ഉച്ച കഴിഞ്ഞു 3 മണിയോടെ ആണ് അവർ തിരികെ വന്നത്. ജീവ പറഞ്ഞ പ്രൊപ്പർട്ടി കണ്ട് അഭിപ്രായം അറിയിച്ച് അവർ പെട്ടെന്ന് പോരുകയായിരുന്നു..
“എടാ ജസ്റ്റി…ഒന്ന് ബാറിൽ കേറിയാലോ ? രണ്ടെണ്ണം കീച്ചാം എന്താ ? ”
” ഇല്ലടാ..!! ഷോപ്പിൽ ആളില്ല നീ വണ്ടി വേഗം വിട് ”
എത്രയും പെട്ടെന്ന് ഷോപ്പിൽ എത്തിയാൽ മതിയാരുന്നു എന്ന മട്ടിൽ ആണ് ജസ്റ്റിൻ.
യാത്രയിൽ ഉടനീളം അവർ അധികം സംസാരിച്ചില്ല.
വാഹനം ജസ്റ്റിന്റെ സൂപ്പർ മാർക്കറ്റിന്റെ ഫ്രണ്ടിലെക്ക് കയറി. രണ്ട് പേരും ഓരോ സിഗരറ്റ് കത്തിച്ചു.. കാണാൻ പോയ പ്രൊപ്പർട്ടിയെ കുറിച്ചു അഭിപ്രായങ്ങൾ പങ്ക് വച്ചു.
കുറച്ചു സമയം കൂടി അവിടെ തങ്ങിയ ശേഷം
ജീവ അവനോട് യാത്ര പറഞ്ഞു. അവൻ പോയ പിറകെ ജസ്റ്റിനും അവന്റെ തിരക്കുകളിലെക്ക് ഇറങ്ങി.
തിരിച്ചു പോകുന്ന വഴി സംഭവിച്ചതെല്ലാം അനഘയോട് വിളിച്ചു പറയാനും ജീവ മറന്നില്ല.
അതെ സമയം മനസ്സും ഹൃദയവും ആകേ ഇളകി മറിഞ്ഞ അവസ്ഥയിൽ ആയിരുന്നു ജസ്റ്റിൻ. ഷോപ്പിലെ യാതൊരു കാര്യങ്ങളിലും ശ്രദ്ധ കേന്ദ്രികരിക്കാൻ കഴിയാതെ അവൻ കുഴഞ്ഞു.
ഷോപ്പിലെ സിസ്റ്റത്തിൽ പെൻ ഡ്രൈവ് നോക്കാൻ ആണെങ്കിൽ മാനേജർ അടക്കം സ്റ്റാഫുകൾ എപ്പോൾ വേണമെങ്കിലും കയറി വരാം..
ഷോപ്പിൽ എവിടെയും ഒരു പ്രൈവസി കിട്ടില്ലെന്ന് ഉറപ്പായതിനാൽ ഒടുവിൽ അവൻ തീരുമാനിച്ചു..!! വീട്ടിലേക്ക് പോകുക…
ഷോപ്പിലെ തിരക്കുകളിൽ നിന്നും എമർജൻസി ആണെന്ന് വരുത്തി, സ്റ്റാഫിന്റെ ചുമതലകൾ മാനേജർക്ക് കൈ മാറി അവൻ വീട്ടിലേക്ക് തിരിച്ചു.
എത്രയും വേഗം ആ പെൻ ഡ്രൈവിൽ എന്താണ് എന്ന് നോക്കി ചുറ്റും ഉള്ള പുക മറ നീക്കാൻ അവൻ വ്യഗ്രത പെട്ടു.
വീട്ടിലേക്ക് ഉള്ള ഡ്രൈവിംഗിനിടയിൽ നിശബ്ദതയെ കീറി മുറിച്ച് ജസ്റ്റിന്റെ ഫോൺ ശബ്ദിക്കാൻ തുടങ്ങി..
സ്‌ക്രീനിൽ ‘വൈഫ് ‘എന്ന് പേര് കണ്ടതും അവൻ കാൾ അറ്റെൻണ്ട് ചെയ്തു.
” ഹേലോ ഇച്ചായാ.. എന്നാ പരുപാടി ”
” ഞാൻ ഇവിടെ അടുത്ത് ഒരു കടയിൽ വന്നതാ എന്നാടി ”
അവന്റെ സംസാരത്തിൽ ചെറിയ നീരസം ഉണ്ടാരുന്നു.
” ഞാൻ രാവിലെ എഴുന്നേൽപ്പികണ്ടാന്ന് കരുതി ആണ് പറയാണ്ടേ പോന്നെ..!!
പിന്നെ ഇവിടെ വന്നപ്പോൾ ആകേ തിരക്ക് ആയി പോയി, ഇച്ചാ കഴിച്ചാരുന്നോ ? ”
നനുത്ത സ്വരത്തിൽ അവൾ സംസാരിച്ച് തുടങ്ങി.
