അതിനിടയിലവള്മാര് എന്തൊക്കെയോ വെച്ചെന്നെ എറിയുന്നുമൊക്കെയുണ്ടായിരുന്നെങ്കിലും അതൊന്നും കാര്യമാക്കാതെ തിരിഞ്ഞോടവേ ഷൂസിന്റെ ലെയ്സഴിയുകയും, അതിൽചവിട്ടി തെറിച്ച് സ്റ്റെപ്പിൽ തലയിടിച്ചു വീണ് താഴേയ്ക്കുതന്നെ ഞാൻ നിരങ്ങിയിറങ്ങിയതുമെല്ലാം ക്ഷണനേരത്തിനുള്ളിൽ കഴിഞ്ഞിരുന്നു…
എന്താണ് സംഭവിച്ചതെന്ന് മനസ്സിലാകും മുന്നേ കൈവാക്കിന് കിട്ടിയ സന്തോഷത്തിൽ അവളുമാരെന്നെ പാമ്പിനെ തല്ലുമ്പോലെ വളഞ്ഞിട്ട് തല്ലി…
സ്റ്റെപ്പിൽ തലയിടിച്ച മരവിപ്പിനിടയിലും അവളുമാരുടെ കൈക്കരുത്ത് ഞാൻ ശെരിയ്ക്കുമറിയുന്നുണ്ടായിരുന്നു…
ഡോക്ടർസ് ആയതുകൊണ്ടാവണം ഒറ്റ എല്ലിനോ ഞരമ്പിനോ വേർതിരിവില്ലാതെ എല്ലായിടത്തും കിട്ടി…
അതിനിടയിലേതോ നായിന്റെമോൾ എന്റെ മണികണ്ഠസ്വാമിയ്ക്കിട്ടു തന്ന ചവിട്ടിൽ അലറിക്കരഞ്ഞുകൊണ്ട് ബോധം മറയുമ്പോൾ പുറത്തുനിന്നും ശ്രീയുടെ വിസിലടി മുഴങ്ങി കേൾക്കുന്നുണ്ടായിരുന്നു…
നേരം കുറേക്കഴിഞ്ഞാണ് ബോധംവീണത്, അതുമാരോ മുഖത്തു വെള്ളം കോരിയൊഴിച്ചപ്പോൾ…
ഉറക്കത്തിന്റെ ഇടയ്ക്കാരാടാ മുഖത്തു വെള്ളമൊഴിച്ചതെന്നാണ് ആദ്യം ചോദിക്കാൻ തുടങ്ങിയത്…
പക്ഷേ, കണ്ണു തുറന്നപ്പോൾ ഞാനേതോ അമ്പലപ്പറമ്പിലാണ് കിടക്കുന്നതെന്നു തോന്നി, ചുറ്റും നല്ല വെളിച്ചവും എനിയ്ക്കുചുറ്റും പൊലീസുകാരുൾപ്പടെ ഒരു യുദ്ധതിനുള്ള ആളും…
എനിയ്ക്കാണെങ്കിൽ ഒരു പൂറും മനസ്സിലാവുന്നുമില്ല…
ഞാനിതേതമ്പലപ്പറമ്പിലാണ് കിടക്കുന്നതെന്നു ചിന്തിച്ചപ്പോഴും എനിയ്ക്ക് കിളി വന്നിരുന്നില്ല, പക്ഷേ ശരീരമാസകലം വേദനിയ്ക്കുന്നുണ്ട്…
അതെന്താണെന്നറിയാനായി കയ്യും കാലും അനക്കാൻ നോക്കുമ്പോൾ അതൊന്നും അനങ്ങുന്നുമില്ല…
…ദൈവമേ… തളർന്നു കിടക്കുവാണോ ഞാൻ..??
ഞാൻ സ്വയമറിയാതെ ചോദിച്ചുപോയി…
“”…അത് ഞാൻ പറഞ്ഞുതരാടാ..!!”””_ സ്വയംചോദിച്ച ചോദ്യത്തിന് ഉത്തരംകേട്ട ദിക്കിലേയ്ക്ക് നോക്കുമ്പോൾ യൂണിഫോമിട്ടൊരു പോലീസുകാരൻ…
പൊലീസെങ്കിൽ പോലീസ്… നമുക്ക് ഉത്തരംകിട്ടിയാൽ മതിയല്ലോ.!
