ഞാൻ കാറിൽ നിന്നും ഇറങ്ങി , കൂടെ അവളും . ടിക്കറ്റ് എടുത്ത് ഗൈഡിന്റെ കൂടെ ഞങ്ങളും പിന്നെ വേറെ കുറച്ചു പേരും കൂടെ ബസ്സിൽ കയറി
ബസ്സ് ഞങ്ങളെ ഹോബിറ്റൺ മൂവി സെറ്റിൽ എത്തിച്ചു , തുടർന്ന് നടക്കണം . ഗൈഡിന്റെ നിർദ്ദേശപ്രകാരം ഞങ്ങൾ നടത്തം തുടർന്നു .എന്റെ വലതു കൈക്കുള്ളിലൂടെ അവളുടെ ഇടതു കൈ ചുറ്റി പിടിച്ച അവള് തല എന്റെ കൈ തണ്ടയില് ചാരി വച്ചുകൊണ്ടു ആണ് അവൾ നടക്കുന്നത് .
ഇതൊരു വലിയ ഫാം ആയതിനാൽ, വഴിതെറ്റാൻ സാധ്യതയുണ്ട് ,അത് കൊണ്ട് അതികം ചുറ്റിത്തിരിയരുതെന്ന് ഗൈഡ് ഉപദേശിച്ചു.
ചലച്ചിത്ര നിർമ്മാതാക്കളുടെ വളരെ കഠിനമായ ശ്രമങ്ങൾക്കൊടുവിൽ ആണ് ഇവിടെ ഇങ്ങനെ ഒരു ഗ്രാമം ഉണ്ടായത് .
നടന്നു കാഴ്ചകൾ എല്ലാം കണ്ടും ഫോട്ടോ എടുത്തും സമയം പെട്ടന്ന് പോയി . കണ്ണിനു കുളിര്മയേകിയ കാഴ്ചകളിൽ നിന്നും ഞങ്ങൾ തിരിച്ചു നടന്നു .
വൈകീട്ട് ഏഴു മണിയോടെ ഞങ്ങൾ ഓക്ലൻഡിൽ തിരിച്ചെത്തി . മഴ ചാറാൻ തുടങ്ങിരുന്നു . റോഡിൽ നല്ല തിരക്കുണ്ട് .
നേരെ ചെന്നത് അവളുടെ ഹോസ്റ്റലിലേക്കായിരുന്നു .
‘എന്നാൽ ഞാൻ പോട്ടെ … നാളെ കാണാം ‘
‘എങ്ങോട്ടു പോട്ടെ എന്ന് , പോയി നിന്റെ ഡ്രെസ്സും അത്യാവശ്യ സാധനങ്ങളും എടുത്തു വാ പെണ്ണെ . ഇന്ന് മുതൽ നമ്മൾ ഒരുമിച്ചാ താമസിക്കുന്നെ ‘
ഞാൻ പറഞ്ഞ വാക്കുകൾ കേട്ട് അവളുടെ കണ്ണുകൾ വിടർന്നു .
‘സത്യം ‘
‘ഉം . സത്യായിട്ടും . നീ പോയി വാ . അത്യാവശ്യം വേണ്ടത് മാത്രം എടുത്താൽ മതി .ബാക്കി വേണേൽ പിന്നെ വന്നെടുക്കാം ‘
‘ഓക്കേ ..’ അവൾ ഇറങ്ങി നടന്നു . പെണ്ണിന് ഭയങ്കര സന്തോഷം ആയിട്ടുണ്ടെന്ന് എനിക്ക് തോന്നി .
എന്തായാലും എന്റെ പ്രണയം സഫലമായി . കുറച്ചു ദിവസത്തേക്ക് എന്ന് പറഞ്ഞിട്ടാണെലും , അവൾ ഈ ജീവിതകാലം മുഴുവൻ എനിക്ക് ഭാര്യയായിരിക്കും, ഞാൻ താലി കെട്ടിയ എന്റെ സ്വന്തം പെണ്ണ് .
കുറച്ചു സമയത്തിനകം അവൾ തിരിച്ചെത്തി . കയ്യിൽ ഒരു ലഗേജ് ബാഗും പിന്നെ ഒരു ലാപ്ടോപ്പ് ബാഗും . വേഗം വന്ന് കാറ് തുറന്നു അവൾ അകത്തു കയറി .
‘ഓക്കേ, വണ്ടി വിട്ടോ .’ അവൾ ചിരിച്ചു കൊണ്ട് പറഞ്ഞു .
ഞാൻ വണ്ടി മുന്നോട്ടെടുത്തു . നേരെ ചെന്നത് ഇന്ത്യൻ
റെസ്റ്റോറെന്റിലേക്കായിരുന്നു . ഉച്ചക്കൊന്നും കഴിക്കാത്തതിനാൽ നല്ല വിശപ്പുണ്ടായിരുന്നു .