” ആടി ഞാൻ രാവിലെ തന്നെ കഴിച്ചാരുന്നു..!!
പെണ്ണെ നീ ചുമ്മാ വിളിച്ചേ ആണോ ? ”
” ആം ഞാൻ ചുമ്മ ഇരുന്നപ്പൊ വിളിച്ചു നോക്കിയതാ. എന്നാ ഇച്ചായൻ തിരക്കാണോ ? ”
” ആം ചെറിയ തിരക്ക് ആണ് പെണ്ണെ.. !!
ഞാൻ നിന്നെ ഫ്രീ ആയിട്ട് തിരിച്ചു വിളിച്ചാ മതിയൊ ? ”
ജസ്റ്റിൻ ആരോടും ഒന്നും സംസാരിക്കാൻ ഉള്ള മൂഡിൽ ആയിരുന്നില്ല.
” ആം ഫ്രീ ആവുമ്പോൾ വിളിക്ക് ”
അതും പറഞ്ഞു അനഘ കാൾ കട്ട് ചെയ്തു.
ജസ്റ്റിൻ അനഘയുടെ കാൾ കട്ട് ആയെന്ന് ഉറപ്പായപ്പോൾ ഫോൺ പോക്കറ്റിൽ ഇട്ട് ഡ്രൈവിംഗിൽ ശ്രെദ്ധ കേന്ദ്രികരിച്ചു.
വീട്ടിലെത്തിയ ഉടനെ തന്നെ അവൻ ലാപ്ടോപ് സെറ്റ് ചെയ്തു. ഒരു ചെയർ വലിച്ചു എടുത്ത്
അതിന് മുന്നിലായി ഇരുന്നു.
പെൻഡ്രൈവ് പ്ലഗ്ഗ് ചെയ്ത് അവൻ അതിലെ ആദ്യത്തെ ഫയൽ ഓപ്പൺ ചെയ്തു…
സ്ക്രീൻ തെളിഞ്ഞതും ജസ്റ്റിന്റെ കണ്ണുകൾ വിടർന്നു.. അവന്റെ നെഞ്ചിൽ പെരുമ്പറ കൊട്ടാൻ തുടങ്ങി..
അതൊരു റെക്കോർഡഡ് സിസി ടിവി ഫുറ്റേജ് ആയിരുന്നു..
അലോരൈകയും അതിന്റെ പരിസരവും അവന് മുന്നിൽ അത്യാവശ്യം നല്ല ക്വാളിറ്റിയിൽ വിഡിയോ ആയി ഓടി തുടങ്ങി.
ആ സ്ഥലം അവൻ തിരിച്ചു അറിഞ്ഞു റിസോർട്ടിൽ നിന്നും പുഴയിലേക്ക് ഇറങ്ങുന്ന വഴിയിൽ തന്നെ ഉള്ള വ്യൂ പോയിന്റ് അവിടെ ഇട്ടിരിക്കുന്ന ഒരു ബെഞ്ചും
സ്‌ക്രീനിൽ വ്യക്തമായി കാണുന്ന ജീവ..!! അവൻ തനിയെ പാതിരാവിൽ മദ്യപിക്കുന്നു.
ജീവയെ കണ്ടതും ജസ്റ്റിന്റെ കണ്ണുകൾ കുറുകി.
‘ ഇനി ഈ പന്നൻ അവിടെ ഉള്ള എന്തേലും മുടിപ്പിച്ച് കാണോ ? ‘
പല തരം ചിന്തകൾ ജസ്റ്റിന്റെ ഉള്ളൂലച്ചു.
വിഡിയോ മുന്നോട്ട് ഓടി കൊണ്ടിരുന്നു..
അലോറൈക യിൽ വല്ലാതെ തണുപ്പ് വ്യാപിച്ചത് അറിയിക്കു മെന്നോണം കോട മഞ്ഞ് പടർന്ന് കിടക്കുന്ന രാത്രി..
പെട്ടെന്ന് അവൻ ആ കാഴ്ച കണ്ട് നടുങ്ങി..!!!
ഒന്ന് കൂടി സൂം ചെയ്ത് വ്യക്തത വരുത്തി..!!
തീരെ പ്രതീക്ഷിക്കാതെ സ്‌ക്രീനിലേക്ക് വന്ന അതീഥികളെയും കണ്മുന്നിൽ കാണുന്നതിനെയും അവന് വിശ്വസിക്കാൻ പറ്റിയില്ല..!!!!
പെട്ടെന്ന് വന്ന ബോധത്തിൽ ജസ്റ്റിൻ ഹെഡ്സെറ്റ് കണക്ട് ചെയ്ത് ചെവിയിൽ വച്ചു.
താഴെ കുത്തിയോഴുകുന്ന പുഴ.. അതിന്റെ ശബ്ദം നേരിയ രീതിയിൽ കേൾക്കാം..
