ഞാൻ : അതൊക്കെ പരിചയപ്പെടാ.
റോഷൻ : അല്ല അപ്പൊ നിന്റെ ഫുഡ്‌ ഒക്കെ എങ്ങനാ??
ഞാൻ : അതൊക്കെ ഞാൻ തന്നെ ഇണ്ടാക്കും. അത്യാവിശം എല്ലാം എന്നിക് ഇണ്ടാക്കാൻ അറിയാം.
റോഷൻ : കൊള്ളാം..അപ്പൊ എങ്ങനാ നമ്മുക്ക് ഇറങ്ങിയാലോ?
ഞാൻ : എങ്ങോട്ട്?
റോഷൻ : എന്റെ വീട്ടിലോട്ട്. ഇനി അവിടെ ഉള്ളവരെ ഒക്കെ നിനക്ക് പരിചയപെടുത്താം.
ഞാൻ : ഇപ്പോ വേണ്ടടാ പിന്നെ ഒരിക്കൽ ആവട്ടെ.
റോഷൻ : മൈരേ മരിയാതെക്ക് കൂടെ വന്നില്ലേൽ നിന്റെ കൈ ഞാൻ ഒടിക്കും.
പിന്നെ വെറുതെ അവനെ വെറുപ്പിക്കണ്ടല്ലോ എന്ന് കരുതി കൂടെ പോയി. അവന്റെ ബൈക്ക് ൽ പോവാം എന്ന് പറഞ്ഞെങ്കിലും തിരിച്ചു വരാണെങ്കിൽ അവനെ ബുദ്ധിമുട്ടിക്കണ്ടേ. അത് കൊണ്ട് എന്റെ ബൈക്ക് എടുത്തിട്ട് അവന്റെ പൊറകെ പോയി.
ഒരു ഇരുനില കണ്ടാൽ ഒരു പഴമ ഒക്കെ തോന്നിക്കുന്ന തരത്തിൽ ഉള്ള വീട്ടിലേക്ക് ആണ് എന്നെ അവൻ കൂട്ടികൊണ്ട് വന്നത്. വണ്ടിയുടെ ശബ്ദം കേട്ടപ്പോഴേ ഉള്ളിൽ നിന്നും ഒരു പെൺകുട്ടി ഓടി വന്നു. എന്നെ കണ്ടതുകൊണ്ടാണെന്ന് തോന്നുന്നു വാതിലിന്റെ ബാക്കിൽ ഒളിച്ചു.
റോഷൻ : അപ്പൊ ഇതാണ് എന്റെ കൊട്ടാരം. എങ്ങനെ ഉണ്ട്?
ഞാൻ : അടിപൊളി ആയിട്ടുണ്ട്. ഒരു പഴയ തറവാട് ഫീൽ ഉണ്ട്.
റോഷൻ : അതൊക്കെ പറയാൻ വരട്ടെ അത്യം ഉള്ളിലേക്ക് കേറിവാ.
ഉള്ളിലേക്ക് കേറിയതും ഞാൻ നേരത്തെ പറഞ്ഞതൊക്കെ തിരിച്ചെടുക്കേണ്ട അവസ്ഥ ആണ്. പുറമെ നിന്നും നോക്കുമ്പോ പഴയ തറവാട് പോലെ ആണെങ്കിലും ഉള്ളിൽ ഫുള്ളി ഒരു മോഡേൺ വീട് പോലെ ആണ്.
ഞാൻ : എടാ ഇത് കൊള്ളാലോ കിടിലം സെറ്റപ്പ്. ഇങ്ങനെ ഒക്കെ ചെയ്യാൻ പറ്റും അല്ലെ?
റോഷൻ : ഒക്കെ നോമിന്റെ പിതാവിന്റെ ബുദ്ധിയിൽ ഉദിച്ചതാണ്
ഞാൻ : വിഷയം ആയിട്ടുണ്ട്.
റോഷൻ : അമ്മ…..അമ്മ… (എന്നും പറഞ്ഞു കാറാൻ തൊടങ്ങി)
ഞാൻ : എടാ പതിയെ വിളി പേടിച്ചു പോവും.
റോഷൻ : ഇതൊക്കെ സ്ഥിരം ആണ് പേടിക്കാൻ ഒന്നും പോണില്ല. അല്ല ഇവിടെ വേറൊരു സാധനം കൂടെ ഉണ്ടായിരുന്നു സാധാരണ വണ്ടിയുടെ ശബ്ദം കേട്ടാൽ പൊറത്തോട്ട് വരണ്ടതാണല്ലോ. ഇതിപ്പോ എവിടെ പോയി.
അവൻ പറഞ്ഞത് ആ പെൺകുട്ടിയെ പറ്റി ആണെന്ന് കണ്ടതും നേരത്തെ ഞാൻ വന്നപ്പോ കണ്ടത് ഞാൻ പറഞ്ഞു. അവൻ ചിരിക്കാൻ തൊടങ്ങി.
