ഇത് ഗിരിപർവ്വം 4
Ethu Giriparvvam Part 4 | Author : Kabaninath
[ Previous Part ] [ www.kambi.pw ]
“”റാഫിയേ …. എനിക്കൊന്ന് കാണണം… “
പറഞ്ഞതിനു ശേഷം ഹബീബ് കോൾ കട്ടാക്കി…
കൊടുവള്ളിയിലുള്ള ഹബീബിന്റെ ഗോഡൗണിനുള്ളിലേക്ക് കിയ സോണറ്റ് കയറി…
വൈദ്യുതാലങ്കാരമായിരുന്നു ഗോഡൗണും പരിസരവും..
ഗ്രാനൈറ്റും മാർബിളും ഒരു വശത്ത് ചെരിച്ച് അടുക്കി വെച്ചിരിക്കുന്നു……
മറുവശം പാർക്കിംഗ് യാഡ് ആണ്…
ഹബീബ് ഡോർ തുറന്ന് ഇറങ്ങി……
വലിച്ചു കൊണ്ടിരുന്ന സിഗരറ്റ് കാൽച്ചുവട്ടിൽ ചവുട്ടിക്കെടുത്തി, സെക്യൂരിറ്റി പാഞ്ഞു വന്നു…
ഹബീബ് ഇറങ്ങിയതും കിയ സോണറ്റ് , പിന്നോട്ട് നീങ്ങി…
ഡ്രൈവർ കാർ സൈഡിലേക്കിട്ടതും ഹബീബിനടുത്തേക്ക് സെക്യൂരിറ്റി എത്തിയിരുന്നു……
“” എന്താ രാമേട്ടാ …….. ഉഷാറല്ലേ… ….?”
ഹബീബ് അയാളുടെ ചുമലിലേക്ക് കയ്യിട്ടു…
അയാൾ തല കുലുക്കുക മാത്രം ചെയ്തു..
“” എന്നാ മോളുടെ കല്യാണം… ?””
“” ഫെബ്രുവരിയിലാ… …. “
“”റാഫിയോട് പറഞ്ഞാൽ മതി…… ഓൻ വേണ്ടത് ചെയ്തോളും………. “
പറഞ്ഞിട്ട് ഹബീബ് തിരിഞ്ഞതും ഒരു റെയ്നോൾട്ട് ക്വിഡ് ഗോഡൗണിന്റെ കോംപൗണ്ടിലേക്ക് ഇരച്ചു കയറി വന്നു……
റാഫി കാറിൽ നിന്ന് ഇറങ്ങുന്നത് കണ്ടുകൊണ്ട് ഹബീബ് ഓഫീസ് റൂമിന്റെ സ്റ്റെപ്പുകൾ കയറി…
സെൻസർ ഗ്ലാസ്സ് നിരങ്ങി മാറി…
റാഫി……….
ഹിന്ദി സിനിമാ നടൻമാരുടെ മുഖച്ഛായയും ശരീരപ്രകൃതിയും …
ഡെനിം ഷർട്ടും ജീൻസുമാണ് വേഷം…
കൂളിംഗ് ഗ്ലാസ്സ് മുഖത്തു നിന്ന് മാറ്റി റാഫി ഹബീബിനെതിരെയിരുന്നു…
“ എന്നതാ റാവുക്കാ അർജന്റ്……….?””
ഹബീബ് ചെയറിലേക്ക് മലർന്നു…
“” ഞാനോനെ കണ്ടിരുന്നു… ഗിരിയെ…””
റാഫിയുടെ മിഴികൾ ഒന്ന് പിടച്ചു…
“” ഇയ്യ് തന്ന വിവരങ്ങളൊക്കെ റെഡിയല്ലേ…………?””
“” അന്വേഷിച്ചറിഞ്ഞതൊക്കെ ക്ലിയർ ആണ് റാവുക്കാ……. ആപ്പാഞ്ചിറയിലോ കടുത്തുരുത്തിയിലോ കോട്ടയത്തു പോലും സുധാകരന് ഗിരിയെന്ന പേരിൽ ഒരു ബന്ധുവില്ല… …. “
റാഫി പറഞ്ഞിട്ട് ശ്വാസമെടുത്തു…
ഹബീബ് തല കുലുക്കി…
“” ഗിരി ജയിലിൽ ഉണ്ടായിരുന്നു എന്ന് സത്യമാണ്… അത് സുധാകരൻ മരിച്ച ശേഷമാണ്… “
“” ഓന്റെ നാടെവിടാ… ….?””
