ഒരു നിമിഷം ആലോചിച്ച ശേഷം അച്ഛൻ രാജീവനെ നോക്കി
“രാജീവ എന്താ ഇതിന്റെ ഒക്കെ അർത്ഥം ഞങ്ങൾ എന്താ ചെയ്യേണ്ടത്”
രാജീവൻ:”നിങ്ങൾ നാട്ടിലേക്ക് വരേണ്ടി വരും കാരണം ഇത് എന്റെ കയ്യിൽ നിൽക്കുന്നതല്ല അച്ഛനോട് പറയണം എല്ലാം…. അച്ഛന് മാത്രെ ഇതിന്റെ പ്രതിവിധി കാണുവാൻ സാധിക്കുകയുള്ളൂ…..”
“വരാം ഞങ്ങൾ എങ്ങോട്ട് വേണമെങ്കിലും വരാം എനിക്ക്….. എനിക്ക് എന്റെ കുട്ടിയെ രക്ഷിച്ചാൽ മാത്രം മതി എന്ത് വേണേലും ഞങ്ങൾ ചെയ്യാം”
ഒരു നിമിഷം പോലും വേണ്ടി വന്നില്ല അമ്മക്ക് മറുപടി പറയാൻ
രാജീവൻ:”നല്ലത്.എന്നാൽ ഞാൻ ഇറങ്ങട്ടെ ”
“രാജീവാ ഞാൻ വേണേൽ കൊണ്ടാക്കിത്തരാം അല്ലെങ്കിൽ വേറെ ആളുകൾ ഉണ്ട് അവരോട് പറയാം” അച്ഛനായിരുന്നു മറുപടി പറഞ്ഞത്
രാജീവൻ:”വേണ്ട സർ ഞാൻ പൊക്കോളാം സാർ ഇവിടെ ഇവർക്കൊപ്പം ആണ് വേണ്ടത്”
എന്നും പറഞ്ഞു അയാൾ പുറത്തേക്ക് ഇറങ്ങി
നന്ദു ചേച്ചി ഇപ്പോഴും കരയുകയാണ്……
കൊറേ നേരം വേണ്ടി വന്നു ഒന്ന് ആശ്വസിപ്പിക്കാൻ
പിന്നെ രാത്രിവരെ പ്രത്യേകിച്ച് ഒന്നും തന്നെ ഉണ്ടായിരുന്നില്ല അമ്മയും അച്ഛനും എത്രയും വേഗം തന്നെ നാട്ടിലേക്ക് പോവാൻ തീരുമാനിച്ചു
എനിക്ക് താൽപ്പര്യം ഉണ്ടായിരുന്നില്ല എന്നിരുന്നാലും ഞാൻ ഒന്നും പറയാൻ പോയില്ല. ഇതും പറഞ്ഞ് അങ്ങോട്ട് ചെന്നാൽ അമ്മ മടൽ വെട്ടി അടിക്കും🥲
നാളെ പറയാം എന്തായാലും.
ഞാൻ കിടക്കാൻ പോയി ബെഡിൽ കിടക്കുമ്പോഴും ചേച്ചിമാരുടെ കരയുന്ന മുഖം ആയിരുന്നു മനസ്സ് മുഴുവൻ ചെറുതായ് എന്റെ കണ്ണും ഈറൻ നനയാൻ തുടങ്ങി
പെട്ടന്ന് റൂമിലെ ലൈറ്റ് ഓൺ ആയി ചേച്ചിമാർ ആണ് നാലു പേരും ഉണ്ട്. പാവങ്ങൾ പേടിച്ചിട്ട് ഒപ്പം കിടക്കാൻ വന്നതാണ്…
അവർ എന്റെ അപ്പുറവും ഇപ്പുറവും സ്ഥാനം ഉറപ്പിച്ചു വലിയ കട്ടിൽ ആണ് അതോണ്ട് പ്രശ്നം ഇല്ല
പാറു ചേച്ചി:” സിദ്ധു…. മോനെ…നമുക്ക് എത്രയും പെട്ടന്ന് തന്നെ നാട്ടിൽ പോണം ഞങ്ങൾക്ക് നീ മാത്രല്ലേ ഉള്ളു നിനക്കെന്തെങ്കിലും പറ്റിയാൽ ഞങ്ങൾ തകർന്ന് പോവും”
ഇത്രയും പറഞ്ഞു അവൾ എന്നെ കെട്ടി പിടിച്ചു
“അയ്യേ പാറു ഇത് നീ തന്നെ ആണോ…. നിനക്ക് ഈ ഭാവം ചേരില്ലട്ടോ…..”
