പാറു ഒന്ന് ഞെട്ടി എഴുന്നേറ്റു അവളുടെ വായിൽ നല്ല തെറി വന്നത് എനിക്ക് മനസിലായി പക്ഷെ ദേവു ചേച്ചിയെ കണ്ടതും അത് അത്പോലെ വിഴുങ്ങി….
പാറു:”എന്താ ചേച്ചി ഉറങ്ങാനും സമ്മതിക്കില്ലേ…..എനിക്ക് നല്ലോണം നൊന്തു ട്ടോ…… ”
ഒന്ന് കൊണിഞ് കൊണ്ടവൾ പറഞ്ഞു
ദേവു ചേച്ചി:”നൊന്തെങ്കിലും നന്നായി സമയം എത്ര ആയി എന്ന് നോക്കടി”
പാറു :”അതിന് എന്നെ മാത്രം എന്താ തല്ലിയെ ഇവനെ എന്താ ഒന്നും ചെയ്യാത്തെ”
അവൾ എന്നെ ഒന്ന് ഉഴിഞ്ഞു നോക്കിക്കൊണ്ട് പറഞ്ഞു
ദേവു ചേച്ചി:”നിന്നെ പോലെ ആണോ അവൻ. അവൻ കുഞ്ഞല്ലേ…….”
ശോ….. ഈ ചേച്ചിടെ ഒരു കാര്യം നന്നാവാനും സമ്മതിക്കൂല 😌
പാറു :”ഓഹ് പിന്നെ. ഒരു കുണുവാവ”
എന്നെ നോക്കി ചുണ്ട് കൊട്ടികൊണ്ടവൾ പറഞ്ഞു
മറുപടി എന്നോണം ഞാൻ ഒന്ന് മന്ദഹാസിച്ചു കാണിച്ച കൊടുത്തു
പാറു:”പോടാ പട്ടി”
ഞാൻ:”പട്ടി നിന്റെ അച്ഛൻ”
യ്യോ….. സോറി അച്ഛാ…….
ദേവു ചേച്ചി:”മതി മതി രണ്ടാളും ഒന്ന് ഫ്രഷ് ആയി വന്നേ നമ്മൾ ഒരു ടൂർ പോവാണ്…..”
ഞാൻ :”ടൂറോ…. എങ്ങോട്ട് 😳🤔”
ദേവു ചേച്ചി:”ഏഹ്ഹ്….. അപ്പൊ ഇന്നലെ പറഞ്ഞത് ഒക്കെ നീ മറന്നോ. തറവാട്ടിൽ പോണ കാര്യം പറഞതല്ലേ ഇന്നല്ലേ…..”
ഞാൻ:”ശോ… ഇന്ന് തന്നെ പോണോ രണ്ടൂസം കഴിഞ്ഞ് പോയാൽ പോരെ….. ഞാൻ ഒന്നും വരുന്നില്ല….”
ദേവൂചേച്ചി:”ദേ ചെക്കാ മര്യാദക്ക് വന്നോണം കേട്ടല്ലോ….”
ചേച്ചി കലിപ്പ് മോഡ് ഓൺ….
ഒരു ചിരിക്കുന്ന ശബ്ദം അല്ലെ ആ കേൾക്കുന്നേ
ആരാ ഇപ്പൊ അത്
ഓഹ് ചേച്ചി എന്നെ വഴക്കും പറയുന്നതും കേട്ട് ചിരിക്കാണ് ചെറ്റ
ഞാൻ ഒന്ന് കൂർപ്പിച്ചു നോക്കി അവളെ
പട്ടി വില പോലും തന്നില്ല…. 🫠
അവളേന്ന് ഞാനും അത്രയേ പ്രതീക്ഷിക്കുന്നുള്ളൂ……
അങ്ങനെ ഫ്രഷ് ആയി വന്നു എല്ലാവരും അടിയിൽ ഉണ്ട് കൊറേ ബാഗും
എന്റെ ദൈവമേ ഇവർ ഇങ്ങോട്ടേക്ക് ഇനി വരില്ലേ
അമ്മ:”ആഹ്…. വന്നോ നിന്റെ ഡ്രസ്സ് ഒക്കെ പാക്ക് ചെയ്തിട്ടുണ്ട്”
ഞാൻ:”ആരോട് ചോദിച്ചിട്ട്……😤”
അമ്മ:”ദേ ചെക്കാ രാവിലെ തന്നെ എന്റെ കയ്യിൽ നിന്നും നീ വാങ്ങരുത്”
ഞാൻ:”ഓഹ് ഞാനായിട്ട് ഒന്നിനും ഇല്ലേ….”
