“”…എന്നാ ഞാനിന്നവിടെ നിയ്ക്കാം… എന്താ..??”””_ കാർത്തിയെല്ലാരുടെയും അഭിപ്രായമറിയാനായി ഓരോരുത്തരെയും മാറിമാറി നോക്കി…
“”…ബെസ്റ്റ്.! ഇവനായ്രുന്നപ്പൊ അവളുമാര് വളഞ്ഞിട്ടു കളിയാക്കിയെന്നേയുള്ളൂ… നിയാണെങ്കി എല്ലാങ്കൂടി തല്ലും… വേണ്ട… അതോണ്ട് നീയുംപോണ്ട… അവിടെ ഞാമ്പൊയ്ക്കോളാം..!!”””_ റോബിൻ കാർത്തിയെയൊന്നു ഞോണ്ടിക്കൊണ്ട് സ്വന്തം അഭിപ്രായമറിയിച്ചപ്പോൾ അതിന് കാർത്തിയ്‌ക്കൊഴികെ മാറ്റാർക്കും എതിരഭിപ്രായമില്ലായ്രുന്നു…
അങ്ങനൊരിയ്ക്കൽ കൂടി പ്ലാനൊക്കെ വിശദീകരിച്ചിട്ട് ഞങ്ങൾ സ്വന്തം സ്ഥാനത്തേയ്ക്കു നീങ്ങി…
ഞാനും ശ്രീയുംകൂടി കോളേജിന്റെ മെയിൻഗേറ്റിന്റെ ഭാഗത്ത് കുറച്ചുമാറിയാണ് നിന്നത്…
“”…ഡാ… നിനക്കവനെ അറിയാമോ..??”””_ നിന്നിടത്തുനിന്നും ഒന്നിനേംവിടാതെ ചൂഴ്ന്നുനോക്കി നിന്നയെന്നോട് ശ്രീചോദിച്ചതും ഞാനില്ലയെന്നർത്ഥത്തിൽ ചുമൽകൂച്ചി….
“”…പിന്നെ നീ…”””_ അതിനുമറുപടിയായി എന്തോ പറയാനൊരുങ്ങിയെങ്കിലും ചുറ്റുമൊന്നു കണ്ണോടിച്ചശേഷമവൻ പറയാൻവന്നത് സൗകര്യപൂർവ്വംവിഴുങ്ങി;
“”…ആളുകള് നോക്കുന്നു… അല്ലേലെന്റെ വായീന്നു നല്ലതുകേട്ടേനേ..!!”””_ അവൻ പല്ലിറുമിക്കൊണ്ട് വീണ്ടും ആളെത്തിരച്ചില് തുടങ്ങി, കൂട്ടത്തിൽ ഞാനും…
അത്രയുംനേരം ഗേറ്റുകടന്നു പുറത്തേയ്ക്കിറങ്ങിവരുന്ന പിള്ളേരെമാത്രം നോക്കിനിന്ന ഞാനിടയ്ക്കെപ്പോഴോ അകത്തേയ്ക്കു നോക്കിയപ്പോഴാണ് നമ്മുടെ മീനാക്ഷിവരുന്നത് കാണുന്നത്…
കടുംനീലയിൽ വെള്ളയിലയും പൂക്കളുമൊക്കെകൂടിയ ചുരിദാർടോപ്പും വെള്ളനിറത്തിലുള്ള ലെഗ്ഗിൻസും ധരിച്ചിരുന്ന അവളുടെ ഇടതുകയ്യിൽ പതിവുസ്റ്റൈലിൽ വൈറ്റ്കോട്ട് മടക്കിയിട്ടിരുന്നു…
വലതുകൈയിൽ സ്റ്റെത്ത് രണ്ടുമൂന്നു മടക്കായി കൂട്ടിപ്പിടിച്ച്, അതോടുകൂടി തന്നെയാ കൈ മുകളിലേയ്ക്കുയർത്തി കൂടെയുണ്ടായിരുന്ന ആതിരയോടെന്തൊക്കെ പറഞ്ഞു ചിരിച്ചുകൊണ്ടാണ് പുള്ളിക്കാരിയുടെവരവ്….
…ഈശ്വരാ.! ഈ പണ്ടാരോ..??_ പ്രതീക്ഷിയ്ക്കാതെ അവളെക്കണ്ടതും
ഞാൻ മനസ്സിൽപറഞ്ഞുകൊണ്ട് പരുങ്ങുന്ന അതേസമയംതന്നെ അവളെന്നെയും കണ്ടു…
…ഇന്നലെയവളെ പറഞ്ഞതിന്റെ വാശിതീർക്കാനായി നാശമിങ്ങോട്ടു വരോ..??
