അവൻ എനിക്ക് ഒരു പെഗ് ഒഴിച്ചു തന്നു….
“ശെടാ നേരത്തെ ഞാൻ നിന്നോട് ഒന്ന് അടിക്കാൻ പറഞ്ഞപ്പോ നിനക്ക് എന്ത് ഗമ ആയിരുന്നു ഇപ്പൊ എന്ത് പറ്റി അവളെ കണ്ടു കഴിഞ്ഞപ്പോ സ്വഭാവം മാറിയല്ലെ”
ഒരു പരിഹാസത്തോടെ അവനോടു ഞാൻ ചോദിച്ചു…
“അതുപിന്നെ ഓവർ ആയി അടിച്ചു അവളുടെ മുന്നിലു പോയാല് ശരിയാവില്ലടാ അതാ അതു വിട് നീ അടിക്കു എന്നിട്ട് വേണം നമ്മുക്ക് തകർക്കാൻ കുറെ എണ്ണം വന്നിട്ടുണ്ടെടാ അവിടെ ഇന്ന് രാത്രി ഞാൻ ഒന്നിനെ എങ്ങനേലും കേറി പിടിക്കും മോനെ”
അവന്റെ വാക്ക് കേട്ടപ്പോൾ എനിക്ക് ചിരിയാണ് വന്നത്…
വാചകമടി മാത്രമേ ഉള്ളു അവനു സ്നേഹിക്കുന്ന പെണ്ണിനെ വരെ പണിയാത്ത മോനാണ് ഇ ഡയലോഗ് അടിക്കുന്നത്…
എന്തായാലും എനിക്ക് ഇനി വേറെ ആരും വേണ്ടന്റെ കണ്ണാ നിന്റെ പുന്നാര പെങ്ങളു മതി എനിക്ക് അതിലും വലുതൊന്നും എനിക്ക് വേണ്ട മോനെ….
അവനെ നോക്കി ചിരിച്ചു കൊണ്ട് ഞാൻ അതു മനസ്സിൽ പറഞ്ഞു…
“ടാ ടചിങ്സ് ഒന്നുമില്ലേ എന്തേലും നോക്കെടാ തൊണ്ട കത്തുന്നു”
ഒരു പെഗ് അടിച്ചപ്പോ തന്നെ എനിക്ക് അതങ്ങു കേറി പിടിച്ചു…
“ടച്ചിങ്സ് ഒലക്ക വേഗം അടിച്ചിട്ട് നി എഴുന്നേൽക്കാൻ നോക്ക് ആരേലും വരും ഇപ്പൊ ആരേലും കണ്ടാൽ തീർന്നു”
ഒരു മനസാക്ഷി ഇല്ലാതെ അതും പറഞ്ഞുകൊണ്ടവൻ പെഗ് ഒഴിച്ചു മടമട വലിച്ചു കയറ്റി..
“ടാ കണ്ണാ അല്ലടാ നമ്മുടെ വിദ്യേച്ചിയുടെ കല്യാണം ഒന്നും ആയില്ലെടാ”
വെറുതെ അറിയാൻ എന്നോണം ഞാൻ അവനോടു ചോദിച്ചു…
“മ്മ് ബെസ്റ്റ് അവൾക്കു എത്ര ആലോചന വരുന്നുണ്ടെന്നു അറിയുവോ അനൂപേ നിനക്ക് അവളു സമ്മതിക്കാഞ്ഞിട്ടല്ലേ പഠിക്കണം ജോലി വേണം എന്നിട്ടേ കെട്ടുന്നുള്ളു പോലും പിന്നെ ഇപ്പൊ ഒന്നും പറയാൻ പോകാറില്ല ഞങ്ങള് എന്തേലും കാണിക്കട്ടെന്ന് വെച്ച്”
അതും പറഞ്ഞുകൊണ്ടവൻ ഒരു പെഗ് കൂടി ഒഴിച്ചെടുത്തു കുടിച്ചു…
അതു കേട്ടതോടു കൂടി എനിക്ക് ഉള്ളിൽ ഒരു സന്തോഷം തോന്നി എന്തായാലും സമയം ഉണ്ട് സാഹചര്യം ഒത്തു വന്നാൽ ഒന്ന് ട്രൈ ചെയ്തു നോക്കാം…
മനസിൽ വെറുതെ ആശിച്ചു കൊണ്ട് ഞാൻ ഒരു പെഗ് ഒഴിച്ചെടുത്തു കുടിച്ചു…
“അല്ലടാ കണ്ണാ ചേച്ചിക്ക് ഇപ്പൊ എത്ര വയസായി”
വെറുതെ അറിയാൻ എനിക്കൊരു ആശ തോന്നി…
“അവൾക്കോ അവൾക്കു ഇരുപത്തിരണ്ടു നിനക്ക് അറിയുന്നതല്ലേ”
അവൻ ലാസ്റ്റ് പെഗ് ഗ്ലാസിൽ ഒഴിച്ചു കൊണ്ട് പറഞ്ഞു…
“ഓ അത്രയല്ലേ ആയുള്ളൂ ഇനിയും സമയം ഉണ്ടല്ലോ ചേച്ചിയുടെ ഇഷ്ടം പോലെ നടക്കട്ടെടാ നിർബന്ധിക്കാൻ പോകണ്ട”
ഞാൻ വെറുതെ അവനെ ഒന്ന് ഉപദേശിച്ചു..