നല്ല ചൂട് ചപ്പാത്തിയും മുട്ട കറിയും കഴിച്ച ഞങ്ങൾ അവിടെന്ന് ഇറങ്ങി .ശേഷം ഒരു സൂപ്പർമാർകെറ്റിൽ കയറി അവൾക്കു അത്യാവശ്യം വേണ്ട സാധനങ്ങൾ വാങ്ങിച്ചു . അവിടന്ന് നേരെ ഹോട്ടലിലേക്ക് .
അവളെ ലോബിലിയിൽ ഇരുത്തി അവളുടെ പാസ്സ്പോർട്ടുമായി ഞാൻ നേരെ ഫ്രണ്ട് ഓഫീസിലേക്ക് ചെന്നു . താമസിക്കുന്ന റൂം ഡബിൾ റൂം ആയതു കൊണ്ട് തന്നെ ബുക് ചെയ്യുമ്പോൾ ചേർത്ത ഡീറ്റൈൽസിൽ ഇന്നത്തെ തീയതി ഇട്ടു അവർ നിമ്മിയുടെ പേര് കൂടെ ചേർത്തു എന്നല്ലാതെ വേറെ നൂലാമാലകൾ ഒന്നും ഇല്ലായിരുന്നു .
തിരിച്ച് ലോബിയിൽ വന്നു അവളുടെ കൈ പിടിച് ഞാൻ ലിഫ്റ്റിനടുത്തേക്കു നടന്നു .
റൂമിലെത്തി പാടെ നല്ല ഒരു കുളി പാസ്സാക്കി . അവളും കുളിച്ചു .
‘ഹരിയേട്ടാ .’
‘എന്തെടോ ‘
‘അലക്കാൻ ഉള്ളത് എന്താക്കണം ‘
‘ദേ ആ കൊട്ടയിൽ ഇട്ടോ ‘ ഞാൻ മൂലയിൽ ഇരുന്നിരുന്ന ബാസ്കറ്റ് കാണിച്ചു കൊണ്ട് പറഞ്ഞു .
ഞങ്ങൾ ഇന്നലെ ഇട്ട ഡ്രസ്സും പിന്നെ ഇപ്പോൾ ഊരിയതും എടുത്ത് ആ കൊട്ടയിൽ ഇട്ടു .
‘ഇതോ ‘ അവളുടെ കയ്യിൽ ഇരിക്കുന്ന കവർ നീട്ടികൊണ്ടു ചോദിച്ചു .അതിൽ അവളുടെ അണ്ടർ വെയർ ആണെന്ന് എനിക്കറിയാമായിരുന്നു .
‘വേറെ ഇല്ലേ ‘
‘ഉണ്ട് , ഇതിവിടെ അലക്കി ഇടാൻ പറ്റുമോ ‘
‘അയ്യോ , അത് പറ്റൂല , ഒരു മിനിറ്റ്’ ഞാൻ ഫ്രിഡ്ജിന്റെ മുകളിൽ വച്ചിരുന്ന ലൗഡറി പ്രൈസ് ലിസ്റ്റ് ഒന്ന് നോക്കി . അതിലെ ലിസ്റ്റിൽ അണ്ടർ വെയർ ഉണ്ടായിരുന്നു .
‘ഇതിൽ ഇട്ടോ , ഇവിടുന്നു അലക്കി കിട്ടും ‘
‘അയ്യേ , അത് വേണോ . ഞാൻ നാളെ റൂമിൽ ചെന്നിട്ടു അലക്കിക്കോളാം ‘
‘അതിനെന്താ , നീ ഇട്ടോ . നാളേക്ക് അലക്കി ഉണക്കി ഇസ്തിരി ഇട്ടു കിട്ടും . ഇതൊക്കെ ഇവിടെ പതിവല്ലേ ‘
അവൾ ആ കവർ അതെ പോലെ ആ കൊട്ടയിൽ ഇട്ടു .
‘ക്ഷീണം ഉണ്ടോ ഹരിയേട്ടാ ..’
‘ഹെയ് , ഇല്ലാലോ . എന്തെ ‘
‘എനിക്ക് നാളേക്കുള്ളത് കുറച്ച് നോക്കാൻ ഉണ്ടായിരുന്നു .അത് കഴിഞ്ഞിട്ട് കിടന്നാൽ പോരെ ‘
‘ഓ .. എനിക്ക് ദൃതി ഒന്നും ഇല്ല . സമയം ഒൻപതയല്ലേ ഉള്ളു ‘
അവൾ ബാഗിൽ നിന്നും ലാപ്ടോപ്പും ഒരു നോട്ടുബുക്കും എടുത്ത് ടേബിളിൽ ഇരുന്നു . ആ സമയം ഞാനും ലാപ് എടുത്ത് അവൾക്കു അടുത്തിരുന്നു . മെയിലൊക്കെ ഒന്ന് ചെക്ക് ചെയ്തു . ശേഷം നാളെ തുടങ്ങുന്ന എക്സിബിഷനെ പറ്റി സ്പോണ്സേര്ക്കു ഒരു മെസ്സേജും അയച്ചു . ലാപ് അടച്ച് അലമാരയിൽ വച്ചിരുന്ന
സിഗരറ്റും എടുത്ത് ബാൽക്കണിയിലേക്കു നടന്ന എന്നെ അവൾ തുറിച്ചൊന്നു നോക്കി . ശേഷം ചിരിച്ചു കൊണ്ട് പോയി വലിച്ചോളാൻ തല കൊണ്ട് ആംഗ്യം കാട്ടി .
