അത് ചോദിച്ചതും സംഗീതയുടെ കണ്ണിൽ നിന്നും കണ്ണുനീർ ധാര ധാരയായി ഒഴുകി…
അത് കണ്ടു നില്ക്കാൻ എനിക്കും വിഷമം ആയിരുന്നു… ഞാൻ ഒന്നുടെ ആ നെറ്റിയിൽ ചുംബിച്ചു കൊണ്ട് അവിടെ നിന്നും താഴേക്കു ഇറങ്ങി..
താഴെ ഉണ്ടായിരുന്ന എല്ലാവരോടും യാത്ര പറഞ്ഞു കാറിലേക്ക് കയറാൻ ഇറങ്ങി…
എന്നാൽ മാളു മാത്രം അവിടെ ഉണ്ടായിരുന്നില്ല… അവളെ എനിക്കപ്പോൾ കാണുകയും വേണ്ടായിരുന്നു എന്നതാണ് സത്യം….
കാറിൽ കയറി തിരിഞ്ഞു നോക്കിയപ്പോൾ കലങ്ങിയ കണ്ണുകളോടെ സംഗീത അവിടെ നിൽപ്പുണ്ടായിരുന്നു..
ഇനിയൊന്നു തിരിഞ്ഞു നോക്കാതെ എയർപോർട്ട് ലക്ഷ്യമാക്കി കാർ മുൻപോട്ട് പാഞ്ഞു…
ആകെ അസ്വസ്ഥമായി മനസ്…
ഇതിനാണോ അവൾ ഈ വെളുപ്പിനേ വീട്ടിലേക്ക് കയറി വന്നത്…
ഇനി വേറെ എന്തെങ്കിലും ആണോ അവളുടെ ഉദ്ദേശം….
ചിന്തകൾ കാട് കയറി… മനസ്സിൽ വിഷമിച്ചു നിൽക്കുന്ന സംഗീതയുടെ മുഖമാണ്..
ഇനി എന്തായാലും ഒരാഴ്ചയ്ക്കുള്ളിൽ സംഗീതയെ കൊണ്ട്പോണം ഇനി അതൊരു വാശിയാണ്….
അവളുടെ ഒരു കോപ്പിലെ ചോദ്യംചെയ്യൽ… മനസ്സിൽ മാളുവിനോട് ദേഷ്യം കൂടി കൊണ്ടിരുന്നു….
ഓരോന്നും ആലോചിച്ചു എയർപോർട്ട് എത്തിയത് അറിഞ്ഞില്ല…. അകത്ത് കയറി ബോർഡിങ് കഴിഞ്ഞു….
ഇനിയും 3 മണിക്കൂറിനടുത്തുണ്ട്…..
സംഗീതയെ ഒന്ന് വിളിച്ചു…. വന്നവർ എല്ലാവരും ഉച്ചകഴിഞ്ഞ് പോകുന്നുള്ളൂ എന്നും അവൾ അവിടെ എല്ലാരോടും സംസാരിച്ചു ഇരികുകയാണെന്നും പറഞ്ഞപ്പോൾ ഒരു ആശ്വാസം….
വീണ്ടും ഫോണിൽ തോണ്ടി കൊണ്ടിരുന്നപ്പോളാണ് വാട്ട്സാപ്പിൽ മാളുവിന്റെ മെസ്സേജ് : H i
എത്രയും ഒപ്പിച്ചതും പോരാ അവൾ എപ്പോ മെസ്സേജും അയച്ചിരിക്കുന്നു… മാളുവിനോടുള്ള ദേഷ്യം ഞാൻ അവളുടെ വാട്സാപ്പ് അക്കൗണ്ടിനൊടു കാണിച്ചു.. സെറ്റിംഗ്സ് എടുത്തു നേരെ ബ്ലോക്ക് ചെയ്തു…
ഒരാശ്വാസം…..
ഹെഡ്ഫോൺ ഉം ചെവിയിൽ വച്ച് പാട്ടും കേട്ടുകൊണ്ട് ആ 3 മണിക്കൂർ തള്ളി നീക്കി ഫ്ലൈറ്റിൽ കയറി….
ഏതൊരു മലയാളിയെയും പോലെ ഞാനും പെണ്ണിനെ വിളിച്ചു ഫ്ലൈറ്റിൽ കയറിയ കാര്യം പറഞ്ഞു…..
നാലര മണിക്കൂർ ബോറടിപ്പിക്കുന്ന വിമാന യാത്രക്കൊടുവിൽ ഞാൻ ഖത്തറിൽ എത്തി….
വാച്ചിലെ സമയം രണ്ടര മണിക്കൂർ പുറകിലേക്ക് ഓടിച്ചു വച്ചു… സിം മാറ്റിയപ്പോൾ ഫോണിലെ സമയം ഓട്ടോമാറ്റിക്കായി മാറി..