ഞാൻ പകുതിതുറന്ന കണ്ണുകളുംപിടിച്ച് തിരിഞ്ഞും മറിഞ്ഞുമൊക്കെ നോക്കിനിൽക്കുമ്പോൾ അങ്ങോട്ടുവന്ന ആ എസ്ഐ എന്റെ ചെകിടു തീർത്തൊന്നുപൊട്ടിച്ചു…
കിട്ടിയതല്ലിൽ അലഞ്ഞുതിരിഞ്ഞ് കാളകളിച്ചു നടന്ന കിളികളെല്ലാം പെട്ടെന്നോടി കൂട്ടിക്കേറിയപ്പോളാണ് കിട്ടിയ എട്ടിന്റെ പണിയെനിയ്ക്ക് മനസ്സിലായത്…
ഹോസ്റ്റലിലെ പെൺകുട്ടികൾക്കും മാനേജ്മെന്റിനും പോലീസുകാർക്കുമൊക്കെ ഒത്ത നടുക്ക് ഞാൻ…
അതും ഹോസ്റ്റലിനുമുന്നിലെ തൂണിൽ വരിഞ്ഞുകെട്ടിയ നിലയ്ക്ക്…
അവളെ പെടുത്താൻവന്നിട്ട് നീയാടാ പെട്ടതെന്ന് ഉള്ളിലെ ആറാമിന്ദ്രിയം എനിയ്ക്കപ്പഴേ അപ്‌ഡേഷൻതന്നു…
നിന്നനിൽപ്പിൽ ചാകുന്നതാണ് ഭേതമെന്നെനിക്കു തോന്നിപ്പോയ നിമിഷം, ചുറ്റുംനിന്ന പോലീസുകാരുടെയും മാനേജ്മെന്റിന്റെയുമൊക്കെ മുഖഭാവം കണ്ടാലറിയാം ഇതൊരു ലേലു അല്ലുവിലൊന്നും ഒതുങ്ങില്ലാന്ന്…
എന്നെ തല്ലിയുണർത്തിയ എസ്ഐ മാനേജ്മെന്റിനോടെന്തൊക്കെയോ മാറിനിന്നു പറഞ്ഞശേഷം തിരിച്ചെന്റെ അടുത്തേയ്ക്കു വരുന്നതുകണ്ടതും ഞാൻ അപ്പൂപ്പൻ താടിപോലെ നിന്നു വിറയ്ക്കാൻ തുടങ്ങി…
ആ സമയത്ത് വേറൊരുവികാരവും എന്റെമുഖത്തു വരില്ലായിരുന്നു എന്നതാണ് മറ്റൊരു വസ്തുത…
“”…ആരാടാ നീ… എന്തിനാടാ ഹോസ്റ്റലിനകത്ത് കേറിയേ..?? പെണ്ണുങ്ങള്മാത്രമുള്ള ഹോസ്റ്റലിൽ ഈ പാതിരായ്ക്ക് നിനക്കെന്താടാ പണി..??”””_ അടുത്തേയ്ക്കു വന്നശേഷം പുള്ളിചോദിച്ചു…
“”…സാർ… ഞാൻ നിരപരാധിയാണ്..!!”””
“”…നിരപരാധിയോ..?? ഇന്നേരത്ത് ലേഡീസ് ഹോസ്റ്റലിക്കേറിയ നീ നിരപരാധിയാണെന്നോ..??”””
അയാൾ കടുത്തശബ്ദത്തിൽ ചോദിച്ചതിനൊപ്പം കരണം തീർത്തൊന്നു കൂടി തന്നു…
ഓൾറെഡി ഇടികൊണ്ട് പൊളിഞ്ഞ എനിയ്ക്കാ അടി താങ്ങാൻ കഴിയുന്നതിനും മേലെയായിരുന്നതിനാൽ ഞാനറിയാതെ ഉറക്കെ നിലവിളിച്ചുപോയി…
“”…സത്യമ്പറേടാ…. നീയെന്തിനാ ഇതിനകത്തുകേറിയെ..?? സത്യമ്പറഞ്ഞോണം….. ഇല്ലേലിനീം മേടിയ്ക്കുന്നീ..!!”””
“”…ഞാൻ.! ഞാനിതിലേ പോയപ്പോ..”””_ അയാളുടെ ചോദ്യത്തിന് എന്തു പറയണമെന്നറിയാതെ ഞാൻനിന്നു വിക്കി, അവൾക്കിട്ടു പണിയാനാണ് വന്നതെന്നു പറയാൻപറ്റില്ലല്ലോ…
വായിലാണെങ്കിൽ അന്നേരത്ത് വേറെ ഉടായിപ്പൊന്നും വന്നതുമില്ല…
“”…പോണ വഴിയ്ക്കുകേറാൻ ഇതെന്താ നിന്റമ്മവീടോ..?? കളിയ്ക്കാണ്ട് കാര്യമ്പറേടാ..!!”””_ അയാൾ ചോദിയ്ക്കുന്നതിനിടയിൽ എന്റെ പൊക്കിളിനുതാഴെ അടിവയറ്റിലായി വിരൽകയറ്റി കോർത്തു പിടിച്ചുയർത്തിയപ്പോൾ ഞാനത്രേമ്പേരുടെ മുന്നിൽനിന്ന് അലറിവിളിച്ചു…
“”…സാർ… ഇതൊന്നും ഇവിടെവെച്ചു വേണ്ട… നിങ്ങള് സ്റ്റേഷനിൽകൊണ്ടോയി എന്തുവേണേ ചെയ്..!!”””_ കോളേജിന്റെ അതോറിറ്റിയിലുള്ള ആരോ ആണെന്ന് തോന്നുന്നു, അങ്ങനെപറഞ്ഞതും എസ്ഐ എന്റെ മേത്തുനിന്നും കൈയെടുത്തു…
“”…സ്റ്റേഷനിൽ കൊണ്ടോയി എന്തോ ചെയ്യണമെന്നൊക്കെ ഞങ്ങൾക്കറിയാം… പക്ഷേ… ഇവനെന്തിനാ ഇവിടെക്കേറിയേന്നറിയണോലോ… അതുകഴിഞ്ഞിട്ട് സ്റ്റേഷനിലേയ്ക്കു കൊണ്ടോകാം..!!”””
