ഇക്കു ന് അറിയുമോ.. ഉപ്പ എപ്പോൾ വീട്ടിൽ വന്നാലും നിങ്ങളെ കുറിച്ചെല്ലാം പറയും.. ഇക്കാനെ കുറിച്ച് എത്ര പ്രതീക്ഷ ഉണ്ടെന്ന് അറിയുമോ ഇങ്ങളെ ഉപ്പാക്.. അത് പോലെ തന്നെ സുഹറാന്റി കും … ഞാൻ പറയാനുള്ളത് പറഞ്ഞു ഇനി എല്ലാം ഇക്കാന്റെ ഇഷ്ടം.. ഇക്കാനെ ഒന്ന് ഒറ്റക് കിട്ടുമ്പോൾ പറയാമെന്നു കരുതിയത് ആയിരുന്നു..
ഇതിപ്പോ ഇവൾ എന്നെ എപ്പോ നോക്കുവാൻ തുടങ്ങി… ഞാൻ അതും ചിന്തിച്ചു കൊണ്ട് തന്നെ അവരുടെ വീട്ടിലേക്കുള്ള വഴി യിലേക്ക് വണ്ടി ഇറക്കി..
❤❤❤
അള്ളോ ആരിത്.. നാസി യേ..
എന്നെ കണ്ട ഉടനെ തന്നെ ഞാൻ നേരത്തെ പറഞ്ഞത് പോലെ തന്നെ റുബീന അരികിലേക് ഓടി വന്നു.. കയ്യിൽ അവളെ പോലെ തന്നെ ഒരു സുന്ദരി ഇരിക്കുന്നുണ്ട്…
ആഹാ.. നീ എത്തിയോ.. നീ എത്തുന്നതുന്നതിന് മുമ്പ് ഇവളെ ഇവിടെ എത്തിക്കുവാനാണ് എന്നെ ഇക്ക പറഞ്ഞയ്ച്ചത്…
ഞാൻ വന്നിട്ട് അഞ്ചു മിനിറ്റ് ആയട.. ഇപ്പോ ഇറങ്ങും.. ഇറങ്ങാൻ തുടങ്ങായിരുന്നു.. ഉമ്മയാ പറഞ്ഞത് ഇവൾ വന്നിട്ട് പോകാമെന്നു.. നിനക്ക് അറിയില്ലേ നമ്മുടെ മഞ്ജു വിനെ..
ഏത് മഞ്ജു..
എടാ നമ്മുടെ മറ്റേ മഞ്ജു.. നിന്റെ മഞ്ചിലെ മഞ്ജു..
ആ…
അത് എന്താ ഇത്ത.. റുബീന പറഞ്ഞു കൊണ്ടിരിക്കുന്നതിന് ഇടയിൽ ആയിരുന്നു നാജി ചോദിച്ചത്..
അതോ.. അത് വല്യ കഥ യാണ് മോളെ.. പത്താം ക്‌ളാസിൽ നിന്നെ.. ഇവന് അവളോട്‌ മുടിഞ്ഞ പ്രേമം…
എന്നിട്ട്.. കഥ കേൾക്കുവാൻ തന്നെ ആണെന്ന് തോന്നുന്നു ഇത്തയെ ആവേശത്തിലാക്കി നാജി ചോദിച്ചു..
എന്നിട്ട് എന്താ. എനിക്ക് നേരമില്ല ഞാൻ ചുരുക്കി പറയാം.. ഓള് ഇവനോ കൊണ്ട് എന്നും ഓരോ മഞ്ച് വാങ്ങിപിക്കും… ഇവന്റെ വിചാരം അവൾക് ഇവനോട് മുടിഞ്ഞ പ്രണയം ആണെന്ന..
റുബി പോവണ്ടേ.. അളിയൻ ആണ്.. നാസറിക്ക യുടെ മരുമോൻ..
ആ ഇക്ക.. ഒരഞ്ചു മിനിറ്റ്.. ഇപ്പൊ വരാം..
ഇത്ത ഒന്ന് പറ എന്നിട്ട്.. നാജി അക്ഷമ യോട് കൂടേ റുബീനയെ പ്രോത്സാഹിപ്പിച്ചു കൊണ്ട് ചോദിച്ചു…
ഓളെ.. ഇവൻ കൊടുക്കുന്ന മഞ്ച് എല്ലാം പ്ലസ് 2 വിൽ പഠിക്കുന്ന ഒരു കുട്ടിക്ക് കൊണ്ട് കൊടുക്കും… പാവം രണ്ടു മാസത്തോളം മഞ്ച് കൊടുത്തതിനു ശേഷ മാണ് മോളെ ഇവൻ അത് അറിഞ്ഞത്… ഇവനൊരു പേരും ഉണ്ടായിരുന്നു ആ സമയം സ്കൂളിൽ.. മഞ്ച് നസി….
