“നാരങ്ങാവെള്ളമോ….?
എന്റെ മുഖത്തെ കള്ളലക്ഷണം കണ്ടാണെന്ന് തോന്നുന്നു അയാളൊന്ന് കൂടെ കുത്തി ചോദിച്ചു….
“ന… നാരങ്ങാ വെള്ളമല്ല…. നറുനെല്ലി….. ഓമനയുടെ നറുനെല്ലി…!!!
തപ്പിപെറുക്കി ഞാൻ ചോദിച്ചു… പക്ഷെ അയാളത് വിശ്വസിച്ച മട്ടില്ല… ഊരി പിടിച്ച കണ്ണടയുടെ കാൽ പല്ലിനിടയിൽ കുത്തികൊണ്ടയാൾ ആലോചനയിലാണ്…..
ഇങ്ങേരു പിടിച്ചു പുറത്താക്കും മുൻപ് രക്ഷപെടുന്നതാണ് ബുദ്ധിയെന്ന് തോന്നിയ ഞാൻ മെല്ലെ മെല്ലെ ചുറ്റിനുമൊന്ന് നോക്കി തിരിഞ്ഞു നടക്കാൻ തുടങ്ങി
“ആ അറ്റത്തെ ഷെൽഫിൽ ഒന്ന് തപ്പി നോക്ക്… ചിലപ്പോ കിട്ടും ഓമനയെ….”
അയാളെന്തോ ഓർത്തത് പോലെ പറഞ്ഞു…
“ഏഹ്….?
പറഞ്ഞത് വ്യക്തമാവാതെ ഞാനയാളെ നോക്കി… പക്ഷെ മൈരൻ വീണ്ടും വായിച്ചോണ്ടിരുന്ന ബുക്കിലേക്ക് കമിഴ്ന്നു കിടക്കുവാണ്…. ആ തക്കം നോക്കി ഞാൻ അകത്തേക്ക് കയറി….അലമാര കണക്കെ ഒരു പത്തു മുപ്പതു ഷെൽഫുകളുണ്ട്…. ഓരോന്നിന്റെയും ഇടയിലൂടെ തലയിട്ട് തപ്പി തപ്പി നമ്മടെ സാറ് പറഞ്ഞ ഓമനയുടെ ഷെൽഫിൽ എത്തിയതും പടക്കം പൊട്ടുന്നത് പോലൊരടി എന്റെ പുറത്തു വീണു…
“ഏത് മൈ….!
വായിൽ വന്ന തെറിയെ ഒന്ന് ബൂസ്റ്റ്‌ ചെയ്തു കൊണ്ടുഞാൻ തിരിഞ്ഞു… അതേണ്ടേ നിക്കുന്നു മഹാഭാരതവും പിടിച്ചുകൊണ്ട് ചാരു….. അല്ല മഹാഭാരതമല്ല… വേറെയെതോ കട്ടി കൂടിയ ബുക്ക്‌ ആണ്….
കണ്ണ് തുറിപ്പിച്ചാണ് നിൽപ്പ്….. അതുകൊണ്ട് തന്നെ പറയാൻ വന്ന തെറിയെ തൊണ്ടക്കുഴിയിൽ വച്ചു തന്നെ ഞാൻ നിർവീര്യമാക്കി…..
“ആഹ് ചാരു.. അല്ല മിസ്സ്‌ എന്താ ഇവിടെ…?
അവളെക്കണ്ട അത്ഭുതം മാറ്റിവെച്ചു ഞാൻ ചോദിച്ചു….
“ഓമനയുടെ നാരങ്ങാവെള്ളം കുടിക്കാൻ കേറിയതാ….!
ഒരാക്കി പറച്ചിലൂടെ അവൾ പറഞ്ഞു.. പക്ഷെ മുഖത്താ ചിരിയില്ല… പകരം കലിപ്പായത് പോലാണ് എനിക്ക് തോന്നിയത്… ഞാൻ വന്ന സമയം ശെരിയല്ലെന്നു തോന്നുന്നു….
“കേട്ടല്ലേ….?
തലചൊറിഞ്ഞു കൊണ്ടവളോട് ചോദിച്ചു… ഏഹേ…. ചിരിയില്ല…… ചിരിക്കാത്ത മുഖമുള്ള ചാരുവിനോട് എനിക്ക് പേടിയാണ്…… അതന്നും ഇന്നും…..
“നിനക്കിപ്പോ ക്ലാസ്സില്ലേ… അതോ വന്ന ദിവസം തന്നെ ഉഴപ്പാനാണോ ഭാവം…!
