‘മോളേ ചേട്ടന്റെ ഷർട്ടേവിടേ..”
ഞാനൊരു ഭർത്താവ്‌ ശൈലിയിൽ ഉറക്കെ ചോദിച്ചുകൊണ്ട് ടാബിളിനടുത്തേക് പോയി
ഞാൻ അടുത്ത് ചെന്നതും വായിലേക് ദോശ കുതികേറ്റുന്നതിനിടയിൽ ചെരിഞ്ഞൊന്നു നോക്കി
സ്ഥിരം ഭാവം കലിപ്പ് തന്നെ ഒരു കഷ്ണം ദോഷയെടുത് വായിൽ വെച്ചെണീറ്റു റൂമിലേക്കോടി എന്നിട്ടിടത്തേ കയിൽ ഷർട്ടും പിടിച്ചു തിരിച്ചു വന്നു
“പറഞ്ഞാ മതിയായിരുന്നല്ലോ ഞാൻ പോയെടുക്കില്ലേ .”.ഞാനവളുടെ ദോഷയിരുന്ന കവിളിൽ ചെറുതായൊന്നു പിച്ചി
ഇതൊക്കെ ചെയ്ത് തരാനാറിയുമെങ്കിൽ അതെടുത്തു തരാനും നിക്കറിയാം എന്നെ ഒന്ന് പുച്ഛിച്ചകൊണ്ടു തീറ്റ വീണ്ടും തുടർന്നു പിന്നൊന്നും പറയാൻ നിന്നില്ല തോളിൽ കിടന്നിരുന്ന വൺ സൈഡ് ബാഗൂരി ടാബിളിൽ വെച്ചു ഷർട്ടെടുത്തിട്ടു. അവളുടെ കഴിപ്പ് നോക്കികൊണ്ട് നിന്ന് ഞാൻ ചിന്തിച്ചു
ഇവളെന്തിനാണവോ എന്നെയിങ്ങനെ സ്നേഹിക്കുന്നതെന്ന് എനിക്ക്പലപോഴും തോന്നിയിട്ടുണ്ട് ഈ സ്നേഹം കാണുമ്പോൾ എന്റെ സ്നേഹം അതിലൊരു ശതമാനം പോലുമില്ലെന്ന് തോന്നാറുണ്ട് എന്തോ അവളെങ്ങനെയാണ് വെറും ഇഷ്ടമല്ല ഒരു പ്രത്യേക കേറിങ് ആണ്. എന്റെ ജീവിതത്തിൽ ഒരു ഫ്രണ്ട്സിനും കൂടെപിറപ്പിനും തരാൻ കഴിയാത്ത റോൾ. ന്റെ ഉമ്മീനെ മാറ്റിനിർത്തിയാൽ എന്നെ മനസ്സിലാക്കിയ വേറൊരാളില്ല. കിട്ടാവുന്നതിലും കിട്ടിയതിലും ഏറ്റവും നല്ല പങ്കാളി. പാതിജീവൻ.💕
നീ ചായ കുടിച്ചോടാ അച്ചൂ ..
അവൾ നോർമലായി തിരക്കി
മ്മ് ..ഞാനൊന്നു മൂളിയതല്ലാതെ ഒന്നും പറഞ്ഞില്ല
കയ്യിലിരുന്ന ദോഷയെടുത്തു എന്റെ നേരെ നീട്ടി
“വേണോ??”
ഞാൻ കഴിച്ചതാ സ്നേഹത്തോടെ നിരസിച്ചു
എന്നാലും ഒരു ചെറുത് …വീണ്ടും എന്റെ നേരെ നീട്ടി ഇപ്രാവശ്യം മടക്കിയില്ല
ഞാനൊന്നു കുനിഞ്ഞു വായിലാക്കികൊണ്ടു ചിരിച്ചു
ഈ സീൻ കണ്ടുകൊണ്ടാണ് ലക്ഷ്മിയമ്മ കയറിവരുന്നത്
“’ആഹാ അമ്മ മോന് വാരി കൊടുക്കുവാരുന്നോ”
നൈസായി ഞങ്ങളെ ഒന്ന് വാരി അതുകേട്ട് ഞാനൊരു ചമ്മിയ ചിരിച്ചിരിച്ചു നന്ദൂന്റെ മുഖത്തേക് നോക്കി അവിടെയും സെയിം ചിരിയാണ് നാണം കെട്ടന്നുമാനസ്സിലായതും അവൾ വിഷയം മാറ്റി
യ്യോ സമയം ഒരുപാടായല്ലോ മതി മതി പോവാ
ആരോടെന്നിലാതെ പറഞ്ഞു ഓടി കൈകഴുകിവന്നു
“അതിനു നീ ബസിലല്ലേ പോണേ..”
ഞാൻ നേരത്തേ പറഞ്ഞതോർത്തുകൊണ്ടു ചോദിച്ചു
“അയ്യട ആ പൂത്തിയങ് മനസ്സിലിരുന്നാ മതി”
എന്റെ നെഞ്ചത്തേക് ഒരു ഇടിയും തന്നിട്ട് റൂമിലേക്കോടി
ഞങ്ങളുടെ ഓരോ കുട്ടികളികളൊക്കെ കണ്ടു ലക്ഷ്മിയമ്മനിന്ന് ചിരിക്കുന്നുണ്ട് അത് കണ്ടപ്പോൾ ഞാനൊന്ന് കണ്ണടിച്ചു കാണിച്ചു.
