എന്റെ ചെവി പിടിച്ചു പൊന്നാക്കി കൊണ്ടായിരുന്നവളുടെ അടുത്ത സ്നേഹ പ്രകടനം………… നിലവിളിച്ചു പറഞ്ഞിട്ടും അവളൊരു തരി പോലും പിടി വിട്ടില്ലെന്ന് മാത്രമല്ല…ചെവി പിടിച്ചു രണ്ടു തിരി കൂടി തിരിച്ചാണ് അവളൊന്നു അടങ്ങിയത്…. പുല്ല്…. ഇങ്ങോട്ട് വരണ്ടായിരുന്നു…. ആകെപ്പാടെ എനിക്ക് ദേഷ്യം വരാൻ തുടങ്ങി….. ഇവിടെ വച്ചാണെൽ ഒന്നും തിരിച്ചു പറയാനും പറ്റില്ല…. പല്ലു രണ്ടും കൂടിപിടിച്ചു ഞാനവളെയൊന്ന് നോക്കി…. അവിടെയും നോട്ടത്തിന് വല്യ മാറ്റമൊന്നുമില്ല….. പക്ഷെ എന്റെ നിൽക്കും ഭാവവും കണ്ടിട്ടാണെന്ന് തോന്നുന്നു ആളൊരല്പം ശാന്തമായി….
“ആദി… നീ ഇവിടെ വന്നത് പഠിക്കാൻ ആണ്… അതിനായിരിക്കണം ആദ്യം ഇമ്പോര്ടന്റ്റ്‌സ് കൊടുക്കാൻ…. ബാക്കിയൊക്കെ പിന്നെ…. നിന്നോടന്നിത് പറയണമെന്ന് കരുതിയതാ പിന്നെ ഞാനത് മറന്നു…. ഞാൻ പറയുന്നതൊക്കെ മനസിലാവുന്നുണ്ടോ നിനക്ക്…”
അവളെന്നെ ഓരോന്ന് പറഞ്ഞു മനസിലാക്കാൻ ശ്രമിക്കുകയാണ്… പക്ഷെ ദേഷ്യം കേറി നിന്ന എന്റെ തലയിലിത് വല്ലോം കേറുവോ…. അപ്പൊ നിങ്ങള് കരുതും ഞാനവളുടെ തന്തക്കും വിളിച്ചിട്ടിറങ്ങി പോരുമെന്ന്… പക്ഷെ തെറ്റി മക്കളെ….. ആരുടെയൊക്കെയോ ഭാഗ്യം കൊണ്ടാണെന്നു തോന്നുന്നു ജന്മനാ എനിക്ക് ഈ ദേഷ്യത്തെ അതിന്റെ മാക്സിമം വരെ പിടിച്ചു നിർത്താൻ സാധിക്കുമായിരുന്നു…… അതുകൊണ്ട് എപ്പോഴും ഗുണമൊന്നും ഉണ്ടാവാറില്ലെങ്കിലും ഇതുപോലെത്തെ ചില സന്ദർഭങ്ങളിൽ എനിക്കതൊരു നല്ലകാര്യമായി തോന്നാറുണ്ട്… പിന്നെ അവള് പറയുന്നതിൽ തെറ്റായിട്ടൊന്നും തന്നെയില്ല….. ആ ഒരു ബോധം എവ്‌ടെയൊക്കെയോ ഉള്ളത് കൊണ്ടും ഞാൻ മിണ്ടാതെ നിന്നു… അപ്പൊ നിങ്ങള് കരുതും ഞാനെന്തൊരു തോൽവി ആണെന്ന്….. ഒരു പെണ്ണ് ചെവി പിടിച്ചു കുങ്കുമകളറാക്കി വിട്ടിട്ടും മിണ്ടാതെ നിൽക്കാൻ വേറൊരു കാരണമുണ്ട്…. ചാരു എന്റെ ടീച്ചർ ആണ്.. അതിവിടെ കോളേജിൽ മാത്രം… വെളിയിൽ വച്ചവളെയും അവളുടെ ചെവിയെയും എനിക്ക് സുഗമായി കയ്യിൽ കിട്ടുമെന്ന നല്ല പ്രതീക്ഷയുമുണ്ട്… പിന്നെ ഞാനെന്തിനിപ്പോ ഓവർ റിയാക്ട് ചെയ്തു സീൻ കൊളമാക്കണം…….
