__END_OF_PART__IMG_20240727_15122462_5_gallery.jpg__END_OF_PART__
“എന്താ ഇങ്ങനെ നോക്കുന്നന്നെ ”
(അവളുടെ സൗന്ദര്യ ആസ്വദിക്കുന്നതിന് മുഴുകി നിന്നിരുന്ന ഞാൻ അത് കേൾക്കുകയുണ്ടായില്ല..അവൾ കൈകൊണ്ട് ഞൊട്ടി ) ഹോയ്….. ചിരിച്ചുകൊണ്ട് ചോദിച്ചു “”എന്താ “”
( പെട്ടെന്ന് സ്ഥലകാലബോധം വീണ്ടെടുത്ത് ഞാൻ)
ഒന്നുമില്ല…
പോവ്വം….
ഞങ്ങൾ രണ്ടും മുറ്റത്തെത്തി.. ഗേറ്റ് ലക്ഷ്യമാക്കി നടന്നു.
ഗേറ്റ് ചാരിയിട്ട് ഞാൻ വീട്ടിലേക്ക് ജസ്റ്റ് കണ്ണോടിച്ചപ്പോൾ ഞങ്ങൾ രണ്ടും പോകുന്നത് നോക്കി നിൽക്കുന്ന അമ്മയെ ആണ് കണ്ടത്..
ഞാനൊരു പുഞ്ചിരി തൂകി… അമ്പലം ലക്ഷ്യമാക്കി നടന്നു നടക്കുന്നതിനിടയിൽ അവൾ
“അമ്മയ്ക്ക് ഒത്തിരി സന്തോഷമായി കാണു അല്ലെ?”
അതെ ( ഞാൻ പറഞ്ഞു..)
ഞാൻ ഇത്രയൊക്കെ ചെയ്തിട്ടും എന്നോട് എന്താ ദേഷ്യം തോന്നാഞ്ഞത്..
“അതൊ… ഞാൻ ചിരിച്ചു. ”
(അവൾക്കുള്ള ബാക്കി മറുപടി കൊടുക്കുന്നതിനു മുമ്പ് ഒരു ചേട്ടൻ ഞങ്ങളോട് ചോദിച്ചു)
ഇവിടെ ഒരു അമ്പലമുള്ള കാര്യം മറന്നോ ഹരിയെ…കല്യാണം കഴിഞ്ഞിട്ട് എത്ര നാളായി ഇങ്ങോട്ട് കാണുന്നില്ലല്ലോ??
മറന്നതല്ലേ ചേട്ടാ എന്നും തിരക്
അങ്ങനെ പറഞ്ഞു നൈസ് ആയിട്ട് നടന്നു.
(ദീപാരാധന തൊഴാൻ നിൽക്കുന്ന കുട്ടികളും പെൺകുട്ടികളും ചേട്ടന്മാരും അമ്മമാരും എല്ലാവരുടെയും കണ്ണ് ഞങ്ങളുടെ നേരെവന്നു…) പെൺകുട്ടികൾ ഒക്കെ എന്തോ മുറുമുറുക്കുന്നു
ഉത്തരയേ മുന്നിൽ നിർത്തി ഞാൻ തൊട്ടു പുറകിൽ സ്ഥാനം പിടിച്ചു.. നട തുറക്കുന്നതിന് മുമ്പുള്ള മണിയൊച്ചകൾ “കൃഷ്ണ കൃഷ്ണ മുകുന്ദ ജനാർദ്ദന “എന്ന ഗീതം ആലപിച് ചുറ്റുമുള്ളവർ…
.. ഞാൻ അവളുടെ ചെവിയിൽ പറഞ്ഞു
നേരെതെ ചോദിച്ചില്ലേ… എന്താണ് ദേഷ്യം തോന്നാത്തത് എന്ന്….”
മ്മ്മ് (എന്ന് അവൾ മൂളി )
ഉത്തരയുടെ കതിൽ മുട്ടുന്ന പോലെ ചുണ്ട് അടുപ്പിച്ചു പറഞ്ഞു
ഇഷ്ടവാ നിന്നെ.. ഒരുപാട്… മാത്രമല്ല!! ഭഗവാന്റെ മുമ്പിൽ ഞാൻ താലി കെട്ടിയ പെണ്ണാ നീ……..
