Related Posts
നാസി.. ടാ…
പെട്ടന്നായിരുന്നു ഉമ്മ യുടെ ശബ്ദം കേട്ടത്…
സ്വപ്നത്തിൽ നിന്നും ഉണർന്നപ്പോളും ഓളെ മുഖമാണ് മുന്നിൽ…. എന്റെ ലെച്ചു വിന്റെ…
ഇല്ല.. എന്റെ ലെച്ചു അങ്ങനെ ഒന്നും ചെയ്യില്ല.. ഈ ലോകം മുഴുവൻ ലെച്ചു വിനെ അങ്ങനെ കണ്ടാലും ഒരു നിമിഷം പോലും എന്റെ മനസ്സിൽ ലെച്ചു വിനെ കുറിച്ച് മോശമായി തോന്നില്ല..
ലെച്ചു…
“എൻ സ്വപ്നങ്ങളിൽ
നിന്നിലലിയാൻ ഒരു നിമിഷം തരൂ സഖി ”
കട്ടിലിൽ കിടന്ന തലയണ നെഞ്ചോട് ചേർത്തു കൊണ്ട് മെല്ലെ ഞാൻ മൂളി… എന്റെ ചുണ്ടിൽ പതിയെ ഒരു വികട മായ പുഞ്ചിരി വിടർന്നു വന്നു…
അന്നോരുന്നാൾ എന്നെ ഇഷ്ട്ടമാണെന്ന് പറഞ്ഞ അന്ന് തന്നെ അവൾ മറ്റൊരുവന്റെ പ്രൊപോസൽ വന്നപ്പോൾ നൈസായി തേച്…
പകരം വീട്ടണം…
ടാ.. നാസി… നീ എന്താ അവിടെ മൂളിപ്പാട്ട് പാടി കിടക്കുന്നത്.. ഉമ്മ കുറച്ചു ദേഷ്യത്തിൽ ആണെന്ന് തോന്നുന്നു… ശബ്ദം മാറി തുടങ്ങിയിട്ടുണ്ട്.. ഇനിയും കിടന്നാൽ ചിലപ്പോൾ വെള്ള ചാട്ടം ഉണ്ടാകുവാൻ സാധ്യത കാണുന്നുണ്ട്.. മേല് മുഴുവൻ വെള്ളത്തിൽ നനയുമെ…
അല്ലേൽ തന്നെ രാവിലെ ഉള്ള കുളി… ഈ തണുപ്പിൽ സഹിക്കാൻ പറ്റില്ല.. ഒന്ന് എഴുനേൽക്കുന്നത് തന്നെ നല്ലോണം മൂത്രം ഒഴിക്കാൻ മുട്ടി വേദന എടുക്കുമ്പോൾ ആണ്..
അതൊക്കെ ഉണ്ടായാലും കിടത്തതിന്റെ സുഖത്തിൽ ചിലപ്പോൾ കുറച്ചു നേരം കൂടേ കിടന്നു നോക്കും..
എന്ത് പറയാനാ ആ സമയം ആയിരിക്കും ചിലപ്പോൾ നല്ലോണം മുട്ടി രണ്ടു തുള്ളിയോ മറ്റോ പുറത്ത് പോയത് പോലെ തോന്നുക. ഉടനെ തന്നെ ചാടി എഴുന്നേറ്റ് ഓടി മറിഞ്ഞു ബാത്‌റൂമിൽ എത്തും…
അല്ലേൽ പിന്നെ ബെഡും ബെഡ്ഷീറ്റും ഞാൻ തന്നെ കഴുകേണ്ടി വരും…
“അരികിൽ നീ ഉണ്ടായിയുന്നെകിൽ എന്ന് ഞാൻ ഒരുമാത്ര വെറുതെ കൊതിച്ചു പോയി… ” ഒരു കുഞ്ഞു മൂളിപ്പാട്ടോട് കൂടേ കുളി കഴിഞ്ഞു ഫ്രഷ് ആയി ഹാളിലേക്കു ചെന്നു…
“ടാ. നേരം എത്ര ആയെന്ന നിന്റെ വിചാരം.. പാവം നിന്റെ ഉപ്പ.. അങ്ങേർക്കു ഫുഡ്‌ കഴിച്ചു മരുന്ന് കുടിക്കുവാൻ ഉണ്ടെന്ന് അറിയില്ലേ..”
പക്ഷെ സത്യം പറഞ്ഞാൽ ഞാൻ ഉമ്മ പറയുന്നത് ഒന്നും കേൾക്കുന്നില്ല..
ഞാനിപ്പോഴും ലെച്ചു വിന്റെ അടുത്താണ്.. തലക്കു ഒരു കിഴുക് കിട്ടിയപ്പോൾ ആയിരുന്നു ഉമ്മയെ നോക്കിയത്..
