അതുകൊണ്ടിനിയുരുണ്ടു കളിച്ചിട്ട് കാര്യമില്ല…
“”…എടാ അതു വേറൊന്നൂല്ല… നമ്മളവിടെനിന്നപ്പോളാ മറ്റവളുവന്നു… രണ്ടുദിവസായ്ട്ടെന്നെ കളിപ്പിയ്ക്കുവാണല്ലോ, അതോണ്ടൊന്നു പകരമ്മീട്ടാമ്മേണ്ടിപോയതാ..!!”””
“”…എങ്ങോട്ട്..?? എന്നിട്ടടി നടന്നതൊന്നും നീ കണ്ടില്ലേ..??”””_ അവൻ സംശയഭാവേനെ എന്നെനോക്കി….
“”…കോളേജിനകത്തിട്ടാ രണ്ടുപറഞ്ഞേ… അപ്പം പുറത്തു നടന്നതറിയാമ്പറ്റീല..!!”””_ ഞാൻ തെല്ലുനിരാശയോടെ പറഞ്ഞുനിർത്തിയതും വണ്ടി എഞ്ചിനടിച്ചുനിന്നു…
ഞാൻ പിന്നിൽനിന്നും ലേശമൊന്നു പൊങ്ങിയോന്നൊരു സംശയം…
“”…എന്തു തേങ്ങയാടാ കോപ്പേ കാണിയ്ക്കുന്നേ..??”””_ ഞാനവനെനോക്കി മുരണ്ടതും അവൻതിരിഞ്ഞു;
“”…ഇറങ്ങ്.! എടാ മൈരേ വണ്ടീന്നിറങ്ങാൻ..!!”””_ തുറിച്ചു നോക്കിക്കൊണ്ടവൻ കലിപ്പോടെപറഞ്ഞതും പിന്നീടൊന്നും പറയാൻനിൽക്കാതെ ഞാൻ വണ്ടിയിൽനിന്നുമിറങ്ങി…..
…ഇനി മീനാക്ഷിയോടു സംസാരിച്ചെന്നു പറഞ്ഞതിനെയീ കോപ്പൻ തെറ്റിദ്ധരിച്ചോ ആവോ..??_
മനസ്സിലങ്ങനെ കരുതിക്കൊണ്ടാണ് വണ്ടിയിൽനിന്നുമിറങ്ങിയ ഞാൻ ഹെൽമെറ്റുംപിടിച്ചുകൊണ്ട് അവന്റെ മുന്നിലേയ്ക്കുനിന്നത്….
“”…ന്റെ പൊന്നു പൊന്നാരമോനേ… നെനക്ക് പത്തു പൈസേന്റെ വിവരമുണ്ടോടാ..??”””_ എന്നെ ചുഴിഞ്ഞുനോക്കി പല്ലിറുമിക്കൊണ്ടവൻ ചോദിച്ചതും ഞാൻ, പൊട്ടൻ പുണ്ണുകണ്ടമാതിരി അവനെനോക്കി…
“”…എടാ നാറീ… ഒരു കോളേജിനകത്തുകേറി അവിടപ്പഠിയ്ക്കുന്നൊരു പെണ്ണിനെ വായിത്തോന്നീതൊക്കെ പറയാൻ നിന്റെ തലയ്ക്കെന്താടാ ഓളമുണ്ടോ..?? അതും മെഡിയ്ക്കൽ കോളേജില്… അവളെയെന്തേലും പറയണകണ്ടിട്ട് ആളുകൂടി പഞ്ഞിയ്ക്കിട്ടിരുന്നേൽ നീയെന്തുചെയ്തേനെ..??”””_ അവൻ പുരികമുയർത്തിക്കൊണ്ട് ചോദ്യമിട്ടു…
“”…അവളെപ്പറഞ്ഞതു ആളോള് കാണേക്കെചെയ്തു… എന്നെ കുറേയാളിന്റെ മുന്നെയിട്ടല്ലേ പറഞ്ഞേ… അപ്പൊ ഞാനും കുറേയാളിന്റെ മുമ്പിലിട്ടുപറയണ്ടേ….. അതല്ലേ ഞായം..??”””