(തിരുമേനി നടതുറക്കുന്നു )
കണ്ണന്റെ വിഗ്രഹം അവൾ കാണുമ്പോ അവളുടെ കാതിൽ ഞാൻ അടുത്തതായി പറഞ്ഞത്..)
എന്റെ ഭാര്യ….
( ആ ഭാര്യക്ക്.. സിനിമയിൽ ആരുന്നേൽ. ഒരു സൈലൻസും എക്കോയും ഉണ്ടായേനെ ) ഞാൻ മനസുരുകി പ്രാർത്ഥിച്ചു. കണ്ണനെ നോക്കി. ഞങ്ങളെ കാത്തുകൊള്ളണമേ..
കണ്ണനെ നോക്കി പ്രാർത്ഥിച് അവൾ തിരിഞ്ഞു എന്നെ നോക്കി
ഞാൻ കണ്ടത്
ഈറനണിഞ്ഞ കണ്ണുകൾ എന്നെ പ്രണയം കൊണ്ട് നോക്കുന്നതാ…
അമ്പലത്തിൽ ആയതു കൊണ്ട് അവൾ കെട്ടിപിടിച്ചില്ല. ഇല്ലെങ്കിൽ അവൾ അതു ചെയ്തേനെ.
ഞങ്ങൾ പ്രസാധമെല്ലാം വാങ്ങി അമ്പലത്തിനു പുറത്തു വന്ന് വളരെ സന്തോഷത്തിൽ അതുവഴി നടന്നു…
ഞാൻ ഇടയ്ക്ക് ഇടയ്കിടയ്ക്‌ അവളെ നോക്കുന്നത് അവൾ ശ്രദ്ധിക്കുന്നുണ്ട്.. അങ്ങനെ ഞങ്ങൾ വീടെത്തി…
രണ്ടുപേരും നന്നായി തൊഴുതോ. പിന്നെ. മോളുടെ അച്ഛൻ വിളിച്ചാരുന്നു. ഞാൻ പറഞ്ഞു അമ്പലത്തിൽ പോയതുകൊണ്ട് ഫോൺ കൊണ്ടു പോയി കാണില്ല .. വരുമ്പോൾ തിരിച്ചു വിളിക്കാൻ പറയാം..
അച്ഛൻ പറഞ്ഞു..
ഞാൻ അത് കേട്ടുകൊണ്ട് റൂമിലേക്കു നടന്നു
ഞാൻ മൊബൈലും എടുത്ത് എന്റെ സ്പോട്ടിലേക്ക് ചാരുകസേരയിലേക്ക്. നടന്നു
തൊട്ടുപുറകെ അവളും റൂമിലേക്ക് എത്തി അവളുടെ മൊബൈൽ എടുത്ത് അച്ഛനെ വിളിച്ചു )
എന്താ അച്ഛാ വിളിച്ചേ… (മറുപുറത് നിന്ന് പറയുന്നത് കേട്ൾക്കാൻ പറ്റിയില്ല )
അയ്യോ ഞാനത് മറന്നിരിക്കുവാരുന്നു..
അവളോട് പറയല്ലേ…
. വരും എന്ന് പറഞ്ഞേക്ക്…..
…
നിക്ക് സുഖമാണച്ചാ …..kk
എല്ലാരേം തിരക്കിന് പറയണേ ഞാൻ അമ്പലത്തിൽ നിന്ന് വന്നതേയുള്ളൂ ഞാൻ ഡ്രസ്സ് ഒക്കെ ഒന്ന് മാറിക്കോട്ടെ..?
Kk. Bye….
ഇവിടെ വന്നിട്ട് അവൾ ആദ്യമായിട്ടാണ് ഇത്രയും ഹാപ്പിയായി അവളുടെ വീട്ടുകാരോട് സംസാരിക്കുന്നത് ഞാൻ കാണുന്നത്
അവൾ എന്റെ അടുത്തേക്ക് വന്നു
ഹരിയേട്ടാ….(അവൾ വളരെ സ്നേഹത്തോടെ
എനിക്ക് കുളിരുകോരി….)
എന്ത (ഞാൻ തിരക്കി..)
നാളെ എന്റെ ഫ്രണ്ടിന്റെ കല്യാണമ. “ദിവ്യ”
ഞാൻ മറന്നേ പോയി…
നമുക്ക് അവളുടെ കല്യാണത്തിന് പോണം..
