ഇങ്ങനൊരു പ്രശ്നം നമ്മൾ ആരും ആഗ്രഹിച്ചിട്ടു വരുന്നതല്ലല്ലോ..സാർ.. എന്തായാലും
നാളെ..തമിഴ്നാട് മുഴുവൻ നിശ്ച്ചലമാകും പാർട്ടിക്കാർ ആക്കും…നാളത്തെ ഹർത്താലിൽ
എന്തെങ്കിലും പ്രശ്ങ്ങൾ ഉണ്ടായാൽ പിന്നെ ദിവസങ്ങൾ തന്നെ അടഞ്ഞു കിടന്നേക്കാം…2
മാസം മുൻപ് പാർട്ടിക്കാർ തമ്മിൽ അടിയുണ്ടായിട്ടു 4 ദിവസം കഴിയേണ്ടി വന്ന് പഴയത്
പോലെയാകാൻ…എന്റെ സകലമാന കിളിയും പറത്താൻ കെല്പുള്ളതായിരുന്നു റൂം ബോയുടെ വാക്കുകൾ…
ചുരുക്കത്തിൽ എന്തായാലും പെട്ടു അല്ലെ.. അപ്പോൾ പ്രശ്നങ്ങൾ തീരുന്ന വരെ വെളിയിൽ
ഇറങ്ങാൻ നിവൃത്തിയില്ല..അപ്പോൾ ഫുഡിന്റെ കാര്യം…
അതൊന്നും പ്രശ്നമല്ല ഹോട്ടൽ തുറക്കില്ലന്നേയുള്ളൂ…സാറിന് എന്താവശ്യമുണ്ടെങ്കികും
പറഞ്ഞാൽ മതി റെഡിയാക്കി തരാം ഫുഡ്…കൂടാതെ ഡ്രെസ്സൊ മറ്റോ ഇല്ലെങ്കിൽ അതും..ലിക്കർ
വേണമെങ്കിൽ…എന്താ വേണ്ടത് പറഞ്ഞാൽ മതി റൂമിൽ എത്തിച്ചേക്കാം…
റൂംബോയ് പറഞ്ഞപ്പോൾ ആണ്
ഓർത്തത് ഈ ടെൻഷൻ മാറാൻ എന്തായാലും ലിക്കർ വേണ്ടി വരും….പക്ഷെ…തനിച്ചല്ലല്ലോ..ആമി
കൂടെയുള്ളപ്പോൾ എങ്ങനാ…അവസാനം ഞാൻ ഫുഡ് മാത്രം പറഞ്ഞിട്ട് റൂമിലേയ്ക്ക് നടന്നു…
വെറും കയ്യോടെ റൂമിലേയ്ക്ക് ചെന്നപ്പോൾ ആമി മുഖം വീർപ്പിച്ചു
നോക്കുന്നുണ്ടായിരുന്നു…ഞാനവളോട് കാര്യങ്ങൾ എല്ലാം പറഞ്ഞു…കേട്ടതെ.. അവൾ താടയ്ക്ക്
കയ്യും കൊടുത്ത് ബെഡിലേയ്ക്കിരുന്നു…അവളുടെ മുഖം വാടിയിരുന്നു…ഞാനവളുടെ അടുത്തായി
ചെയർ നീക്കിയിട്ടിരുന്നു…
ഞാൻ:-സാരമില്ലെടി..ഇതിപ്പോൾ നമ്മൾ ആരും വേണമെന്ന് വിചാരിച്ചിട്ടു
സംഭവിക്കുന്നതല്ലല്ലോ…നാളത്തെ കൊണ്ട് തീർന്ന് കിട്ടിയാൽ മതിയരുന്നു….
