“” ഇയ്യ് മുറിയിലേക്ക് പൊയ്ക്കോ…… “”
സീനത്ത് അടുക്കള തട്ടിലിരുന്ന ഫോണുമെടുത്ത് മൂസ ഇറങ്ങിയ ബാത് റൂമിലേക്ക് കയറി…
“” എന്താടാ വൈകിയേ………?””
സല്ലു മിണ്ടിയില്ല…
എതിർ വശത്തെ മുറി പൂട്ടിക്കിടന്നിരുന്നു..
അതിലാവും കുട്ടികൾ..
“” ഞാൻ ഹാളിലുണ്ടാവും……’…”
“” മാമാ… “
മൂസ തിരിഞ്ഞതും സല്ലു വിളിച്ചു…
“ എന്താടാ… ….?””
“” നമ്ക്ക് പോവാന്ന്…….”
“” അനക്ക് മാണ്ടേ…: ?””
“” മ്ചും… “
“” പിന്നെന്തിനാ പോത്തേ ഇയ്യ് പോന്നേ… ?””
മൂസ കണ്ണുരുട്ടി…..
വാതിൽ തുറന്ന് സീനത്ത് ഇറങ്ങി……
അവൾ സല്ലുവിന് അടുത്തേക്ക് വന്നതും പുറത്തു നിന്ന് പടക്കം പൊട്ടുന്ന പോലെ ഒരു ശബ്ദം കേട്ടു……
ഉത്സവങ്ങളൊക്കെ ഏതാണ്ട് കഴിഞ്ഞതാണല്ലോ എന്നോർത്ത് മൂസ തിരിഞ്ഞതും മുൻ വശത്തെ പ്ലൈവുഡ് ഡോർ ഇളകി തുടങ്ങി……
“” സീനത്തേ …… വാതിലു തൊറ… “
പുറത്തു നിന്ന് പുരുഷ സ്വരം കേട്ടു …
മൂന്നു പേരും മുഖത്തോടു മുഖം നോക്കി…
പെനാൽട്ടി……….!
സീനത്ത് പെട്ടെന്ന് ഇരുവരെയും തള്ളി കുട്ടികൾ കിടക്കുന്ന മുറിയിലാക്കി..
അവൾ ചെന്ന് വാതിൽ തുറന്നു..
സദാചാരപ്പോലീസായിരുന്നു…
“ അന്റടുത്ത് വന്നോരെവിടെ………? “
ചോദിച്ചു കൊണ്ട് രണ്ടു പേർ അകത്തേക്ക് കയറി……
“” ഈടെയാരും വന്നില്ല… “
കോട്ടു വായിട്ട് സീനത്ത് പറഞ്ഞു……
“” ഇയ്യ് ചുമ്മാ കളിയെറക്കല്ലേ… …. കുടുംബമായിട്ട് എല്ലാരും കഴിയണ സ്ഥലാ ഇത്…….?:
“” എന്നാ നീ കണ്ടുപിടിക്ക്… …. “
അവൾ ദേഷ്യപ്പെട്ടു……
ഒരാൾ കുട്ടികൾ കിടക്കുന്ന മുറിയുടെ വാതിൽക്കലേക്ക് പോയി…
“” അതില് മക്കളാ…: “
അവൾ വിളിച്ചു പറഞ്ഞു…
“ തൊറന്ന് നോക്ക് തമിയേ…”
മറ്റവൻ വിളിച്ചു പറഞ്ഞു……
ആദ്യം പോയവൻ വാതിൽ തുറന്നതും രണ്ടാമത്തെയാൾ അകത്തേക്ക് കയറി…
ആദ്യം മൂസ ഇറങ്ങി…….
പിന്നാലെ സല്ലുവും…
“” അന്റെ പാതിരാത്രിക്കച്ചോടം ഞാൻ പൂട്ടിച്ചു തരാടീ പുലയാട്ച്യേ……….””
തമി സീനത്തിനു നേരെ തിരിഞ്ഞു..
രണ്ടു പേരുടെയും കഴുത്തിന് തള്ളി വന്നവർ പുറത്തേക്ക് കൊണ്ടുപോയി……
“” എന്നും വയലില് വണ്ടി കിടക്കണത് ആരും കാണില്ലാന്ന് കരുതിയോ…? “”
മൂന്നുപേർ കൂടി പുറത്തുണ്ടായിരുന്നു…
മുറ്റത്തെത്തിയതും സല്ലു ഇരുട്ടിലേക്ക് ഒരോട്ടം വെച്ചു കൊടുത്തു…
“” പിടിയടാ അവനെ… ….”