നാളേക് ആകണ്ട ഇന്നേ പോയേക്കാം…
ഞാൻ അല്ലെങ്കിലും വിചാരിച്ചിരിക്കുകയായിരുന്നു തന്റെ വീട്ടിൽ വിരുന്നിന് വന്നപ്പോൾ ഒന്നു മനസമാധാനത്തോട് നിൽക്കാൻ പറ്റിയില്ല…
എനിക്ക് ഭയങ്കര ഇഷ്ടമാണ് അതുപോലുള്ള തറവാട്.
കുളവും പാടവും കുടുംബ ക്ഷേത്രവും ഒക്കെയുള്ള ഒരു അടിപൊളി തറവാട്
എനിക്ക് ഒത്തിരി ഇഷ്ടമാണ്….
അവൾ എന്നെ പിച്ചി…..
ഹാ….. എന്തിനാ പിച്ചിയെ എനിക്ക് വേദനിച്ചു…….(ഞാൻ ചോദിച്ചു..
(അവൾ തിരിഞ്ഞു ഓടിക്കൊണ്ട് )
ഒന്നുമില്ല…..അമ്മയോട് പറഞ്ഞേച് വരാം….
വേഷം ഞങ്ങൾ രണ്ടും മാറിയില്ല…
സാധനങ്ങൾ എല്ലാം വളരെ വേഗത്തിൽ തന്നെ പായ്ക്ക് ചെയ്തു.
“അച്ഛാ ഞാൻ വൈറ്റ് ബെൻസ് ഒന്നെടുക്കുവാ ”
അവളുടെ കൂട്ടുകാരീടെ കല്യാണമാ നാളെ.
തലേദിവസം ചെന്നേക്കാം
അവർക്ക് ഒരു സന്തോഷമാകട്ടെ… (അച്ഛനോട് പറഞ്ഞു. )
ആ വിരുന്നിനു പോയെ പിന്നെ നീ അങ്ങോട്ട് പോയിട്ടില്ലല്ലോ.. ഒരാഴ്ച കഴിഞ്ഞിട്ട് വന്നാൽ മതി.
((അച്ഛൻ പറഞ്ഞതിന് ഞാൻ തലയാട്ടി….) ആം….
അവൾ വേഗം തന്നെ അച്ഛനോടും
അവൾ യാത്ര പറഞ്ഞു കാറിൽ കയറി….
അവൾ വലതുകാൽ എടുത്തു വെച്ചതും…അതുവരെ കേട്ട പാട്ട് പ്ലേ.. ചെയ്തു
“വെണ്ണ തോൽക്കും പെണ്ണേ നീ വെളുത്ത വാവായ് മിന്നിയോ
മനസ്സിന്റെ ഉള്ളിലെ മലർപൊയ്കയിൽ”
പോകുന്ന വഴിയിൽ ഇടംകണ്ണിട്ട് ഞാൻ അവളുടെ സൗന്ദര്യം ആസ്വദിച്ചു കൊണ്ടേയിരുന്നു…..
പെട്ടെന്നാണ് മനസ്സിൽ ഒരു കാര്യം ഓർമ്മ വന്നത്…
ഉത്തരെ
നമ്മൾ ഒരാഴ്ചത്തേക്ക് നിൽക്കാൻ പോകുന്നത് നിനക്ക് പുതിയ ഡ്രസ്സ് വല്ലോം എടുക്കണോ…
എനിക്ക് ഒന്ന് രണ്ട് ഡ്രസ്സ് എടുക്കണമായിരുന്നു..
.(.ഞാൻ അവളോടായ് )
എനിക്ക് ഡ്രസ്സ് ഒന്നും വേണ്ട ഹരിയേട്ടാ എന്റെ പഴയ ഡ്രസ്സ് ഒക്കെ അവിടെ ഉണ്ട്.. അവൾ പറഞ്ഞു..
ഞാൻ ഇടയ്ക്ക് വണ്ടി നിർത്തി ഒരു കടയിൽ കയറി ഡ്രസ്സ് എല്ലാം വാങ്ങി..ബാക്ക് സീറ്റിൽ
കവറുകൾ ഇട്ടു…
അതിൽ ഒരു കവർ മാത്രം ഞാൻ കയ്യിൽ തന്നെ പിടിച്ചു.. അത് അവൾക്ക് നേരെ നീട്ടി..
” ഉത്തര ”
നിനക്ക് എന്നെങ്കിലും…… ഞാൻ ഇല്ലാതെ ഇനി ജീവിക്കാൻ പറ്റില്ല തോന്നുകയാണെങ്കിൽ.
