പുതുരാഗം.. പുതുവർണം.. – 1 9അടിപൊളി 

കോളേജ് കുമാരിമാർക്കിടയിലെ കാമദേവനാണവൻ..

പക്ഷേ,ആരെയും പ്രേമിക്കാൻ അവന് കഴിഞ്ഞിട്ടില്ല… കാരണം, പ്രേമിക്കുന്ന പെണ്ണിന് ഒരു ഡയറി മിൽക്ക് വാങ്ങിക്കൊടുക്കാൻ പോലും അവന് ആവതില്ല..

 

പഠനത്തിൽ മിടുക്കനാണെങ്കിലും, തീർത്തും നിരാശനായിട്ടായിരുന്നു അവന്റെ ജീവിതം..

പണത്തിന്റെ തിളപ്പിൽ പുളക്കുന്ന മറ്റ് വിദ്യാർത്ഥികളെ കൊതിയോടെയവൻ നോക്കും..

കോളെജിലെ ഒരു പരിപാടിക്കും അവൻ പങ്കെടുക്കില്ല.. എല്ലാം പൈസച്ചിലവുള്ള പരിപാടിയാണെന്ന് മനസിലാക്കി അവൻ പിൻമാറും..

പഠനം തന്നെ വളരെ കഷ്ടപ്പെട്ടാണ് നടക്കുന്നത്..

 

തീർത്തും അവിചാരിതമായാണ് സായി, അലനെ ശ്രദ്ധിക്കുന്നത്..

ഒരു മിണ്ടാപൂച്ച..

ആരോടും ഒന്നിനുമില്ലാത്തൊരു പാവം..പഠനത്തിലല്ലാതെ വേറൊരു കാര്യത്തിലും ശ്രദ്ധിക്കാത്ത ഒരുത്തൻ..

ഒരാഴ്ച അലനെ ശ്രദ്ധിച്ചതിൽ നിന്നും സായിക്ക് ഒരു കാര്യം മനസിലായി..

അലൻ പൂത്ത കാശുള്ള വീട്ടിലെ പയ്യനാണ്..

പക്ഷേ,ആളൊരു മണ്ണുണ്ണിയാണ്..

അവന് കൂട്ടുകാരാരുമില്ല..

 

പിന്നെയും രണ്ട് മൂന്ന് ദിവസം അലനെ നിരീക്ഷിച്ച സായി, ഒരു തീരുമാനമെടുത്തു.

അവനെ കൂട്ടുകാരനാക്കുക..

അതിന് സായി കണ്ട കാരണം, അലന്റെ കയ്യിൽ എപ്പഴും കാണുന്ന നോട്ടുകളാണ്..

ഈ മൂന്ന് വർഷം തന്റെ ഭക്ഷണച്ചെലവെങ്കിലും അവനിൽ നിന്ന് ഈടാക്കണം…

 

കൂടുതൽ ആൾക്കാരും പുറത്തുള്ള വലിയ ഹോട്ടലിൽ പോയി ഭക്ഷണം കഴിക്കുമ്പോ സായി, കോളേജ് കാന്റീനിലെ ഉണക്കപ്പൊറോട്ടയും, കടലക്കറിയുമാണ് ഉച്ചക്ക് കഴിക്കുക..

കറിക്കുള്ള പൈസ തന്നെ ചിലപ്പോ തികയാറില്ല..

 

അലൻ ഒരു പൊട്ടനാണ്.. എപ്പഴും കയ്യിൽ കാശുമുണ്ട്..

അവനെ കൂട്ടുകാരനാക്കിയാൽ തന്റെ ഫുഡടി നടക്കും.. ഈയൊരൊറ്റ കാര്യം മുന്നിൽ കണ്ടാണ് സായി, അലനുമായി പരിചയപ്പെട്ടത്..

 

എന്നാൽ അലൻ അടുത്തില്ല..

അവൻ പേടിയോടെയാണ് സായിയെ നോക്കിയത്..

അവന്റെ ആകാരവടിവും, പിരിച്ച് വെച്ച മീശയും അവനെ പേടിപ്പെടുത്തി..