സല്ലുവിന്റെ പിന്നാലെ രണ്ടു പേർ ഓടി…
പിന്നാലെ ഓടാൻ തുനിഞ്ഞ മൂസയെ രണ്ടു വശത്തു നിന്ന് രണ്ടു പേർ കൂടി പിടിച്ചു വെച്ചു…
“ അങ്ങനങ്ങ്‌ പോകാൻ വരട്ടെ…”
വാഴത്തോട്ടത്തിലെത്തിയപ്പോൾ സല്ലുവിനെ പിടിച്ചു വെച്ച് പിന്നാലെ ഓടിയവർ നിന്നിരുന്നു…
“” പറ്റിയ മാമനും മൈമോനും..””
തമി മൂസയുടെ ഷർട്ടിൽ കുത്തിപ്പിടിച്ചു…
മൂസ അവന്റെ കൈ തട്ടിയെറിഞ്ഞ് ഒരെണ്ണം കൊടുത്തു…
“ സാധനം പൊങ്ങുന്നവൻ പണിക്കിറങ്ങുമെടാ…… “
നിമിഷം കൊണ്ട് അത് കൂട്ടയടിയായി…
നാലഞ്ചെണ്ണം സല്ലുവിനും കിട്ടി…
“ കോടതി ഉത്തരവുണ്ടെടാ പട്ടീ… “
തല്ല് വാങ്ങുന്നതിനിടയിൽ മൂസ പറയുന്നുണ്ടായിരുന്നു……
“” അതന്റെ നാട്ടിൽ മതിയെടാ പുല്ലേ… “
അടിയിൽ നിന്ന് മാറി ഒരുത്തൻ ഫോണെടുത്ത് , സീനത്ത് കൊടുക്കാത്ത സകല കഴുവേറികളെയും വിളിക്കുന്നത് മൂസ കാണുന്നുണ്ടായിരുന്നു…
എല്ലാം പാളി……….
അവരെ തല്ലി രക്ഷപ്പെടാമെന്നുള്ള മൂസയുടെ അത്യാഗ്രഹം അസ്തമിച്ചു…
സല്ലുവിനെ ഓർത്തായിരുന്നു അവന്റെ പേടി……
ഇടയ്ക്ക് സല്ലുവിന്റെ കരച്ചിലും കേൾക്കുന്നുണ്ടായിരുന്നു……
ആളുകൾ കൂടിത്തുടങ്ങി …
മോഷണമാണെന്ന് കരുതി അതിനിടയിൽ ആരോ പൊലീസിനെക്കൂടി വിളിച്ചതോടെ സംഗതി കളറായി…
നേരം വെളുത്തു തുടങ്ങി…
“” എന്താടാ പ്രശ്നം……?””
എസ്. ഐ വിഷ്ണുനാഥ് അവർക്കടുത്തേക്ക് വന്ന് ഒച്ചയെടുത്തു……
“” ഇവര് മാമനും മരുമോനുമാ…………’…”
തമി പറഞ്ഞു…
“” അതാണോടാ പ്രശ്നം…… ?”
ചോരയൊലിപ്പിച്ചു നിൽക്കുന്ന മൂസയേയും സല്ലുവിനേയും എസ്.ഐ നോക്കി…
“” ആരാടാ നിങ്ങളെ തല്ലിയത്……….?””
മൂസ തന്റെ മുന്നിൽ , വായുവിലൊരു “”റ””
വരച്ച് എല്ലാവരുമാണെന്ന് പറഞ്ഞു…
അപ്പോഴേക്കും കുറച്ചാളുകൾ പിന്തിരിയാൻ തുടങ്ങി……
“” നീയാണോടാ ഗുണ്ട…? “”
എസ്. ഐ തമിക്കു നേരെ തിരിഞ്ഞു…
“ ഞാനല്ല സാറേ… …. “
“ അവൻ തന്നെയാ സാറേ ഗുണ്ട…””
മൂസ വിളിച്ചു പറഞ്ഞു……
“ ചുമ്മാതാ സാറേ… “
“” അല്ല സാറേ… …. കഴിഞ്ഞ ടൂർണ്ണമെന്റിൽ അവന്റെ ടീമിനെ രണ്ടു ഗോളിന് തോപ്പിച്ചപ്പ തൊട്ട് എന്നോടു കലിപ്പാ സാറേ… …. “
ചന്നം പിന്നം “” സാർ”” വിളി കേട്ടതും രണ്ടു പേരും കൂടി തനിക്കിട്ട് പണിയുകയാണോന്ന് ചിന്തിച്ച് എസ്. ഐ തിരിഞ്ഞു…
ആ നിമിഷം അബ്ദുറഹ്മാൻ സ്ഥലത്തെത്തി…
അയാളെ കണ്ടതും മൂസയുടെ മുഖമൊന്നു തെളിഞ്ഞു……
തന്റെ പൗത്രന്റെ മുഖം കണ്ടതും അബ്ദുറഹ്മാന്റെ മനസ്സൊന്നിടിഞ്ഞു……
അയാൾ എസ്. ഐ വിഷ്ണുനാഥിനരികിലേക്ക് വന്നു…
ഖദറും വെള്ളമുണ്ടും കണ്ടതും എസ്.ഐ ജാഗരൂകനായി……
“” ഈ നിൽക്കുന്ന കോലത്തിൽ തന്നെ എനിക്കെന്റെ കൊച്ചു മകനെ വേണം…… അതിന് സാറിനെന്താ വേണ്ടതെന്ന് പറഞ്ഞാൽ മതി……””
ശബ്ദമടക്കി അബ്ദുറഹ്മാൻ പറഞ്ഞു……
“” സംഗതി മറ്റേക്കേസാ… എനിക്കു വന്ന കോളിൽ, പിടിച്ചു കെട്ടിക്കാനാ പറഞ്ഞത്.. കാലം കൊറേയായി തുടങ്ങിയിട്ടെന്ന്…….”
