എന്റെ ഡോക്ടറൂട്ടി 20
Ente Docterootty Part 120 | Author : Arjun Dev | Previous Parts

അമ്മയും ചെറിയമ്മയും കീത്തുവും ശ്രീക്കുട്ടിയുമടക്കം എല്ലാരുമടുത്തായി വന്നുനിന്നപ്പോൾ കാര്യമെന്താണെന്ന ആശങ്ക എന്നിലേയ്ക്കും പടരപ്പെട്ടു…

എന്നാലാക്കൂട്ടത്തിൽ മീനാക്ഷിയില്ലാതിരുന്നത് എനിയ്ക്കെന്തോ വശപ്പിശകായാണ് തോന്നീത്…

“”…നീയിതെവിടേയ്ക്കാ..??”””_ എല്ലാരേം മാറിമാറി നോക്കിയശേഷം പുള്ളിചോദിച്ചു…

അതിന്, ബാറ്റുംകൊണ്ടു പുല്ലുചെത്താൻ പോകുവാന്നു പറയാനാണാദ്യം മനസ്സിലുവന്നത്… എന്നാലതതേപടി തുപ്പാതെ ഗ്രൗണ്ടിലേയ്ക്കാന്നു മറുപടികൊടുത്തതും;

“”…ഇന്നു തത്കാലത്തേയ്ക്കു നീ ഗ്രൗണ്ടിലേയ്ക്കു പോണ്ട..!!”””_ ന്നുള്ള പുള്ളീടെ പറിച്ചയുത്തരവെത്തി…

ഉടനെ,

“”…അതെന്താ ഞാൻ പോയാല്..??”””_ എന്നു നാഗവല്ലിസ്റ്റൈലിൽ ചോദിച്ചുകൊണ്ടു നോക്കിയപ്പോൾ,

“”…ഇന്നുനീ അത്യാവശ്യമായൊരുവഴി പോണം..!!”””_ ന്നു പറഞ്ഞ് അതിയാൻ സോഫയിലേയ്ക്കിരുന്നു…

ഇതെന്തു പറിച്ചപരിപാടിയാന്നു മനസ്സിലേയ്ക്കുവന്ന ഞാൻ,
എന്നേക്കൊണ്ടു പറ്റത്തില്ലെന്നു പറയുന്നതിനു മുൻപായി,

“”…എങ്ങോട്ടേയ്ക്കാ..??”””_ ന്നു ചോദിച്ചതും,

“”…നാളെയെന്റൊരു പഴേഫ്രണ്ടിന്റെ പേരക്കുട്ടീടെ പിറന്നാളാണ്… നീയൊന്നവിടെവരെ പോണം..!!”””_ അതായിരുന്നു പുള്ളീടാവശ്യം…

“”…നിങ്ങടെഫ്രണ്ടിന്റെ പേരക്കുട്ടീടെ പിറന്നാളിന് നിങ്ങളാണ് പോകേണ്ടിയത്… ഞാനല്ല… പോവാൻ എനിയ്ക്കു പറ്റത്തില്ല..!!”””_ ഞാനും തീർത്തുപറഞ്ഞു…

“”…അതു നീപറഞ്ഞാ മതിയോ..??”””_ പുള്ളിയുംവിട്ടില്ല…

എന്നിട്ട് ആ കലിപ്പിൽ നേരേ അമ്മയെനോക്കി;

“”…നാളെയെനിയ്ക്കൊരു ഓപ്പറേഷൻ അറ്റൻഡ്ചെയ്യണം… അതുകഴിഞ്ഞിട്ടു പോകാന്നുവെച്ചാ സമയത്തിനങ്ങെത്തില്ല… അപ്പോളവരാ പറഞ്ഞേ, ഇവനെപ്പറഞ്ഞു വിട്ടാലുംമതീന്ന്… ഇപ്പൊക്കേട്ടില്ലേ അവനെക്കൊണ്ടു പറ്റത്തില്ലാന്ന്…
തിന്നാനല്ലാതെ വേറെന്തോത്തിനാ ഇവനിവടിത്ര തെരക്ക്..!!”””_ അയാളുനിന്നു കത്തി…

“”…അതേ… ഞാന്തിന്നിട്ടുണ്ടേൽ അതെന്റെ വീട്ടീന്നാ… അല്ലാതെ കണ്ടവന്റെയൊക്കെ വീട്ടീപ്പോയിത്തിന്നാൻ എനിയ്ക്കു നേരോണ്ടാവില്ല… ഇനിയങ്ങനെ തിന്നുശീലിച്ചവർക്ക് അതിലൊരു കൊറച്ചിലുങ്കാണൂല..!!”””_ അങ്ങേരുടെ മോനാന്നു ഞാൻ തെളിയിച്ചതും ഉടനെ അമ്മ ഇടയ്ക്കുകേറി;

“”…അച്ഛനോടാണാടോ തർക്കുത്തരമ്പറേണേ..??”””_ ന്നും ചോദിച്ച്…

എന്നാലച്ഛനോടു പറയുന്നില്ല പകരം അമ്മയോടു പറഞ്ഞാലോ..?? അല്ലേവേണ്ട… വീട്ടീന്നു പുറത്താവും.!