ഈ സരി. ഉടുത്ത് എന്റെ മുമ്പിൽ വരണം..
(അവൾ ചിരിച്ചുകൊണ്ട് അത് വാങ്ങി )
അങ്ങനെ ഞങ്ങൾ ആ തറവാട്ടിലേക്…
എത്തി..
മൊബൈൽ നോക്കി സമയം 8 കഴിഞ്ഞിരിക്കുന്നു….
വിളിച്ചു പറഞ്ഞിട്ട് വന്നത് കാരണം വീട്ടുകാർ നോക്കി ഇരിക്കുകയായിരുന്നു. അച്ഛൻ കസേരയിൽ ഇരുന്ന് മുറുക്കാൻ തുപ്പി ഞങ്ങളെ നോക്കുന്നു. അനിയത്തിമാർ ട്വിൻസ് ആണ് മാൻവിയും തൻവിയും. ഇവരുടെ പ്രസവത്തിനു തന്നെ അമ്മ മരിച്ചു.. എന്റെ അമ്മ എന്നോട് അതെ പറ്റി പറഞ്ഞത് ഞാൻ ഓർത്തു. ഉത്തരയാണ് അവരുടെ അമ്മയുടെ സ്ഥാനത്…
രണ്ട് പേരും ചിരിച്ചോണ്ട് നോക്കി നില്കുന്നു….
കാറിൽ നിന്നിറങ്ങി ഉത്തര ചോദിച്ചു “സാധനങ്ങൾ എടുക്കണ്ടേ ”
“ഒരു പെട്ടിയല്ലേ ഉള്ളു. ഞാൻ കൊണ്ട് വരാം. താൻ നടന്നോ ”
ഡോർ തുറന്നിറങ്ങിക്കൊണ്ട് ഞാൻ പറഞ്ഞു.
മ്മ്മ്. എന്ന് മൂളി ചിരിതൂകി.
ഉത്തര വീട്ടിലേക് കയറിയതും. രണ്ടു സൈഡിൽ നിന്നും അനിയത്തിമാർ ഉമ്മ കൊടുത്തു…. “വല്യേച്ചിക് സുഖാണോ ”
അതേല്ലോ…….. രണ്ടും പടിക്കുന്നുണ്ടോ
(ഉത്തര ചെറിയ ചിരിയോടും സംശയത്തോടും കൂടി ചോദിച്ചു?)
പെട്ടിയെടുത് നടന്നടുത്ത എന്നോട് അച്ഛൻ പറഞ്ഞു ” കയറി വാ മോനെ…” ഞാൻ ഒരു നല്ല ചിരി പാസാക്കി…
പെട്ടിയിങ്ങു താ ഹരിയേട്ടാ….. മാൻവി അത് മേടിച്ചു. “ഞാൻ മുകളിലെ റൂമിൽ വച്ചേക്കാം”
എന്ന് പറഞ്ഞ് അതെടുത്തു കൊണ്ട് നടന്നു..
“മോനെ അകത്തോട്ടു ചെല്ല് ഇത്രേം ലേറ്റ് ആയത് കൊണ്ട് ഇന്നിനീ കല്യാണ വീട്ടിലേക് പോവണ്ട..” തൻവി കുട്ട്യോലൊന്നും കഴിച്ചിട്ടിണ്ടാവില്ല്യ.. അവര്ക് കഴിക്കാൻ എടുക്ക!! അച്ഛൻ തൻവിയെ നോക്കി പറഞ്ഞ്..
അച്ഛൻ വയറു തടവുന്നത് ഞാൻ ശ്രദ്ധിച്ചുകൊണ്ട് അകത്തേക്കു കയറി..
“എന്നാ മോള് ഫുഡ് എടുത്തോ ഞാൻ ഡ്രസ്സ് മാറീട്ട് വരാം.” ഞാൻ മുകളിലേക്കു നടന്നു. അച്ഛനും കഴിക്കാതെ നോക്കിയിരിക്കുവാരുന്നെന്നു തോന്നുന്നു ഞാൻ മനസ്സിൽചിന്തിച്ചു നടന്നു….
ഞാൻ കയറി ചെല്ലുമ്പോ മാൻവി ഇറങ്ങി വരുന്നുണ്ട്.
