ദേവിയെ പ്രണയിച്ചവൻ

“സത്യത്തിൽ ചേട്ടൻ യക്ഷിയെ പ്രണയിച്ചിട്ടുണ്ടോ……..”

“mm… ഉണ്ടോന്ന് ചോദിച്ചാ ഉണ്ട്…..!”

“ശെരിക്കും………..??”

“mm…. ശെരിക്കും.”

“ഇപ്പോഴും പ്രണയിക്കുന്നുണ്ടോ……..??”

“ഞാൻ പ്രണയിച്ചിരുന്ന യക്ഷി കാരണം എനിക്ക് കിട്ടിയത് ഒരു ദേവിയെയാ…….!! ഇപ്പൊ ഞാൻ പ്രണയിക്കുന്നതും ആ ദേവിയേയാ………”

“അപ്പൊ യക്ഷിയെ മറന്നോ………??”

“യക്ഷിക്കും ദേവിക്കും എന്റെ മനസ്സിൽ എപ്പോഴും സ്ഥാനമുണ്ട്….. മനസ്സിലായോ………..??”

“mm……പിന്നെ ഈ യക്ഷിയെ ഞങ്ങൾക്കൊന്ന് കാണിച്ചു തരോ……..??”

“ഇനിയാ യക്ഷിയെ നിങ്ങൾക്കെന്നല്ല ആർക്കും കാണാൻ പറ്റില്ല……..”

“അതെന്താ………??”

“ആ യക്ഷിക്ക് മോക്ഷം കിട്ടി സ്വർഗ്ഗത്തിൽ പോയി…….”

“അപ്പൊ ഞങ്ങൾക്ക് ദേവിയെ കാണിച്ചു തരോ……….??”

“അമ്പലത്തിനുള്ളിലേക്ക് നോക്ക്……….!!”

“ഞങ്ങൾക്ക് കാണേണ്ടത് ചേട്ടന്റെ ദേവിയെയാ…….”

“അത് തന്നെയാ പറഞ്ഞേ നിങ്ങളങ്ങോട്ടേക്ക് നോക്ക്……..,”

സാക്ഷാൽ ദുർഗ്ഗാ ദേവിയെ തൊഴുത് വരുന്ന എന്റെ ദേവി……….ഞാൻ കാർത്തി ഇതെന്റെ കഥയാ., അല്ല ഇതെന്റെ ജീവിതമാ.

“അതേ ആമുഖം മതി. കഥയിലോട്ട് വാ ഭായി…….”

ഒരു കൂട്ടകാരൻ ഉണ്ടായാൽ ഇതാണ് പ്രശ്നം. എല്ലാത്തിന്റേം ഇടയിൽ കേറി വന്ന് ചുമ്മാ ചൊറിയും. എല്ലാ കൂട്ടുകാരും അങ്ങനെ അല്ലാട്ടോ. എന്റെ phycho മനു മാത്രം……….!

“Phycho നിന്റപ്പൻ……..”
ആ folow അങ്ങ് പോയി. ഇനിയിപ്പോ ഈ മലര് പറഞ്ഞത് പോലെ ആമുഖം പറഞ്ഞിരിക്കാൻ സമയമില്ല. എന്റെ പെണ്ണിങ്ങ് എത്തി. വെളിയിലിറങ്ങി ഒന്നൂടെ അകത്തേക്ക് നോക്കി തൊഴുത ശേഷം അവളെന്റെ അടുത്തേക്ക് നിറഞ്ഞ പുഞ്ചിരിയുമായി വന്നു.

“അതേ നന്പാ അതിനിടയില് എന്റെ ഭവതി കൂടെയുണ്ട്. സ്വന്തം ഭാര്യേ വര്ണിച്ചത് പോലെ എന്റെ ഭാര്യേ കൂടെ ഒന്ന് വര്ണിച്ചേക്ക്………..!”

“മറന്നിട്ടില്ല ടാ……..”

ഞാനും മനുവും best friends ആയത് പോലെ ആരോടും ചോദിക്കാതെ ഞങ്ങളുടെ ഭാര്യമാരും ഞങ്ങളെ പോലെ തന്നെ best friends ആയി. എന്റെ അനുവിനെ പോലെ മനുവിനും അവന്റെ ലച്ചൂട്ടി ദേവി തന്നെയാ..!

“പോരെ??”

“പോരെന്ന് ചോദിച്ചാ നീ പറഞ്ഞത് പോലെ ദേവി തന്നെയാ. പക്ഷെ എന്റെ ദേവി എപ്പളാ അസുരത്തി ആവുവാന്ന് പറയാൻ പറ്റില്ല.!”

“അപ്പൊ ഞാൻ ബാക്കി പറയട്ടെ…??”

