന്നാര മോനുണ്ടല്ലോ അവൻ വീണ്ടും പരീക്ഷയ്ക്ക് പൊട്ടി… 24 മണിക്കൂറും ഫോണിലല്ലേ കളി.. പിന്നെങ്ങനെ ജയിക്കാനാ… ”
അമ്മ അച്ഛനോട് പരാതി പറഞ്ഞു.
” നീ അവന് ഫോണ് കൊടുക്ക്… ”
അച്ഛൻ പറഞ്ഞു.
അമ്മ ഫോണുമായി വിധുവിന്റെ അടുത്തേയ്ക്ക് ചെന്നു : ഫോൺ പിടിക്ക്.. അച്ഛനാ വിളിക്കുന്നെ..
അവൻ ഉൾഭയത്തോടെ ഫോൺ വാങ്ങിച്ചു : ഹാ.. ഹ ഹലോ..
” നീ വീണ്ടും തോറ്റല്ലേ…? ”
അച്ഛൻ അല്പം ഗൗരവത്തോടെ ചോദിച്ചു.
” മം… ”
അവൻ മൂളുക മാത്രം ചെയ്തു.
” പഠിക്കേണ്ട സമയത്ത് നീ ഗെയിമും കളിച് നടപ്പാണെന്നാണല്ലോ അമ്മ പറഞ്ഞത്… അത് ശെരിയാണോ..? ”
” ഞാൻ എപ്പോഴൊന്നും ഗെയിം കളിക്കാറില്ല… ”
അവൻ വിറയലോടെ പറഞ്ഞു.
” വേണ്ട… നീയെനി കൂടുതൽ ന്യായീകരിക്കാൻ നോക്കണ്ട… +2 കഴിയുന്നതിനു മുൻപ് നിനക്ക് മൊബൈല് വാങ്ങിച്ച്ത്തന്ന ഞാനാ മണ്ടൻ… ”
” ഞാൻ എനി നന്നായി പഠിച്ചോളാം… ”
അവൻ പതിഞ്ഞ ശബ്ദത്തിൽ പറഞ്ഞു.
” വേണ്ട… ഇന്ന് തന്നെ SIM ഊരി മൊബൈല് അമ്മയ്ക്ക് കൊടുത്തോണം. നീയെനി പഴയ സ്വിച്ച് ഫോൺ ഉപയിഗിച്ചാൽ മതി ”
അച്ഛൻ തറപ്പിച്ചു പറഞ്ഞു.
അവന് എന്ത് പറയണമെന്നറിയില്ല. ആകെ തളർന്നു പോയി : അച്ഛാ… നാ.. ഞാൻ…
അടുത്ത നിമിഷം അച്ഛൻ ഫോൺ കട്ട്‌ ചെയ്തു.
അമ്മ അടുത്തേക്ക് വന്ന് പറഞ്ഞു : അച്ഛൻ പറഞ്ഞത് കേട്ടല്ലോ.. വേഗം നിന്റെ മൊബൈല് എന്നെ ഏല്പിക്ക്.
വേറെ വഴിയൊന്നും ഇല്ലാത്തതിനാൽ സിം ഊരി ഫോൺ അമ്മയെ ഏൽപ്പിച്ചു. പകരം അച്ഛന്റെ പഴയ സ്വിച്ച് ഫോണ് അവന് കൊടുത്തു. അതും മേടിച് അണ്ടി പോയ അണ്ണനെ പോലെ മുറിയിൽ ചെന്ന് കതകടച്ചു.
വിധുവിന്റെ തൊട്ട് അയൽവക്കത്താണ് ആനി ടീച്ചറുടെ വീട്. വീട്ടിൽ അമ്മയും ആനി ടീച്ചറും മാത്രമാണുള്ളത്. ടീച്ചറുടെ അച്ഛൻ സ്കൂൾ മാഷായിരുന്നു നേരത്തേ മരിച്ചു പോയി.
” മേരി ചേച്ചി….മേരി ചേച്ചി… ”
വീട്ട് മുറ്റത്ത് നിന്ന് വനജ ഉറക്കെ വിളിച്ചു.
വാതില് തുറന്ന് ആനി ടീച്ചർന്റെ അമ്മ മേരി പുറത്ത് വന്നു : എന്താ വനജേ..?
” മേരി ചേച്ചി.. എന്റെ മോൻ വീണ്ടും +2 തോറ്റു… ”
” നീ വിഷമിക്കാതെ പരീക്ഷയ്ക്ക് തോൽക്കുന്നതൊക്കെ സാധാരണയല്ലേ… ”
മേരി ചേച്ചി വനജയെ സമാധാനിപ്പിക്കാൻ പറഞ്ഞു.