ഉമ്മ ഒരു ഭദ്ര കാളി കണക്കെ എന്നെ തന്നെ നോക്കി നിൽക്കുന്നു..
ഞാൻ പറഞ്ഞത് എന്തേലും നീ കേട്ടോ..
ആ ഉമ്മ കേട്ടു..
“എന്താ ഞാൻ പറഞ്ഞത്.. “കയ്യിലുള്ള ചട്ടുകം എന്റെ നേരെ ഓങ്ങി കൊണ്ട് ഉമ്മ ചോദിച്ചു..
അത് പിന്നെ.. അത് പിന്നെ.. സത്യത്തിൽ എന്താണ് ഉമ്മ പറഞ്ഞതെന്ന് അറിയാത്തതു കൊണ്ട് തന്നെ തപ്പി കളിക്കുകയെ നിവർത്തി ഉണ്ടായിരുന്നുള്ളു…
ആ രൂപം മാറി പെട്ടന്ന് തന്നെ ഒരു ചിരിയോടെ കയ്യിൽ ഒരു അടി തന്നു ഉമ്മ തന്നെ പറഞ്ഞു..
“അതിന് അവിടെ നാസറിക്ക ഇല്ലേ.. പിന്നെ ഉമേച്ചിയും സിന്ധു വും റാഹിലത്തയും ഇല്ലേ..”
“അവരൊക്കെ ഉണ്ട്.. പക്ഷെ ഉപ്പാക് ഇന്ന് ടൗണിൽ പോകുവാൻ ഉള്ളത് പറഞ്ഞത് ഓർമ്മയില്ലേ… ആരെക്കെയോ കാണാൻ ഉണ്ടെന്ന്… വൈകുന്നേരം ആവും തിരികെ വരുമ്പോൾ… അത് വരെ നീ തന്നെ നിൽക്കണം..”
“വൈകുന്നേരം വേരെയൊ… അയ്യടാ അതിന് വേറെ ആളെ നോക്കിക്കോ.. “ഞാൻ കുറച്ചു ചൂടായി തന്നെ ഉമ്മയോട് പറഞ്ഞു..
“എന്താടാ.. നിനക്ക് വല്ല കുഴപ്പവും ഉണ്ടോ… ഉണ്ടേൽ പറഞ്ഞോ.. “ഉമ്മാ ഒരു പരിഹാസ ചിരിയോടെ ചോദിച്ചു
“ആ.. ഉണ്ട്.. ഇന്ന് സജീറിന്റെ വീട്ടിൽ നാലു മണിക്ക് പരുവാടി അല്ലെ.. എന്നോട് രാവിലെ തന്നെ എത്തുവാൻ പറഞ്ഞതാണ്.. ഇനി ഇപ്പൊ ഞാൻ എന്ത് ചെയ്യും…”
“അവിടെ എന്താ പരിവാടി…”
“ഉമ്മ.. കഴിഞ്ഞ ആഴ്ച അവൻ വന്നപ്പോൾ അല്ലെ പറഞ്ഞെ.. ചെറിയുടെ നിശ്ചയമാണ്.. ഉമ്മനോടും എന്നോടും എന്തായാലും വരാൻ പറഞ്ഞിട്ടില്ലേ..”
“റബേ ഞാൻ അത് മറന്നു.. ഇന്നാണോ ആ പരിവാടി.. എത്ര കാലമായി ആ പെണ്ണിന് ഒരു ആലോചന ശരിയാവാൻ നടക്കുന്നു…”
“ഞാൻ അന്നും പറഞ്ഞതാ അവനോട്.. നല്ല ചെക്കൻ ആണെന്ന അവൻ പറഞ്ഞെ.. “
ഉമ്മ ഇങ്ങനെയാ എന്തേലും കിട്ടിയാൽ പിന്നെ അതിന് തുടർച്ച യായി കുറെ ഏറെ പറയാൻ ഉണ്ടാവും…
ഹ്മ്മ്.. ഞാൻ അതിനെല്ലാം ഒന്ന് മൂളി കൊടുത്തു…
“ഇനി ഇപ്പൊ എന്താ ചെയ്യ.. ഉപ്പാക് ആണേൽ പോവാനും ഉണ്ട്.. എന്തായാലും നീ കടയിലേക്ക് പൊയ്ക്കോ.. ഞാൻ ഉപ്പ വന്നിട്ട്.. നാലു മണിക്ക് മുമ്പേ തിരികെ വരാൻ പറയാം..”