“കയ്യിൽ കിട്ടുമെടി നിന്നെ…”
ശബ്ദം തീരെ താഴ്ത്തി പിറുപിറുത്തു കൊണ്ടിരുന്ന എന്നെയവൾ വീണ്ടും സംശയത്തോടെ നോക്കി..
“ഞാൻ പറഞ്ഞതൊക്കെ നിനക്ക് മനസ്സിലായോ ആദി….?
അവൾ കയ്യിൽ പിടിച്ചിരുന്ന ഫോട്ടോയിലേക്ക് നോകിയൊന്ന് ചിരിച്ചുകൊണ്ട് ചോദിച്ചു… പക്ഷെ ഞാനൊന്നും പറഞ്ഞില്ല
“എന്റെ ആദി നീയിങ്ങ്നെ പിള്ളേരെ പോലെ മുഖം വീർപ്പിച്ചു നിക്കല്ലേടാ….. നീയൊന്ന് ആലോചിച്ചു നോക്കിക്കേ… നമുക്കൊരുമിച്ചൊരു ജീവിതം വേണ്ടേട…. അങ്ങനെ ഒകെ ആവണേൽ നമ്മുടെ രണ്ടു പേരുടെയും വീട്ടുകാർ സമ്മതിക്കണ്ടേ…. അപ്പൊ നിനക്ക് അവരോടു പറയാൻ പേരിനെങ്കിലും ഒരു ജോലി വേണ്ടേ….”
കൊച്ചു പിള്ളേരെ പറഞ്ഞു പഠിപ്പിക്കും പോലവൾ വരാനിരിക്കുന്ന ഞങ്ങളുടെ ഭാവി എന്നോട് പറഞ്ഞു…. കേൾക്കുമ്പോ ഒരു ചിരിയൊക്കെ വരുന്നുണ്ട്….. പക്ഷെ ലാസ്റ്റ് പറഞ്ഞയാ ഡയലോഗ് എനിക്കങ്ങു ഇഷ്ടപ്പെട്ടു….
“പേരിനു മാത്രം ജോലി മതിയോ….?
പൊതുവെ ഉള്ളെയെന്റെ വെടക്ക് ചിരിയുമായി ഞാനവളെ നോക്കി…. ഈ ചിരി പിന്നൊരു പകർച്ചവ്യാദി പോലെയാണ്… അടുത്തു നിൽക്കുന്നവനും പകരും….
അതേ ചിരിയോടെ തന്നെ ചാരുവും എന്നെ നോക്കി…. ദേഷ്യമൊക്കെ മാറിയിട്ടുണ്ട്…. ബാധ ഒഴിഞ്ഞെന്നു തോന്നുന്നു….
“നിന്റെ കൈകൊണ്ടൊരു താലിചരട് കഴുത്തിൽ വീഴുന്നത് വരെ മാത്രം മതിയാവും…. ബാക്കിയൊക്കെ ഞാൻ നോക്കിക്കോളാം….”
“നോക്കിക്കോളാമെന്ന് പറഞ്ഞാൽ….?
“എടാ പൊട്ടാ… നിന്റെ വീട്ടിൽ നീ പഠിച്ചൊരു ജോലി ഉണ്ടാക്കിയിട്ട് വേണോ അടുപ്പ് പുകയാൻ….?
പെട്ടെന്നായിരുന്നു അവളുടെയാ ചോദ്യം….
“വേണ്ട…. പക്ഷെ ജോലിക്കൊന്നും പോയില്ലേൽ അച്ഛന്റെ കൂടെ ബിസിനസ്സിൽ ശ്രദ്ധിക്കേണ്ടി വരും….”
ഞാൻ കൊറച്ചു നേരത്തെ ആലോചനക്ക് ശേഷം പറഞ്ഞു…
“എടാ സ്വന്തം തന്നെ അല്ലേ അതൊക്കെ… പിന്നെ എനിക്കും ജോലിയുണ്ട്…. അപ്പൊപ്പിന്നെ പണിക്ക് പോവാത്ത കെട്ടിയോന് ചിലവിന് കൊടുക്കാൻ വല്യ ബുദ്ധിമുട്ടില്ല….”