” +2 തോറ്റത് പോട്ടേന്ന് വെക്കാം… ഇതിപ്പോ സേ പരീക്ഷയിലും തോറ്റില്ലേ..? അവന്റെ കൂട്ടത്തിലുള്ളവരൊക്കെ പഠിച്ച് പാസ്സായി ഡിഗ്രിക്ക് ചേർന്നു. എന്റെ മോൻ മാത്രം… ”
” വിധു അത്യാവശ്യം പഠിക്കുന്ന കൂട്ടത്തിൽ തന്നെയായിരുന്നല്ലോ… മറ്റു കുട്ടികളെ പോലെ വികൃതിക്കും പോകാറില്ല…പിന്നെ എന്നാ പറ്റിയതാ..? ”
” അവന് ഫോൺ വാങ്ങിച് കൊടുത്തപ്പോ മുതലാ പഠിതത്തിൽ ഉഴപ്പാൻ തുടങ്ങിയത്… അത് ഞാൻ മേടിച് പൂട്ടി വച്ചു… ”
” അഹ്… അത് നന്നായി… അല്ലേലും ഇപ്പഴത്തെ പിള്ളേരൊക്കെ എല്ലാ നേരത്തും മൊബൈലും കുത്തിപ്പിടിച്ചാ ഇരിപ്പ്… നീ ഏതായാലും അവനെ എവിടേലും ട്യൂഷന് അയക്ക്… അവൻ പഠിച്ചോളും… ”
” ആ കാര്യം പറയാനാ ഞാൻ ഇവിടെ വന്നത്…ആനി ടീച്ചറോട് ചോദിക്കുവൊ വിധുവിന് ട്യൂഷൻ എടുത്ത് കൊടുക്കാൻ. ”
” വിധു ഏത് വിഷയത്തിലാ തോറ്റത്..? ”
” കെമിസ്ട്രി…”
” ആനി മലയാളമല്ലേ പഠിപ്പിക്കുന്നത് അവൾക്ക് കെമിസ്ട്രിയൊക്കെ പറഞ്ഞുകൊടുക്കാൻ കഴിയോ…? ”
മേരി സംശയം ചോദിച്ചു.
” ആനി സയൻസ് പഠിച്ചതല്ലേ…? +2 കെമിസ്ട്രിയൊക്കെ അവൾക്ക് അറിയാതിരിക്കില്ല. ചേച്ചി ഇത് ആനിയോട് കാര്യമായി തന്നെ പറയണം.”
വനജ അപേക്ഷിച്ചു.
” ഞാൻ പറഞ്ഞു നോകാം… ”
മേരി പറഞ്ഞു.
” ശെരി ചേച്ചി.. ഞാൻ പോകുവാണ്… ”
ശേഷം വനജ പോയി.
വൈകിട്ട് സ്കൂള് വിട്ട് ആനി ടീച്ചർ വീട്ടിലെത്തി. വനജ പറഞ്ഞ കാര്യം അമ്മ ആനി ടീച്ചരോട് പറഞ്ഞു.
” അതൊന്നും ശെരിയാകില്ല അമ്മേ… സ്കൂളിലെ നോട്ട് പ്രിപേറേഷനും, വർക്സ്മൊക്കെ ഞാൻ രാത്രിയിലാ ചെയ്യാറ്. അതിനിടയിൽ അവനെ പഠിപ്പിക്കാൻ നിന്നാൽ ശെരിയാകില്ല.. ”
ആനി പറഞ്ഞു.
” നിനക്ക് കുറച്ച് സമയം എങ്കിലും മാറ്റിവച്ച് അവനെ പഠിപ്പിച്ചു കൂടെ. വനജ നല്ല വിഷമത്തോടെയാ എന്നോട് വിധുവിന്റെ കാര്യം പറഞ്ഞത്… എനി എല്ലാം നിന്റെ ഇഷ്ട്ടം. ”
അമ്മ അതും പറഞ്ഞ് അടുക്കളയിലേക്ക് പോയി.
എന്ത് ചെയ്യണമെന്നറിയാതെ ആനി വിഷമത്തിലായി.
വിധുവിന്റെ വീട്ടിൽ.
വനജ മുറിയിലേക്ക് വന്ന് പറഞ്ഞു : ആനി ടീച്ചർ നിനക്ക് കെമിസ്ട്രി ട്യൂഷനെടുത്ത്‌ തരാമെന്ന് പറഞ്ഞിട്ടുണ്ട്… നാളെ വൈകിട്ട് 7 മണിയാവുമ്പോ ടീച്ചറുടെ വീട്ടിലേക്ക് ചെന്നോണം. അവിടെ ചെന്ന് ഉഴപ്പനാണ് നിന്റെ പരിപാടിയെങ്കിൽ അടിച്ച് നിന്റെ തൊലിയുരിക്കും ഞാൻ…
ഇതൊക്കെ കേട്ട് അവന് നല്ലോണം ദേഷ്യം വന്നു. പക്ഷെ അവൻ പ്രതികരിച്ചില്ല. പ്രതികരിക്കാൻ നിന്നാൽ അമ്മേടെ ബഹളം കൂടത്തേയുള്ളു.