റോഷൻ : ആ നാണിച്ചു പോയതാണ് എന്റെ അനിയത്തി പാർവതി എന്ന പാറു. ആൾ ഇപ്പോൾ +1 ലാണ്.
അപ്പോൾത്തേക്കും അവന്റെ അമ്മ അങ്ങോട്ട് വന്നു. എന്തോ അവരെ കണ്ടപ്പോ എന്നിക് എന്റെ അമ്മേനെ ആണ് ഓർമ വന്നേ അറിയാതെ എന്റെ കണ്ണ് നിറഞ്ഞു.
റോഷൻ : എന്ത് പറ്റിയട കണ്ണ് നിറഞ്ഞിരിക്കുന്നു.
ഞാൻ : ഏഹ് അത് പൊടി പോയതാ (എന്നും പറഞ്ഞു കണ്ണ് തൊടച്ചു)
അമ്മ : അല്ല ഇതാരാ പുതിയ കൂട്ടുകാരനാണോ?
റോഷൻ : ആ അതെ ഇത് കാർത്തി. എടാ ഇത് എന്റെ അമ്മ.
ഞാൻ : ഹായ് ആന്റി.
ആന്റി : ഹായ്. മോന്റെ വീട് എവിടെയാ?
ഞാൻ : ഇവിടുന്നു ഒരു 2 km കാണും
ആന്റി : അപ്പൊ വല്യ ദൂരം ഒന്നും ഇല്ലെല്ലോ.
ഞാൻ അതിനു ചിരിച്ചു കാട്ടി.
ആന്റി : പാറു…പാറു… ഈ പെണ്ണ് ഇതെവിടെ പോയി കിടക്കുവാണ്?
റോഷൻ : ഞങ്ങൾ വന്നപ്പോ അവൾ പൊറത്തോട്ടു വന്നതാ ഇവനെ കണ്ടപ്പോ അത് വഴി തിരിച്ചോടി.
ആന്റി : ഇങ്ങനെ ഒരുത്തി. ഇതിനും മാത്രം നാണിക്കാൻ അവളെ പെണ്ണ് കാണാൻ വന്നതൊന്നും അല്ലാലോ.
കറക്റ്റ് ടൈം ൽ പാറു കേറിവന്നത്. അവൾ ആന്റി അടുത്ത് വന്നു ഒരു പിച്ചു വെച്ച് കൊടുത്തു.
ആന്റി : ദേ പെണ്ണെ നീ അടി മേടിക്കും കേട്ടോ..
അവള് കൊഞ്ഞനം കുത്തി കാട്ടുന്നുണ്ട്.
ഇതൊക്കെ കണ്ട് ഞാൻ ചിരിച്ചു നിന്നു. പണ്ട് എന്റെ വീടും ഇങ്ങനെ ഒക്കെ ആയിരുന്നല്ലോ.
പാറു : ഹായ് ചേട്ടാ ഞാൻ പാർവതി.
ഞാൻ : ഹായ്. വല്യ നാണക്കാരി ആണല്ലോ.
പാറു : പോ ചേട്ടാ ഞാൻ പെട്ടെന്ന് കണ്ടപ്പോ അമ്മേനെ വിളിക്കാൻ ഓടിയതാണ്.
ഞാൻ : ഓഹ് സമ്മതിച്ചു സമ്മതിച്ചു.
റോഷൻ : ഇനി ഒരാളും കൂടെ ഇണ്ട്. എന്റെ പിതാജി. പുള്ളിയെ ഇനി രാത്രി നോക്കിയ മതി ബിസ്സിനെസ്സ് എന്നും പറഞ്ഞു ഏതോ ആന്റി ടെ കൂടെ കറങ്ങി നടക്കുന്നുണ്ടാവും.
ആന്റി : ഡാ നീ മേടിക്കും കേട്ടോ ആവിശ്യമില്ലാത്തതു പറഞ്ഞാൽ. മോനെ അവൻ വെറുതെ ഓരോന്ന് പറയും. ചേട്ടൻ ഇപ്പോ കടയിൽ ആയിരിക്കും.
റോഷൻ ന്റെ അച്ഛൻ സൂപ്പർ മാർക്കറ്റ് നടത്തുവാണ്.
