” ആ ഒരാളെ കിട്ടിയില്ലേ.. അവൾ അത്ര സ്പെഷ്യൽ ആണോ ”
അനഘ ആകാംഷയോടെ ചോദിച്ചു.
” യെസ് അവൾ സ്പെഷ്യൽ ആണ്.. പിന്നെ കുറച്ചു കാര്യങ്ങൾ കൂടി ഉണ്ട്.. അവളുടെ അംഗലാവണൃം.. പെണ്ണിന്റെ ഉടലഴക് അതെന്നെ എന്നും മത്ത് പിടിപ്പിക്കുന്നു. അവളെ കാണുമ്പോൾ ഒക്കെ എന്റെ ഉള്ളിൽ കാമവും പ്രണയവും ഉണരുന്നു .. ഞാൻ.. ഞാൻ അവളെ വല്ലാതെ ആഗ്രഹിക്കുന്നുണ്ട് ”
അവന്റെ ശബ്ദം നേർത്ത് തുടങ്ങിയിരുന്നു.
” അതിപ്പോ ഉടലഴക് ഒക്കെ ഒരു പ്രസവം വരെ അല്ലേ ഉള്ളു ജീവ..!! ഇപ്പോ എന്നെ നോക്ക് കണ്ടില്ലേ ” അവൾ കുലുങ്ങി ചിരിക്കാൻ തുടങ്ങി.
അവളുടെ വാക്കുകൾ കേട്ട് അവൻ ഒന്ന് നിർത്തി അവളെ തന്നെ നോക്കി..
“നിന്നെ പോലെ ഒരു പെണ്ണിനെ കിട്ടിയാൽ ഞാൻ ഈ ലോകത്തിലെ എറ്റവും വലിയ ഭാഗ്യവാൻ ആണ് അനഘ..!! എല്ലാവർക്കും ആ ഭാഗ്യം ഉണ്ടാകില്ല..!! ”
” അതെന്നാ.. ജീവാ ഞാൻ അത്രക്ക് സുന്ദരിയാണോ?”
” നീ ദേവതയാണ് അനഘ.. നിന്നെ പോലെ ഒരു പെണ്ണിനെ കിട്ടിയാൽ ഞാൻ അവളെ ഭൂമിയോളം പ്രണയിക്കും..ചുംബനങ്ങൾ കൊണ്ട് മൂടും.. രാത്രിയും പകലും അവളുടെ ചൂടിനെ ഞാൻ ആസ്വദിക്കും ആഗ്രഹത്തോടെ കൊതിയോടെ കാമിക്കും ”
ജീവയുടെ വാക്കുകൾ ആത്മാർഥമായി തോന്നിയത് കൊണ്ടാവാം.. അനഘക്ക് അതിശയവും നാണവും ഒരെ സമയം വന്നു.
അവൾ കുറച്ചു സമയത്തേക്ക് ഒന്നും മിണ്ടിയില്ല.
” പ്രേശംസ എനിക്ക് ഇഷ്ട്ടായി.. ഇതൊക്കെ കേൾക്കാൻ രസമുണ്ട്..”
” സത്യമല്ലേ.. പെണ്ണെ.. നിന്റെ കണ്ണുകൾ വിടരുന്ന നുണ കുഴി.. നിന്റെ ചിരി.. ശില്പ ഭംഗി പോലെയുള്ള ഉടലഴക്.. ഇതിൽ കൂടുതൽ എന്ത് വേണം ആണോരുത്തന്..”
ജീവ അവളുടെ മുഖത്തേക്ക് കണ്ണിമ ചിമ്മാതെ നോക്കിയിരുന്നു. കുറച്ചു സമയം അവിടെ നിശബ്ദത പടർന്നു. രണ്ട് പേരും ഒന്നും മിണ്ടിയില്ല.
” ചില ഇഷട്ങ്ങൾ ഒക്കെ അങ്ങനെ ആണ്.. എത്ര ഒക്കെ വേണ്ടാന്ന് വച്ചാലും അതിങ്ങനെ മനസ്സിന്റെ ഒരു കോണിൽ കിടക്കും.. ”
ജീവ.. പറഞ്ഞു നിർത്തി തല ചെരിച്ചു അവളെ നോക്കി.