വന്നാലെന്തു ചെയ്യണമെന്നും പറയണമെന്നുമൊക്കെ കൊടികുത്തി ചിന്തിയ്ക്കുമ്പോൾ എന്നെപ്പോലും ഞെട്ടിച്ചുകൊണ്ട് പുള്ളിക്കാരിയവിടെ ബ്രേക്കിട്ടു…
പിന്നെന്തോ ആതിരയോടു പറഞ്ഞശേഷം അവൾടെ കയ്യും പിടിച്ചുവലിച്ചുകൊണ്ട് തിരിച്ചുനടന്നു…
കുറച്ചുനേരം വായും തുറന്നുപിടിച്ചുനിന്ന് അതുംനോക്കിനിന്ന ഞാൻ,
…ഇതെന്താ പറ്റിയെ… തിരികെ പോകുന്നതെന്താ..?? ഇനിയെന്തേലുമെടുക്കാൻ മറന്നിട്ടുണ്ടാവോ..??
…എന്നൊക്കെ ചിന്തിച്ചുനിൽക്കുമ്പോൾ മീനാക്ഷി തലചെരിച്ചെന്നെയൊന്നു പാളിനോക്കുകയും ഞാനപ്പോഴും നോക്കി നിൽക്കുവാണെന്നറിഞ്ഞപ്പോൾ നടത്തത്തിന്റെ വേഗത കൂട്ടുകയുംചെയ്തു…
…ഓഹോ.! അപ്പതുശെരി.! ഇന്നലെ ഞാനങ്ങനൊക്കെ പറഞ്ഞതോണ്ട് പേടിച്ചിട്ടുള്ള ഓട്ടവാണല്ലേ..?? അങ്ങനേങ്കിൽ ഇപ്പൊ ശെരിയാക്കിത്തരാം…
മനസ്സിലങ്ങനെപറഞ്ഞ ഞാൻ, സെക്യൂരിറ്റി മുന്നീന്നുമാറിയ തക്കത്തിന് ഗെയ്റ്റിനകത്തേയ്ക്കു കേറി…
അവൾടെ പിന്നാലെ വെച്ചുപിടിച്ചു…
തിരിഞ്ഞുനോക്കി നടക്കുന്നതിനിടയിൽ ഞാൻ പിൻചെല്ലുന്നതുകണ്ടതും അവളുമാരുടെ സ്പീഡ് വീണ്ടുംകൂടി…
അവസാനമത് ആതിരയേയും പിടിച്ചുവലിച്ചുകൊണ്ടുള്ള ഓട്ടത്തിലാണ് ചെന്നുകലാശിച്ചത്…
…പിന്നെ ഞാൻവിടോ..?? ഞാനുമോടി പിറകേ…
അന്നേരമൊരു ഹരമായിരുന്നു, രണ്ടു ദിവസമായിട്ടെന്നെ വെള്ളം കുടിപ്പിച്ചോണ്ടിരുന്ന സാമാനം എന്നെക്കണ്ടിട്ടോടുന്നു എന്നൊക്കെ പറയുമ്പം…
പിന്നെ ഞാൻ വിടോന്നു തോന്നുന്നുണ്ടോ..??
“”…ന്റെ മീനുവേച്ചീ… ഒന്നു നിയ്ക്കോ… ങ്ങടെ ഹീറോനെ ഇങ്ങനിട്ടോടിയ്ക്കല്ലേന്ന്..!!”””_ ഞാൻ വിളിച്ചുപറഞ്ഞതും ക്ലാസ്സുകഴിഞ്ഞു പൊയ്ക്കൊണ്ടിരുന്ന പിള്ളേരും ജൂനിയർ ഡോക്ടർസും പിന്നെ കൂടിനിന്ന ആൾക്കാരുമൊക്കെ എന്നെ നോക്കാൻതുടങ്ങി…
പിന്നെ മീനാക്ഷിയുടെ പിന്നാലെയാണ് ഞാൻ വെച്ചുവിടുന്നതെന്ന് മനസ്സിലായതും അവർക്കൊക്കെയൊരു കൗതുകവുംതോന്നി…
കാരണം മീനാക്ഷിയൊരു ചെക്കനെകണ്ടിട്ട് പേടിച്ചോടുന്നത് അസംഭവ്യമാണല്ലോ…
“”…ഛെ.! അങ്ങനങ്ങുപോയാലോ മീനുവേച്ചീ..!!”””_ ഓടി കൂടെയെത്തിയതും ഞാനവൾടെ കൈപിടിച്ചുനിർത്തി…
അതോടെ പുള്ളിക്കാരി തിരിഞ്ഞുനിന്നെന്നെ രൂക്ഷമായി നോക്കിക്കൊണ്ട് കൈവിടുവിയ്ക്കാനുള്ള ശ്രെമവുംതുടങ്ങി….