ശബ്ദത്തിലൊട്ടും തന്നെ മയമില്ലാതെയവൾ ചോദിച്ചു…. എനിക്കാണേൽ വരേണ്ടായിരുന്നു എന്ന് വരെ തോന്നിപ്പോയി… മര്യാദക്കാ പെണ്ണിന് കയ്യും കൊടുത്തു നാട്ടുവിശേഷവും പറഞ്ഞിരുന്നാൽ മതിയാരുന്നു……
പാകിസ്ഥാന്റെ കമ്പി വേലിയിൽ നിക്കറിന്റ വള്ളികുടുങ്ങിയ പോലെയിരുന്നു ഞെരിപിരി കൊള്ളുന്ന എന്നെക്കണ്ടവൾ വീണ്ടും ചോദ്യങ്ങളുടെയൊരു പേമാരി തന്നെ പെയ്യിച്ചു….. ഒടുക്കം മിണ്ടാതിരിക്കുന്ന എന്നെ കണ്ടവൾക്ക് വീണ്ടും ദേഷ്യം കൂടിയത് പോലെ…… എന്നോട് ഓരോന്ന് ചോദിക്കുമ്പോളും കയ്യിൽ പിടിച്ചിരുന്ന ബുക്കിൽ വിരലുകളമർന്നു ചുളുങ്ങുന്നത് ഞാനറിയുന്നുണ്ടായിരുന്നു…..
“ഞാൻ ചോദിച്ചതൊന്നും നീ കേൾക്കുന്നില്ലേ…. ആദി….”
അവസാനത്തെയാ വിളിയുടെ ശബ്ദം കൂടിയതും ഞാനൊന്ന് പേടിച്ചു പിറകിലേക്ക് മാറി… ഒരു മുൻകരുതൽ എന്നവണ്ണം… വേറൊന്നുമല്ല ദേഷ്യം കേറി ടെമ്പറു പൊട്ടിയാൽ ചിലപ്പോളവൾ കയ്യിൽ പിടിച്ചിരുന്ന ബൈബിളു പോലുള്ള ബുക്ക്‌ കൊണ്ടെന്റെ തലക്കടിക്കുമെന്ന് വരെ തോന്നി……
പെട്ടെന്നൊരുപായം തോന്നിയത് പോലെ ഞാൻ വേഗം അരയിൽ നിന്നുമാ ഫോട്ടോ എടുത്തവൾക്ക് നീട്ടി…. പത്രക്കടലാസ്സിൽ പൊതിഞ്ഞയാ സാധനം കണ്ടതും അവളൊരു സംശയ ഭാവത്തോടെ കൈ നീട്ടിയത് വാങ്ങി.. പിന്നെ കയ്യിൽ പിടിച്ചിരുന്ന ബുക്കെടുത്തു അടുത്തുള്ള ഷെൽഫിൽ വച്ചിട്ട് ഞാൻ കൊടുത്ത പൊതി മാറ്റി നോക്കാൻ തുടങ്ങി…. അവൾക്ക് മുൻപിലാദ്യം കണ്ടത് ഫ്രെയിം ചെയ്ത ഫോട്ടോയുടെ പിറകുവശമാണ്…. അവിടെയായുള്ള ആണിയിൽ തൂക്കാനുള്ള തുള കണ്ടതും അവളെന്നെയൊന്ന് നോക്കി….. പുരികം വില്ല് പോലെ വളച്ചുകൊണ്ടുള്ള നോട്ടം….. അത് കണ്ടെനിക്കൊരു പേരറിയാത്തൊരു വികാരം തോന്നി…. പേര് അറിയില്ല… പക്ഷെ മേലാകെ ഒരു കോരി തരിപ്പ്….. അത് ആകാംഷ കൊണ്ടാണ്… അവളാ ചിത്രം കണ്ടു കഴിയുമ്പോ എന്ത് പറയുമെന്നാലോചിച്ചിട്ട്……
മെല്ലെയവളൊരു സംശയത്തോടെ തന്നെ ഫോട്ടോ തിരിച്ചു നോക്കാൻ തുടങ്ങി… അതിനിടയിൽ കൂടെയെന്നെ തുറുപ്പിച്ചു നോക്കാനും മറന്നില്ല……. ഞാനെങ്ങാനും ഇനിയവളുടെ ശ്രദ്ധതെറ്റിയാൽ ഇറങ്ങിയോടി കളയുമോ എന്ന ഭാവമാണ്……
പക്ഷെ നല്ല ഭംഗിയായി കളർ ചെയ്തയാ ഫോട്ടോ കണ്ടതും അവളുടെ കണ്ണുകൾ വിടർന്നു…. ഒരു 110 ന്റെ ബൾബ് കത്തിയത് പോലൊരു തെളിച്ചത്തോടെ എന്നെയൊന്നു നോക്കി…. ഞാനാകട്ടെ ഇതൊക്കെയെന്ത് എന്ന മട്ടിൽ അവളെയൊന്നു നോക്കി ചിരിച്ചു കാണിച്ചു…..