ആമി:-ഷോപ്പെ..ഷോപ്പെന്നും പറഞ്ഞു അനുവേച്ചിനെപ്പോലും ഒരു സ്ഥലത്തും കൊണ്ട് പോകാത്ത
ആളല്ലേ..ഇതിപ്പോൾ ഏട്ടന് അറിഞ്ഞു കിട്ടിയ ശിക്ഷയാണെന്ന എനിയ്ക്ക്
തോന്നുന്ന..എന്തായാലും ഞാൻ ഹാപ്പിയാണ്…വല്ലപ്പോഴും ആണ് കോളേജിലോട്ടല്ലാതെ വീട്ടിൽ
നിന്ന് പുറത്തിറങ്ങുന്നത് അതും ഇത്രയും ദൂരെ… ഒരാഴ്ച്ച കഴിഞ്ഞാലും എനിയ്ക്ക്
കുഴപ്പൊന്നുല്ലാ…ആമിയത് പറയുമ്പോൾ ആദ്യം കണ്ട ദുഃഖഭാവമൊന്നും
മുഖത്തുണ്ടായിരുന്നില്ലെന്നു മാത്രമല്ല അതിയായ സന്തോഷവും ഉണ്ടായിരുന്നു…
ഞാൻ:-എടി മഹാപാപി.. അങ്ങനെയൊന്നും പറയാതേടി…ഷോപ്പ്…അനു… കുഞ്ഞാറ്റ…
ആമി:-പിന്നെ ഏട്ടൻ ഇല്ലെങ്കിലും ഷോപ് ഭംഗിയായി നടന്നോളും അവിടെ വല്യച്ഛനും
ശരത്തേട്ടനും ഇല്ലേ…പിന്നെ അനുചേച്ചിയും കുഞ്ഞാറ്റയും
തനിച്ചൊന്നുമല്ലല്ലോ…നമുക്കിവിടെ ചുറ്റിക്കറങ്ങി കുറച്ച് ദിവസം അടിച്ച് പൊളിക്കാം
മനുഷ്യാ….
ഞാൻ:-ആ..ഫസ്റ്റ്… നി ഇന്റർവ്യൂ പോയിട്ടും വലിയ കാര്യമുണ്ടെന്നെനിയ്ക്ക്
തോന്നുന്നില്ല…എടി പൊട്ടിക്കാളി..പുറത്ത് ഇത്രയും പ്രശ്നങ്ങൾ നടക്കുമ്പോൾ എങ്ങനാടി
ചുറ്റിക്കറങ്ങുന്ന..കറക്കം പോയിട്ട്..പുറത്തൊട്ടിറങ്ങാൻ കൂടെ കഴിയില്ല..എത്ര ദിവസം
ആണെങ്കിലും അത് വരെ ഈ റൂമിൽ തന്നെ കഴിച്ചു കൂട്ടേണ്ടി വരും…അത് കേട്ടപ്പോൾ ആമിയുടെ
സന്തോഷം മാറി മുഖം വാടിയിരുന്നു….
ആമി:-അപ്പോൾ ശരിക്കും പെട്ടല്ലേ….
അവൾ വീണ്ടും താടയ്ക്ക് കയ്യും കൊടുത്ത് നിരാശയോടെ പറഞ്ഞു…
ഞാൻ:-അതേ…ആകെ ടെൻഷൻ കയറി തല പെരുത്തിരിക്ക..ഞാനിന്നൊരു ദിവസത്തേയ്ക്ക് ഇത്തിരി
കഴിച്ചോട്ടെ…
ആമി:-അതിന് ഫുഡ് വരണ്ടേ.. വരുമ്പോൾ എനിയ്ക്കും കഴിക്കണം അതിനെന്താ…അനുവാദം
ചോദിക്കാൻ…
ഞാൻ തലയിൽ കൈ വച്ച് പോയി….
ഞാൻ:-അതല്ല…ഇത്തിരി ലിക്കർ കഴിച്ചോട്ടെയെന്ന ചോദിച്ച…അല്ലാതെ ഫുഡ് കഴിച്ചാൽ ടെൻഷൻ
കുറയോ…
ആമി:-അത് ശരി അപ്പോൾ മോന് ഈ പണിയും ഉണ്ടാരുന്നല്ലേ…
ഞാൻ:-പിന്നെ എനിയ്ക്കിത് തന്നെയല്ലേ …പണി നി എന്നേലും ഞാൻ കഴിച്ചിട്ട് വന്ന്
കണ്ടിട്ടുണ്ടോ…വല്ലപ്പോഴും ഫ്രണ്ട്സുമായി ആണ്ടിലും കൊല്ലത്തിലും കമ്പനി
കൂടുമെന്നല്ലാതെ..ഞാൻ കുടിക്കാൻ വേണ്ടി ജീവിയ്ക്കുന്നവനൊന്നുമല്ല…ആമിയ്ക്ക്
ഇഷ്ടമല്ലെങ്കിൽ വേണ്ടന്നേ..ഞാൻ കുറച്ചു ദേഷ്യത്തോടെ പറഞ്ഞു…