വിമാനത്തിൽ നിന്ന് പുറത്തേക്ക് ഇറങ്ങിയതും ഇവിടെ എത്തിയ കാര്യം സംഗീതയെ വിളിച്ചു പറഞ്ഞു…
എമിഗ്രേഷൻ ക്ലിയറൻസും കഴിഞ്ഞു ടാക്സി വിളിച്ചു റൂമിലേക്കു എത്തിയപ്പോൾ സമയം 3 മണി… നാളെ മുതൽ വീണ്ടും ജോലി തിരക്കുകളിലേക്ക്…
റൂമിൽ വന്നു കിടന്ന് ഒന്ന് മയങ്ങി…
എഴുന്നേറ്റ് മൊബൈൽ എടുത്തു നോക്കിയപ്പോൾ ഒരുപാട് നോട്ടിഫിക്കേഷൻസ് ഉണ്ട്…
വാട്സാപ്പ് തുറന്നു നോക്കിയപ്പോൾ സൗമ്യേച്ചിയുടെ മെസ്സേജ്…
എന്താടാ മാളുവും ആയി പ്രശനം ?
എന്തിനാ നീ അവളെ ബ്ലോക്ക് ചെയ്തേ…??
ഇവൾ അത് അപ്പോളേക്കും സൗമ്യേച്ചിനെ വിളിച്ചു പറഞ്ഞോ…. ഞാൻ നടന്ന സംഭവങ്ങൾ മുഴുവൻ സൗമ്യേച്ചിക്ക് വോയിസ് മെസ്സേജ് ആയി അയച്ചു….
അരമണിക്കൂർ കഴിഞ്ഞാണ് ചേച്ചിയുടെ റിപ്ലൈ വന്നത്…
എടാ നീ വിചാരിക്കുന്ന പോലെ അല്ല കാര്യങ്ങൾ… മാളു തെറ്റൊന്നും ചെയ്തിട്ടില്ല,,.. നീ ഫ്രീ ആണെങ്കിൽ എന്നെ ഒന്ന് വിളിക്ക്…
എന്തിനാ സൗമ്യേച്ചി അവളുടെ വക്കാലത്തുമായി വരുന്നത്… ഞാൻ മനസ്സിലോർത്തു…
സൗമ്യേച്ചി വിളിക്കാൻ പറഞ്ഞിട്ട് വിളിക്കാതെ ഇരിക്കുന്നത് ശരിയല്ല…
മനസില്ലാ മനസ്സോടെ ഞാൻ വിളിച്ചു..
ഫോൺ എടുത്തതും സൗമ്യേച്ചി തന്നെ പറഞ്ഞു തുടങ്ങി…
നിന്നെ ഇത്രയേറെ സ്നേഹിച്ചതിനാണോ നീ മാളുവിനെ ബ്ലോക്ക് ചെയ്തിരിക്കുന്നത് ?
അവൾ എന്തിനാ ചേച്ചി ആവിശ്യം ഇല്ലാത്ത കാര്യങ്ങൾ ആ സമയത്ത് പറഞ്ഞ് സംഗീതയെ വിഷമിപ്പിച്ചത്…
എടാ അത് മാളുവല്ല പറഞ്ഞത് ശരണ്യയാണ് പറഞ്ഞത്… അവളാണ് സംഗീതക്ക് വിസ കിട്ടിയിട്ടില എന്നും ഒരാഴ്ചക്കുള്ളിൽ പോകാൻ പറ്റില്ല എന്നുമൊക്കെ പറഞ്ഞ് സംഗീതയെ വിഷമിപ്പിച്ചതും….
ആ സമയത്ത് നീ റൂമിലേക്ക് കയറി ചെന്നപ്പോൾ സംഗീതക്ക് ആശ്വാസം ആകാൻ വേണ്ടി ആണ് മാളു ആ കാര്യങ്ങൾ നിന്നോട് ചോദിക്കുന്നത്… നിന്റെ വായിൽ നിന്ന് തന്നെ കേൾക്കാൻ വേണ്ടി… അത് കേട്ട് സംഗീതക്ക് ആശ്വാസം ആകാൻ വേണ്ടി…. ചേച്ചി പറഞ്ഞ് നിർത്തി…
രാവിലത്തെ സന്ദർഭം ആലോചിച്ചപ്പോൾ ശരിയാണ് ഞാൻ റൂമിലേക്ക് കയറി വരുന്നതിനു മുൻപ് അവർ എന്താ സംസാരിച്ചിരുന്നത് എന്ന് എനിക്ക് അറിയില്ല… മാളുവിന്റെ ആ ചോദ്യവും അതിനുശേഷമുള്ള കാര്യങ്ങൾ മാത്രമേ എനിക്ക് അറിയൂ,,,