എന്റെ ഉദ്ദേശം എന്താണെന്നു പാവം എന്റെ കൂട്ടുകാരന് അറിയില്ലല്ലോ…
“അതിനു ഇപ്പൊ അവളുടെ ഇഷ്ടത്തിന് ആരു എതിര് നിൽക്കാനാടാ ഞങ്ങള് ഇപ്പൊ ഒന്നും പറയാറില്ല”
അവൻ അതും പറഞ്ഞു മെല്ലെ എഴുന്നേറ്റു….
“മ്മ് അതാടാ നല്ലതു”
ഞാനും അവന്റെ തീരുമാനത്തെ പിന്താങ്ങി കൊണ്ട് പതിയെ എഴുന്നേറ്റു…
“എന്ന പോകാം നല്ല ചിൽ മൂഡായി തുടങ്ങിയിട്ടുണ്ട് മോനെ ഇനി എന്റെ ഒരു ഡാൻസൊക്കെ ഉണ്ട് നീ കണ്ടോ തകർക്കും ഞാൻ”
അവൻ അതും പറഞ്ഞു മെല്ലെ മുന്നോട്ടു നടന്നു…
പിറകെ ഞാനും….
അവനാണേൽ നല്ല ഫീറ്റ് ആയെന്നു തോന്നുന്നു വെളിച്ചം കണ്ടപാടെ പിള്ളേര് പാട്ടു വെച്ചു ഡാൻസ് കളിക്കുന്നിടത്തേക്കു അവൻ ഓടി ചെന്നു…
അവൻ അങ്ങനെയാണ് കുറച്ചു കുടിച്ചാൽ മതി ഓവർ ആയി പോകും…
ഞാൻ ആണെങ്കിൽ മെല്ലെ വിദ്യേച്ചിയെ തിരഞ്ഞു കൊണ്ട് അടുക്കളഭാഗത്തേക്കു നടന്നു…
വിചാരിച്ച പോലെ തന്നെ പെൺപടകൾക്കിടയിൽ എന്തോ പച്ചക്കറി അരിഞ്ഞു കൊണ്ട് ഇരികുകയായിരുന്നു ചേച്ചി….
ചേച്ചിയെ കണ്ടതും എന്റെ ഉള്ളിൽ എന്തെന്നില്ലാത്ത സന്തോഷം തോന്നി….
ആ പെണ്ണുങ്ങളുടെ ഇടയിൽ കൂടി ചേച്ചിയുടെ അടുത്തേക്ക് ചെല്ലാൻ നല്ല പാടായിരുന്നു…
അങ്ങോട്ട് ഒന്ന് ചെല്ലാൻ എന്ത് ചെയ്യുമെന്ന് ആലോചിച്ചു നിന്നപ്പോയാണ് പച്ചക്കറി എടുത്തു കൊണ്ടു വരാൻ ഏതോ ഒരു തള്ള അവിടെ നിന്നും പറഞ്ഞത്…
കേട്ടപാതി അവിടെ കൊട്ടയിൽ ഇട്ടു വെച്ച സവാളയും എടുത്തു ചേച്ചിയുടെ അടുത്തേക് അതിനിടയിൽ കൂടി ഞാൻ എങ്ങനെയൊക്കെയോ നടന്നു ചെന്നു…