“”…ങ്ങളെ കാണാനായ്ട്ട് ക്ലാസ്സുങ്കട്ടെയ്ത് ഇവടെവരെവന്നയെന്നെ മൈന്റുചെയ്യാതെ പോണത് ശെരിയാണോ മുത്തേ..??”””_ ഞാനൊന്നുകൂടി അവളെയെന്നിലേയ്ക്കു പിടിച്ചടുപ്പിച്ചുകൊണ്ടു ചോദിച്ചപ്പോഴും അവളു മറുപടിപറയാതെ ജാള്യതയോടെ ചുറ്റും നിൽക്കുന്നവരെനോക്കി ഇളിച്ചുകാട്ടി…
അതുകണ്ടതും എനിയ്ക്കുള്ളിന്റെയുള്ളിൽ എന്തൊക്കെയോ സന്തോഷമൊക്കെ ഫീൽ ചെയ്യാനുംതുടങ്ങി…
കാരണം റിവെഞ്ചടിയ്ക്കുവാണല്ല…
“”…ഇതാരാ മീനാക്ഷീ..?? അറിയുന്നയാളാണോ..??”””_ കോളേജിനുള്ളിൽക്കേറി അവൾടെ കൈയ്യിൽപിടിച്ചതു കണ്ടിട്ടാവണം ഒരുത്തനെന്നെ ചുഴിഞ്ഞുനോക്കിക്കൊണ്ട് മീനാക്ഷിയോടുചോദിച്ചു….
“”…അറിയുന്നയാളാണെങ്കിലെന്താ നിന്നെ ബോധിപ്പിയ്ക്കണോ..?? നീ നിന്റെ പാടുനോക്കി പോടാ..!!”””_ കൂടിനിന്ന ആൾക്കാരുടെമുന്നിലൊന്നു ഷോകാണിയ്ക്കാൻ നോക്കിയ അവനെ ഒരു ദാക്ഷിണ്യവുമില്ലാതെ മീനാക്ഷി തളിച്ചുവിട്ടതും പാവപ്പെട്ടവൻ ശവം കണക്കെയായി…
അവൻ ചുറ്റും നിന്നയെല്ലാരെയുമൊന്ന് ഇളിഭ്യതയോടെ നോക്കിയശേഷം ആൺകുട്ടികളുടെ ഇടയിലേയ്‌ക്കൊതുങ്ങി നിന്നു…
പാവം ചെക്കൻ.! ഹീറോയിസം കാണിയ്ക്കാനിറങ്ങീതാ… ഞാനെന്തെങ്കിലും നാറിത്തരം പറഞ്ഞലോയെന്ന പേടികൊണ്ടാവണം മീനാക്ഷിയവനെയിട്ടു താളിച്ചത്…
ഓ.! ആർക്കുമൊന്നും മനസ്സിലാവതിരിയ്ക്കാനുള്ള അടവുകൊള്ളാം…
അവനാരെങ്കിലുമൊരു കസേരയെടുത്തു കൊട്… ക്ഷീണം കാണും… ഇരിയ്ക്കട്ടേന്ന് പറയണോന്ന് എനിയ്ക്കുമുണ്ടായിരുന്നു….
“”…എന്താ മീനുവേച്ചീയിത്..?? അപ്പൊ ങ്ങളെന്നെക്കുറിച്ച് ഈ ആതിരയോടുമാത്രേ പറഞ്ഞിട്ടുള്ളൂ..?? എന്നിട്ടാണോ കോളേജിലെല്ലാരോടും പറഞ്ഞിട്ടുണ്ടെന്ന് വീരവാദം മുഴക്കിയേ..?? അപ്പെന്നെ പറഞ്ഞു പറ്റിയ്ക്കുവായ്രുന്നല്ലേ..??”””_ ഉള്ളിൽചിരിച്ചുകൊണ്ട് ദൈന്യതയോടെ പറയുമ്പോഴും അവളോടുള്ള കലിപ്പുമുഴുവൻ, പിടിച്ചുവെച്ചിരുന്ന അവൾടെ വലതുകൈയിൽ ഞാൻ തീർക്കുന്നുണ്ടായ്രുന്നു…
സാധാരണയെന്നു തോന്നിപ്പിയ്ക്കുന്നപിടി അവൾ വിടുവിയ്ക്കാൻ ശ്രെമിയ്ക്കുന്നതിനൊപ്പം മുറുകിക്കൊണ്ടേയിരുന്നു…
“”…അപ്പൊ മീനാക്ഷീടെ ബോയ്ഫ്രണ്ടാണോ..??”””_ എന്റെപെരുമാറ്റവും അവൾടെ നിശബ്ദതയും കണ്ട് കൂട്ടത്തിലൊരുത്തനെന്നോട് ചോദിച്ചു….