“”…മീനാക്ഷിയോ..?? അതാരാ മീനാക്ഷി..??”””_ തല്ലാതെ അടുത്ത ചോദ്യംവന്നതേ പണി ഏറ്റെന്നെനിയ്ക്കു മനസ്സിലായി, പക്ഷേ അത്രയ്ക്കങ്ങോട്ടു വിശ്വസിച്ചമട്ടില്ല താനും…
“”…ഡാ… പുല്ലേ… ഒരുമാതിരി തോന്നിവാസങ്കാണിച്ചിട്ട് മറ്റേടത്തെ വർത്താനം പറഞ്ഞാലുണ്ടല്ലോ… സത്യമ്പറേടാ… എന്തിനാ ഹോസ്റ്റലിക്കേറിയത്..?? ആരാടാ മീനാക്ഷി..??”””
എന്റെ മറുപടിയ്ക്ക് കാത്തുനിൽക്കാതെ ഞാൻ നുണ പറഞ്ഞതാണോന്നറിയാൻ അടുത്ത ചോദ്യംകൂടി ചോദിച്ചുകൊണ്ട് എസ്ഐ തന്റെ ബലിഷ്ടമായ കരങ്ങളാൽ എന്റെ രണ്ടുകവിളിലുമായി ഞെക്കി ചുണ്ടുകൾ വിടർത്തിക്കൊണ്ട് മുരണ്ടപ്പോൾ ഞാൻ കിടന്നുപിടഞ്ഞു…
“”…സത്യമ്പറയാൻ പറയുന്നതും നിങ്ങളുതന്നെ പറഞ്ഞാലൊട്ട് വിശ്വസിയ്ക്കാത്തതും നിങ്ങളുതന്നെ… ഇതെന്തു കഷ്ടാന്ന് നോക്കണേ… എന്റെസാറേ… ദേ ആ നിയ്ക്കുന്ന ലവളില്ലേ… അവളാണെന്നെ വിളിച്ചുകേറ്റിയത്… അതാണ്‌ മീനാക്ഷി..!!”””
കണ്ണുകൾ അവൾടെനേരേ നീട്ടി മുഖംചൂണ്ടി പേരുപറഞ്ഞതും എല്ലാപേരുടെയും നോട്ടമവളിലേയ്ക്കായി…
അവളാണെങ്കിൽ ഞെട്ടിത്തരിച്ചു കൊണ്ടെന്നെ നോക്കി, ഇതൊക്കെ എപ്പോളെന്ന മട്ടിൽ…
“”…സത്യമാണോ കുട്ടീ, ഇവനീ പറയുന്നതൊക്കെ..??”””_ എസ്ഐ അവൾടെനേരേ തിരിഞ്ഞു…
“”…ഏയ്‌.! എനിയ്‌ക്കൊന്നുമറിയത്തില്ല സാറേ… ചുമ്മാ പറയുവാ… ഞാനെങ്ങുമറിയത്തില്ല ഇവനെ..!!”””_ എസ്ഐയ്ക്കുള്ള മറുപടികൊടുത്തശേഷം അവളെന്റെനേരേ തിരിഞ്ഞു…
“”…ഞാനെപ്പഴാടാ നാറീ നിന്നെവിളിച്ചേ..?? വേണ്ടാതീനമ്പറഞ്ഞാ ചെള്ളയടിച്ചു പൊളിയ്ക്കും ഞാൻ..!!”””
“”…ആഹാ… അത്രയ്ക്ക് ധൈര്യോണ്ടെങ്കി നീയൊന്നു തല്ലിനോക്കടീ… എന്റെ പൊന്നുസാറേ… ഇവള് നുണച്ചിയാ… എന്നെ വിളിച്ചുകേറ്റി കാര്യങ്കഴിഞ്ഞപ്പോ ഇറക്കി വിടാന്നോക്കിയതാ….. അപ്പോളാ എന്നെ പിടിച്ചേ… ഉടനെ അവള് കാലു മാറിക്കളഞ്ഞു… ഇപ്പൊപ്പറയുന്ന കേട്ടില്ലേ എന്നെ അറിയത്തില്ലാന്ന്… നൊണയാ സാറേ.. പച്ചനൊണ… സത്യത്തിൽ ഞങ്ങള് തമ്മില് പ്രേമവാ..!!”””_
ഒറ്റശ്വാസത്തിൽ വായിൽവന്നതൊക്കെ ഞാനങ്ങനെ എസ്ഐയോടു വിളിച്ചുപറഞ്ഞതും പുള്ളി വീണ്ടും അവൾടെനേരേ തിരിഞ്ഞു…
“”…എന്താ കുട്ടീ… ഇതിലൊക്കെ വല്ല സത്യവുമുണ്ടോ..??”””
