“”…എടാ… അതിനു നിന്നെപ്പോലാണോ അവള്…?? അവള് പെണ്ണല്ലേടാ… കാണിയ്ക്കുമ്പോളാ
വിവരോങ്കിലും കണിച്ചൂടേ നെനക്ക്…??”””
“”…എന്നുവെച്ചാ പെണ്ണായോണ്ട് അവൾക്കെന്തുവേണേലും കാണിയ്ക്കാന്നോ..?? എടാ മലരേ ഇതൊക്കെയാണ്
നിന്റേക്കെ കൊഴപ്പം… നെഞ്ചുംവിരിച്ച് പെണ്ണുങ്ങടെ മുന്നെപ്പോയ്നിന്ന് അവളുമാർടെ
എറ്റുമടീംകൊണ്ടേച്ച്, അതു ഹീറോയിസമാന്നും പറഞ്ഞുനടക്കുന്ന റോമൻറെയ്ൻസിനേം
ജോൺസീനേനൊക്കേ നെനക്കൊക്കെയറിയൂ… ഒരു ജെന്റർഡിവിഷനിങ്ങുമില്ലാതെ
കിട്ടിയതെവിടെവെച്ചും തിരിച്ചുകൊടുക്കാൻ മടിയില്ലാത്ത റാന്റിയോട്ടനെ നെനക്കറിയൂല… ഞാനും പുള്ളീമൊക്കൊരേ വേവ് ലെങ്തായോണ്ട് എന്നിൽനിന്നുമിതൊക്കെ പ്രതീക്ഷിച്ചാൽമതി..!!””_ സിനിമാറ്റിക് ഡയലോഗ് പോലൊന്നുവെച്ചു കാച്ചിയേച്ചും നോക്കുമ്പോളെന്നെ
തിന്നാനുള്ള ഭാവത്തിലിരിയ്ക്കുവാണ് ശ്രീ….
“”…ഞാനേ… ഞാനിതിനൊക്കെന്തേലും മറുപടിപറഞ്ഞാ നമ്മളുതമ്മിലുള്ള ബന്ധഞ്ചെലപ്പോളിവടെ
തീരും… അതോണ്ടൊന്നും പറേണില്ല… എടാ പക്വതയില്ലെന്നറിയാം,
എങ്കിലുമൊന്ന് അഭിനയിയ്ക്കാനെങ്കിലും ശ്രെമിയ്ക്കെടാ..!!”””_ അതുംപറഞ്ഞെഴുന്നേറ്റയവൻ തിരിഞ്ഞുപോലും നോക്കാതെപോയി കൈയുംകഴുകി വണ്ടിയ്ക്കടുത്തേയ്ക്കു നടന്നു…
തിരികെയുള്ള യാത്രയിൽ അവനെന്തൊക്കെയോ മിണ്ടാൻശ്രെമിച്ചെങ്കിലും
ഞാൻ മുഖംവീർപ്പിച്ചിരുന്നു… റോഡ്ക്രോസ്സ് ചെയ്യാൻനേരം
കൈയിട്ടു സിഗ്നൽകൊടുക്കാൻ
പറഞ്ഞിട്ടുപോലും ഞാനനങ്ങീല…
വണ്ടി വീടിന്റെഗേറ്റു കടന്നതും, നിർത്തിയോന്നുപോലും നോക്കാതെ ചാടിയിറങ്ങി
വീട്ടിലേയ്ക്കൊറ്റ പോക്കായ്രുന്നു, പിന്നാലെയവൻ വിളിച്ചവിളിയൊന്നും കേൾക്കാതെ… ലൈഫിൽ ഞാനേറ്റവുംകൂടുതൽ സ്നേഹിച്ച ശ്രീപോലുമെന്നെ മനസ്സിലാക്കുന്നില്ലല്ലോയെന്ന
സങ്കടമായ്രുന്നെന്നങ്ങനൊക്കെ ചെയ്യാനായ് പ്രേരിപ്പിച്ചത്…
അവന്റെ വിളിയ്ക്കു ചെവികൊടുക്കാതെ ഞാനോടി വീട്ടിനുള്ളിലേയ്ക്കു കേറി, ലക്ഷ്യമെന്റെ
റൂമായിരുന്നു…
പാഞ്ഞുപറത്തി റൂമിലെത്തീതുമെന്റടുത്ത സംശയവുംകൃത്യമായി…
ഞാനില്ലാത്ത തക്കന്നോക്കി പഠിയ്ക്കുവായ്രുന്ന മീനാക്ഷി, റൂമിനുപുറത്തെന്റെ തലവെട്ടം കണ്ടതുമൊരു ഞെട്ടലോടെ ബുക്കു പിന്നിലേയ്‌ക്കൊളിപ്പിച്ചുകൊണ്ടു ചാടിപ്പിടഞ്ഞെഴുന്നേറ്റു…
അവൾടപ്പോഴത്തെ പേടിയോടുള്ള നോട്ടവും
ബുക്കുപിന്നിലേയ്‌ക്കൊളിപ്പിച്ചു കൊണ്ടുള്ള നിൽപ്പുമൊക്കെ കണ്ടപ്പോളെനിയ്ക്കു
ചിരിയാണു വന്നത്…
“”…മോള് പഠിയ്ക്കുവായ്രുന്നോ..??