എസ്. ഐ പറഞ്ഞത് മൂസ കേട്ടു..
“” എനിക്ക് വാക്ക് ഒന്നേയുള്ളൂ… ഞാനതാ , ആ കാറിൽ കാണും… “
പറഞ്ഞിട്ട് അബ്ദുറഹ്മാൻ തിരിഞ്ഞു..
എസ്. ഐ ആലോചനയോടെ ജനക്കൂട്ടത്തെ നോക്കി…
“” സല്ലൂ……..””
എസ്.ഐ യുടെ ശ്രദ്ധ തിരിഞ്ഞതും മൂസ അനന്തിരവനെ വിളിച്ചു……
സല്ലു പതിയെ മുഖമുയർത്തി…
“” ഇനി ഓള് നിന്റെ അമ്മായിയാ ട്ടോ… “
അപകടം മണത്ത മൂസ ദീനതയോടെ പറഞ്ഞു…
“ ആരാടാ ഈ ചെക്കന്റെ മേൽ കൈ വെച്ചത്………? “”
എസ്. ഐ യുടെ സ്വരം കേട്ട് എല്ലാവരും ഒന്ന് നടുങ്ങി…
“ പറഞ്ഞോണം… അല്ലെങ്കിൽ എല്ലാത്തിന്റെയും പേരിൽ ഞാൻ കേസെടുക്കും…… പ്രായപൂർത്തിയാകാത്ത ചെക്കനാ… “
അതു കേട്ടതും സല്ലു മുഖമുയർത്തി എസ്. ഐ യെ നോക്കി…
മൂസ വാ പൊളിച്ചു…
എസ്. ഐ മറ്റാരും കാണാതെ സല്ലുവിനെ നോക്കി കണ്ണിറുക്കി…
ജനങ്ങൾ പതിയെ വലിഞ്ഞു തുടങ്ങി..
തമിയും മറ്റുള്ളവരും മാത്രമായി എസ്. ഐ യുടെ മുൻപിൽ ..
എസ്. ഐ കോൺസ്റ്റബിളിനെ കയ്യാട്ടി വിളിച്ചു……
“” എഴുതിയെടുക്കടോ എല്ലാത്തിന്റെയും പേരും അഡ്രസ്സും… “
എല്ലാവരും നിന്ന് പരുങ്ങി…
“” ആരെങ്കിലും ഓയിൽ ചേഞ്ചിനിറങ്ങിയാൽ അപ്പോഴിറങ്ങിക്കോളും കുറേ സദാചാരക്കാര്… പിന്നെ ഞങ്ങളൊക്കെ എന്നാത്തിനാടോ………?””
“” അതെന്നാ സാറ് ഓയിൽ മാറ്റി തരുമോ………. ? “”
തമി മനസ്സിലാണത് ചോദിച്ചത്…
പത്തു മിനിറ്റു കൊണ്ട് സംഭവം ക്ലിയറായി…
“” ചെക്കനെ ഒന്ന് ചെക്കപ്പ് നടത്തട്ടെ.. എന്നിട്ടു ഞാൻ എല്ലാത്തിനേയും വിളിക്കാം… “
എസ്. ഐ ഭീഷണിയുടെ സ്വരത്തിൽ പറഞ്ഞു…
“” ഫോൺ നമ്പർ ഇല്ലേ എല്ലാവന്റെയും……….?””
എസ്. ഐ കോൺസ്റ്റബിളിനെ നോക്കി……