പിന്നെ വേഗം റെഡിയായി ബ്ലാക്ക് ഓവർക്കോട്ടൂടെയായപ്പോൾ ഒന്നൂടെ മൊഞ്ചു കൂടി ഞാനതകണ്ടപ്പോൾ തന്നെ സൂപ്പറായിട്ടുണ്ടെന്നു ആംഗ്യഭാഷയിൽ പറഞ്ഞു.അതിനുമാറുപടിയായി സ്റ്റൈലായി ഒന്നുപുഞ്ചിരിച്ചു പിന്നെ
എന്റെ വീട്ടിൽ പോയി എന്റെ പഴേ മോഡൽ യമഹയുമെടുത്ത് ഞങ്ങൾ പറന്നു കുറച്ചോടിയിട്ടും ഒരുമാതിരി തീർത്ഥാടനത്തിന് പോണപോലെ ഒരുകോപ്പും പറയണില്ലസാധാരണ അങ്ങനെയല്ല എന്റെ വണ്ടീടെ സൗണ്ടൊന്നും ഒന്നുമല്ലെന്നു തോന്നാറുണ്ട് അല്ലേൽ ഒരു നൂറുകഥ കഴിയാനുള്ള സമായമായി
“നീ ചത്തോടി”
ഞാൻ സംശയിച്ചു ബാക്കിലേക്ക് നോക്കികൊണ്ട് ചോദിച്ചു
പെട്ടന്ന് വയറ്റിൽ ഒരുപിച്ചായിരുന്നു സാമാന്യം വേദനയുള്ള നല്ലൊന്നാന്തരം പിച്ച്
ഉഫ്ഫ് വേദനസഹിച്ചു ഞാനൊന്നു പുളഞ്ഞു
“ഡീ കോപ്പേ നിനക്ക് പ്രാന്തായ”
വേദനകടിച്ചുപിടിച് ഞാൻ ദേഷ്യത്തിൽ ചോദിച്ചു
“നേരെ നോക്കി വണ്ടിയോടിക്കടാ..”
അവൾ ഗൗരവത്തിൽ പറഞ്ഞു
“ഇതെന്ത് മൈര് “
ഞാനും കലിപ്പിൽ തന്നെ പറഞ്ഞു
“അച്ചു എനിക്കൊരുകാര്യം പറയാനുണ്ട്”
ഗൗരവം വെടിയാതെപറഞ്ഞു
“കഴിഞ്ഞില്ലേ ഇനിയുമുണ്ടോ മൈ.!”
പറഞ്ഞുതീരുന്നേനു മുംബ് ഒന്നുടെപിച്ചി ഇത് മെല്ലെയാണ് തെറി വിളിച്ചതിഷ്ടമായില്ല എന്നുമനസ്സിലായി ഞാൻ പിന്നൊന്നും പറഞ്ഞില്ല ഒന്ന് രൂക്ഷമായ
ഭാവത്തിൽ അവളെയൊന്നു നോക്കി വണ്ടിയോടിച്ചു
“അച്ചൂ”
പതിവ് സ്റ്റൈലിൽ വിളിച്ചു സത്യം പറയാലോ ആ വിളി കേട്ടാൽ എത്ര ദേഷ്യത്തിലാണെങ്കിലും ഞാൻ ഒന്നും മിണ്ടാറില്ല ആ വിളിയിൽ എന്തോ പ്രത്യേകത ഉള്ളപോലെ തോന്നാറുണ്ട്
“മ്മ്മ്മ് പറഞ്ഞോ”
താത്പര്യമില്ലാതെ ഞാൻ മൂളി കേട്ടു
“ഷീബേചിയുമായി എന്തായിരുന്നിടവാട്?”
അപ്പോഴാണ് പിച്ചിന്റെ കാരണം വ്യക്തമാകുന്നത്
“എന്തിടവാട്”
ഞാൻ ഒന്നുമറിയാത്ത പോലെ ചോദിച്ചു
“അച്ചൂ വെറുതെ കളിക്കളല്ലേ ഭയങ്കര കിന്നാരം പറച്ചിലായിരുന്നല്ലോ..”
അവളും വിട്ടു തന്നില്ല
“നീയെന്ത് കിന്നാരം പറഞ്ഞെന്നാ നീയീ പറയണേ” ദേഷ്യത്തോടെതന്നെ വീണ്ടും ചോദിച്ചു
“അല്ലാ ഭയങ്കരചിരീം കളീമായിരുന്നല്ലോ”
അവൾ ഒരുമാതിരി സി ഐ ഡി ചമഞ്ഞു ചോദിച്ചു
“അതിനു നിനക്കെന്താടീ പുല്ലേ അയൽവാസികളാവുമ്പോ അങ്ങാനാ മിണ്ടീംപറഞ്ഞൂന്നൊക്കെയിരിക്കും “
“അയ്യട ഒരു അയൽവാസി”
അവൾ പുച്ഛിച്ചു നിർത്തി
“അതിനുപ്പോ നിനക്കെന്താ?
“നീയവളോട് വെല്ലാണ്ടങ് ക്ലോസാവണ്ട “
“അവളോ?”
ഞാൻ മനസ്സിലാകാത്ത പോലെ തിരക്കി
“നിന്റെ ഫാമിലിയല്ലേ ഷീബേ്ചി?”
ഞാൻ സംശയം മറച്ചുവെക്കാതെ വീണ്ടും തിരക്കി
“ആ ഫാമിലിയൊക്കെ തന്നെയാ”
ആപറഞ്ഞത് ഒരു താത്പര്യമില്ലാതെയായിരുന്നു
“പിന്നെ ..”
ഞാൻ എന്തസംഭവം എന്തെന്നറിയാൻ വേണ്ടി ആകാംഷയോടെ തിരക്കി
“പിന്നൊന്നുമില്ല.. കാണുമ്പോളൊരു ചിരി അത്രേമതി അല്ലാതെ കൂടുതലങ് ഓട്ടൻ നിക്കണ്ടാ..”