ഞാൻ ബാൽക്കണിയിലേക്കു നിന്ന് സിഗരറ്റിനു തീ കൊളുത്തി . നല്ല തണുപ്പുണ്ട് . എന്നാലും നല്ല കട്ട പുക ചെല്ലുമ്പോൾ നല്ല സുഖം .
സമയമെടുത്തു ഞാൻ ആ സിഗരറ്റു വലിച്ചു തീർത്ത് ഉള്ളിലേക്ക് കയറി . അപ്പോൾ അവൾ ലാപ് മടക്കി എടുത്തു വക്കാൻ നോക്കുകയായിരുന്നു . ഞാൻ നേരെ ചെന്നത് ബാത്റൂമിലേക്കാണ് . വായ നന്നായി ഒന്ന് കഴുകി ശേഷം തിരിച്ചിറങ്ങി.
‘കഴിഞ്ഞോ ‘
‘ഉം ‘
‘നാളെ എപ്പോളാ പോണ്ടേ ‘
‘എനിക്കൊരു ഒൻപതു മണി ആവുമ്പോൾ എത്തിയാൽ മതി ‘
‘ഉം , രാവിലെ ഞാൻ വിട്ടു തരാം .’
‘തന്നെ പറ്റു ‘
‘ആയിക്കോട്ടെ ‘
അവൾ ബാത്റൂമിലേക്കു കയറിയ നിമിഷം ഞാൻ ഫോണെടുത്തു റൂം സർവീസിൽ വിളിച്ച് ഒരു ഗ്ലാസ് പാൽ ഓർഡർ ചെയ്തു . അവൾ ബാത്റൂമിൽ നിന്ന് പുറത്തിറങ്ങി സോഫയിൽ എന്റെ ചാരത്തായി വന്നിരുന്നു . അപ്പോളേക്കും റൂമിലെ ബെൽ അടിഞ്ഞു .
ഞാൻ എഴുനേറ്റു വാതിൽ തുറന്നു അവരുടെ കയ്യിൽ നിന്നും ട്രേ വാങ്ങി ഉള്ളിലെ ടേബിളിൽ വച്ചു . ട്രേയിൽ ഒരു ടീ ജഗ്ഗും ഒരു ഗ്ലാസും ഉണ്ടായിരുന്നു .
‘ഇതെന്താ . എപ്പോ ഓർഡർ ചെയ്തതാ ‘
‘പാലാണ് . ഇന്ന് നമ്മുടെ ആദ്യരാത്രി അല്ലെ ‘
അത് കേട്ടതും അവൾ തല ഒന്ന് താഴ്ത്തി , നാണം കൊണ്ടാവും .
ജാര് തുറന്ന് ഞാന് പാല് ഗ്ലാസ്സിലെക്കൊഴിച്ചു . കുടിക്കാനുള്ള ചൂടേ ഉള്ളൂ . ഗ്ലാസ്സുമെടുത്ത് ഞാന് സോഫയിലിരിക്കുന്ന നിമ്മിയുടെ അടുത്തേക്ക് നടന്നു .
‘നമ്മുടെ ദാംബത്യം ഇവിടെ തുടങ്ങട്ടെ ‘ ഗ്ലാസ്സ് ഞാന് അവൾക്കു നേരെ നീട്ടി .
‘ഹരിയേട്ടന് ആദ്യം ‘
‘വേണ്ട , നീ ആദ്യം കുടിക്ക് ‘
അവള് ഗ്ലാസ്സ് വാങ്ങി , പകുതി പാല് കുടിച്ച് ഭാക്കി എനിക്കു നേരെ നീട്ടി . ഗ്ലാസില് പിടിച്ചിരുന്ന അവളുടെ വിരലുകളില് തഴുകി ഞാനത് വാങ്ങി കുടിച്ചു . ശേഷം ഗ്ലാസ് ടേബിളില് തന്നെ വച്ച് അവള്ക്കരികിലായി ചെന്നിരുന്നപ്പോള് അവള് എന്നോടു ചേര്ന്നിരുന്ന് കൈകള് പുറത്തു ചുറ്റി പിടിച്ചു .