അങ്ങനെ കൊറച്ചു നേരം കൂടെ അവിടെ ഇരുന്നു സംസാരിച്ചു. എന്നാലും അവരോടും എന്റെ വീട്ടുകാർ അബ്രോഡ് ആണെന്നാണ് പറഞ്ഞേക്കുന്നെ.എല്ലാവരും ആയി ക്ലോസ് ആയി. പ്രേത്യേകിച്ചു പാറു ആയിട്ടു. അവൾ ഇപ്പോ എന്റെ കൂടെ അനിയത്തി ആണ്. +1 സയൻസ് ഒക്കെ ആണ് പഠിക്കുന്നതെങ്കിലും വീഡിയോഗ്രാഫി എഡിറ്റിംഗ് ഒക്കെ വല്യ ഇഷ്ടം ആണ് ചെയ്യാൻ എന്നൊക്കെ പറഞ്ഞു. സമയം വൈകിയത് കൊണ്ട് ഞാൻ ഇറങ്ങാൻ തീരുമാനിച്ചു.
ഞാൻ : എന്നാ ഞാൻ ഇരുങ്ങുവാ. നേരം വൈകിയല്ലോ
പാറു : കൊറച്ചു നേരം കൂടെ സംസാരിച്ചു ഇരുന്നിട്ട് പോവാം. അവിടെ ആരും ഇല്ലെല്ലോ പിന്നെ എന്തിനാ ഇത്ര ദിർദി.
ഞാൻ : അതൊന്നും പറഞ്ഞ ശെരിയാവില്ല എന്നിക് പൊറത്തൊക്കെ പോയി കൊറച്ചു അത്യാവിശ സാധനം വാങ്ങാൻ ഉണ്ട്. കോളേജ് ഒക്കെ തുടങ്ങിയതല്ലേ.
ആന്റി : അവൻ പോയിട്ട് വരും മോളെ. മോനെ നീ ഒറ്റക്ക് അല്ലെ അവിടെ അപ്പൊ ഇടക്ക് ഇടക്ക് ഇങ്ങോട്ട് ഇറങ്ങു.
ഞാൻ : അതിനെന്താ അമ്മേ ഞാൻ വരാം. നിങ്ങൾ അങ്ങോട്ടും ഒരു ദിവസം വായോ.
പറഞ്ഞു കഴിഞ്ഞാണ് എന്താ പറഞ്ഞെ എന്ന് ഞാൻ ചിന്തിച്ചത്. എപ്പഴോ എന്റെ അമ്മേടെ ഓർമയിൽ ആന്റി യെ ഞാൻ അമ്മ എന്ന് വിളിച്ചു.
ഞാൻ : അത്…ആന്റി സോറി ഞാൻ പെട്ടെന്ന്…
ആന്റി : അതിനെന്തിനാ സോറി? ഇവന്റെ കൂട്ടുകാരൻ എന്ന് പറഞ്ഞാൽ എന്റെ മോൻ തന്നെ ആണ്. അപ്പൊ എന്നെ അമ്മ എന്ന് തന്നെ വിളിച്ചോ.
എന്നിക് അത് കേട്ടതോടു കൂടെ ഭയങ്കര സന്തോഷം ആയി. എന്റെ കണ്ണൊക്കെ നിറയാൻ തൊടങ്ങി.
പാറു : അയ്യേ ദേ ഈ ചേട്ടൻ കിടന്നു കരയുന്നു.. മോശം മോശം.
ഞാൻ അവളുടെ തലയ്ക്കു ഒരു അടികൊടുത്തിട്ട് ഞാൻ ഒന്നും കരഞ്ഞില്ല എന്ന് പറഞ്ഞു.
ഞാൻ : ന്നാ ഞാൻ ഇറങ്ങട്ടെ അമ്മേ.
അമ്മ : ശെരി മോനെ.
ഞാൻ : ഡാ ഞാൻ ഇറങ്ങുവാ നാളെ കോളേജ് ൽ കാണാം.
എന്നും പറഞ്ഞു പൊറത്തേക്ക് നടന്നു.കൂടെ എന്റെ കയ്യിൽ തൂങ്ങി ഒരു കൊച്ചു കുട്ടിയെ പോലെ പാറു വരുന്നുണ്ട്.
ഞാൻ : നീ ഇതെങ്ങോട്ടാ എന്റെ കൂടെ വരുന്നുണ്ടോ?
പാറു : ആ ഞാനും വരുന്നുണ്ട് അതിനെന്താ?
ഞാൻ : അതൊന്നും നടക്കില്ല ഇന്ന് എന്നിക് കൊറച്ചു തിരക്കുണ്ട് എന്ന് പറഞ്ഞില്ലേ.
പാറു : എന്നെ കൊണ്ടുപോവാൻ പറ്റില്ലേൽ അത് പറഞ്ഞ പോരെ.
എന്നും പറഞ്ഞു എന്റെ കയ്യിൽ ഒരു മാന്തും തന്നു ദേഷ്യപ്പെട്ടു അകത്തേക്ക് പോയി.
അമ്മ : മോൻ അത് കാര്യമാക്കണ്ട. ഇവിടെ ഒരുത്തനു ഇത് സ്ഥിരം കിട്ടണതാ. ഇനി ഇപ്പോ മോനും കൂടെ കിട്ടിക്കോളും.