അവൾ ഏതോ നിയമം പസ്സാക്കുന്ന പോലെ പറഞ്ഞു
“ഞാനിപ്പോ ഒരഞ്ചുമിനിറ്റ് സംസാരിച്ചൂന്നു വെച്ച് ഭൂമിയൊന്നും കുലുങ്ങാൻ പോണില്ലല്ലോ”
ഞാൻ പിന്നേം നിസാരമായി പറഞ്ഞു
“എന്ത് കുലുങ്ങിയാലുമില്ലെങ്കിലും നീയവളോടതികം ഓട്ടണ്ട അത്രതന്നെ അവളുടെ ഒരു കൊഞ്ചൽ അതിനെങെനാ എന്തേലും പറയുമ്പോഴേക്കും ഒലിപ്പിച്ചുനിന്നു കേക്കാനിവിടെ ഒരുത്തനിണ്ടല്ലോ”
“നീയിതെന്താ ഈ പറയണേ?”
“അവളാളത്ര ശരിയല്ല അത്രതന്നെ”
തീർത്തുപറഞ്ഞു.അതിലെന്തോ കാര്യമുണ്ടെന്നെനിക്കും തോന്നി ഇതുവരെ എന്നോടിങ്ങനെ ഇവൾ പറഞ്ഞിട്ടില്ല
കോളേജിൽ എത്ര പെൺകുട്ടികളോട് അതിലും ക്ലോസായി നിന്ന് വർത്തമാനം പറഞ്ഞിരിക്കുന്നു അപ്പോളൊന്നുമില്ലാത്ത ഒരു താകീത് ഇതെന്ത് കൂത്ത് ഞാൻ തന്നെയതിശയിച്ചു ഇനിപറഞ്ഞതെങ്ങാനും ഏയ് അതിനു വഴിയില്ല
“ഒന്നുമില്ലേലും നിന്റെ ഫാമിലിയല്ലേ നന്ദൂ നീ ചുമ്മാ ഓരോന്ന് പറയല്ലേ”
ഞാൻ പള്ളീലച്ചനായി വളരെമാന്യനായി പറഞ്ഞു
“ഫാമിലിയൊക്കെ തന്നെയാ എന്നാലും വേണ്ടച്ചൂ”
അവൾ തോളിലേക് തലചായ്ചു
“ഓ വേണ്ടെങ്കി വേണ്ട”
അവളുടെ വാക്ക് ധിക്കരിക്കാൻ തോന്നിയില്ല..
അപ്പോഴേക്കും കോളജ് എത്താറായിരുന്നു
“അച്ചൂ…”
“പറഞ്ഞോ”
“സോറി നിനക്കു നൊന്തോടാ”
പിച്ചിയഭാഗത് പതിയേ തടവികൊണ്ടു ചോദിച്ചു പിന്നെ “വേദനിക്കാതെ ഞാനെന്താ മനുഷ്യനല്ലേ”
ഞാൻ തിരിഞ്ഞുകൊണ്ടു ചോദിച്ചപ്പോൾ
ഒന്നൂടെ ചേർന്നിരുന്നുകൊണ്ടു നന്ദൂസ് ചിണുങ്ങി
“ഞാൻ സോറി പറഞ്ഞില്ലെടാ ഇനിയും ദേഷ്യമാറിയില്ലേൽ എന്നെയും പിച്ചിക്കോ”
ആ സമയം കുട്ടികളെ പോലെ എന്റെ തോളിൽ ചാരികൊണ്ടുപറഞ്ഞു
“മ്മ് ഞാൻ പിച്ചുവേ”
മ്മ് ഒരു ചെറിയ മൂളലിൽ അവളും മറുപടിത്തന്നു കോളേജെത്തി ഇറങ്ങാൻ നേരം ചോദിച്ചു
“എവിടെയാ തരണ്ടേ”
“എന്ത്” അവൾത്തിരിച്ചും
“അപ്പോ നീയല്ലേപറഞ്ഞേ വേദനിച്ചെങ്കി തിരിച്ചു നുള്ളിക്കോളാൻ”
“അയ്യടാ നുള്ളാനിങ്ങുപോര് ഞാൻ നിന്നുതരുവല്ലേ”
പഴേ നന്ദുവായി കളിയായി പറഞ്ഞു
മ്മ് നിന്നെ ഞാനെടുത്തോളടീ നന്ദൂട്ടീ ചിരിച്ചുകൊണ്ട് അവളുടെ തോളിൽ കയ്യിട്ടു ഞങ്ങൾ ക്ലാസ് ലക്ഷ്യമാക്കി നടന്നു
ഞങ്ങൾ ക്ലാസ്സിലേക് കയറി ചെല്ലുമ്പോൾ ഒരു തൂണിൻമേൽ ചാരി വിഷ്ണുവും അവന്റെ ഗടി ആതിരയും നിന്ന് സൊള്ളുന്നുണ്ട് ഈ വിഷ്ണുവിന് ഞങ്ങൾ ഫസ്റ്റ് ഇയറിൽ പടിക്കുമ്പോ നമ്മളെ നന്ദൂട്ടിയോട് ചെറിയൊരിത് അങ്ങനെയവൻ എന്നോടാണ് വന്നു പറഞ്ഞു നന്ദു അത് നിരസിച്ചു എന്നത് വേറെ കാര്യം. എന്നോട് കാര്യം വന്നുപറഞ്ഞപ്പോ ഞാൻ പറഞ്ഞു നേരിട്ട് ചെന്ന് പറയാൻ അതല്ലേ അതിന്റെ ശരി വേറെ എന്തെങ്കിലും ഹെല്പ് വേണമെങ്കിൽ ചോദിക്കാനും പറഞ്ഞു. അങ്ങനെയാണ് നന്ദൂട്ടിയോട് ചെന്ന് പറയുന്നത് അവൾ എന്തോ കോമൺ റീസൺസൊക്കെ പറഞ്ഞു ഒഴിവാക്കി പിന്നെ എന്റെ ക്ലാസ്സിലുള്ള ആതിരയെ അവൻ സെറ്റാക്കി
ഞാനവനെ കണ്ടപ്പോ തന്നെ നന്ദൂസിനെയൊന്ന് വാരി
“തേടി നിക്കണു നിന്റെ ചെക്കൻ..”