“”…ഒന്നും എനിയ്ക്കറിയില്ല സാർ… സാറിവളുമാരോട് ചോദിച്ചേ… ഇവരും എന്റൊപ്പം റൂമിലുണ്ടായിരുന്നു… ഞാനിവനെ വിളിച്ചുകേറ്റിയെങ്കിൽ ഇവരുകാണുമല്ലോ..??”””
അവളുടെ വാദംകേട്ട് എസ്ഐ തലകുലുക്കിക്കൊണ്ട് കൂടെനിന്നവൾമാരെ നോക്കുമ്പോൾ ഞാനിടയ്ക്കുകേറി…
“”…എന്റെ സാറേ… അവള്മാര് പറയുന്ന വിശ്വസിയ്ക്കല്ലേ… എല്ലാം കള്ളക്കൂട്ടങ്ങളാ… ഇവള്മാരെല്ലാങ്കൂടി പ്ലാൻചെയ്തുള്ള പരിപാടിയാ ഇതൊക്കെ… ഞാനങ്ങ് പെട്ടുപോയതാ..!!”””
””…മിണ്ടരുത് നീ… അടങ്ങിനിന്നോണം… അവരെന്താ നടന്നതെന്നുപറയട്ടേ… എന്നിട്ടാലോചിയ്ക്കാം നിന്നെയെന്തു ചെയ്യണോന്ന്..!!”””
എസ്ഐ എന്നോടു തട്ടിക്കേറിയിട്ട് അവളുമാരോടെന്തൊക്കെയോ പോയി ചോദിയ്ക്കുമ്പോൾ സഹായത്തിനൊരു കൈത്താങ്ങുമന്വേഷിച്ച് ഞാൻ ചുറ്റും നോക്കിയെങ്കിലും ആരുടെയും മുഖത്തൊരു ദാക്ഷിണ്യവുമില്ല…
ശ്രീപോലും വലിഞ്ഞു കളഞ്ഞല്ലോന്നോർത്ത് സങ്കടപ്പെട്ടു നിൽക്കുമ്പോൾ അവരോടു സംസാരിച്ചശേഷം എസ്ഐ തിരിഞ്ഞുനോക്കി…
“”…ഇവരാരും നിന്നെ കണ്ടിട്ടില്ലെന്നാണല്ലോടാ പറയുന്നേ..??”””
“”…സാറേ… സത്യായ്ട്ടും ഞാമ്പറഞ്ഞത് സത്യാ… അവർക്കൊക്കെയെന്നെ അറിയാം… ദേ… ആ ചൊമല ചുരിദാറിട്ടവളാ ഞാൻ വന്നപ്പോഴെനിയ്ക്കു ഡോറു തുറന്നുതന്നത്… എല്ലാരും ചോറുണ്ണാൻ പോകുമ്പോ ഇറങ്ങിപ്പോകാൻ പറഞ്ഞതുമവളാ..!!”””
എസ്ഐ പോയി സംസാരിച്ചുനിന്ന പെണ്ണുങ്ങളെനോക്കി ഞാൻ വിളിച്ചുകൂവി…
എന്നെ പെടുത്താൻ നോക്കുന്നോ… എന്നാൽ നിങ്ങളും നാറിനെടീ പൂറികളേന്ന മട്ടിലായിരുന്നു ഞാൻ…
അതുകൂടി കേട്ടപ്പോൾ എസ്ഐയ്ക്ക് മൊത്തത്തിൽ കൺഫ്യൂഷൻ, അയാളവരെ വീണ്ടും ചോദ്യംചെയ്യാൻ തുടങ്ങിയതോടെ കൂടിനിന്ന ബാക്കിയുള്ളവർക്കും ആ മൂന്നുപേരുടെമേലും ചെറിയൊരു സംശയംപോലെ…
മതി… എനിയ്ക്കിത് മതി.!
“”…ഇവരു വിളിച്ചു കേറ്റിയേന്നല്ലേ പറഞ്ഞേ… അപ്പോളാ ഫോണിങ്ങ് തന്നേ… കോൾ ഹിസ്റ്ററി നോക്കട്ടേ..!!”””
ഊമ്പി.! പെട്ടന്നെന്തോ ഐഡിയ കിട്ടിയപോലെ അയാൾ ഫോണിനുവേണ്ടി കൈ നീട്ടിക്കൊണ്ടടുത്തേയ്ക്കു വന്നതും ഞാൻ മനസ്സിൽപറഞ്ഞു…
“”…എടാ….. ഫോണെവിടെടാ..?? എടുക്ക്..!!”””
“”…അത്… അത് കോൾഹിസ്റ്ററി ഞാനപ്പഴേ ഡിലീറ്റ്ചെയ്തു..!!””””
