“”…ആം.! എല്ലാഞ്ചുമ്മായാ… എന്നോടെ പകരമ്മീട്ടാമ്മേണ്ടിയാ ഇതൊക്കെ കാട്ടിക്കൂട്ടിയേ… ഇനി കല്യാണങ്കൂടി കഴിയ്ക്കുവാണേല് അവളെന്നെയൊറപ്പായ്ട്ടും തട്ടും… അന്നേ നെനക്കൊക്കെ ഞാങ്കരഞ്ഞുപിടിച്ചു പിന്നാലെനടന്നേന്റെ കാരണംമനസ്സിലാവൂ… അന്നൊരു കുറ്റബോധംവേണ്ടേല് ഇപ്പൊയെന്തേലും ചെയ്..!!”””_ എന്റെ കയ്യിലുണ്ടായ്രുന്ന അവസാനയാണിയുംകൂടി അടിച്ചശേഷമവളെ നോക്കുമ്പോൾ പുള്ളിക്കാരി ഫുൾഓൺ കലിപ്പ്മോഡ്…
“”…നീ പറഞ്ഞതൊക്കെ സത്യവാണേല് ഇന്നവൾടവസാനമാ… കീർത്തനേ ശെരിയ്ക്കുമറിയത്തില്ലവൾക്ക്..!!”””
“”…എന്നാ വാ ചോയിയ്ക്കാം…
എന്നിട്ടു രണ്ടുപൊട്ടിയ്ക്കുവേം ചെയ്യാം… വാ..!!”””_ ഞാനവൾടെ കയ്യിൽപിടിച്ചു വലിച്ചുംകൊണ്ടുൽസാഹത്തോടെ പറഞ്ഞപ്പോൾ അവളൊന്നു ബലംപിടിച്ചു…
അതിനെന്തു പറ്റിയെന്നർത്ഥത്തിലവളെ നോക്കിയപ്പോളവൾ പറഞ്ഞു;
“”…ഇപ്പൊ വേണ്ട.! ഇതൊക്കങ്ങ് കഴിഞ്ഞിട്ടു നമുക്കവൾടെ കോളേജിപ്പൂവാം… എന്നിട്ടു നീപറഞ്ഞതൊക്കെ സത്യമാണെന്നുറപ്പായാ അവൾക്കിട്ടുകൊടുക്കാം… അങ്ങനല്ലേ നെനക്കിട്ടു കിട്ടും..!!”””_ അതുംപറഞ്ഞവൾ ഷോപ്പിലേയ്ക്കു തിരികെകയറുമ്പോഴും സമ്മതമറിയിച്ചുകൊണ്ടു കുലുക്കിയ തലയുടെയാട്ടം നിന്നിരുന്നില്ല…
കീത്തുവിന് ആട്ടമുണ്ടായെന്നുറപ്പിച്ചതും സന്തോഷമടക്കാനാവാതെ ശ്രീയോടു വിവരമറിയിയ്ക്കാനായി മരിച്ചോടാനായി തിരിയുമ്പോൾ മുന്നിൽ മീനാക്ഷി…
അവളെക്കണ്ടെങ്കിലും മൈന്റുചെയ്യാതെ പോകാനാഞ്ഞപ്പോൾ
അവളെനിയ്ക്കു വട്ടംനിന്നു…
“”…എന്തോപറ്റി ഭയങ്കര സന്തോഷത്തിലാണല്ലോ..??”””
“”…ആടീ സന്തോഷത്തിലാ… അതിനു നെനക്കെന്താ കടിയ്ക്കുന്നോ..??”””
“”…ആ.! എന്തേയ്… മാന്തിത്തരോ..??”””