പരമാവതി ഇളിച്ചു കൊണ്ടാണ് ഞാൻ പറയുന്നത് അതവളെ കൂടുതൽ പ്രാന്താകുമെന്നു എനിക്ക് ക്ലിയറായി അറിയം
“അച്ചൂ വേണ്ടാട്ടോ”
അവളുടെ ബ്രൗൺ ക്യൂട്ടക്സിട്ടിട്ടുള്ള ചൂണ്ടുവിരൽ കാണിച്ചു ഒരു
വാർണിംഗ് പോലെ പറഞ്ഞു
“ഹിഹിഹി”
അവളുടെ ഭാവം കണ്ടപ്പോ പെട്ടന്നെനിക്ക് ചിരിപൊട്ടി
അതോടെ കക്ഷി ഒന്നൂടെ ചൂടായി എന്റെ തോളിലേക്ക് കലക്കൻ ഇടിയും തന്നു വേഗം നടന്നു. അവളുടെ നടത്തം കണ്ടപ്പോ ഒന്നൂടെ വട്ടാക്കാനാണ് തോന്നിയത്
“ഓ അല്ലേലും നിനക്കൊന്നും അതിനുള്ള ഭാഗ്യമില്ലന്നേ.. ഇതൊക്കയല്ലേ മോളെ കോളേജ് ലൈഫ്”
ഞാൻ ചിരിച്ചുകൊണ്ട് വേഗത്തിൽ നടക്കുന്ന അവളുടെ ബാക്കിൽ പോയി ചെവിയിൽ മെല്ലെ പറഞ്ഞു
അതോടെ കേട്ടപ്പോ ലവൾ നിന്നു എന്നിട്ടെന്നെയൊരു നോട്ടം എന്നിട്ട് ഭയങ്കര ഗൗരവം നടിച്ചുകൊണ്ടു പറഞ്ഞു
“അതേ ഈ പ്രണയം മാത്രമല്ല കോളേജ് ലൈഫ്. വേറെയും എന്തൊക്കെ കാര്യങ്ങളുണ്ട് അല്ലെങ്കിതന്നെ ഈപറയുന്ന നിനക്കുമില്ലല്ലോ..എന്താ സാറിനു കോളേജ് ലൈഫ് എന്ജോയ് ചെയ്യണ്ടേ”
എന്നവൾ പുച്ഛത്തോടെ എന്നോട് തിരിച്ചടിച്ചു
എന്റെ വായടപ്പിച്ചു എന്നുവേണേൽ പറയാം
“നീ കണ്ടോടീ നന്ദൂട്ടീ ഫർസ്റ്റിയർ പിള്ളേരൊന്നു വന്നോട്ടെടീ നമുക്ക് കാണാലോ”
പിടിച്ചു നിക്കാൻ വേണ്ടി പറഞ്ഞതാണെങ്കിലും അതൊരു സത്യമായിരുന്നു അതൊക്കെ വഴിയേ പറയാം സമയം കിടക്കലേ
“കാണാം ഒന്ന് പോടാ ചെക്കാ” അവൾ വീണ്ടും പുച്ഛം വിതറി നേരെ ക്ലസ്സിലോട്ടു പോയി
ഞാനും നേരെ എന്റെ ക്ലാസ്സിലോട്ട് തിരിച്ചു പോകുന്ന പോക്കിൽ വിഷ്ണുവിനേം ഒന്ന് കളിയാക്കി
“എന്നാടാ ഉവ്വേ നേരമൊന്നു വെളുത്തോട്ടെടാ..നീയൊക്കെ കൂടി കോളേജ് പൂട്ടികുവോ”
ഞാൻ ചിരിയോടെ തിരക്കി
“ഓ നീയും നിന്റെ നന്ദൂനേം പോലെയല്ലല്ലോ ഞങ്ങൾ..ഞങ്ങളൊന്നു പ്രണയിച്ചോട്ടെടാ മച്ചാനെ..”
അവനും അതെ സ്റ്റൈലിൽ തിരിച്ചടിച്ചു
“ഓ ആയിക്കോട്ടെ”
ഞാൻ കൈകൂപികൊണ്ടു പറഞ്ഞു ക്ലാസ്സിലേക്ക് കയറി
കയറി ചെല്ലുമ്പോൾ തന്നെ എല്ലാവരോടും ചിരിച്ചുകൊണ്ട് ഒരു ഗൂഡമോർണിങ് പറഞ്ഞു സീറ്റിലിരുന്നു എല്ലാവരും എത്തിയിട്ടില്ല എന്റെ രണ്ടു ആത്മമിത്രങ്ങലെയും ഞാൻ കണ്ടില്ല അവർ അല്ലെങ്കിലും നേരം വൈകിതന്നെയാണ് വരവ് രണ്ടളേം ഞാൻ വഴിയേ പരിചയപ്പെടുത്താം അങ്ങനെയിരിക്കെ അവർ രണ്ടാളും കേറിവന്നു ആദ്യം വന്നത് ഷെമിയായിരുന്നു(ഷംസീർ)
“ടാ മലരേ നീയെന്താ യൂണീഫോമിൽ”
അവൻ വന്നപാടെ ഞാൻ യൂണിഫോമിലാണെന്നു കണ്ടപ്പോ ഉറക്കെ
ചോദിച്ചുകൊണ്ട് വന്നു ബെഞ്ചിലിരുന്നു ക്ലാസ് ഒരു നിമിഷം നിശബ്ദമായി അവൻ വന്നതെ്ല്ലാവരെയും അവൻ തന്നെയറിയിച്ചു എല്ലാവരും സെക്കന്റ് ലാസ്റ്റ് ബെഞ്ചിലേക്കൊന്നു നോക്കി പെണ്കുട്ടികളടക്കം പക്ഷെ അവരാരും ഒന്നും പറയത്തില്ല. അവൻ എങ്ങനെയാണെന്ന് ക്ലാസ്സിലുള്ള എല്ലാവർക്കും അറിയാവുന്നതാണ് അവനെന്തും മൈരാണെന്ന ഭാവമാണ് ഇനി ആരെങ്കിലും എന്തെങ്കിലും ചോദിച്ചാത്തന്നെ അവന്റെ വായിൽ നിന്ന് നല്ലതൊന്നും കേൾക്കാൻ കഴിയില്ല നല്ലസ്സല് ഭരണിപാട്ടായിരിക്കും അത്കൊണ്ടാരും റിസ്ക്ക് എടുക്കാറില്ല എന്നതാണ് വാസ്തവം
“അത്..”