പോയി പോയി ആർക്കും ഒരു വില ഇല്ലാതെ ആയി…….
രണ്ട് കാറിൽ ആയിട്ടാണ് ഞങ്ങൾ അങ്ങോട്ട് പുറപ്പെട്ടത്
സംഭവം അമ്മയും അച്ഛനും തറവാട്ടിലേക്ക് ചെലപ്പോൾ ഒക്കെ പോവുമെങ്കിലും ഞങ്ങൾ പോവാറില്ല കാരണം എനിക്ക് അങ്ങോട്ട് പോവുന്നത് ഇഷ്ട്ടം അല്ല. കാരണം ചോദിച്ചാൽ എനിക്കും അറിയില്ല ഞാൻ ഇല്ലാത്തത് കൊണ്ട് ചേച്ചിമാരും പോവുമ്മായിരുന്നില്ല…… അത് കൊണ്ട് തന്നെ ഓർമ വച്ചതുമുതൽ ആദ്യമായിട്ടാണ് അങ്ങോട്ടേക്ക് പോവുന്നത്.
കൊറേ ദൂരം യാത്ര ചെയ്യണം നിഴലിക്കാവ് എന്നഗ്രാമത്തിലേക്കാണ് ഞങ്ങൾക്ക് പോവേണ്ടത്….
അവിടുത്തെ ഒരു പേര് കേട്ട തറവാട് ആണ് ഞങ്ങളുടെ
ചിത്തിര വീട് എന്നാണ് തറവാടിന്റെ പേര്
ഒരു കൂട്ട് കുംടുംബം ആയിരുന്നത്രെ ഞങ്ങൾ.
അവിടുത്തെ കാരണവർ
ചിത്തിര ഭാനുവിൽ നിന്നാണ് എല്ലാത്തിന്റെയും തുടക്കം.
ആൾക്ക് മൂന്ന് മക്കൾ ആയിരുന്നു ഉണ്ടായിരുന്നത് അമ്മാളു,തപോഭദ്രൻ,ധ്രുവശിൽപി
നമ്മക്ക് ഇപ്പൊ അമ്മാളുവിലേക്ക് വരാം…
അമ്മാളുവിന് രണ്ട് മക്കളായിരുന്നു
അനന്തലക്ഷ്മി,ശ്രീനിവാസൻ
ഈ അനന്ത ലക്ഷ്മി ആണ് എന്റെ മുത്തശ്ശി. അതായത് എന്റെ അച്ഛന്റെ അമ്മ അച്ഛന് ഒരു സഹോദരൻ മാത്രെ ഉള്ളു പേര് ചന്ദ്രശേഖര മേനോൻ പുള്ളിക്കാരന് മൂന്നു മക്കൾ ആണ് ഇഷാന്യ,വൈശാഖി,താരക
വൈശാഖി ദേവു ചേച്ചിന്റെ ഒപ്പമാണ്. ഇഷാന്യ കർത്തുവിന്റെയും നന്ദുവിന്റെയും ഒക്കെ ഒപ്പം.
താരക എന്നേക്കാൾ ചെറുതാണ് പക്ഷെ പ്രായ പൂർത്തി ആണ്.
ഇവരെ ഒന്നും ഞാൻ നേരിട്ട് കണ്ടിട്ട് പോലും ഇല്ല
ഇവരൊക്കെ കാണാൻ എങ്ങനെ ഇരിക്കോ ആവോ…..