മൂത്തത് എന്റെ അനുവണേലും മൂത്തത് ഇളയത് എന്ന താരതമ്യം ഇല്ലാതെയാണ് അവരുടെ പെരുമാറ്റം. അല്ലെ തന്നെ friendship ൽ എന്തോന്ന് പ്രായം…….?? ഒരുദാഹരണത്തിന് എന്റച്ഛന്റെ പ്രായമാണ് മനുവിന്. പക്ഷെ ഞങ്ങള് അളിയാ അളിയാ ബന്ധമാണ്……!

“അവസാനം നീ എന്നെ അച്ഛനാക്കി അല്ലെ………..അതിന്റെ കൂടെ കൊറവേ ഉണ്ടായിരുന്നുള്ളൂ. ഇപ്പൊ അതും തെകഞ്ഞു.”

അനുവും ലക്ഷ്മിയും എന്നും രാവിലെ അമ്പലത്തിൽ പോകും. രാവിലെ എന്നാൽ അതി രാവിലെ…..! കെട്ടിയോന്മാരെ ഒന്നുറങ്ങാൻ പോലും വിടില്ല. ഞങ്ങളേം ഒരുക്കി കെട്ടി കൊണ്ട് പോകും…..ആ കാര്യത്തിൽ മാത്രേ ഞങ്ങൾക്ക് അവരോട് ചെറിയ നീരസമുള്ളൂ.

“അത് ശെരിയാ. പറ്റുല്ലാന്ന് പറയാൻ പറ്റോ….?? ചെരവക്കല്ലേ താങ്ങുന്നെ……!”

“അത് നിന്റെയാള്. എന്റെയനു അങ്ങനെയുള്ള കുരുത്തകേടൊന്നും കാണിക്കില്ല. എന്റയനു പാവാ…….”

“അഹ് ഇങ്ങാനുള്ള പെണ്ണുങ്ങളെ കിട്ടാൻ പുണ്യം ചെയ്യണം……..! എന്റെ മുറപ്പെണ്ണ് കല്യാണത്തിന് മുൻപ് എന്ത് പാവമായിരുന്നു. ഇപ്പൊ കൊന്ന് തിന്നുവാ. ഒരു ദിവസം പണിക്ക് പോയില്ലേ ബെഡ്റൂമിൽ അവള് closed board വക്കും….”

“എന്താണ് ഇത്രക്ക് മച്ചാനും മച്ചാനും സംസാരിക്കാൻ…….??”

ലച്ചുവാ. എന്തോ അവളുടെ ശബ്‌ദം പൊങ്ങിയാ അപ്പൊ നമ്മടെ ആള് silent ആവും.

“അതെന്താടി ഞങ്ങൾക്ക് സംസാരിച്ചൂടെ….??”
“അയ്യോ സംസാരിച്ചോ സംസാരിച്ചോ…! ഞാനൊന്നും പറഞ്ഞില്ലേ…….,”

“നീയൊന്ന് മിണ്ടാണ്ടിരുന്ന ലച്ചു……. ഏട്ടാ നമ്മക്കിറങ്ങാം….??”

എന്റെ പെണ്ണാ….! അമ്മയുടെയും ചേച്ചിയുടെയും നിർബന്ധം. ഇപ്പൊ ഏട്ടന്നെ വിളിക്കൂ. എപ്പഴും ഇല്ലാട്ടോ…!!

“അഹ് എന്നാ പോവാ അളിയാ……??”

“mm…..”

ഒന്ന് മൂരി നിവർന്ന ശേഷം അവനും ആൽത്തറയിൽ നിന്നെഴുന്നേറ്റു.

“അപ്പൊ കുട്ടികളെ ദേവിയെ കണ്ടല്ലോ…..??”

“അഹ്……..ശെരിക്കും ദേവി തന്നെയാ….!”

“നാളെ കാണാട്ടോ…..”

“അപ്പൊ ബാക്കി കഥ നാളെ പറഞ്ഞു തരണേ…….”

“പിന്നെന്താ…………..!”