അമ്മയിടപെട്ടതോടെ ഞാനൊന്നടങ്ങിയെന്നു കരുതി പുള്ളി വീണ്ടുംനിന്നു തറയ്ക്കാൻതുടങ്ങി…

എന്തൊക്കെയോ കുറേ തെറിയൊക്കെപ്പറഞ്ഞ് കത്തിക്കയറിയപ്പോൾ അതിനു മറുപടിപറയാനൊരുങ്ങിയ എന്നെ ശ്രീ തടയുകയായിരുന്നു…

അവസാനം,

“”…അല്ലേലും തീറ്റകൊടുക്കാന്നല്ലാതെ ഇതിനെക്കൊണ്ടൊന്നും നമുക്കൊരുപയോഗോമില്ല..!!”””_ എന്നുകൂടിയായപ്പോൾ, കോപ്പ്… ഈ കണക്കുപറച്ചിലു കേൾക്കുന്നേലും നല്ലത് എവടേലുംപോയ്‌ ചാവുന്നതാണെന്നുകരുതി ശ്രീയെച്ചൂണ്ടി;

“”…എങ്കിശെരി… ഇവനുങ്കൂടി വരുവാണേൽ ഞാമ്പൊയ്ക്കോളാം..!!”””_ എന്നായിഞാൻ…

അതിന്;

“”…ഞാനോ..??”””_ പെട്ടെന്നുള്ള ഞെട്ടലിൽ അവൻ തിരിച്ചുചോദിച്ചു…

“”…ആം.. നീ തന്നെ..!!”””_ എന്നങ്ങോട്ടു പറഞ്ഞുതീർന്നതും എന്നാലങ്ങനെയാവട്ടേന്നായി തന്തപ്പടി… പക്ഷേയെന്റെ പൊകകണ്ടിട്ടേ ചാകത്തുള്ളൂന്ന് എഴുതിയൊപ്പുവെച്ച് നടക്കുന്ന ചെറിയമ്മയുണ്ടോ വിടുന്നു..??!!

“”…അവനു വേറെപണിയുണ്ടിവിടെ… നീയൊരു കാര്യഞ്ചെയ്, മീനൂനേംകൂട്ടി പോവാന്നോക്ക്..!!”””_ ചെറിയമ്മയുടെയാ അഭിപ്രായമെത്തീതും എല്ലാരും പരസ്പരമൊന്നു നോക്കുന്നതുകണ്ടു…

…ഈ തള്ളയെ ഞാനിന്ന്.! ഇവർക്കിതെന്തോത്തിന്റെ
കേടാണെന്നറിയാമ്മേലല്ലോ…
മിക്കവാറും ഇങ്ങനെപോയാൽ ആയുസ്സറാതെ ചാവാനാണ് പെണ്ണുമ്പിളേളടെ വിധി…

ചെറിയമ്മയെനോക്കി ഞാൻ പല്ലിറുമുമ്പോൾ,

“”…ഇവളുപറഞ്ഞതു ശെരിയാചേട്ടാ… അന്നു കല്യാണത്തിനു കൊണ്ടോകാത്തതിൽ തന്നെ കൊച്ചിനു നല്ലസങ്കടോണ്ട്… അതിന്റെകൂട്ടത്തിലിനി ഇവന്മാരെ രണ്ടിനേങ്കൂടി മൂന്നാർക്ക് വിട്ടൂന്നറിഞ്ഞാൽ അതിനുവീണ്ടും വിഷമാകും… ഏതുസമയോം വീടുംകോളേജുമായി നടക്കാതെ അവൾക്കുമൊരു ചേഞ്ചൊക്കെ വന്നോട്ടേന്ന്..!!”””_ എന്നുമ്പറഞ്ഞ് അമ്മകൂടി പുള്ളിക്കാരിയെ സപ്പോർട്ടുചെയ്തു…

അതോടെ ഞാൻകൂടുതൽ പരുങ്ങലിലായി…

…മീനാക്ഷിയ്ക്കൊപ്പമൊരു യാത്ര… അതും മൂന്നാറിലേയ്ക്ക്… എനിയ്ക്കതേക്കുറിച്ചു ചിന്തിയ്ക്കാനേ കഴിയുമായിരുന്നില്ല… കോളേജിലോമറ്റോ അറിഞ്ഞാൽ ഞാനവളേംകൂട്ടി ഹണിമൂണിനുപോയെന്നാവും ആ നാറികളു പറഞ്ഞുണ്ടാക്കുക… കോപ്പ്.!