. “ഹരിയേട്ടാ ഞങളുടെ കുറച്ചു സാധനം കൂടി അവിടെ ഇരിപ്പുണ്ട് മൊത്തം മാറ്റാൻ ടൈം കിട്ടിയില്ല.ബാക്കി നാളെ മാറ്റിത്തരാം”
മാൻവി ഒറ്റ ശ്വാസത്തിൽ പറഞ്ഞു…
“അതിനെന്താ മോളെ….”
അവൾ ഒന്നൂടെ ചിരിച്ചു താഴേക്കു പോയി….
മുകളിൽ എത്തി കഴിഞ്ഞാൽ നല്ല ഒരു പാസ്സേജ് ആണ്. ഇടത് സൈഡ് ഫുൾ ജനൽ പുറത്തോട്ടു നോക്കിയാൽ മുമ്പിൽ പാടം. അടിപൊളി വ്യൂ ആണ്… പിന്നെ രണ്ടു പാസ്സേജിൽ നിന്ന് കയറാവുന്ന രീതിയിൽ രണ്ടു മുറികൾ.. ആദ്യത്തെ മുറി ഞാൻ തുറന്നു നോക്കി. നല്ല വൃത്തിക്ക് തന്നെയാണ് കിടക്കുന്നത് പക്ഷെ പെട്ടി അവിടില്ല.. ഞാൻ അകത്തു കയറാതെ തന്നെ അടുത്ത റൂമിൽ ചെന്നു . പെട്ടി അവിടെയുണ്ട്…. ഞാൻ അകത്തേക്കു കയറി… പുറത്ത് നല്ല നിലാവുണ്ട്. കയറി ചെന്ന ഡോറിന് നേരെ മുമ്പിൽ തന്നെ മറ്റൊരു ഡോർ കണ്ടു. ആ ഡോർ തുറന്നു നോക്കണം എന്ന് തോന്നി…. ഞാൻ മുമ്പോട്ടു ചെന്നു ഡോറിന്റ കുറ്റി തുറന്ന്… എന്റെ പൊന്നെ… പടിവാതിൽ ഉള്ള ഒരു കുളം.. അതിന്റെ അറ്റം തൊട്ട് ദൂരെ കണ്ണെത്ത ദൂരം പാടം…. അടിപൊളി വ്യൂ….
ഇത് തുറന്നു കിടക്കട്ടെ എന്ന് വിചാരിച് ഞാൻ തിരിച്ച് ബെഡിനരികിൽ എത്തി
ജുബ്ബ ഊരി ഒരു വൈറ്റ് Tഷർട്ട്‌ എടുത്തതും
.ഉത്തര അകത്തേക്കു വന്ന്..
“ഹരിയേട്ട.. ” ഉത്തര എന്നെ വിളിച്ചു. ഷർട്ട്‌ ഇടാതെ നിൽക്കുന്ന എന്റെ ബോഡിയിലെക് അവളുടെ കണ്ണുകൾ പോകുന്നത് ഞാൻ കണ്ടു… ജിം വർക്ഔട് ചെയ്യാറുള്ള ബോഡി ആയതിനാൽ. എന്റെ ശരീരം നല്ലതുപോലെ ഉറച്ചതായിരുന്നു…
“എന്താ ”
ഞാൻ ചോദിച്ചു.
എന്തോചിന്തിച്ചു നിന്ന അവൾ. ചെറിയ ഞെട്ടലിന് ശേഷം.
“കഴിക്കണ്ടേ വാ എനിക്ക് വിശക്കുന്നു ”
(എന്ന് പറഞ്ഞ് തിരിഞ്ഞ അവളുടെ എക്സ്പ്രഷൻ കാണേണ്ടത് തന്നെയാരുന്നു ഉത്തര എന്റെ ബോഡി നോക്കിയത് ഞാൻ കണ്ടപ്പോ. ആ ചമ്മൽ
ഇഇഇസ്സ്.. എന്ന് എരിവു വലിച്ച് . ഒരു കണ്ണിറുക്കി.. അയ്യേ…. എന്നൊരു ലുക്ക്‌…)
“ഞാൻ പെട്ടന്ന് തന്നെ താഴേക്കു ചെന്നു . കഴിക്കുന്നതിനിടയിൽ അച്ഛൻ പറഞ്ഞു. ഇന്നിനി കല്യാണവീട്ടിലേക് പോവണ്ട താമസിച്ചില്ലേ “.അതു ഞങ്ങളും ശരി വച്ചു.