സായിക്ക് വിട്ട് പോരാൻ കഴിയില്ലായിരുന്നു..

രണ്ടാഴ്ച മെനക്കെട്ട് നോക്കിയിട്ടാണ് അലൻ അവനോടൊന്ന് സംസാരിച്ചത്..

 

നിരന്തരം അലന്റെ കൂടെ നടന്ന് അവനെ കൂട്ടുകാരനാക്കുന്നതിൽ സായി വിജയിച്ചു..

രണ്ടാളും കൂട്ടായി…

സായിയെ പോലും ഞെട്ടിച്ചുകൊണ്ടായിരുന്നു അലന്റെ മാറ്റം.. അവനെന്തിനും സായി ഒപ്പം വേണം…

അവനില്ലാതെ അലൻ ക്ലാസിനകത്തോ പുറത്തോ ഇരിക്കില്ല…

സായി ഉദ്ദേശിച്ച കാര്യം നടക്കുകയും ചെയ്തു..

അവന്റെ കോളേജിലെ സർവ്വ ചെലവുകളും അലൻ ഏറ്റു…

ഉച്ചക്ക് പുറത്തുള്ള മുന്തിയ ഹോട്ടലിൽ പോയി സായിക്ക് വേണ്ടത് കഴിക്കാം..

ഇടക്ക് കണ്ടറിഞ്ഞ് അലൻ അവന് പണവും കൊടുത്തു..

 

ഇത്രകാലം കൂട്ടുകാരില്ലാതിരുന്ന അലൻ ഒരു കൂട്ടുകാരനെ കിട്ടിയപ്പോ പിന്നെയവനെ വിട്ടില്ല…

 

അവനോട് പണം ഈടാക്കിയെങ്കിലും, അവനെയൊന്ന് മാറ്റിയെടുക്കണമെന്ന് സായിക്ക് തോന്നി..

ഏകദേശം രണ്ട് മാസം അവൻ നിരന്തരം ശ്രമിച്ചിട്ടാണ് അലൻ വേറൊരാളോട് മിണ്ടാൻ തുടങ്ങിയത്..

 

സ്വന്തമായി മൊബൈൽ ഉപയോഗിക്കാത്ത അലനെ അവൻ മൊബൈൽ ഉപയോഗിക്കാൻ പഠിപ്പിച്ചു..

സ്വന്തം ബൈക്കിൽ അവനെ ബൈക്കോടിക്കാനും പഠിപ്പിച്ചു..

അലനറിയാത്ത പലതും സായി അവനെ പഠിപ്പിച്ചു…

 

അലൻ പൂർണമായും മാറിയില്ലെങ്കിലും, കുറേയൊക്കെ മാറ്റം അവനുണ്ടായി..ആരോടും സംസാരിക്കാനൊന്നും ഇപ്പോ അവന് പേടിയില്ല..

 

✍️✍️✍️

 

പിറ്റേന്ന് അലൻ കോളേജിലെത്തിയത് സന്തോഷത്തോടെയായിരുന്നു..

സായിപ്രസാദിനെ കണ്ടപാടെ അവൻ ഓടിച്ചെന്നു..

 

“” സായീ… ഇന്നുച്ചവരെ നമുക്ക് ക്ലാസിലിരുന്നാമതി… ഉച്ചക്ക് എന്റെ വീട് വരെയൊന്ന് പോണം… “

 

കണ്ടപാടെ അലൻ പറഞ്ഞു..

 

“” നീ നിന്റെ വീട്ടിലേക്ക് പോകുന്നതിനെന്തിനാടാ കൊശവാ ഞാൻ ക്ലാസ് കട്ട് ചെയ്യുന്നത്…?”

 

സായി ചിരിയോടെ ചോദിച്ചു..

 

“” ഞാനൊറ്റക്കല്ലെടാ പോകുന്നേ… നമ്മള് രണ്ടാളും കൂടിയാ…

നിന്നെയും കൊണ്ട് ചെല്ലാൻ പറഞ്ഞിരിക്കുകയാ എന്റെ മമ്മി… “..