ഞാൻ പറയുമ്പോഴേക്കും അവൻ തന്നെ പറഞ്ഞു
“അവള് സമ്മദിച്ചുകാണില്ലല്ലേ”
“നീയതെങ്ങെനെയറിഞ്ഞു?”
ഞാൻ ഉള്ളിലുണ്ടായ ആശ്ചര്യം മറച്ചുവെക്കാതെ ചോദിച്ചു
“വരുമ്പോ ഞാൻ കണ്ടിരുന്നു അവൾ യൂണിഫോമിലാണെന്നു കണ്ടപ്പോ തന്നെ ഞാൻ ഊഹിച്ചു|”
ബാക്കിലേ ഡസ്കിലേക്ക് ചാരിയിരുന്നു നിസാരമായി പറഞ്ഞു
“അവളെന്തെങ്കിലും പറഞ്ഞോ?”
അവളുടെ കാര്യം ആലോചിച്ചെന്നോണം ചോദിച്ചു
“എന്ത് പറയാൻ ഒരു മോർണിംഗ് വിഷ്‌ചെയ്തു”
അവൻ സാധാരണപോലെ പറഞ്ഞു
“അല്ലടാ അനന്തു എവിടെടാ”
പെട്ടന്നവനെ ഓർമ്മാവന്നപ്പോ ചോദിച്ചു
“അവന്റെ ബൈക്കിലാ ഞാൻ വന്നേ എന്റെ
പൊറകിലിണ്ടായിരുന്നു”
ജനനിലൂടെ പുറത്തേക്ക് നോക്കികൊണ്ട് പറഞ്ഞു
അനന്തു ഞങ്ങൾ രണ്ടുപേരിൽ നിന്നും തികച്ചും വത്യസ്തമായിരുന്നു പുള്ളി നീറ്റാണ് പക്ഷെ ഞങ്ങൾ എന്ത് തെണ്ടിത്തരം കാണിച്ചാലും കൂടെയിണ്ടാവും താത്പര്യമുണ്ടായിട്ടൊന്നുമല്ല എന്നാലും എന്തിനും കൂടെയിണ്ടാവും.അപ്പോഴേക്കും ഫസ്റ്റ് ബെല്ലടിച്ചു തീരുമ്പോഴേക്കും അവനും വന്നു ഇടയിൽ കേറിയിരുന്നു
“നീയാരുടെ കാലിന്റെടേലാർന്നു”
അതാരാണെന്ന് പ്രത്യേകിച്ചു പറയണ്ടല്ലോ ഷെമിതന്നെയാണ്
“ഞാൻ പുറത്തിണ്ടായിരുന്നു നേരത്തെതന്നെ ഇതിന്റുള്ളിൽ കേറിയിരുന്നിട്ടെന്താ”
“ആ അതും ശരിയാ”
ഞാനും ശരിവച്ചു
“അല്ലാ നീയെന്താ യൂണിഫോമിൽ “
അവനും സംശയം മറച്ചുവെച്ചില്ല
“പിന്നെ കോളേജിലേക്കല്ലേ യൂണിഫോമിൽ വരാൻ പറ്റൂ അല്ലാതെ കല്യാണത്തിന് പോവാൻ പറ്റുവോ?”
ഞാൻ ഒരു തമാശയെന്നോണം പറഞ്ഞു ചിരിച്ചു
“അല്ലാതെയവൾ സമ്മതികാഞ്ഞിട്ടല്ല”
അവനും കാര്യം പിടികിട്ടി എന്നെയൊന്നാക്കി പറഞ്ഞു.