ഹബീബ് ഒന്ന് മുന്നോട്ടാഞ്ഞു…
“” തളിപ്പറമ്പ………. കാഞ്ഞിരങ്ങാട്… ആളിച്ചിരി കാശുള്ള വീട്ടിലേയാ… ബന്ധുക്കളും പിടിയുള്ളവരാ… …. “
റാഫി പറഞ്ഞു……
ഹബീബ് വീണ്ടും ചെയറിലേക്ക് ചാഞ്ഞു…
“” അനക്ക് വല്ലതും പിടി കിട്ടിയോ റാഫീ… …. “
ഹബീബ് നിവരാതെ തന്നെ ചോദിച്ചു…
“” എനിക്കും വലിയ പിടിയില്ല റാവുക്കാ………. “
ഒരു നിമിഷത്തെ ആലോചനയ്ക്കു ശേഷം റാഫി പറഞ്ഞു……
“” ഓന്റെ കേസുകെട്ട് കാരണം കാശ് കണ്ടമാനം പോയതാ… ഇതിപ്പോൾ വർഷം മൂന്നാകാറായി… …. “”
ഹബീബ് പതിയെ പറഞ്ഞു……
“” ഓന്റെ പെണ്ണുങ്ങളെങ്ങനാ… ….?””
ഒന്ന് നിവർന്ന് ഹബീബ് ചോദിച്ചു…
“” ആരുടെ………..?”
റാഫി പുരികമുയർത്തി…
“” ആ സുധാകരന്റെ………..””
ഒരു കൗശലച്ചിരി റാഫിയുടെ മുഖത്തുണ്ടായി…
“” അതിനല്ലെടാ………. “
ഹബീബ് വീണ്ടും ചെയറിലേക്ക് ചാഞ്ഞു…
“” രണ്ടും മോശമൊന്നുമല്ല.. പട്ടിണി മാറിയാൽ ………..”
ബാക്കി റാഫി പറഞ്ഞില്ല… ….
ഹബീബ് ഒന്നിരുത്തി മൂളി…
“” ചിലപ്പോൾ അതായിരിക്കും അവന്റെ ലക്ഷ്യം… പക്ഷേ, അതു മാത്രമായി കാണണ്ട………. “
“” എനിക്കും അങ്ങനെ തോന്നിയിരുന്നു…… പക്ഷേ, എന്നാലും ചേരാത്ത ഒരു കാര്യമുണ്ടല്ലോ……………”
റാഫി പറഞ്ഞിട്ട് ഹബീബിനെ നോക്കി……….
“” ഗിരിയും സുധാകരനും നേരിട്ടു കണ്ടിട്ടില്ല… അല്ലാതെ എങ്ങനെ അവനിവിടെയെത്തും…………?””
അതൊരു ചോദ്യമായിരുന്നു… ….
“” നമ്മളറിയാത്ത മൂന്നാമതൊരാൾ ഇതിലുണ്ട് റാവുക്കാ… അല്ലെങ്കിൽ നമ്മളിൽ നിന്ന് മറഞ്ഞിരിക്കുന്ന ഒരാൾ… “
റാഫി പറയുന്നത് ശരിയാണെന്ന് ഹബീബിനും അറിയാമായിരുന്നു…
അതാര്……..?
ഹബീബിന്റെ ചിന്തകളിലൊന്നും അങ്ങനെയൊരു മുഖം കടന്നു വന്നതേയില്ല… ….
ചിന്തയോടെ തന്നെ ഹബീബ് എഴുന്നേറ്റു…
“” സോമന് സുഖമാകും വരെ രണ്ടു പേരെ ജോലിക്ക് നിർത്തിയേക്ക്… “”
റാഫി തല കുലുക്കിക്കൊണ്ട് എഴുന്നേറ്റു…
“” അയാളോട് ആ ഒളിഞ്ഞു നോട്ടം നിർത്താൻ പറ… …. അവനെ അങ്ങനെയങ്ങ് ഒഴിവാക്കാൻ വയ്യല്ലോ… “
ഹബീബ് ഓഫീസ് റൂമിന്റെ വാതിൽ കടന്നു..