“”…മാന്തിത്തരാടീ… നിന്റെല്ലാ കടീം ഞാന്തീർത്തു തരാം… നീ നോക്കിയ്ക്കോ, നിന്റൊരു പ്ലാനുമിനിനടക്കൂല… കീത്തുവേ… കീത്തുവെല്ലാമറിഞ്ഞു… നിന്റെ കള്ളത്തരമ്മൊത്തം ഞാനവളോടുപറഞ്ഞു… ഇനി നിന്നവളു നോക്കിക്കൊള്ളും… പോടീ… വല്ലതും ചുളിവിനുകിട്ടിയാലതും വാങ്ങി പോവാന്നോക്ക്..!!”””_ പുച്ഛത്തോടെ പറഞ്ഞുകൊണ്ട് മുന്നിൽനിന്നുമവളെയും പിടിച്ചുമാറ്റി ഷോപ്പിനുള്ളിലേയ്ക്കു നടക്കുമ്പോൾമുഴുവൻ കണ്ണുകൾ ശ്രീയെ തേടുകയായ്രുന്നു…
കുറെയൊക്കെനടന്നിട്ടും അവനെകാണാതെ നിരാശനായി കൂട്ടത്തോടെ നടന്നുപോയ പെൺപിള്ളേരെ വായിനോക്കി നിയ്ക്കുമ്പോളാണ് പെട്ടെന്നു തോളത്തൊരടി വീണത്…
“”…ഏതു മൈ…”””_ എന്നു പറഞ്ഞതുമുഴുവിയ്ക്കാതെ തിരിഞ്ഞുനോക്കിയ ഞാൻകണ്ടത് ഒരുപുഞ്ചിരിയോടെ മുന്നിൽനിൽക്കുന്ന മീനാക്ഷിയെ…
“”…നീ പിന്നേമിവടെനിന്നു സീമ്പിടിയ്ക്കുവാ ലേ..?? ഞാന്നിന്നോടെത്ര വട്ടം പറഞ്ഞിട്ടുണ്ട് വേറെപെണ്ണുങ്ങളെ വായ്നോക്കുന്നതെനിയ്ക്ക് ഇഷ്ടവല്ലെന്ന്… എത്രയൊക്കെപറഞ്ഞാലും നീ കേക്കൂലല്ലേ..?? ഇനിയാരേങ്കിലും നോക്കുന്ന ഞാങ്കണ്ടാ ഈ കണ്ണുരണ്ടും കുത്തിപ്പൊട്ടിയ്ക്കും പറഞ്ഞേക്കാം..!!”””_ അവളെന്റെ കണ്ണിലേയ്ക്കു വിരൽനീട്ടിക്കൊണ്ടു പറഞ്ഞതും ഞാൻ കണ്ണുകളടച്ചുപോയി…
ഇതു വാക്കല്ലാതെ കാണുന്നയേതേലും സ്വപ്നമാണോന്നും ചിന്തിച്ചുകൊണ്ടവൾടെ നേർക്കുനോക്കുമ്പോൾ മീനാക്ഷിയെന്റെ ഇടതുകൈയ്ക്കുള്ളിലൂടെ കയ്യിട്ട് അവളോടു ചേർത്തുപിടിച്ചു കഴിഞ്ഞിരുന്നു…
“”…വായിങ്ങട്, പൊട്ടന്റെപോലെ വായ്നോക്കി നിയ്ക്കാതെ..!!”””_ എന്നെയും പിടിച്ചുവലിച്ചുകൊണ്ട് മുന്നിലേയ്ക്കു നടക്കുമ്പോൾ എന്താണു നടക്കുന്നതെന്നുകൂടി അറിയാത്തവസ്ഥ…
“”…എന്നാലും നിന്റെ ബുദ്ധിയപാരവാട്ടോ… കീത്തു വെറുംമണ്ടിയാ… അവളെന്തോപറഞ്ഞാലും വിശ്വസിച്ചോളുമെന്നു നീ പറഞ്ഞപ്പോ ഞാനിത്രേങ്കരുതീല… എന്നാലും നീ പറഞ്ഞതൊക്കെ അവളു വിശ്വസിച്ചല്ലോടാ..!!”””_ അതിശയത്തോടെ അവളതുപറഞ്ഞപ്പോൾ കാര്യംമനസ്സിലായില്ലേലും ഉള്ളിലെവിടെയോ ഒരുകുളിര്…
എന്റെ ചേച്ചി ഞാമ്പറഞ്ഞതു വിശ്വസിച്ചതിനുള്ള ക്രെഡിറ്റല്ലേകിട്ടിയേ… പക്ഷേ അപ്പോഴും പിടികിട്ടാഞ്ഞത് മീനാക്ഷിയുടെ മാറ്റമായ്രുന്നു… ഇനി കല്യാണം കീത്തുവായ്ട്ടു മുടക്കുന്നേലുള്ള സന്തോഷമാണോ… അതോ..?? എങ്കിൽ പിന്നെന്തിനാ ഇന്നലെയെന്നെ വെല്ലുവിളിച്ചേ..??_ ഒന്നുംമനസ്സിലാകാതെ അവൾക്കൊപ്പംനടന്നപ്പോൾ കൂടെയുള്ളതെന്റെ ആജന്മശത്രുവാണെന്നുള്ള കാര്യം ഞാൻ മറന്നുപോയി…