അനഘ താഴേക്ക് തന്നെ കുറേ സമയമായി നോക്കിയിരിക്കുകയാണ്.
ജീവ രണ്ട് ഗ്ലാസ്സിലും വീണ്ടും മദ്യം പകർന്നു.
ഒരു ഗ്ലാസ്സ് അവൾക്കായി നീട്ടി.. അനഘ യാന്ത്രികമായി കൈകൾ നീട്ടി അത് വാങ്ങി..
പരസ്പരം ഒന്ന് മുട്ടിച്ച ശേഷം ഒരെ സമയം അടിച്ചു തീർത്തു.
” ഈ ലോകം എന്ത് ക്രൂരമാണല്ലേ.. ഒരാളെ അത്ര ഏറെ ആഗ്രഹിച്ചാലും.. സ്നേഹിച്ചാലും അവരോട് ഒത്ത് ചിലവഴിക്കാൻ പോലും.. സൊസൈറ്റിയുടെ സോ കാൾഡ് ഫക്കിംഗ് റൂൾസ് അനുവദിക്കില്ല..”
ജീവ അവന്റെ ഗ്ലാസ് കയ്യിൽ ഇട്ട് ഉരുട്ടി കൊണ്ടിരുന്നു.. വാക്കുകളിൽ നേരിയ പതർച്ച
അനഘ ശ്രെദ്ധിച്ചു.
” ജീവ.. നീ എന്താ പറഞ്ഞു വരുന്നത്.. എനിക്ക് മനസിലാകുന്നില്ല..”
അവളുടെ മുഖത്ത് അപ്പോഴും നിഷ്കളങ്കത
തന്നെ ആയിരുന്നു.
” അനൂ.. നീ എന്ത് സുന്ദരിയാടി.. എന്തിനാ എന്റെ മുന്നിലേക്ക് നീ വന്നത്..!! എന്റെ ദൈവമേ.. എന്തിനാ.. എനിക്ക് ഇവളെ നീ കാണിച്ചു തന്നത്.. ?? ”
ജീവ കൈകൾ മുകളിലേക്ക് ഉയർത്തി ചോദിക്കുന്ന പോലെ കാണിച്ചു.
ഉള്ളിലേക്ക് ഇറങ്ങിയ വോഡ്കയുടെ ലഹരി ആവാം.. ജീവയുടെ വാക്കുകൾ അവളെ കോരി തരിപ്പിക്കാനും ആശ്ചര്യപെടുത്താനും പോന്നതായിരുന്നു.
ആദ്യമായിട്ട് ആണ് ഒരാൾ ‘ അനു ‘ എന്ന് വിളിക്കുന്നതെന്ന്.. അവൾ ഓർത്തു.. അവളുടെ ഉള്ളിലെ പെണ്മയെ ഉണർത്താൻ മാത്രം ശക്തി അതിനുണ്ടായിരുന്നു..
” എടോ.. താൻ പൊയ്ക്കോ.. ഇവിടെ ഇരുന്നാൽ ശരിയാവില്ല..!! ”
അവൻ അനഘയെ പറഞ്ഞു വിടാൻ ശ്രെമിച്ചു.
അവന്റെ സംസാരത്തിൽ എന്തോ ഒളിക്കുന്നത്
പോലെ തോന്നിയത് കൊണ്ട് ആകാം അവൾ അവന് നേരെ തിരിഞ്ഞ് ഇരുന്നു..
” ജീവാ.. ഞാൻ..! ഞാൻ ഒരു കാര്യം ചോദിച്ചാൽ സത്യം പറയുമോ ? ”
” താൻ ചോദിക്ക്.. പറയണോ വേണ്ടേ എന്ന് ആലോചിക്കാം ”
” അത്.. ജീവക്ക്.. എപ്പോഴെങ്കിലും എന്നോട് അങ്ങനെ വല്ലതും തോന്നിയിട്ടുണ്ടോ ?? ”
അവൾ വിക്കി വിക്കിയാണ് അവനോട് ചോദിച്ചത്.
മദ്യത്തിന്റെ ലഹരി ഉള്ളിലേക്ക് ഇറങ്ങിയത് ആവാം ആ ചോദ്യം ചോദിക്കാനുള്ള ധൈര്യം അവൾക്ക് വന്നത്.