റാഫി കടന്നതും പിന്നിൽ വാതിലടഞ്ഞു……
“” തെര നിറച്ച് ഒരു നാടൻ തോക്ക് സോമന്റെ ഷെഡ്ഡിൽ എത്തിച്ചേക്ക്… “”
പറഞ്ഞിട്ട് ഹബീബ് റാഫിക്കു നേരെ തിരിഞ്ഞു…
“” വന്നിട്ടധികമൊന്നും ആയിട്ടില്ല…… എന്നാലും കണ്ടതും കേട്ടതുമൊക്കെ വെച്ചു നോക്കുമ്പോൾ… ഒറ്റയാനാ അവൻ……. “
ഹബീബ് ഇടത്തേ നെഞ്ചിൽ വലതു കയ്യാൽ ഒന്നു തടവി……
“” ഒറ്റയാൻ………. “
റാഫി ഹബീബിന്റെ മിഴികളിലെ കൂർമ്മത കണ്ടു…
***** ****** ***** ***** ******
തിരികെയും ഫോറസ്റ്റ് ജീപ്പിൽ തന്നെയായിരുന്നു യാത്ര…
മരുന്നുകൾ വാങ്ങിക്കൊടുത്തത് ഹർഷനാണ്……
“” സാറിന് എന്നോടെന്തോ ഒരു സോഫ്റ്റ് കോർണർ ഉള്ളതു പോലെ… “”
ജീപ്പിലിരിക്കുമ്പോൾ മുഖവുരയൊന്നും കൂടാതെ ഗിരി ചോദിച്ചു…
ഷർട്ട് ഉപേക്ഷിച്ചിരുന്നു……
ഒരു വെള്ള തോർത്താണ് ഗിരി പുതച്ചിരുന്നത്…
“ ആപത്തിൽ പെടുന്ന വന്യമൃഗങ്ങളെ രക്ഷിക്കുക എന്നതാണ് ഞങ്ങൾ ഫോറസ്റ്റുകാരുടെ ഡ്യൂട്ടി… “
ഹർഷൻ ചിരിയോടെ പറഞ്ഞു…
ഗിരി മിണ്ടിയില്ല…
“” ഈ റാവുത്തർ അത്ര നല്ല പാർട്ടിയൊന്നുമല്ല.. ഇല്ലീഗലായിട്ട് എന്തൊക്കെ ചെയ്യാൻ പറ്റുമോ അതു മാത്രമേ അയാൾ ചെയ്യൂ… പിന്നെ വേറൊരു കാര്യമുണ്ട് , കൂടെ നിന്നാൽ അമ്പിളി അമ്മാവനെ വരെ പിടിച്ചു തരും… “
ഹർഷൻ ഡ്രൈവിംഗിനിടെ പറഞ്ഞു…
ഗിരി ആലോചനയിലായിരുന്നു……
ഹബീബ് റാവുത്തറിനെക്കുറിച്ച് ഹർഷൻ ഏകദേശ രൂപം ഹോസ്പിറ്റലിലേക്ക് പോകുന്ന വഴി അവനെ അറിയിച്ചിരുന്നു…
“” തന്നെ അവിടെയിട്ട് കുത്തിയപ്പോൾ നാട്ടുകാർ ആരെങ്കിലും വന്നോ… ഇല്ലല്ലോ… താനായതു കൊണ്ട് തിരിച്ചു തല്ലി… …. “
ഹർഷൻ പറഞ്ഞു……
“” സോമൻ കുളി സീൻ കാണാൻ പോകുന്ന കാര്യമൊക്കെ ചായക്കടയിലും ചർച്ചയാ… ആ പെണ്ണുങ്ങളൊക്കെ കുളി നിർത്തി എന്നല്ലാതെ സോമനെ ആരെങ്കിലും തല്ലിയോ………?””
ഗിരി തല ചെരിച്ച് ഹർഷനെ നോക്കി…
“” ഇങ്ങോട്ടാണ് വരുന്നതെന്ന് പറഞ്ഞപ്പോൾ ഓഫീസിൽ നിന്ന് എനിക്കാകെ കിട്ടിയ ഉപദേശം അയാളെ ചൊറിയാൻ നിൽക്കണ്ട എന്ന് മാത്രമായിരുന്നു.. “
ഹർഷൻ ഒന്നു നിർത്തി……
“” താനെന്താ ആലോചിക്കുന്നത്… ?””
“” ഒന്നുമില്ല സാറേ… …. “
“” ഒരു നിസ്സാര കാര്യത്തിനാ അയാളീ ഗുണ്ടകളെ ഒക്കെ ഇറക്കിയത്…… അപ്പോൾ വലിയ പ്രശ്നമായിരുന്നെങ്കിലോ… ?””
ഗിരി മിണ്ടിയില്ല……….
“” ഒന്നുകിൽ താൻ നാട്ടിലേക്ക് പോ… അല്ലെങ്കിൽ അവരെ കൂട്ടി പോ… “
ഹർഷൻ പറഞ്ഞു നിർത്തി…
അങ്ങനെയൊന്നും തനിക്കിവിടം വിട്ടു പോകാനാകില്ല…
ഗിരി മനസ്സിലാണത് പറഞ്ഞത്…