പിന്നെ ക്ലാസോകെ തുടങ്ങി രണ്ടോ മൂന്നോ ടീച്ചേഴ്സ് മാത്രമാണ് ക്ലാസ്സിൽ വന്നത് അതും ക്ലാസ്സെടുത്തൊന്നുമില്ല വെറുതെ വന്നിരുന്നു പോയി ഉച്ചയ്ക്ക് ക്ലാസും കഴിഞ്ഞു ഞങ്ങൾ പുറത്തിറങ്ങി രണ്ട് പേരോടും യാത്ര പറഞ്ഞു ഞാൻ വണ്ടിവച്ച മരച്ചുവട്ടിലേക് നടന്നു നട്ടുച്ചയായത് കൊണ്ട് കനത്ത വെയിലാരുന്നു.അവൾ വണ്ടീടെ സീറ്റിൽ ചാരി നിൽപ്പുണ്ട് അത്യവശ്യം നന്നായിത്തന്നെ വിയർത്തിട്ടുണ്ട് ബ്ലാക്ക് കളറിലുള്ള ചെറിയ പൊട്ടിട്ട നെറ്റിത്തടം ചെറുതായി വിയർത്തിട്ടുണ്ട് ഞാൻ നടന്നു വരുന്നത്കണ്ടപ്പോ ഒരു ചെറിയ ആശ്വാസം മുഖത് ഞാൻ ശ്രദ്ധിച്ചു
അങ്ങനെ ഞങ്ങൾ വേഗം വണ്ടിയെടുത്തു തിരിച്ചു പോകുമ്പോഴാണ് വിഷ്ണുവും ആതിരയും ഒരു കോഫീഷോപ്പിലേക്ക് വണ്ടികയറ്റുന്നത് കണ്ടത് കണ്ടപ്പോൾ തന്നെ നന്ദുവിനെ പിരി കയറ്റാൻ വേണ്ടി ഞാൻപറഞ്ഞു
“എന്നാണാവോ നമക്കൊക്കെ നല്ല ഒരെണ്ണതിനെ അങ്ങനെയൊക്കെ കൊണ്ടൊവാൻ പറ്റണേ. അല്ലേലും നമുക്കിതൊകെയെ വിധിച്ചിട്ടുയുള്ളൂ”
ഒന്ന് തിരിഞ് നന്ദൂസിനെ നോക്കി ആരോടെന്നില്ലാതെ പറഞ്ഞു
“എനിക്കെന്താടാ കുഴപ്പം തെണ്ടീ. അവളെക്കാളും സുന്ദരിയല്ലേ ഞാൻ”
നന്ദൂസ് സ്വയം ഒന്ന് അഹങ്കാരിച്ചുകൊണ്ട് പറഞ്ഞു
“നന്ദൂസിനോടാരാ ഈ മണ്ടത്തരങ്ങളൊക്കെ പറഞ്ഞു തരണേ”
ഞാനും വിട്ടുകൊടുത്തില്ല
“പോടാ നിനക്കു അസൂയയാ”
അവൾ ചിരിച്ചുകൊണ്ട് പറഞ്ഞു
“ഹിഹി അസൂയ എനിക്ക് എന്തിന്! അസൂയപ്പെടാനും എന്തെങ്കിലുമൊക്കെ വേണം എനിക്കേ കണ്ണിന് പ്രശ്നമൊന്നുമില്ല”
അവസാനം പറഞ്ഞത് കക്ഷിക്ക് നന്നായി കൊണ്ടു
“ഇനി നന്ദൂട്ടീ കുന്തൂട്ടീ എന്നൊക്കെ വിളിച്ചു എന്റെ അടുത്തേക്ക് വായോ അപ്പോ ഞാൻ ബാക്കി പറഞ് താരം”
പുറത്തേക്ക് ഒരിടിയും തന്നു കൊണ്ട് പറഞ്ഞു
ഞാനത് ആസ്വതിച്ചെന്നോണം അവളെ നോക്കി ചിരിച്ചു കാണിച്ചു. പിന്നെ കുറച്ചനേരത്തിനൊന്നും പറഞ്ഞില്ല വീടെത്തി ഇറങ്ങുമ്പോഴാണ് കക്ഷി വാ തുറന്നത്
“നീ കാര്യയിട്ടാണോ”
സ്ഥിരം ചോദ്യം
“എന്ത്”
ഞാൻ വണ്ടി സ്റ്റാന്റിൽ വെച്ച് തിരിഞ്ഞുകൊണ്ടു ചോദിച്ചു
“അത് ..ആതിരയാ എന്നെക്കാളും സുന്ദരീന്നു പറഞ്ഞില്ലേ”
നേരിയ മടിയോടെ പറഞ്ഞു
“നീയത് വിട്ടില്ലേ”
ഞാൻ കണ്ണുമിഴിച്ചു ചോദിച്ചു
“ഇല്ല വിട്ടില്ല നീ പറയുന്നുണ്ടോ”
അവൾ നിന്ന് കൊഞ്ചുവാണ്
“അത് ഞാൻ ചുമ്മാ പറഞ്ഞതാ”
എനിക്കാണെങ്കിൽ നന്നായി വിശക്കുന്നുണ്ടായിരുന്നു എന്തെങ്കിലും പറഞ്ഞു വീട്ടിലേക് കേറാൻ നിന്ന എന്നെ കൈ പിടിച്ചു നിർത്തി
“ഇത് പറഞ്ഞിട്ട് പോ അച്ചൂ”
“ഇനിയെന്ത് പറയാനാ ഞാൻ പറഞ്ഞില്ലേ ചുമ്മാ പറഞ്ഞതാണെന്നു”
നല്ല വിശപ്പുണ്ട് അവൾകതൊന്നും ഒരു വിഷയമല്ല എന്ന ഭാവമാണ്
“അങ്ങനെ പറയാനല്ല? മുഴുവൻ പറ”
അവൾ കൊഞ്ചിക്കൊണ്ടു വീണ്ടും എനിക്കത് കണ്ടപ്പോൾ പ്രാന്താണ് വന്നത്
“നന്ദൂ ഞാൻ ഒരു കാര്യം ചോദിച്ചോട്ടെ”
ഞാൻ വളരെ കൂളായി സ്നേഹത്തോടെ ചോദിച്ചു
“ഹമ്..”
ചിരിച്ചുകൊണ്ട് മൂളി മറുപടി തന്നു
“സത്യം പറ നിനക്ക് എന്തെങ്കിലും പ്രശ്നമുണ്ടോ?”
“പോടാ..”