“”…ങ്ഹേ..?? പോലീസ് സ്റ്റേഷനിലേയ്‌ക്കോ..?? ഏയ്‌.! അതൊന്നുമ്പറ്റൂല.! എന്റെ വീട്ടിലറിഞ്ഞാൽ സീനാവും..!!”””_ കേട്ടതും ഞാനങ്ങട് പ്രതികരിച്ചു…
“”…നീയാരോടാടാ പൊട്ടൻ കളിയ്ക്കുന്നേ..?? നിന്നെ എവിടെകൊണ്ടുപോണോണോന്നും എന്തോ ചെയ്യണോന്നുമൊക്കെ എനിയ്ക്കറിയാം..!!”””_ അയാൾ ആക്രോശിയ്ക്കുന്നതിനിടയിൽ വീണ്ടും കരണംപുകച്ചപ്പോൾ ഞാൻ കരച്ചിലിന്റെ വക്കത്തെത്തിയിരുന്നു…
എന്തായാലും നാറാനുള്ളത് നാറി… ഇനിയിപ്പോൾ ജയിലിലും കിടക്കേണ്ടിവരും… പിന്നെ വീട്ടിൽകേറ്റോ ഇല്ലയോന്നറിയണോങ്കിൽ ജ്യോൽസ്യനെ വിളിയ്ക്കണം…
“”…നീയെന്താടാ നിന്നുറങ്ങുന്നോ..?? പറേടാ… മോഷ്ടിയ്ക്കാനാണോ ഇങ്ങോട്ടുകേറിയേ..??”””
ശബ്ദമുയർത്തുന്നതിനിടയിൽ എസ്ഐ എന്റെ മുഖം വശത്തേയ്ക്കു പിടിച്ചു തിരിയ്ക്കുമ്പോളാണ് അവിടെ മീനാക്ഷി കണ്ണുകളെടുക്കാതെ എന്നെത്തന്നെ നോക്കി നിൽക്കുന്നത് കണ്ടത്…
കണ്ണിലെ കാഴ്ച മങ്ങിത്തുടങ്ങിയിരുന്നതിനാൽ അവൾടെ മുഖഭാവമൊന്നും വ്യക്തമായില്ലേലും അവളെക്കണ്ടതും ഉരുകിയൊലിച്ചു തുടങ്ങിയ എന്റെ വീര്യമുറയാൻ തുടങ്ങി…
നീയൊറ്റയൊരുത്തി കാരണമാടി നായിന്റമോളെ ഞാനീ തൂണിന്മേലാടി കിടന്ന് തല്ലുകൊള്ളുന്നത്…
അപ്പൊ നീ അതുംനോക്കി നിയ്ക്കുന്നോ..??
എന്തായാലും എന്റെമാനം കപ്പലുകേറി… ഇനിയെന്തിന് മുന്നും പിന്നും നോക്കണം..??!!
“”…മര്യാദയ്ക്കു നീ പറയുന്നുണ്ടോ… അതോ…”””
“”…അയ്യോ സാറേ… ഞാങ്കക്കാനൊന്നും വന്നതല്ല… ആ മീനാക്ഷി വിളിച്ചിട്ടുവന്നതാ..!!””””
വീണ്ടുമെന്റെ കരണം പുകയ്ക്കാൻ കയ്യോങ്ങിയ എസ്ഐയുടെ ചോദ്യം മുഴുവിയ്ക്കുന്നതിനും മുന്നേ രണ്ടുകണ്ണും കൂട്ടിയടച്ചുപിടിച്ച് ആ തല്ലും പ്രതീക്ഷിച്ചുതന്നെ ഞാനെടുത്ത വായ്ക്കങ്ങ് പറഞ്ഞപ്പോൾ കൂട്ടംകൂടി നിന്നവർക്കിടയിൽ ഒരു മുറുമുറുപ്പാരംഭിച്ചു…