നീ ഇപ്പൊ എന്നെ വരാൻ വന്നതാണോ റുബി ഇവിടെ..
എന്റെ നാസി ഇജ്ജ് ചൂടാവല്ലേ.. ചൂടായാൽ നിന്നെ കാണാൻ ഒരു രസവും ഇല്ലാട്ടോ.. റുബി എന്റെ കയ്യിൽ ചെറുതായി ഒരു അടി തന്നു കൊണ്ട് പറഞ്ഞു..
മോളെ പേര് എന്തുവാ… ഞാൻ മോളെ നേരെ കൈ നീട്ടി കൊണ്ട് എടുക്കുവാനായി ശ്രെമിച്ചു കൊണ്ട് ചോദിച്ചു…
ആയിഷ മെഹ്റിൻ..
എന്റെ കൈ കണ്ടതോടെ അവൾ ഒന്ന് ചിണുങ്ങി കൊണ്ട് അവളുടെ ഉമ്മയിലേക് തന്നെ ചേർന്ന് ഇരുന്നു..
എന്നാൽ ഞാൻ പോകുന്നു.. എന്നും പറഞ്ഞു വണ്ടി തിരിക്കുന്നതിന് ഇടയിലാണ് നാജി യുടെ ഉമ്മ പുറത്തേക് വന്നത്..
ടാ.. ഒന്ന് കയറിയിട്ട് പോ.. ഇക്കയോ വന്നില്ല.. നീ എങ്കിലും കുറച്ചു സമയം അളിയന്റെ അടുത്ത് ഇരിക്ക്‌..
പണി യായി.. നാസറിക്ക യുടെ ഭാര്യ.. സൽമ ഇത്ത യാണ്.. ഇനി കയറിയില്ലേൽ അത് മതി. ഉപ്പാക് ഭൂകമ്പം ഉണ്ടാക്കാൻ…
വാടാ.. ഒരഞ്ചു മിനിറ്റ് ഇരുന്നിട്ട് പൊയ്ക്കോ.. എനിക്ക് മോൾക് കുറച്ചു പാല് കൊടുക്കണം..അത് വരെ എങ്കിലും ഇക്കാക് ഒരു കമ്പനി കൊടുക്ക്‌ നീ.. റുബി വണ്ടിയിൽ നിന്നും വലിച്ചു ഇറക്കുവാനായി ശ്രെമിച്ചു കൊണ്ട് പറഞ്ഞു..
ആ വരാം.. കൈ വിട്.. എനിക്ക് വേദനിക്കുന്നു..
റുബീന യുടെ കയ്യിലും ഉണ്ട് നല്ല നഖം.. നിങ്ങള് രണ്ടു പേരും ആളെ കൊല്ലാനാണോ നഖം വളർത്തി നടക്കുന്നെ. രണ്ടിന്റെയും കൈ എന്റെ നേരെ പിടിച്ചു നിവർത്തി കൊണ്ട് ഞാൻ ചോദിച്ചു..
സോറി. രണ്ടും എന്നെ നോക്കി ഒരേ സ്വരത്തിൽ പറഞ്ഞു..
ചോറി.. പൊയ്ക്കോണം മുന്നിൽ നിന്ന്.. ഹൗ. തോല് പൊളിഞ്ഞെന്ന തോന്നുന്നത്..
പോടാ. അത്രക്കൊന്നും ഇല്ലേ.. ഇത് നിനക്ക് മഞ്ജു വിന്റെ കല്യാണം ആണെന്ന് അറിഞ്ഞതോണ്ടുള്ള ദേഷ്യം അല്ലേടാ… റുബി എന്നെ നോക്കി കളിയാക്കി ചിരിച്ചു കൊണ്ട് ചോദിച്ചു..
പോടീ…. ഓളെ ആരേലും കേട്ടുന്നതിന് ഞാൻ എന്തിന് ദേഷ്യപെടണം.. എന്റെ ഉപ്പാന്റെ കടയിലേ കുറച്ചു മഞ്ച് കളവ് പോയി അതിനലിത്തം വേറെ ഒന്നും ഉണ്ടായിട്ടില്ല..
ദ്രോഹി.. നീ കടയിൽ നിന്ന് കട്ട് കൊണ്ടായിരുന്നു അല്ലെ അവൾക് മഞ്ച് വാങ്ങി കൊടുത്തേ.. വായ കൈകൊണ്ടു അടിച്ചത് പോലെ ആയിരുന്നു റുബി പറഞ്ഞത്..