അവൾ പിണങ്ങിയ പോലെ ചുണ്ട്ക്കോട്ടികൊണ്ട് പറഞ്ഞു
“പിണങ്ങല്ലേ ഞാൻ ചോദിച്ചേന് മറുപടി താ നന്ദൂട്ടി”
ഞാൻ വീണ്ടും കളിയായി പറഞ്ഞു
“വേറാര് പറഞ്ഞാലും എനിക്കൊരു കോപ്പുമില്ല പക്ഷെ നീ പറഞ്ഞാലെനിക്കെന്തോ പോലെയാ”
അവൾ പരിഭവം മറച്ചുവെക്കാതെ തന്നെ പറഞ്ഞു അതുകണ്ടപ്പോൾ എനിക്കും എന്തോ പാവം തോന്നി എന്നെ കുറെ ചീത്ത പറയുവേം കളിയാക്കുവേമൊക്കെ ചെയ്യുമെങ്കിലും ഞാനെന്തെങ്കിലും പറഞ്ഞാൽ സഹിക്കാൻ പറ്റില്ല പെണ്ണിന് അത്കൊണ്ട്തന്നെയാണ് അവൾ പറയുന്നതൊക്കെ മുഴുവനായി അനുസരിക്കുന്നതും.
“എന്റെ നന്ദൂട്ടി നീ ഇങ് വന്നേ”
ഞാൻ കാർപോർച്ചിൽ നിന്ന് വീട്ടിലേക്ക് കയറുന്ന സ്റ്റെപ്പിലിരുന്നുകൊണ്ടു കൈമാടി വിളിച്ചു
അവൾ മടിച്ചു മടിച്ചു എന്റെ വന്നു എന്റെ മുന്നിൽ വന്നുനിന്നു
“ഛേ.. ആ ആതിരയൊക്കെയെന്ത് അവളെക്കാൾ എത്രയോ ബെറ്റർ എന്റെ നന്ദൂട്ടി തന്നെയാ”
ഞാനവളുടെ വലത്തേ കൈ പിടിച്ചുകൊണ്ട് പറഞ്ഞു. അവളുടെ മുഖത്തേക് നോക്കി ഒന്നും പറയുന്നില്ല എന്നെ നോക്കി ചിരിച്ചു നിൽകുന്നുണ്ട് കക്ഷി
“ഇനി എന്തെങ്കിലും …”
ഞാൻ കളിയായി ചോദിച്ചു അവൾഒന്നുമില്ലെന്ന് ചിരിച്ചുകൊണ്ട് തലയാട്ടി
എന്നാ ഞാനങ്ങോട്ട്..
ഞാൻ വയർ തടവി വിശക്കുന്ന പോലെ അകഷനിട്ടു പറഞ്ഞു
“മ്മ്…എന്നാ നീ പൊക്കോ”
അവൾ സന്തോഷത്തോടെ പറഞ്ഞു തിരിഞ്ഞു നടന്നു ആ പോക് നോക്കികൊണ്ട് ഞാനും ചിരിച്ചു
*******
അങ്ങനെ ദിവസങ്ങൾ ചടപടാന്നു പോയി കോളേജും വകീട്ടുള്ള കളിയും ക്ലബ്ബിൽ പോയിരിക്കലും സിഗ്‌രക്റ്റ് വലിയും എല്ലാം മുറപോലെ പോലെ നടന്നു അതിന്റെയിടയിലെ നന്ദൂസിന്റെ പിണക്കവും കിന്നരം പറച്ചിലും അതും നടന്നുപോന്നു..
അങ്ങനെയിരിക്കെ ഒരു ദിവസമാണ് ഞാൻ എന്റെ ആദ്യപ്രണയപത്നിയെ കണ്ടുമുട്ടുന്നത് അതൊക്കെ ഒരു ട്ടിസ്റ്റാണ് അതിനും നന്ദൂസ് തന്നെയാണ് വഴിയായതെന്നൊക്കെ വേണേൽ പറയാം..
അന്നൊരു തിങ്കളാഴ്ച ദിവസം ഫസ്റ്റിയർ പിള്ളേരു ജോയിൻ ചെയ്യുന്ന അന്ന് ഞാൻ കുറച്ച നേരത്തെ തന്നെ റേഡിയായിക്കൊണ്ടിരിക്കുന്ന സമയം ഉമ്മീ റൂമിലേക്ക് കേറിവന്നു
“ടാ അച്ചു നമ്മുടെ നടുവിലെ ഷട്ടറിന്റെ വാടക കിട്ടിയിട്ട് ഇപ്പോ മൂന്നു മാസമായി ഞാൻ അവർക്ക് വിളിച്ചിരുന്നു അവര് പറയുന്നത് ഇപ്പോൾ സൈലിങ്‌ ഒന്നും നടക്കുന്നില്ല ഇപ്പോ തരാൻ പറ്റില്ലെന്നൊക്കെയാ പറയണേ”
ഉമ്മി കാര്യത്തിന്റെ ഗൗരവം എന്നോട് പറഞ്ഞു. നടുവിലത്തെ ഷട്ടർ ആണ് ഉള്ളതിൽ ഏറ്റവും വെലുത്. അതിൽ നല്ലൊരു ടെക്സ്റ്റയിൽസ് ഷോപ്പാണ് നിലവിലുള്ളത്. അതാണിപ്പോ മൂന്നുമാസമായി വാടക ഒന്നും കിട്ടിയിട്ടില്ലെന്നു പറയുന്നത് ഞാനപ്പോഴാണ് ഇങ്ങനെയൊരു സംഭവം ഉണ്ടെന്നു തന്നെ അറിയുന്നത് ക്യാഷ് ഉമ്മീടെ അക്കൗണ്ടിലേക്കാണ് ക്രെഡിറ്റാവറ് പതിവ് അത്കൊണ്ട് തന്നെ ഞാനിതുവരെ അതിനെ പറ്റിയൊന്നും അറിയേണ്ടി വന്നിട്ടില്ല