അയാൾ ചോദ്യമാവർത്തിച്ചതും വായിൽവന്ന നുണ ഞാനങ്ങ് പെടച്ചതുമൊരുമിച്ചായിരുന്നു… അതോടെയെന്റെ കരണമൊന്നുകൂടി പൊളിഞ്ഞു…
“”…പ്ഫ.! നുണ പറയുന്നോടാ റാസ്‌ക്കൽ… പിടിച്ചു കേറ്റടോ ഈ മറ്റവനെ… എല്ലാ നാട്ടിലും കാണുമല്ലേലും ഇതുപോലുള്ള കുറേ ഞരമ്പുകൾ… കഴിഞ്ഞാഴ്ച സെൻറ് മേരീസിലെ പെൺകുട്ടികളുടെ ഒരു കംപ്ലെയിന്റുണ്ടാരുന്നല്ലോ അവരുടെ അടിവസ്ത്രങ്ങൾ സ്ഥിരമായി മോഷണം പോണെന്നുമ്പറഞ്ഞ്… അതുമിവനായിരിയ്ക്കും… ഇന്നാ കൊണ്ടോയി വണ്ടീത്തള്ളടോ… അങ്ങു ചെന്നിട്ടിവന്റെയെല്ലാ സൂക്കേടും തീർക്കണം… കക്കാൻകേറീതും പോരാ… അവിടുത്തെ പെണ്ണുങ്ങളുടെ മാനംകളയാനും നോക്കുന്നോ..!!”””_ എന്റെകയ്യിലെ കെട്ടഴിച്ച് കോൺസ്റ്റബിളിന്റെ നേർക്കു വലിച്ചെറിഞ്ഞുകൊണ്ട് എസ്ഐ പാതി എന്നോടായും ബാക്കി കോൺസ്റ്റബിളിനോടായും പറഞ്ഞതും എന്റെമുഴുവൻ കിളിയും പാറി…
സ്റ്റേഷനിലേയ്ക്കോ..?? ഭഗവാനേ പണിപാളിയോ..??
ഞാൻ ചങ്കിടിപ്പോടെ എസ്ഐയെ നോക്കി…
അയാളുടെയും കോൺസ്റ്റബിളിന്റെയും മുഖഭാവത്തിൽനിന്നും അവരത് വെറുതേ പറഞ്ഞതല്ലെന്ന് വെളിവാകുന്നുണ്ടായിരുന്നു…
എന്നെ വണ്ടിയിലേയ്ക്ക് കയറ്റാൻ കോൺസ്റ്റബിൾ എന്റടുത്തേയ്ക്കു വന്നതും ഞാൻ പരിഭ്രമത്തോടെ ചുറ്റുംനോക്കി, ആരുടെമുഖത്തും എന്നെ കൊണ്ടുപോകുന്നതിൽ പ്രത്യേകിച്ച് എതിർപ്പൊന്നും ഞാൻ കണ്ടില്ല…
മീനാക്ഷിയെ നോക്കിയപ്പോൾ അവളുടെമുഖത്തും വലിയ ഭാവമാറ്റമൊന്നില്ലാത്തത് എന്നെ നന്നായിത്തന്നെ ഞെട്ടിച്ചു…
പച്ചത്തെറിയും വിളിച്ചുകൊണ്ട് അയാളെന്നെ വണ്ടിയിലേയ്ക്ക് തത്തിച്ചു വിട്ടപ്പോഴേയ്ക്കും എന്റെധൈര്യമെല്ലാം ചോർന്നിരുന്നു…
തള്ളിവിടുന്നതിനു കൊടുത്ത പവറിൽനിന്നുതന്നെ സ്റ്റേഷനിൽചെന്നാൽ അവരെന്നെ മരണയിടി ഇടിയ്ക്കുമെന്ന് ഉറപ്പായിരുന്നതിനാൽ എങ്ങനെയെങ്കിലും രക്ഷപെട്ടാൽ മതിയെന്നായ്രുന്നു എനിയ്ക്ക്…
അതുകൊണ്ട് യാതൊരു നാണവുമില്ലാതെ ഞാനാ അറ്റകൈ ചെയ്തു…
വേറൊന്നുമല്ല, വീണ്ടും നാണംകെട്ട് എസ്ഐയുടെ കാൽക്കൽ വീണു…
“”…എന്റെ പൊന്നുസാറേ… സാറാണെ സത്യം… സത്യമായ്ട്ടും ഞാൻ മീനൂനെ കാണാൻവന്നതാ… അല്ലാതെ സാറ് പറഞ്ഞപോലൊന്നിനും വന്നതല്ല… എന്നെ സ്റ്റേഷനിൽ കൊണ്ടോവല്ലേ..!!”””
തൊഴുകയ്യോടെ തികച്ചും ദയനീയമായ എന്റെ അപേക്ഷ കണ്ടതും എസ്ഐയ്ക്ക് വീണ്ടും ചെറിയെന്തോ സംശയംപോലെ…