“അയ്യേ നിങ്ങൾ ഒക്കെ എന്താ ഇങ്ങനെ”
“ഇത് ഒരു സ്വപ്നം മാത്രം അല്ലെ അപ്പോഴേക്കും നിങ്ങൾ സീരിയസ് ആവാൻ തുടങ്ങിയോ……”
“വെറും സ്വപ്നമോ മോനെ നിനക്ക് അറിയില്ലേ നന്ദു കാണുന്ന സ്വപ്നങ്ങളെ പറ്റി ” കാർത്തു ചേച്ചി ആയിരുന്നു അത് പറഞ്ഞത്
ഞാൻ:”സമ്മതിച്ചു പക്ഷെ നന്ദു ചേച്ചി എത്ര സ്വപ്നങ്ങൾ കാണുന്നുണ്ടാവും അത് എല്ലാതും നടക്കുന്നില്ലല്ലോ ചിലത് മാത്രല്ലേ നടക്കുന്നുള്ളു ഇതും അങ്ങനെ ഒക്കെ തന്നെ ആവും എന്തായാലും ഞാൻ ഒന്നും ഇല്ല അങ്ങോട്ട്.
എന്റെ ദേവൂസേ നീ ഒന്ന് പറഞ്ഞ് മനസിലാക്ക് ഇവരെ”
ഇവരുടെ കാട്ടികൂട്ടൽ കണ്ട് ഞാൻ ദേവൂചേച്ചീനെ നോക്കി പറഞ്ഞ്
“നീ വരും…….. “ഉറച്ച മറുപടി ആണ് എനിക്ക് അതിന് ഉത്തമായി കിട്ടിയത്…….
ഏഹ്……….. ദേവു ചേച്ചി തന്നെ ആണോ ഇത്😳
“സിദ്ധു നിനക്കറിയാലോ ഞങ്ങൾക്ക് നിന്റെ കാര്യത്തിൽ റിസ്ക് എടുക്കാൻ പറ്റില്ല…”
ചേച്ചി തീർത്തു പറഞ്ഞു
പിന്നെ ഞാൻ ഒന്നും പറയാൻ പോയില്ല പറഞ്ഞിട്ട് കാര്യല്ല
അയാം ട്രാപ്പ്ഡ്…. 🥲
അത് കൊണ്ട് ഉറങ്ങാൻ തീരുമാനിച്ചു. നാലുപേരും എന്നെ കെട്ടി പിടിച്ചു എനിക്ക് കൂട്ട് കിടന്നു ആർക്കെങ്കിലും എന്തെങ്കിലും വിഷമം വന്നാൽ ഞങ്ങൾ ഇങ്ങനെ ആണ് കിടക്കാർ അത് കൊണ്ട് തന്നെ വേഗം ഉറക്കത്തിലേക്ക് വഴുതി വീണു…..
രാവിലെ ദേവു ചേച്ചി വിളിച്ചിട്ടാണ് ഞാൻ എഴുന്നേൽക്കുന്നത്…… എന്റൊപ്പം പാറു മാത്രമേ ഉള്ളു ആൾ നല്ല ഉറക്കം ആണ്.
സ്വാഭാവികം……
ചേച്ചി ചന്തി നോക്കി ‘ഠപ്പേ’ എന്നൊന്ന് പൊട്ടിച്ചു
ആഹാ നല്ല സൗണ്ട് ഞാനാ ശബ്ദം കേട്ട് ആസ്വദിച്ചു……..