“മൂന്നുമാസമായിട്ട് ഇന്നാണോ പറയണേ”
ഞാൻ സീരിയസായി ചോദിച്ചു
“ഞാനവർക്ക് വിളിച്ചിരുന്നെടാ അപ്പോഴൊക്കെ ഇത് തന്നയാ പറയണേ പിന്നെങ്ങേനാടാ അച്ചൂ ചോദിച്ചു ബുദ്ധിട്ടിമുടിക്കണേന്നു വിചാരിച്ചാ ഞാൻ പറയാതിരുന്നെ”
ഉമ്മി അങ്ങനെയാണ് ആരെങ്കിലും വന്നു രണ്ട് സെന്റിയടിച്ചാ ആള് വേഗം ഫ്ലാറ്റാവും
“ഇപ്പോഴെങ്കിലും പറഞ്ഞല്ലോ..ഞാൻ വിളിച്ചോളാം”
ഞാൻ ചിരിച്ചുകൊണ്ട് പറഞ്ഞു
ഉമ്മിയും അതുകേട്ട് പുഞ്ചിരിച്ചു താഴേക്ക് പോയി
ഞാൻ വേഗം നമ്പർ തപിയെടുത്തു അവർക്കു വിളിച്ചു വിളിച്ചപ്പോൾ മാനേജർ ആണ് എടുത്തത് ആയാൾ എന്നോടും ഒരുമാതിരി കണകുണാ പറഞ്ഞു എനിക്ക് അയാളുടെ ചൊരിഞ്ഞ വർത്താനം കേട്ടപ്പോഴേ ദേഷ്യം വന്നു ഞാൻ ചൂടായി അവസാനം അയാൾ മുതലാളിയെ പോയികണ്ടോളാൻ പറഞ്ഞു
ഞാൻ അപോത്തന്നെ പോയികാണാൻ തീരുമാനിച്ചു ഞാനിറങ്ങി
പോകുമ്പോൾ നന്ദൂസിന് വിളിച്ചുകാര്യം പറഞ്ഞു ഞാൻ ഇത്തിരി ലൈറ്റാവും എന്നാലും ഒരുമിച്ച് പോവാന്നും പറഞ്ഞിട്ടാണ് പോയത് അങ്ങനെ മാനേജർ പറഞ്ഞ അഡ്രസ് ഫോളോ ചെയ്തു വീട് കണ്ടുപിടിച്ചു ജസ്റ്റ് നാല്‌ കിലോമീറ്റർ ദൂരമേ ഉണ്ടായിരുന്നുള്ളു വീടെന്ന പറയാൻ പറ്റില്ല ക്രിസ്ത്യൻപള്ളി പോലെ മുകളിലേക്കു കെട്ടിപ്പൊക്കിയ ഒരു അടിപൊളി ബംഗ്ലാവ് എന്നൊക്കെ പറയാം ഗൈറ്റ് തുറന്നാണ് കിടന്നിരുന്നത് ഞാൻവണ്ടിയുള്ളിലേക്ക് കയറ്റി ആവീടും ചുറ്റുപാടും മോത്തിലൊന്നു നോക്കി പ്യുവർവൈറ്റ് കളർ പെയിന്റ് ആവീടിന്റെ ബാംഗി രണ്ടിരിരട്ടിയാകുന്നത് പോലെ തോന്നി വീടിന്റെ ഇടതുവശത്തുള്ള കാർപോർച്ചിൽ ഒരു ബ്ലാക്ക് കളർ ബെൻസും തോറ്റിയപ്പുറത്തായി ഒരു ആക്റ്റീവയും കിടക്കുന്നുണ്ട്. ഞാൻ വേഗം വണ്ടി സ്റ്റാന്റിട്ടു കാളിങ്ബെല്ലമർത്തി. ബെല്ലടിച്ചു രണ്ടുമിനിറ്റ് കഴിഞ്ഞാണ് ഡോർ തുറക്കുന്നത് ആ വെയിറ്റ്‌ ചെയ്യുന്ന സമയമപ്പോഴും വീണ്ടും എനിക്ക് ദേഷ്യം കൂടിവരികയാണ് ചെയ്തത്. ഒന്നാമത് ആ മാനേജറുടെ കൊണച്ച വർത്താനവും കോളേജിലേക്ക് നേരത്തെ പോകാനിറങ്ങി അതും നടകാത്തതാലോജിച്ചപ്പോ എനിക്ക് ആകെ ചൊറിഞ്ഞുവരാൻ തുടങ്ങിയിരുന്നു. അയാളെ കണ്ടു രണ്ടു വർത്താനം പറഞ്ഞു വേഗം പോണമെന്നായിരുന്നു എന്റെ നിലപാട്. പക്ഷെ ഡോർ തുറന്ന ആളെ കണ്ട് ഞാനാകെ വണ്ടറടിചു നിന്നുപോയി …..!
ഒരു റെഡ് കളർ ചുരിദാറിനുള്ളിൽ ഒരു പാവകുട്ടിയെ പോലെ തോന്നുന്ന രൂപം അവളുടെ ചെറിയ മുഖത്തേക്ക് ഇറങ്ങി ചുരുണ്ടു കിടക്കുന്ന മുടികൾ മുഖത്തിന്റെ സൗന്ദര്യം വർധിപ്പിക്കുന്നു … അതിനേക്കാളേറെ ശ്രദ്ധയീനമായത് ആ കണ്ണുകളായിരുന്നു..കണ്മഷിയോ മറ്റു സൗന്ദര്യം വർധിപ്പിക്കാനുള്ള ഒന്നും ഞാനാ മുഖത് കണ്ടില്ല എന്നാലും ആ കണ്ണുകൾക്ക് ഒരു പ്രത്യേക ബംഗി. പറഞ്ഞു വരപ്പിച്ച പോലെയുള്ള കണ്ണുകൾ ചുണ്ടുകൾ മൊത്തത്തിൽ ഏഞ്ചൽ എന്നൊക്കെ പറയൂലെ അതെപോലെയുള്ള ഒരു ഐറ്റം..
തുടരും