…എന്നാലും മൂന്നാറിലൊക്കെ ഇങ്ങേർക്കാരാ ഇത്രവല്യ ഫ്രണ്ട്സ്..?? ഇനിവല്ല ചിന്നവീട്സെറ്റപ്പുമാവോ..??

അങ്ങനെവല്ലതുമാണേൽ ആ നിമിഷം അമ്മേക്കൊണ്ട് ഡിവോഴ്സ്മേടിപ്പിയ്ക്കണം… അതുമാത്രംപോര… നഷ്ടപരിഹാരോം ചോദിപ്പിയ്ക്കണം.!

മനസ്സിൽ പലവിധകണക്കുകൂട്ടലുകൾ നടത്തുമ്പോഴാണ് പുള്ളീടെസ്വരം വീണ്ടുമുയരുന്നത്;

“”…ശെരിയാ… മോളുമിവടെ വന്നേപ്പിന്നെ പുറത്തേയ്ക്കെവിടേം പോയിട്ടില്ലല്ലോ… അതിനുംകാണൂലേ ആഗ്രഹങ്ങളൊക്കെ… അതോണ്ടൊരു കാര്യഞ്ചെയ്… നീ മീനുമോളേംകൂട്ടി പോയിട്ടുവാ..!!”””

അതുകേട്ടെങ്കിലും ഇങ്ങേരിതുവരെ ഇതുവിട്ടില്ലേന്നുള്ള മട്ടിലായിരുന്നു ഞാൻ…

ഇവിടെ നഷ്ടപരിഹാരം എത്ര ചോദിയ്ക്കണമെന്നൊരു തീരുമാനത്തിലെത്താതെ നിൽക്കുമ്പോഴാണ് അങ്ങേരുടെയൊരു മൂന്നാറ് യാത്ര…

“”…സിദ്ധൂ..!!”””_ ഉടനേകേട്ടു, നല്ലത്യാവശ്യം ഉച്ഛത്തിലൊരു വിളി…

അതോടെ നഷ്ടപരിഹാരം പെന്റിങ്‌ലിസ്റ്റിലായി…

“”…നിന്നോടുപറഞ്ഞതു കേട്ടോ… മീനൂനേംകൂട്ടി പോയിട്ടുവരാൻ..!!”””_ ഡോക്ടർ ഗോവിന്ദനാഥിന്റെ അന്ത്യശാസനം…

അതിന്,

“”…അവളെ നാടുകാണിയ്ക്കാനാണെങ്കിൽ ഞാന്തന്നെ പോണോന്നെന്താ നിർബന്ധം..?? ഒരുകാര്യഞ്ചെയ്… ഇവനേമവളേംകൂടി പറഞ്ഞുവിട്..!!”””_ ശ്രീയെച്ചൂണ്ടി ഞാനെന്റെ ഉപായമരുളി…

കേട്ടപാടെ;

“”…നീ നിന്റെ തന്തേനെ പറഞ്ഞുവിടടാ..!!”””_ ന്നായിരുന്നു അവന്റെ മറുപടി…

പറഞ്ഞുകഴിഞ്ഞാണ് താനെന്താണു പറഞ്ഞതെന്നുള്ള ബോധ്യമവനുവരുന്നത്…

അതോടെ പുള്ളിക്കാരന്റെ മട്ടുമാറി;

“”…അതല്ല… ഞാനങ്ങനുദ്ദേശിച്ചു പറഞ്ഞതല്ല..!!”””_ എല്ലാരേയും മാറിമാറിനോക്കി ക്ഷമാപണമെന്നനിലയ്ക്കവൻ പറയാനായി ശ്രെമിച്ചു;

“”…ഇവന്റെ പെണ്ണുമ്പിള്ളേംകൂട്ടി ഞാനാണോ പോവേണ്ടത്..?? ഇവനല്ലേ പോവേണ്ടത്..?? അങ്ങനെ നോക്കീപ്പോ…”””

“”…ശെരിയാ..! അവളേംകൊണ്ടുപോകേണ്ടതവനല്ല… നിന്റെ പെണ്ണിനേങ്കൊണ്ടു നീതന്നെ പോയാമതി… അല്ലേത്തന്നെ കല്യാണം കഴിഞ്ഞിട്ടു നിങ്ങളെയിതുവരെ അങ്ങോട്ടു വിരുന്നിനു വിട്ടില്ലാന്നുംപറഞ്ഞവൻ എന്നും തെറിവിളിയായിരുന്നു..!!”””_ എന്റെ തന്തപ്പടിവീണ്ടും പിടിച്ചിടത്തുതന്നെ തിരിച്ചുപിടിച്ചു…