“”…ആം.! നല്ല ഞായം.! വീട്ടിലിരിയ്ക്കുന്നയാ തള്ളേടെ പ്രാർത്ഥനകൊണ്ടൊന്നും പറ്റീല… അല്ല നീയവളെ എന്തൊക്കെയാ പറഞ്ഞേ..?? അതുകേക്കട്ടേ..!!”””_ അവൻ ചോദ്യഭാവേന എന്നെനോക്കി…
“”…എന്തുപറയാൻ..?? അന്നവളെന്നെ പറഞ്ഞേക്കെ ഞാനെടുത്തുതിരിച്ചിട്ടു… കൂട്ടത്തി ഞാനൊമ്പതാംക്ലാസ്സി പഠിയ്ക്കുമ്പംതൊട്ട് അവളെന്റെപിന്നാലെ നടക്കുവാന്നൊക്കെ പറഞ്ഞു..!!”””_ ചെറിയൊരുനാണത്തോടെ പറഞ്ഞുനിർത്തിയതും പല്ലിറുമിക്കൊണ്ടെന്റെ കഴുത്തിനു കുത്തിപ്പിടിയ്ക്കാൻവന്ന അവൻ, എന്തോ ആലോചിച്ചിട്ടെന്നമാതിരി കൈയൊന്നു കുടഞ്ഞു…
ശേഷം,
“”…ഇതിനൊക്കെ നിന്നെ വിളിയ്ക്കേണ്ട തെറിയെനിയ്ക്ക് അറിയാമ്പാടില്ലാഞ്ഞിട്ടല്ല… നിന്റെ തള്ളയില്ലേ, അവരെനിയ്ക്കു കുറേ ചോറുവാരിത്തന്നിട്ടുണ്ട്… അതോണ്ടൊന്നും പറയുന്നില്ല ഞാൻ..!!”””_ അതുംപറഞ്ഞ് എന്നോടുള്ള കലിമുഴുവൻ അവൻ വണ്ടീടെ പെട്രോൾടാങ്കിലിടിച്ചുതീർത്തു…
ഇവനിത്രയ്ക്കു ദേഷ്യപ്പെടേണ്ട കാര്യമെന്താന്നറിയാതെ ഞാനുമവനെ കുറച്ചുനേരം നോക്കിനിന്നു….
“”…എനിയ്ക്കതല്ല, നീയവളെയിങ്ങനൊക്കെ പറഞ്ഞിട്ടും അവിടെ നിന്നവരാരും ഒന്നുംമിണ്ടീലേ..??”””_ അവനു പിന്നെയുംസംശയം…
“”…ഇല്ല..!!”””_ ഞാനതിനു മറുപടികൊടുത്തതും അവനെന്നെ വിശ്വാസംവരാതെ നോക്കി…
“”…ആടാ… ഞാൻ സത്യാപറഞ്ഞേ… അവൾക്കു കോളേജിലത്യാവശ്യം ഹേറ്റേസുണ്ടായ്രുന്നു… അതോണ്ട് പിള്ളേരൊക്കെയെന്നെയാ സപ്പോർട്ട്ചെയ്തേ… അങ്ങനൊരു സാഹചര്യത്തിലവളെ വെർതേവിട്ടുകളയണത് നമ്മടന്തസ്സിനുചേരുന്ന പണിയാണോ..??”””_ എന്റവസാന ചോദ്യംകേട്ടതും ശ്രീക്കുട്ടന്റെചുണ്ടിലൊരു പുഞ്ചിരിവിടർന്നു;
“”…ഏയ്.! അല്ലേഅല്ല… വാ വന്നുകേറ് മതി..!!”””_ അവൻ പിന്നിലെസീറ്റിലേയ്ക്കു കണ്ണുകാണിച്ചതും ഞാൻചാടിക്കയറി…
“”…എന്നാലും നിന്നെ സമ്മയ്ക്കണോടാ നാറീ… ആ കോളേജിനകത്തുകേറി അവളോടങ്ങനൊക്കെപ്പറഞ്ഞ നിന്റെതൊലിക്കട്ടി… ഈ വരുംവരായ്കയൊന്നും ചിന്തിയ്ക്കാതിങ്ങനൊക്കെ പെരുമാറാനെങ്ങനെ പറ്റുന്നെടാ..?? ഒറ്റബുദ്ധിയെന്നൊക്കെ പറഞ്ഞാ, അതിന്റവസാനവാക്ക് നീയാണ്..!!”””_ വണ്ടി റോഡു താണ്ടിക്കൊണ്ടിരിയ്ക്കേ അവൻ പിറുപിറുത്തു…