എന്റെ ഉമ്മാ.. നാലു മണിക്ക് മുന്നേ പോയിട്ട് എന്തിനാ.. അവിടുത്തെ ഫുഡ്‌ കഴിച്ചു ഇളിച്ചു വരാൻ ആണൊ…
“അല്ലാതെ പിന്നെ ഞാൻ ഇപ്പൊ എന്താ ചെയ്യാ… ഞാൻ ആണേൽ ഉപ്പാനോട് പറയാനും മറന്നു…” ഉമ്മ തന്റെ നിസ്സഹായവസ്ഥ പറഞ്ഞു…
“എന്നാൽ ഞാൻ ഒരു ഒരുമണിക് കടയിൽ നിന്നും മുങ്ങും…”
“ടാ.. വേണ്ടാത്ത പരിവാടിക് നില്ക്കണ്ട ട്ടോ.. ഉപ്പ അറിഞ്ഞാൽ എന്താ ഉണ്ടാവാ എന്ന് ഞാൻ പറയേണ്ടല്ലോ…” ഉമ്മ ഒരു ഭീഷണി പോലെ പറഞ്ഞു…
ഉമ്മാ.. ഞാൻ ഉമ്മയുടെ കയ്യിൽ ഒന്ന് പിടിച്ചു വെറുതെ സങ്കടം വരുന്നത് പോലെ കാണിച്ചു നോക്കി.. കിട്ടിയാൽ ഊട്ടി പോയാൽ ചട്ടി…
എന്തായാലും ഉമ്മ എനിക്ക് സങ്കടം വരുന്നത് ഒന്നും ചെയ്യില്ല.. അവസാനത്തെ അടവ് എടുക്കാതെ രക്ഷയില്ല…
കണ്ണിൽ സങ്കടം വരുത്തണം…
“അങ്ങനെ ആണേൽ നീ ഒരു മൂന്നു മണിക്ക് പൊയ്ക്കോ… നാസറിക്കാനെ ഏൽപ്പിച്ച്..”
“ഇങ്ങള് ഒരു രണ്ടു മണിക്കൂർ കൂടേ കുറച്ചു തരി ഉമ്മാ…”
“നാസി നിനക്ക് വേണേൽ ഞാൻ പറഞ്ഞത് കേട്ടോ. അല്ലേൽ പിന്നെ ഉപ്പാനോട് കിട്ടുമ്പോൾ അത് വാങ്ങേണ്ടി വരും.. പോത്ത് പോലെ വളർന്നിട്ടുണ്ട് എന്നിട്ടും ഇപ്പോഴും ചിണുങ്ങാണ്.. എന്നും പറഞ്ഞു ഉമ്മ ഞാൻ കഴിച്ച പാത്രവും എടുത്തു അടുക്കളയിലേക് പോയി…”
ഏറ്റില്ല.. ഏറ്റില്ല… ചീറ്റി പോയി.. എന്തായാലും ഒരു മണിക്ക് മുങ്ങാൻ പ്ലാൻ ഇട്ട് കൊണ്ട് ഞാൻ എന്റെ ഡ്യുക് എടുത്തു മൂളിച്ചു കൊണ്ട് വീട്ടിൽ നിന്നും ഇറങ്ങി…
❤❤❤
കടയിലേക്ക് എത്തിയപ്പോൾ തന്നെ കണ്ടു റാഹില ഇത്ത പുറത്ത് വെച്ചിരിക്കുന്ന പ്ലാസ്റ്റിക് സാധനങ്ങളിലെ പൊടി തട്ടി മാറ്റി കൊണ്ടിരിക്കുന്നു….
ഗ്ലാസിന്റെ ഉള്ളിലൂടെ നോക്കിയപ്പോൾ ഉപ്പ ഇരിക്കുന്ന കേബിനിൽ ഉപ്പയെ കണ്ടില്ല…
ഇത്ത.. ഉപ്പ എവിടെ…
“ആ നീയോ.. നിന്നെയും കാത് കുറെ നേരം പുറത്ത് തന്നെ ഉണ്ടായിരുന്നു… ഇപ്പൊ കുറച്ചു മുന്നേ കാറും എടുത്തു പോയി.. മൂപ്പര് നല്ല ശുണ്ഠി യില പോയത് “..
അള്ളോ.. വീട്ടിലേക് ആയിരിക്കും.. ഇന്നെനിക്കു കിട്ടാൻ ഉള്ളത് മുഴുവൻ ഉമ്മ വാങ്ങും.. ഞാൻ ഒരു ചിരിയോടെ പറഞ്ഞു ഉള്ളിലേക്കു കയറി..
നാസറിക്ക…
ആ.. നാസി മോനോ.. നീ എന്തെ വൈകിയേ..
ഞായറാഴ്ച അല്ലെ ഇക്ക.. കുറച്ചു കൂടുതൽ ഉറങ്ങി പോയി..