» » » » »« « « « «

എന്റെ പെണ്ണൊരു ദേവി തന്നെയാ….! അതെത്ര പറഞ്ഞിട്ടും ഒരു തൃപ്തി വരുന്നില്ല. ആദ്യമൊക്കെ അവളെ കണ്ട് പുച്ഛിച്ചിരുന്നവരും, കാർക്കിച്ച് തുപ്പിയിരുന്നവരുമുണ്ട്. കുഞ്ഞുങ്ങള് ആഹാരം കഴിക്കാണ്ട് വാശിപ്പിടിച്ചിരിക്കുമ്പോ പണ്ടൊക്കെ അത് വരും ഇത് വരും എന്നൊക്കെ പറഞ്ഞ് പേടിപ്പിച്ചാ കഴിപ്പിച്ചിരുന്നേ, എന്നാ അതൊക്കെ മാറി., ഇപ്പൊ അവര് പേടിപ്പിക്കുന്നത് എന്റനുന്റെ പേരും പറഞ്ഞാ. അതിന്റെ ആയുസ്സും അധിക കാലം ഇല്ലായിരുന്നു. മനുഷ്യനല്ലേ മാറും മറക്കും മടുക്കും., പുതിയൊരിരയെ കിട്ടിയപ്പോ അവരനുവിനെ മറന്നു. പക്ഷെ ഞാൻ ഇല്ലാ എന്ന് വിശ്വസിച്ചിരുന്ന ആ ദൈവം ഒരുനാൾ അവരെ കൊണ്ട് ഒരേ സ്വരത്തിൽ പറയിപ്പിച്ചു, എന്റെ പെണ്ണ് ദേവിയാണെന്ന്…! കുഞ്ഞുങ്ങള് ദേവിയെ കാണണോന്ന് പറയുമ്പോ അവരെന്റെ പെണ്ണിനെ കാണിച്ച് കൊടുക്കാൻ തുടങ്ങി. ഒരു കാലത്ത് ഞാൻ യക്ഷിയെ പ്രണയിച്ചിരുന്നു, ആ യക്ഷി എനിക്ക് തന്ന നിധിയാണ് ഈ ദേവി…..! ഞാൻ പ്രണയിക്കുന്നു., മറ്റെല്ലാത്തിനെക്കാളും ആത്മാർഥതയോടെ ആവേശത്തോടെ എന്റെ ദേവിയെ……..

ദേവിയെ പ്രണയിച്ചവൻ……!!

ഇതെന്റെ മാത്രമല്ല., ഞങ്ങടെ കുറേപേരുടെ ജീവിതമാണ്. ഒരു താലിയിൽ ഞങ്ങടെ ബന്ധം കൂട്ടിയുറപ്പിക്കുമ്പോ എനിക്കും അനൂനും ഇടയിൽ സന്തോഷം മാത്രേ ഉണ്ടായിരുന്നുള്ളൂ. ആ സന്തോഷത്തിന്റെ അളവ് ഒരു മൂന്ന് മാസം മുന്നേ കൂടി. ഞങ്ങടെ കുഞ്ഞിലൂടെ. ഒരു കുടുംബം സ്വർഗ്ഗം ആകണമെങ്കിൽ സ്നേഹിക്കാൻ മാത്രം അറിയാവുന്ന കുറേ പേരുണ്ടാകണം. എന്റെ കുടുംബം ഇപ്പൊ സ്വർഗ്ഗമാണ്, ഒരുതരത്തിൽ അതിനും മേലെ…!

ജനിക്കാതെ പോയ കുറേ കുടിപ്പിറപ്പുകൾ ഉണ്ടെനിക്ക്. അതുപോലെ കൂടിപ്പിറന്ന തുമ്പിയും. ഞങ്ങൾക്കിപ്പോ ഒരമ്മയെ ഉള്ളൂ ജനിപ്പിക്കാതെ പോയ അമ്മ. ഞങ്ങടെ ലളിതാമ്മ….!

ഒരമ്മയുടെ സ്നേഹം വാത്സല്യം കരുതൽ എല്ലാം ഞങ്ങൾക്ക് കിട്ടിയത് ഈ
അമ്മയിലൂടെയാണ്. അനുവിനോട് ശെരിക്കും എനിക്ക് അസൂയയാണ് തോന്നുന്നത്. എത്രയോ കൊല്ലം അവൾക്കാ അമ്മയുടെ സ്നേഹം കിട്ടിയല്ലോ എന്നോർത്ത്…!

കുറച്ച് ദൂരം വരെ ഞങ്ങൾ ഒരുമിച്ച് തന്നെയുണ്ടായിരുന്നു. ഒറ്റവരി പാത രണ്ടായപ്പോ ഇടത്തോട്ടവനും വലത്തോട്ട് ഞാനും പിരിഞ്ഞു. വീട് രണ്ടാണേലും ഒരു ദിവസം പോലും കാണാണ്ടിരുന്നിട്ടില്ല. അതിനാവുകയും ഇല്ല.

“എന്താ ഇത്ര അത്യാവശ്യം….??”

Speed 60 കഴിഞ്ഞതും വയറ്റിൽ ചുറ്റിപ്പിടിച്ച കൈ ഒന്നൂടെ മുറുക്കി കാതോരം വന്നവൾ ചോദിച്ചു.

Leave a Reply

Your email address will not be published. Required fields are marked *