അവളുടെ നിർത്തം കണ്ടിട്ട് എനിക്ക് തന്നെ ചിരി വന്നു…
നീ ഒന്ന് പോയെ.. എനിക്ക് ആ സമയം എവിടെ നിന്ന് ആണെടി പൈസ കിട്ടാൻ.. പിന്നെ അമ്മളെ കട തന്നെ അല്ലെ അത്.. അതോണ്ട് ഞാൻ ഉപ്പ കാണാതെ അവിടുന്ന് എടുക്കുന്നു.. അത്ര തന്നെ..
അതൊക്കെ പോട്ടെ എന്നിട്ട് ഓള് വിളിച്ചോ നിന്നെ കല്യാണം..
ഹേയ് ഇല്ല.. നേരിട്ട് വിളിച്ചില്ല.. പക്ഷെ നമ്മളെ പത്താം ക്ലാസ് ഗ്രൂപ്പിൽ ഇട്ടിട്ടുണ്ടല്ലോ..
ആ.. എന്നാൽ നീയും പോര് നമ്മുടെ കൂടേ.. ഓളെ ഒന്ന് കൂടേ കാണുകയും ആവാമല്ലോ..
അയ്യോ.. ഞാനില്ല.. നിങ്ങള് കെട്ടിയോനും കെട്ടിയോളും പോയാൽ മതി..
അതെല്ലടാ.. ഓള് ഇപ്പൊ സൂപ്പർ ഫിഗർ ആയിട്ടുണ്ട്..
അയിന്…
അല്ല.. ഓളെ കണ്ടിട്ട് അനക് കുറച്ചു നിരാശ വന്നോട്ടോ എന്ന് കരുതിയ ഞാൻ…
ആഹാ.. എന്നിട്ട് ഞാൻ മാനസ മൈന പാടി നടക്കുന്നത് കാണാൻ ആവും..
എസ് എക്സാക്ടിലി… എങ്ങനെ മനസിലായി..
ഇയ്യ് നാവ് ചലിപ്പിച്ചപ്പോയോ എനിക്ക് മനസിലായി എന്നെ ഏതേലും ഏടാകുടത്തിൽ വീഴ്ത്താൻ ആകുമെന്ന്.. പണ്ടും ഞാൻ വീഴുന്നത് നിനക്ക് ഇഷ്ടമാണല്ലോ..
റുബീ.. ടി.. നിങ്ങൾക് പോണ്ടേ.. സൽമ ഇത്ത വീണ്ടും പുറത്തേക് വന്നു ഒച്ച ഇട്ടപ്പോഴാണ് രണ്ടിനും ബോധം വന്നത്.. പിന്നെ വാർത്തമാനത്തിനൊന്നും നിൽക്കാതെ വേഗം വീട്ടിലേക് കയറി..
❤❤
ടാ.. ഒഴിവ് പോലെ ഇങ്ങോട്ട് വരണേ.. ഞാൻ ഇവിടെ ഉണ്ടാവും ഒരാഴ്ച… റൂബിയും ഭർത്താവും കാറിൽ കയറി പോകുന്ന സമയം എന്നെ ഒന്ന് കൂടേ ഓർമ്മിപ്പിച്ചു കൊണ്ട് അവിടെ നിന്നും ഇറങ്ങി..
ഇത്ത. ഞാൻ പോവാണേ..
ടാ.. നീ എങ്ങോട്ടാ കടയിലേക്ക് ആണൊ..
അല്ല ഇത്ത.. എനിക്ക് ഒരു പരിവാടി ഉണ്ട്..
അള്ളോ.. അപ്പൊ ഉപ്പ എങ്ങനെ ചോറ് കഴിക്കാൻ വരും..
സത്യത്തിൽ ഞാൻ അത് ഓർത്തില്ല.. നാസറിക്ക ഉച്ചക് വീട്ടിൽ വന്നാണ് ഭക്ഷണം കഴിച്ച് പോകുന്നത്… ഞാൻ മുങ്ങാൻ പോകുന്ന സ്ഥിതിക്ക് മൂപര് ആയിരിക്കും കുടുങ്ങുക…
നാസി യുടെ ഉപ്പ ഇല്ലേ മോളെ കടയിൽ..
ഇല്ല ഉമ്മ… ഇക്കാനെ ഏൽപ്പിച്ചു ഉപ്പ പോയത് ആണെന്ന് തോന്നുന്നു.. എന്നെ ഇങ്ങോട്ടേക്കു കൊണ്ട് വിടാൻ ഒരു അവസരം കിട്ടിയപ്പോൾ മുങ്ങുക ആണെന്ന് തോന്നുന്നു..
ഓ.. അത് പിന്നെ ഓന് ആകെ ഉള്ള ഒരു ഞായറാഴ്ച അല്ലെ.. എന്തേലും പരിവാടി കാണും അല്ലെ മോനെ.. ഇത്ത എന്റെ സൈഡ് നിന്ന് കൊണ്ട് പറഞ്ഞു..