“ഞാൻ ഇത് തരാൻ വേണ്ടി വന്നതാ…. പുറത്തൂന്ന് വല്ലോം തന്നാൽ വേറാർക്കേലും സംശയം തോന്നിയാലോ…”
എന്റെ ഓമനയുടെ നാരങ്ങാവെള്ളത്തിൽ നിന്നവളുടെ പിടി വിടിയിപ്പിക്കാൻ വേണ്ടി ആണ് ഞാനങ്ങനെ പറഞ്ഞത്…. അല്ലെങ്കിൽ അടുത്ത ബെല്ലടിയും വരെ ഞാനീ നിൽപ്പ് നിന്നവളുടെ കൊടുങ്ങല്ലൂർ ഭരണിപ്പാട്ട് കേൾക്കേണ്ടി വന്നേനെ…. ഏതായാലും സംഭവം ഏറ്റിട്ടുണ്ട്….
“കൊള്ളാവോ….?
ഞാൻ ഒരല്പം അവളുടെ മുൻപിലേക്ക് കേറി നിന്നുകൊണ്ട് ചോദിച്ചു… എങ്ങാനും സന്തോഷം മൂത്തെന്നെ കേറി കെട്ടിപ്പിടിക്കാൻ തോന്നിയാലോ അവൾക്ക്…… ഒത്താലൊരുമ്മയും വാങ്ങണം……. അവളുടെ മുഖത്തേക്ക് തന്നെ നോക്കിക്കൊണ്ടാണ് ഞാനീ കണക്കുകൂട്ടലുകൾ മൊത്തം നടത്തുന്നത്…. പക്ഷെ എനിക്ക് തെറ്റി… ഇത് ചാരുവാണ്…… എനിക്കൊട്ടും അവളുടെ രീതികൾ പരിചയമായിട്ടില്ലല്ലോ….. പിന്നീടെപ്പോളോ ആണ് ഞാനറിഞ്ഞത് എന്റെ മുൻപിൽ നാണിച്ചു മുഖം താഴ്ത്തി നിൽക്കുന്ന ചാരുവും… ഉത്തരവാദിത്തബോധം അതിന്റെ നെറുകയിൽ കയറി നിൽക്കുന്ന ചാരുലത ടീച്ചറും…. രണ്ടും രണ്ടാണെന്ന്……..ഇടക്കിടെ ഞാൻ പറയില്ലേ അവൾക്ക് ബാധ കയറുമെന്ന്… അത് ഉള്ളതാണ്… ടീച്ചറുടെ ബാധ കയറിയാൽ അവിടെ ഞാനെന്നല്ല അവളുടെ തന്തപ്പുടി വന്നു നിന്നാൽ പോലും എന്റെ ടീച്ചർക്ക് എല്ലാം ഒരുപോലാണ്…… അത് മനസിലായി തുടങ്ങിയത് എനിക്കിവിടെ നിന്നാണ്… ഈ ഷെൽഫിനിടയിൽ നിന്ന്… സന്തോഷം കൊണ്ടെന്നെ കേറി കെട്ടിപിടിച്ചു കളയുമെന്ന സ്വപ്നവും കണ്ടു ഷാരുഖ് ഖാൻ കൈ വിടർത്തി വച്ചത് പോലെ അവളെ എന്നിലേക്ക് അണച്ചു പിടിക്കാൻ കൊതികേറി നിന്നയെന്റെ കൈ പിടിച്ചു തിരിച്ചു കൊണ്ടായിരുന്നു അവളുടെ അടുത്ത ഡയലോഗ്…..
“പഠിക്കാൻ വന്നാൽ പഠിച്ചിട്ട് പോണം… അല്ലാണ്ട് വേഷം കെട്ടിറക്കാൻ നിൽകുവോ… ഏഹ്…. പറയെടാ…..!!!!!!
“അആഹ്….. വിടെടി വിടെടി…. പ്ലീസ് നല്ല വേദനയാ…. ആഹ് ടീച്ചറെ പ്ലീസ്…. പിടി വിട് മിസ്സേ… ഔ…..”””””””””