അവിടേക്ക് വ്യൂ കിട്ടുന്ന രീതിയിൽ അറേഞ്ച് ചെയ്തിരിക്കുന്ന മരത്തിന്റെ ബെഞ്ചിൽ ജീവ ഇരിക്കുന്നു.. !
ആ തണുപ്പിനെ പ്രതിരോധിക്കാൻ എന്ന വണ്ണം അവന്റെ വശങ്ങളിൽ വോഡ്ക കുപ്പിയും ഗ്ലാസും കൈകളിൽ എരിയുന്ന സിഗരറ്റും കാണാം.. അവിടേക്ക് പതിയെ പടികൾ ഇറങ്ങി വരുന്ന അനഘ..!!!! തന്റെ ഭാര്യ…!!
ഒന്ന് അനങ്ങി ഇരുന്ന ശേഷം ജസ്റ്റിൻ അവരുടെ സംസാരം ശ്രെദ്ധയോടെ നിരീക്ഷിക്കാൻ തുടങ്ങി.
ജീവയുടെ അടുത്തേക്ക് നടന്ന് വരുന്ന തന്റെ ഭാര്യയിൽ ആയി അവന്റെ ശ്രദ്ധ മുഴുവൻ.
ജീവ തിരിഞ്ഞ് അനഘയെ കണ്ടതും അവൾ സൗഹൃദത്തോടെ ചിരിച്ചു.
” ഒറ്റക്ക് ഇരിക്കുന്നവർക്ക് ശല്യമായൊ ”
അവൾ കൈകൾ പിണച്ചു കെട്ടി അവന് പുറകിൽ ആയി നിന്നു.
” ഉറക്കമില്ലെടോ തനിക്ക്..!! രാത്രി തന്നെ ഇറങ്ങി നടക്കണേ ? ”
അവളെ കണ്ടതും സിഗരറ്റ് അകത്തി പിടിച്ചു ജീവ നിറഞ്ഞ പുഞ്ചിരിയോടെ ചോദിച്ചു.
” അതെന്നാ.. പെണ്ണുങ്ങൾക്ക് ഒറ്റക്ക് ഇറങ്ങാൻ പാടില്ലേ.. ? ”
അവളും തിരികെ മറു ചോദ്യം തൊടുത്തു.
അനഘയുടെ ചോദ്യത്തിന് ഉച്ചത്തിൽ ഉള്ള ചിരി മാത്രം ആണ് ജീവ മറുപടി നൽകിയത്.
” പറഞ്ഞ പോലെ ജീവക്കും ഉറക്കമില്ലേ..? സമയം ഒരുപാട് ആയല്ലോ ” തണുപ്പിൽ അവൾ കൈകൾ കൂട്ടി തിരുമ്മി കൊണ്ടിരുന്നു.
” ആയിട്ടില്ല..!! കിടക്കുന്നതിന് മുന്നേ ഈ നിശയുടെ സൗന്ദര്യം ഒന്ന് ആസ്വദിക്കാം എന്ന് കരുതി… ” ജീവ മറുപടി പറഞ്ഞു.
” ജസ്റ്റിൻ കിടന്നോ.. ”
” ആം ഇച്ചായൻ ഉറങ്ങി.. എനിക്ക് ഉറക്കം വന്നില്ല.. പുറത്തേക്ക് ഇറങ്ങിയപ്പോൾ ആണ് ജീവയെ കണ്ടത്. അപ്പോ ശല്യം ചെയ്യാം എന്ന് കരുതി ”
അവൾ നുണ കുഴി വിടർത്തി വശ്യമായി ചിരിച്ചു… ശേഷം അവന് അരികിൽ ആയി ഇരുന്നു. രാത്രിയിൽ ഇടുന്ന.. കട്ടി കുറഞ്ഞ ഒരു വെള്ള ബനിയനും ബ്രൗൺ കളർ ത്രീ ഫോർത്തും ആണ് അവളുടെ വേഷം
” ഒരെണ്ണം അടിക്കുന്നോ.. തണുപ്പിനു ബെസ്റ്റ് ആണ് ” ജീവ വോഡ്ക കുപ്പി ഉയർത്തി പിടിച്ചു.
” ഒന്നല്ല.. രണ്ടെണ്ണം അടിച്ചെക്കാം.. ”
ചെറിയ ഗ്ലാസിൽ വോഡ്ക നിറച്ചു മിക്സ് ചെയ്ത് ജീവ അവൾക്ക് നൽകി.
ഗ്ലാസിലെക്ക് ഒന്ന് നോക്കിയ ശേഷം അനഘ ഒറ്റ വലിക്ക് മദ്യം നിറച്ച ഗ്ലാസ്സ് കാലിയാക്കി.. രണ്ട് പേരും പരസ്പരം നോക്കി ചിരിച്ചു.