മ്മ്മ്.! എന്നാ വേഗമ്പോയ് ചേട്ടനൊരു
ചായയെടുത്തേച്ചുംവാ…!!”””_ മീനാക്ഷിയുടെ ഭയഭക്തി ബഹുമാനങ്കണ്ട ഞാൻ
നൈസിനൊരാജ്ഞാപനമങ്ങു കാച്ചി…
അതിനവളെന്നെ തുറിച്ചൊന്നുനോക്കി കണ്ണുരുട്ടുകയാണു ചെയ്തത്…
“”…എന്താടീ നോക്കിപ്പേടിപ്പിയ്ക്കുന്നേ…?? പോയെടുത്തിട്ടു വാടീ…!!”””_ അവൾടെ
നോട്ടമത്രയ്ക്കങ്ങോട്ടു രസിയ്ക്കാഞ്ഞ ഞാൻ സ്വരമുയർത്തിയതുമവൾ കട്ടിലിൽ നിന്നുമെഴുന്നേറ്റു റൂമിന്റെ വാതിൽക്കലേയ്ക്കു നടന്നു…
എന്നാൽ പെട്ടെന്നെന്തോ
ചിന്തിച്ചിട്ടെന്നപോലെ നിന്ന മീനാക്ഷി, തിരിച്ചുവന്നു ബെഡിലിരുന്ന ബുക്കെടുത്തവൾടെ
അലമാരയിൽവെച്ചു പൂട്ടിയതുകണ്ടപ്പോൾ ഞാനറിയാണ്ടു ചിരിച്ചുപോയി…
ഒരൊറ്റ ദിവസങ്കൊണ്ടിങ്ങനൊക്കെ മനുഷ്യമ്മാരു മാറോ…??അങ്ങനായ്രുന്നേൽ അവളു
പണ്ടേയ്ക്കുപണ്ടേ കോളേജിലിരുന്നേനെ…!!_ അതുംചിന്തിച്ചു കേറിക്കിടന്ന ഞാനുറങ്ങാനുള്ള
തയ്യാറെടുപ്പു തുടങ്ങുമ്പോഴാണ് മീനാക്ഷി തിരികെവരുന്ന കാലടിശബ്ദം കേൾക്കുന്നത്…
അവൾടെ പാദസരത്തിന്റെ ശബ്ദമടുത്തെത്തീതും പുറംതിരിഞ്ഞു കിടന്നിരുന്ന ഞാൻ കണ്ണുകളടച്ചുകൊണ്ട് ഉറക്കം നടിച്ചു…
…വെറുതെ ഉറക്കന്നടിച്ചു കെടക്കുന്നകണ്ടീ പുന്നാമോള് തലേക്കൂടെ ചായ കമഴ്ത്തോ…??_ കണ്ണടച്ചു കിടക്കുമ്പോഴും ഉള്ളിലൊരു സംശയം… വിശ്വസിയ്ക്കാനത്ര യോഗ്യതയുള്ള ടീമാണല്ലോ..??!!
അതുകൊണ്ടുതന്നെ ഞാൻ നൈസിനു പാളിനോക്കാനൊരു ശ്രെമന്നടത്തി…
നോക്കുമ്പോൾ
പുള്ളിക്കാരിയെന്റെ പിന്നിൽവന്നുനിന്നെന്നെ ഏന്തിവലിഞ്ഞു നോക്കുവായ്രുന്നു…
ഞാനുറങ്ങിയോന്നറിയാനുള്ള ശ്രെമം… അതു മനസ്സിലാക്കിയിട്ടെന്നോണം ഞാൻവീണ്ടും കണ്ണുംപൂട്ടിക്കിടന്നു…
പിന്നെ കുറച്ചു സമയത്തേയ്ക്കൊരനക്കവും
കേട്ടില്ല… അതിനാലൊന്നു തിരിഞ്ഞുനോക്കുമ്പോൾ ബുക്കും നിവർത്തിവെച്ച് ഇരിയ്ക്കുവാണ് കക്ഷി…
…ഓഹ്.! അപ്പൊ എന്നേമൊറക്കി കെടത്തിയേച്ച് ഇതാണല്ലേ പരിപാടി… ശെരിയാക്കിത്തരാടീ..!!
മനസ്സാൽ പറഞ്ഞതിനൊപ്പം ഞാൻ കയ്യെത്തിച്ചു റൂമിലെ ലൈറ്റങ്ങോഫ്ചെയ്തു…
പിന്നെ സങ്കടമ്മരൂലേ..??!!