“ശോ… നീയിത്രയുമൊക്കെ ആലോചിച്ചോ ചാരുവേ….. നമ്മള് കൊറച്ചു കൂടെ മുൻപേ കാണേണ്ടവർ ആയിരുന്നല്ലേ…”
അവളുടെ കയ്യിൽ കയറി പിടിച്ചുകൊണ്ട് ഞാൻ ചോദിച്ചു… ഉദ്ദേശം മറ്റൊന്ന…. നല്ല മണമാ പെണ്ണിന്…. കൊറച്ചു നേരം ചേർന്നു നിന്ന മണവും ആസ്വദിച്ചാ എഫക്റ്റിൽ പോയി ക്ലാസ്സിൽ കേറാനാണ് പ്ലാൻ….
“അച്ചോടാ… ആദ്യം നീയൊന്ന് വിരിയട്ടെ… എന്നിട്ട് നമുക്ക് പറക്കാംട്ടോ…. പോയി ക്ലാസ്സിൽ കേറെടാ… അവൻ കൊഞ്ചാൻ വന്നേക്കുന്നു….!!!!
ചന്തി ചൂടാക്കും പോലൊരടിയും തന്നവളെന്നെ ഓടിച്ചു… ഇനിയും വാങ്ങി കൂട്ടാൻ മെനക്കെടാതെ ഞാൻ തിരിഞ്ഞു പോലും നോക്കാതെ ഓടി……. രണ്ടടി കിട്ടിയാലെന്താ കൊറച്ചു നേരം സൊള്ളാൻ പറ്റിയല്ലോ….. എന്റെ ഡിപ്പാർട്ട്മെന്റിലേക്ക് നടക്കുമ്പോളാണ് പോക്കറ്റിൽ കിടന്ന ഫോണൊന്ന് വൈബ്രേറ്റ് ചെയ്തത്…. ക്ലാസ്സിൽ കേറുന്നതിന് മുൻപേ ഞാനത് സൈലന്റ് ആക്കിയതാണ്…
ഫോണെടുത്തു നോക്കിയപ്പോ കണ്ടത് ചാരുവിന്റെയൊരു വാട്സ്ആപ്പ് മെസ്സേജ് ആണ്… എന്താണതെന്നറിയാൻ വേണ്ടി ഞാനത് ഓപ്പൺ ചെയ്തു…..
ചാരു : Your gift was not just a present; it was a presence…. Love you
അവളയച്ച മെസ്സേജ് വായിച്ചതും എനിക്കെന്തോ പറഞ്ഞറിയിക്കാൻ പറ്റാത്തത്ര സന്തോഷം വരുന്നത് പോലെ…… അതിന്റെ ബാക്കിയായി ചുണ്ടിൽ മൊട്ടിട്ട വെകിട ചിരിയുമായാണ് ഞാൻ ക്ലാസ്സിലേക്ക് കയറിയത്….. പിള്ളേര് കൊറച്ചു പേരൊക്കെ എന്റെയീ പൊട്ടൻ ചിരി കാണുന്നുണ്ട്… പക്ഷെ എനിക്കെന്തോ അവിടെനിന്നൊരു പൂന്തോട്ടത്തിൽ എത്തിയ എഫ്ഫക്റ്റ് ആണ് തോന്നുന്നത്….
“എന്നാ മൈര നീ പൊട്ടൻ പൂറു കണ്ടത് പോലിരുന്നു ചിരിക്കുന്നെ…ഏഹ്…!!
എന്റെയീ കളിയൊന്നും ഇഷ്ടപ്പെടാതിരുന്ന അജയൻ പിറുപിറുത്തു… പക്ഷെ ഞാനൊന്നും തിരിച്ചു പറഞ്ഞില്ലാട്ടോ… അല്ലേലും വളച്ച പെണ്ണുങ്ങളെയെല്ലാം ഈരണ്ടു മാസം കൂടുമ്പോ വെള്ളം പോലും ചേർക്കാതെ തേച്ചൊട്ടിക്കുന്ന ഇവനൊന്നും ഈ ഫീൽ പറഞ്ഞാൽ കിട്ടില്ല…. അത്രതന്നെ….
“അല്ല നിന്റെ ടീച്ചറെന്തു പറയുന്നു….?
പോയ കാര്യം നടപടിയായോ എന്നറിയാൻ വേണ്ടിയവൻ ചോദിച്ചു… പക്ഷെ ഉത്തരമെന്റെ ചുണ്ടിൽ തന്നെ തെളിഞ്ഞു കാണുന്നത് കൊണ്ടവൻ പിന്നൊന്നും പറഞ്ഞില്ല…
“പിന്നളിയാ അടുത്ത ബെല്ലും കൂടി അടിച്ചാൽ നമുക്ക് വീട്ടിൽ പോകാം…”