ലൈറ്റോഫായതും ഒരു ഞെട്ടലോടെ നോക്കിയ മീനാക്ഷിയ്ക്ക്, അടുത്തമുറിയിലൊക്കെ
ലൈറ്റുകിടക്കുന്നതു കണ്ടപ്പോൾ കാര്യംപിടി കിട്ടി…
അതോടെ,
“”…എന്തുപണിയാടാ കാണിച്ചേ…??”””_ ന്നൊരു ചീറലായിരുന്നു…
അതിന്,
“”…അതേ.. എന്റെമുന്നിലിരുന്നു പഠിയ്ക്കരുതെന്നു പറഞ്ഞാ ഞാനിവടുള്ളപ്പഴെന്നാ…
അല്ലാണ്ടെന്നെ ഒറക്കിക്കെടത്തീട്ടെന്നല്ല…!!”””_ എന്നുകുറച്ചു കടുത്തസ്വരത്തിൽ
ഞാനുമങ്ങു താങ്ങി….
“”…എടാ… ഞാന്നിന്നെ ശല്യഞ്ചെയ്യാമ്മരണില്ലല്ലോ… പിന്നെന്താ…??”””
“”…ശല്യമൊന്നുമില്ല… എങ്കിലും കറന്റുബില്ലടയ്ക്കുന്നതു നിന്റെ തന്തയല്ലല്ലോ… ന്റെ
തന്തയല്ലേ… ഞാനായ്ട്ടങ്ങേർക്ക് ആ സഹായോങ്കിലും ചെയ്തുകൊടുക്കാന്നു
കരുതുമ്പോൾ പ്ലീസ്… എന്നെ തോൽപ്പിയ്ക്കരുത്…!!”””_ ചുണ്ടിന്റെ കോണിലൊളിപ്പിച്ച ചിരിയുമായതു
പറയുമ്പോൾത്തന്ന എന്റെ മനസ്സിലെന്താണെന്നവൾക്കു
പിടികിട്ടി…
പിന്നതിനു മറുപടിയൊന്നും വന്നില്ല, എണീറ്റുപോണതു മാത്രങ്കണ്ടു…
അതുകഴിഞ്ഞു ഞാനവളെ കാണുന്നത് രാത്രിയുടേതോ യാമത്തിലാണ്…
എന്റെ ഉറക്കത്തിനിടയിൽ എപ്പോഴോ ഒന്നു കണ്ണുതുറന്നപ്പോൾ വീണ്ടുമവളിരുന്നു പഠിയ്ക്കുന്ന കാഴ്ച്ച…
ഒട്ടും മടിച്ചില്ല, ഉറക്കപ്പിച്ചിനിടയിലും വീണ്ടുമാ ലൈറ്റോഫാക്കാൻ
എനിയ്ക്കൊട്ടുമാലോചിയ്ക്കേണ്ടി വന്നില്ല…. അതിനവൾക്കു മറുപടിയുണ്ടായ്രുന്നുമില്ല…
കുറേക്കഴിഞ്ഞിട്ടും അനക്കമൊന്നുമില്ലാത്തതിനാൽ തലയുയർത്തി നോക്കിയപ്പോൾ
മൊബൈലിന്റെ ഫ്ളാഷോണാക്കിയിരുന്ന് പഠിയ്ക്കുവാണ് കക്ഷി…
“”…ഓ.! എബ്രഹാം ലിങ്കനെന്നാണ് നിന്റെയാ കള്ളതന്തേടെ പേരെന്നു ഞാനറിഞ്ഞില്ല…!!”””_
എണീറ്റുപോയി ബുക്കു വലിച്ചെറിയാനുള്ള മടികൊണ്ടൊറ്റ ഡയലോഗിൽ
കാര്യമവസാനിപ്പിയ്ക്കേണ്ടിവന്നു…
അന്നങ്ങനുറങ്ങിപ്പോയ ഞാൻ അടുത്തദിവസം രാവിലെയുറക്കമെഴുന്നേൽക്കുന്നത് റൂമിലെ തട്ടലുംമുട്ടലും കേട്ടാണ്… വല്യതാല്പര്യമില്ലാതിരുന്ന കണ്ണുകളെ വലിച്ചുതുറന്നു നോക്കുമ്പോൾ കോളേജുബാഗിന്മേൽ ബുക്സടുക്കുന്ന തിരക്കിലായിരുന്നു കക്ഷി…
ബുക്കുകളോരോന്നായി പെറുക്കി വെയ്ക്കുമ്പോഴുമെന്നെ പാളിനോക്കുന്നേലൊരു
വിട്ടുവീഴ്ചയുമില്ല… പാതിരാത്രി വീട്ടിക്കേറി കണ്ണിക്കണ്ടതൊക്കെ താങ്ങിക്കൊണ്ടുപോണ
കള്ളമ്മാരു നോക്കൂലങ്ങനെ…